يااااااااااااا حليلم

كنت راكبة حافلة من الخرطوم صوب امدرمان وبدا الكمسارى (يطقطق) وكل راكب يمد حق المشوار. وفجاة علا صوت الكمسارى دى حافلة التقانة ما فيها طالب

وصدر صوت ثانى ( يا زول مافى طالب شنو هو قانون واللا ساى) واشتد الناقش وكاد ان يصل الى عراك بالايدى لولا تدخل الاجاويد.

وفى الطريق استوقف الطالب الحافلة وهم بالنزول قائلاً للكمسار( كان راجل انزل معاى) وعندما التفت الى مصدر الصوت وجدت شكلا اشبه بشكل البنت نعم الولد ملون شعرة ومنعم ( والله انعم منى انا البت) وسالت نفسى ياربى دة لو جات مظاهرة بيطلع فيها ويطلع بنات المدرسة ؟ زى طلبة زمااااااااان البتحسر عليهم ليوم الليلة؟
اتحسرت على ايام زمان وشباب زمان وتزكرت ود الحلة فقد عاصرت زمن ود الحلة الفى مقام الاخ الممكن تتكل عليه.
اااااااااه يا حليل المجتمع السودانى