Post: #2
Title: Re: أطفالنا الحلوين والرقص الحديث "2"- الزول منو - فيديو
Author: tariq
Date: 01-16-2005, 03:33 AM
Parent: #1
شنو يا sympatico عقدتنا عديييل . . .!!!
|
Post: #3
Title: Re: أطفالنا الحلوين والرقص الحديث "2"- الزول منو - فيديو
Author: sympatico
Date: 01-17-2005, 11:56 PM
--
تسلك يا طارق
|
Post: #4
Title: Re: أطفالنا الحلوين والرقص الحديث "2"- الزول منو - فيديو
Author: Kabar
Date: 01-21-2005, 06:51 PM
Parent: #1
صــديقي سمبتيكـــو .. حبابك
كل فرح .. و انت بخير ..
بالجد حاجة تفرح.. و كل ما أشوف هذه الوصلات .. اقول لسه نحن ممكن نفرح ..
يعني منتهى الجمال..
الزول ما عندو زوق ..الزول ده منو.. سقاني ألمي الحوط
الزول ما عندو دين .. الزول ده منو.. سقاني ألمي الطين..
سمعتها زمن بعيد .. و انا برلوم جديد .. من صديقي الأستاذ محمد حسن هــلال.. و اظنها .. كاتم..ولا جراري.. و لا سنجك .. علمي علمك.. و لكني كنت اطرب لها .. لأنها ببساطة قالتها زولة بسيطة .. تعبر عن مكنون ذاتها.. فيها شغل اجتماعي كبير ..عن قضية حق الفتاة في الزواج.. و جمالها .. النغم .. و الريتم الراقص.. هكذا نحن يا صديقي نعبر عن احزاننا..
و ايضا .. لمحت في اداء الجميلات و الجميلين هنا.. تداخل ايقاع ورقصة الكرنك .. و هي رقصة من جبال النوبة.. و التزواج مفرح للغاية .. ذكرني بمعالجات استاذنا جرهام عبد القادر.. و كأني أشم فيها بعض من عبقه..
طبعا لا نسى جهد الأساتذة عمر احساس و حامد شارف و معالجتهما لمعظم تراث دارفور
و ايضا المزاوجة بين كلماتها و كلمات اغنية من تراث الحوازمة..و يقول مطلعا :
طيري يا قميرية و ركي في الزنكية..
و اتسنطي القضية..
و هي شهيرة عالجها الأستاذ محمود تاور في احد البوماته..
و بالطبع المزاوجة .. مفيدة .. و تؤكد انو معظم حاجات السودان زي بعض..
كتر خيرك يا زول يا جميل..
و ايضا استمتعت بالوصل الأخرى
و دمت
كبر
|
Post: #5
Title: Re: أطفالنا الحلوين والرقص الحديث "2"- الزول منو - فيديو
Author: Bashasha
Date: 01-21-2005, 07:01 PM
Parent: #1
كبر تحياتي،
دي خلطة مردوم بي جالو علي مااعتقد!
غريبة حتي الرقيص ممكن ياخد طابع التجريد في الفن التشكيلي، ممايمكن لكل زول يشوف البشوفو!
الاخ سمبتيك،
ده ماحديث ياصاحبي!
|
Post: #6
Title: Re: أطفالنا الحلوين والرقص الحديث "2"- الزول منو - فيديو
Author: Kabar
Date: 01-21-2005, 07:12 PM
Parent: #1
صـــديقي بشــاشا.. حبابك
كل سنة و انت طيب..
قلت لي
مردوم مخلوط بجالوه
طبعا يا بشــاشا .. زمان كان عندي رأي.. و لغاية الآن.. بانو المردوم و النقارة.. فيها ملامح أفريقية واضحة..
و قال كده و قاموا ليك فيني اهلك المسيرية غلاط و دواس..
كتر خيرك ..
عفوا.. أخونا سمبتيكو..و زواره و زائراته
و دمتم
كبر
|
|