Post: #1
Title: طلاب المؤتمر الوطني وتزوير ارادة الطلاب بانتخابات جامعة النيلين
Author: ibrahim bagal
Date: 01-12-2005, 10:32 AM
كعادة حركة الطلاب الاسلامين الوطنين المعروفين باسم المؤتمر الوطني
في تزوير ارادة الطلاب والسطوا علي كراسي الاتحادات النقابية عبر
التزوير فاز طلاب المؤتمر الوطني بالتزوير في انتخابات اتحاد طلاب جامعة النيلين
وكان التزوير فاضحا وواضح لكل المتابعين حيث اتي المؤتمر الوطني بطلاب خارج الجامعة
ليصوتوا لصالحه وتم ضبط اكثر من اربعين فتاة جاءوا بزي انصار السنة اي منقبات وصوتت كل واحد منهن اكثر من خمسة مرات لصالح المؤتمر الوطني صدق اولا تصدق لاول مرة في تاريخ الجامعات السودانية الشرطة تدخل داخل الحرم الجامعي وتعتقل طلاب التنظيمات الاخري . لاول مرة في التاريخ نافع علي نافع يؤذن داخل حرم دار الاتحاد ابتهاجا بفوز التزوير صدق اولا تصدق طلاب المؤتمر الوطني في الحملة الانتخابية كانوا يغنون اغنية الفانة الهابطة نانسي عجرم
حبيبي ارب سوط بالف ونص
اوعك تدقس فيها قالب ونص
ياطالب اسمعني حتفوذني وتاخد حقك كمان
مفيش تنظيم تاني تجي غيرنا حبيبي كدة وارجع ذي زمان
سئل سقراط عن الانتخابات
فقال سقراط ثلاث يحبون الانتخابات ولكنهم يزورون ارادة الطلاب
قيل ومن هم يا سقراط ؟
قال :-
1/ مؤتمر وطني مزور
2/ كوز مرطب
وقيل ثم ماذا ؟
قال :-
1/ جهاز امن مراقب للانتخابات
امثال انتخابية :-
1/صوت ديمقراطي وصوت بقروش بيحددوا الفائز (مثل مؤتمر وطني )
2/المابجي بعصي موسي بجي بعصي فرعون ( مثل جنجويدي )
3/التسوي بأيدك يقلب اجاويدك ( مؤتمر وطني محتار )
4/لو ما جيبتوها بالتزوير حنجيب خبركم ( مثل صلاح غوش لطلابه )
5/ لو شعرتوا بفوز اي تنظيم اخر انسفوا الانتخابات ( امين المؤتمر الوطني لطلابه )
|
Post: #2
Title: Re: طلاب المؤتمر الوطني وتزوير ارادة الطلاب بانتخابات جامعة النيلين
Author: معتز تروتسكى
Date: 01-12-2005, 10:48 AM
Parent: #1
خالص التحايا00
ibrahim bagal
البرنامج ده عادى فى النليلن بالتحديد والخبر جانى لكن ياعزيزى نقلك للخبر شويه اطفيت عليهو ادواتك ...
يوجد خلل فى شغال التظيمات فى الجامعه ربما اتى راجعا لبعض التوضيحات00
بعدين كنت داير اجيك فى بوست ابراهيم حامد بس شويه كده مشغول 000
وسلامات وعوافى 00
|
Post: #3
Title: Re: طلاب المؤتمر الوطني وتزوير ارادة الطلاب بانتخابات جامعة النيلين
Author: ibrahim bagal
Date: 01-13-2005, 08:36 AM
Parent: #2
الاخ / معتز
شكراً علي الطلة
نعم والله البرنامج دة عادي في النيلين لانوا
اكبر جامعة في الخرطوم والتزوير بيكون فيه ساااااااااااااااااااحل
عشان كدة ناس المؤتمر الوطني فازوا لو كان الجو ديمقراطي والله مايفوزوا
بصوت واحد فقط ... هم حكومة الخرطوم جابوا بالانقلاب
|
|