سوا سوا فور وشايقية .. وطن واحد وطن واعد

وطن واحد وطن واعد
شعر: السر عثمان الطيب

وطن واعد .. بغـنِّـــيـــلو
موحَّـــد
والمصير واحد .. بغـنِّـيـلو
**
وطن .. من نمولي للفاشر
وطن .. من كسلا لي حلفا
وطن .. بالوحــدة يتعــافى
ربوعو تعمها الإلفــــــــة
**
شمالو البي الجنوب قــوَّة
جنوبو مع الشمال خُـــوَّة
غربو أل للشرق يهــــوى
وشــرقو مع الغرب يقوى
سلام .. والناس تناديـــلو
**
وطن .. ما فيهو قبليـــــة
ولا نزعة انفصاليــــــــة
وطن زنجيتو عربيــــــة
وعروبتو السمرا زنجية
سوا سوا .. كُلُّو حريـــة
سوا سوا يا بجـــة ونوبة
سوا سوا .. فور وشايقية
مسيرية ومحس .. دينكـا
سوا سوا زاندي لاتوكا
وطن حق كلِّ زول هولو
**
سوا سوا صحرا والغابة
سوا سوا وحدة نرضابا
سوا سوا نخلة وابنوسة
روا روا فوق ضفاف نيلو
**

وطن واحد ولا غيرو
جميع نتهنى بي خيرو
نغني مع عصافيـــرو
وننقرش في طنابيرو
نصفق له ..
ونراقصو نشيل شبابيلو


Promising Land .. United Home
***********

Promising Land ,
United Home ,
This is Sudan ,
The home I love , to which I sing .
**
From Kasala to Al-Fashir
From Numuli towards Halfa
East and West
South and North
We all call and work for peace
Through intimacy and unity
Together , we build the future
Powerful , healthy and shining becomes Sudan .
**
No tribalism
No separation
No split
No racism
Damn the wars .. damn the fighting
We are all and forever one soul,
One spirit .
**
Oh ! date palms of the desert , ebony of the jungles
You are of the same soil
You are of the same waters
The waters of the immortal River Nile .
**
Oh ! people !
Friendly , live
Remain together : Fur and Shayqi
Remain together : Bejjah , Nuba
Remain together : Misaireyah
Shuluk … Dinka
Mahas … Zandi .. Latuka
This is your home
The only place to live together
The rich place
Full of treasures
Full of pleasures
Democracy , peace
Freedom , love
Where we chant , chant , chant and dance .

والله يا ريت
وربنا يهدى الناس

مامان كدا صاح؟؟!!
القصيده جميله وحلوه
اهى دى ثقافة السلام
شكرا ليك وعبرك للشاعر

Quote: وطن واحد ولا غيرو جميع نتهنى بي خيرو نغني مع عصافيـــرو وننقرش في طنابيرو نصفق له .. ونراقصو نشيل شبابيلو

عم النادى /مامان
التحيه لك وللاستاذ السر عثمان

فارس متين اتحكرت كده
اخبار وليد ومعاذ شنو
تحياتى

اوسلى الحبيب ..سلام كتير
اتوهطت ساكت يا اخوى..؟
بقيت سيد بيت..كمان
الشباب طيبيين ورايقين ..وسابلغهم سلاماتك وسوعالاتك

كهدك دائما تطلع الحاجات من بيت الكلاوي .. ربنا يخليك لينا ويخلي لينا شاعرنا السر عثمان الطيب . بس يا ريت لو تصحح البيت الأول لأنه أظنه غير كدا :

Quote: وطن .. من نمولي للفاشر وطن .. من كسلا لي حلفا

وطن ... من نمولي لي حلفا
وطن ... من كسلا للفاشر

ولك التحية يا راقي .

Oh ! people !
Friendly , live
Remain together : Fur and Shayqi
Remain together : Bejjah , Nuba
Remain together : Misaireyah
Shuluk … Dinka
Mahas … Zandi .. Latuka
This is your home
The only place to live together
The rich place
Full of treasures
Full of pleasures
Democracy , peace
Freedom , love
Where we chant , chant , chant and dance


This is so beautiful and revives our noble and simple dream!
appreciation to el Sir Osman and thank you for bringing it to us.

Muna Khugali

Quote: وطن .. ما فيهو قبليـــــة ولا نزعة انفصاليــــــــة وطن زنجيتو عربيــــــة وعروبتو السمرا زنجية

عبرك نحييّ ..استاذنا السر عثمان الطيب ..وهذا هو " السودان " الذى نتمنى ..ولك اخونا مامان كل الود
الفاتح عبد الله طه/ القرير

تمت طنقحت الموضوع لأعلى الصفحة

التوقيع

طنقاح بن ضاقل الرافعي

من شـرايين التمنـي
ومن عيون طفلن بغني
جيــت تفتـش ويـن بـلـدنا

من صـرخة الأم البتبكي
ومن معاناة زول بيشكي
وآهـــة اللغبــش ولــدنا

جيـــــتنا تقـــدل يا ســـــــلام .

*************************************

من عيـون سـهر اللـالي
من جبال ..من قمة عالي
وبســـمة التربال صـمدنا

كـان طـــلوعـــك يا ســـــــلام ..


جيت تفتش وين بـلدنا
ويـــــــن بـلـــــدنا
شاقي درب الصخر تسأل
شــايل الشـوق للأهل
ولى وطـن كان عز سـندنا

والمـنـى الراجــنو قــــــدام ..


ياما بيك بلحيل فرحنا
لو معاكا يطيب جرحـنا
وفيـكانحضـن نور سـعدنا

ويـرقـص الكـل في انـســــجام.
******************************

القومة ليك ياوطني .. التجلة ليك ياسامق نخيلنا يا مامان ..
وأنحناءاتي لـ ( سلكنا السادس ) السر عثمان الطيب .

خضرعطا المنان