Post: #1
Title: كريكاتيــر بالكلمـات
Author: أبوالريش
Date: 01-19-2005, 08:15 AM
تشـاشــة السيــايســة الســودانيـة.
أشكـال وألوان، يــا
عنـدنا ديمقـراطيـة زرقـا، وحريــة حمــرا يـا..
أيـوة علينـا جاى..
حقوق إنسـان.. أبو كديس.. أوع من التقليــد، يـا
أيوا
أنا هنـا وربك يهـونـا.
..
.
أيـوة يا خوى؟!!
دكتاتوريـة؟
أااى عنـدنـا بس خفض صـوتك شــويـة وتعال بى جاى..
أها هاك دى دكتاتورية مغلفـة بالدين.. ما فى زول حيعرفهـا لحـد ما تاخـد أخـر نفس!! برضـو عاين.. لو شفت نوع الهوس دا فى أى حتـة أديك ليـه بلاش.. بعدين جـوة عنـدك إرهـاب كل الماركـات.. اليومين ديل ســوقـو بطئ، وأحسن تشتـريـه من هسى قبل ما يجى الموســم(!!)
|
Post: #2
Title: Re: كريكاتيــر بالكلمـات
Author: saif massad ali
Date: 01-19-2005, 08:19 AM
Parent: #1
يمين انت اخوي تب .
|
Post: #3
Title: Re: كريكاتيــر بالكلمـات
Author: وليد محمد المبارك
Date: 01-19-2005, 08:21 AM
Parent: #1
هاهاهاهاهاهاهاهاها
والله ياهو حالنا كلنا بدون فرز
|
Post: #4
Title: Re: كريكاتيــر بالكلمـات
Author: Elnasri Amin
Date: 01-19-2005, 08:35 AM
Parent: #1
والله يا ابوالريش زى ماقلت......
حكى لى صديق يوم....
ان والدته طلبت من احد العمال القيام
ببعض اعمال الصيانه فى المنزل...سالته كم التكلفه!
قال 200 جنيه...
يقول صديقى" عندها ذهبت الى قضاء بعض حوائجى:
وعندعودتى بعد دقائق ..
اكتشفت انهم قد اتفقوا على مبلغ 6 جنيه.
المهم
حسى انت بضاعتك دى ورينا سعرها كم....وابدا من الاخر!!!
ممكن اخد كيلو بتاع حريه , لكن باالله اقطع لى من الكتف.
برضو نصف كيلو امانه بدون عضم.
لو عندك شويه مساواه ممكن تدينى شويه لكن قطعها لى
صغار صغار لانو عندى مشكلة فى الضرس .
اهم شئ كل حاجه ختها براها فى كيس عشان ما تتلخبت.
واكتب الحساب فى الدفتر.
تخريمه
اتصلت بيك مليون مره
|
Post: #5
Title: Re: كريكاتيــر بالكلمـات
Author: أبوالريش
Date: 01-19-2005, 09:17 AM
Parent: #4
معليش دى للنصـرى بس..
أنا حسبت عـدد إتصالاتك، لقيتـوم أقل من مليون كتيـر. خليك دقيق من فضلك.
قلت ليك يا النصـرى.. أضرب فى الموبايل.. لو ما لقيتنى أضرب فى العادى.. ولو ضربت فى البيت وما لقيتنى أكيـد أكون فى الموبايل. (إلا إذا مت).
(يعنى لو ما لقيتنى فى حتـة لازم تضـرب طوالى فى النمرة التانيـة)
بعـدين خلى نمرتك من فضلك عشـان عنـدى كرت.. قبل ما ينشـف 
|
|