بورداب الامارات واللقاء في القريه العالمية

ارجو من اخوانا بورداب الامارات اللقاء في القرية العالمية في ثاني ايام العيد المبارك

ولكي نوثق المعرض والجناح السوداني بالصور

وطبعا هو لي اسي مافتح

وسالنا قالو لسه نايمين

بس كل زول يجيب معاه الشيه بتاعتو


والعزابه معزومين ساكت

بالله كلكم مجمعين يعني

زول واحد فيكم يدخل مافي ويقول بقم

عموما انا منتظركم اليوم سريع

فى القرية العالمية؟؟
شيَة؟؟
جوة الجناح السوداني؟؟؟
فكرة

الحبيبه لنا

تعرفي انو لي امس قالو انو القريه السودانيه ما فتحت ابوابها للجمهور

يعني زي العاده نايمين لسه

عشان كده نسوي شيه هناك احسن لينا

المهم اخبارك شنو الجديد

عباس ولنا سلام
انتوا متفائلين والله
ولسة عندكم امل في القرية السودانية

زول يدعي معاي يا جماعة:

الله خفف من فضيحتنا هذا العام
والطف بالقائمين على جناح السودان في القرية العالمية
واعنهم على تقديم الحد الادنى الذي يحفظ للسودانيين كرامتهم في هذا البلد
وابعدهم عن كل ما رخص وكسد من معروضات
والهمهم تقديم جزء بسيط حقيقيى ومشرف عن ثقافة هذا البلد
ولوما قدروا يا ربي خليهم يقفلوا الجناح ده احسن وانا اقترح يقولوا لردائة الطقس نعتذر لكم عن التنظيم هذا العام واحنا حنفهعما ونعذرهم.

تحياتي
زولة123

اخي الحبيب عباس
حالى كحال العين شهر 4

صديقى ابو العبس - التحية والاحترام

اخوى نحن ما جايين ولا حاجه - نحن منتظرنك هماك

Quote: زول يدعي معاي يا جماعة:

اميييييييييييين يا دكتورة وتحياتنا

العزيز abas

والله حاجة محزنة..
أنا مشيت يوم الجمعة ولقيت القرية السودانية مظلمة وقافلة..

رغم إنو شكلو البنيان جاهز ومن برة شكلها ما بطال.. التصميم أحسن من الراكوبة بتاعت السنة الفاتت.. وانشالله المحتوى جوة يكون كويس وما يملوها لينا محلات كاسيت.. واحد كفاية..

أتمنى يكون في تركيز على الصناعات المحلية وتسويقها والتعريف بالثقافة بصورة جميلة..

بالمناسبة مافي زول عندو فكرة عن (يوم السودان) في القرية العالمية يوم كم؟ والفنانين أو الفرق الحتحضر منو؟

تحياتي..
أيمن

لسة مافي خبر؟

Quote: الله خفف من فضيحتنا هذا العام والطف بالقائمين على جناح السودان في القرية العالمية واعنهم على تقديم الحد الادنى الذي يحفظ للسودانيين كرامتهم في هذا البلد وابعدهم عن كل ما رخص وكسد من معروضات والهمهم تقديم جزء بسيط حقيقيى ومشرف عن ثقافة هذا البلد ولوما قدروا يا ربي خليهم يقفلوا الجناح ده احسن وانا اقترح يقولوا لردائة الطقس نعتذر لكم عن التنظيم هذا العام واحنا حنفهعما ونعذرهم.

يا حليل ربوع شندي

تستاهلوا زي ما انا استاهل !!

يوم الجمعة شاء حظي العاثر ان اعود من رحلة لدبي والشارقة الى مدينتي الحبيبة الهادئة الجميلة أبوظبي.
خرجت من الشارقة الساعة 8 مساء متجه لابوظبي في رحلة تستغرق عادة ساعتين من الزمن ان لم يكن اقل.
اخترنا الذهاب عبر شارع الامارت عشان نختصر زمن الاشارات والزحمة المعتادة بين الشارقة ودبي, استغرقنا حوالي 4 ساعات نزحف في اختناق مروري لم اره من قبل في حياتي لا في الامارات ولا في اي مدينة اخرى في العالم
آالاف السيارات تزحف في مسافة حولي 10 كيلومتر قبل وبعد مدخل القرية الدولية!!!!!!!!
تعبت وقربت يغمى علي داخل السيارة, ومافي طريقة تمشي تركن لا يمين ولا شمال مع خمسة صفوف من السيارات المتوازية
لم تنفرج الازمة ال عند الساعة عن منتصف الليل 12 ونحن ما زلنا مربطين في السيارة نزحف, وكانت النقطة التي تلت مدخل القرية الهبابية هذه.
واظرف حاجة تقرى يافطة خفف السرعة, ويافطة السرعة المسموحة 120 كيلومتر واخوي يضحك, واحنا واقفين.
وعندها فقط انطلقنا نحو أبوظبي التي وصلناها في الثانية والنصف صباح اليوم التالي.
يعني يا جماعة ست ساعات ونصف بدل ساعتين عشان نصل بيتنا.
دعيت عليهم بشقفة راسي زي ما بتقول امي مع اني ما افهمة يعني شنو
انشاء الله ما يكسبوا ولا يربحوا, ومهرجانهم يفشل وقريتهم تتحرق ولا تقفل
وتاني ما يقولوا في قرية ولافي مهرجان تسوق
مهرجان التسوق طاير والقرية العالمية طايرة, والبيجيها فاضي وما عنده موضوع والبيمشيها من ناس البورد ده تاني انا كلمتكم من حسي باخاصمه.
قال قال قرية دولية, وكمان شنو تمشوها عشان تشوفوا جناح السودان فيها؟
تستااااااااااااااااااااااااههههلوووووووووووووااااا !!!!

كَريَّـة عالمية