عقد الجلاد ..سنوات من التألق الجميـل

(منذ إطلالتها كانت الطرب الجميل والفريد من نوعه يجتاح مساحات الزمان .. فقد أتت عقد الجلاد وهي تحمل دفقات متعددة من الإبداع المتجدد .. أتت وهي تحمل حجماً كبيراً من التجديد في مسيرة الفن السوداني والموسيقي السودانية ، فقد سبقتها السمندل بقليل .. لكنها قد كتبت لها الإستمرارية ، طافت كل أرجاء الدنيا وكل ربوع السودان بتلك الشيرتات الخضراء .. لكي تنشر الفرح الأخضر في مجتمعات أهل السودان أين ماكانوا ، فجاء عثمان النو قائد المركب في هوج الرياح ليصل بالفرقة إلي بر الأمان .. وتألقت منال بدرالدين بذلك الصوت الملائكي العجيب .. وأبدع شمت .. وشدا عوض الله .. وعزفت حواء المنصوري وتألق بقية الشباب في غناء كانت إختياراته أيضا تنم عن خيال مترع بالإبداع المتواصل .. ورغم توارث الأجيال في أعمال عقد الجلاد ومسيرتها ، إلأ أن الجمهور لايزال يتذكر ذلك الإرث الغنائي الجميل . ثم كان عصر طارق جويلي والفلاتي وأمال النور صاحبة الصوت الفريد .. لتخلفها مؤخراً أميمة يحي .. وشريف شرحبيل لم يتوقف إبداعه الممزوج بالتوهج بالفرقة . )
ولازلت اذكر تلك الليلة بنادي الضباط واول مرة نستمع لمسدار ابوالسره لليانكي ..ويابو السره كج العين تعرف الشينه من الزين تعرف الساري من الطاري ..وتلك المداخله الجميلة باللهجة الفلسطينة هيلا هيلا هيلا واستمعنا ايضاحاجة امنه من شريف شرحبيل..موسيقى راب (لو لم اخطيء ) وقصة ظريفة في داخل قصيدة مموسقة وكنا مجموعتنا في قمة المتعة عندما يصرخ شريف..ياحاجة ناس المويه جوو (وبالجد ناس الكهربا-قبل ظهور الجمره الخبيثة- والمويه كانو عاملين مشكلة )
عقد الجلاد ..عقد جميل في جيد بلادي ..لهم الحب ..بالمناسبة هل من جديد لهم ؟

عندهم جديد
أغنية خطيييييرة إسمها كملنا الليل
ألحان شريف شرحبيل
وكلماتي أنا ده
غنوها ليلة رأس السنة أول مرة
ما تفوتك

فاضلابي يافنان عيد سعيد وتحية طيبة
اولا يا ريت نشوف الاغنية مكتوبة هنا اولا
وثانيا لو في طريقة نسمع يكون كويس ...
بالمناسبة دائما ما يكون لدي الرغبة بالكتابة في بوستاتك لكن اعجز ..تعجبني كتاباتك وانت وبهنس وطلال عفيفي وعدد من الكتاب والكاتبات لك تحياتي

والله ما متذكر منها كتير
كتبتها وأديتها ليه حارة ما عندي منها نسخة تانية
الكلام ده ليه تلاتة سنين
إنت لو في السودان فتشها وأكتبها لي

حلوه حاره دي يا فاضلابي
انا خارج السودان
لكن اكيد بلم فيها

خوفى عليهم يا لؤى من الضياع فى وطن الضياع .

مصدق الفنان الجميل - عيد سعيد وكل عام وانت بخير ومزيد من الكاريكتور المعبر
وطنا واعد وجميل ..ومقبل الايام يوعد حياتنا بمزيد من الامل والجمال

ناس حلوين علي طول


فاضلابي
يعني عشان كلماتك وكده؟؟

الاستاذ الموصلي شكرا على المرور
تحياتي

العزيز لؤي..

عيد سعيد..

هل تعرف ان أول شئ فكرت فيه بعد توقيع اتفاقية السلام (أي كان تقبلي لها) هي حضور حفل لعقد الجلاد..

تذكرت ذلك الزمان..

فهل يعود..؟؟

شكرا لتكريم هذه المجموعة الرائعة..

العزيزة رجاء كل عام وانت بخير ..
شكرا على مرورك وشكرا على المشاركة - اكاد اجزم بعد ان خفتت قرقعة السلاح
في بلادنا ..ان الزمن القادم سيكون للشجن والكلام الجميل ..
هذا الشعب لا يستحق الا ...ذلك نتمنى ان نرى عقد الجلاد في ابهى حللها
ودمت

up

عقدالجلاد سنوات من التألق الجميل..

ان شاء الله دايما عقد الجلاد متألقة

يا رجاء
نحلم بعالم سعيد

والتحية ليك الفاضلابى
على النص
كلمونى عنها وهم فى بروفاتها