Post: #1
Title: يا ناس هوي عاوزين مدحة قالو الحجيج طلع قاصد نور البقع
Author: abas
Date: 01-10-2005, 01:32 AM
لو امكن يا اخوانا وفي واحد عندو مدحة الشيخ ابو كساوي
قالو الحجيج طلع
قاصد نور البقع
قلبي الزاد وجع
حماني النوم منع
يا تمبس
يا الصادق
يا عمك تنقو
يا سمبتيكو
ويا بكري زاتو الحقونا بيها سريييييييييييييع
|
Post: #2
Title: Re: يا ناس هوي عاوزين مدحة قالو الحجيج طلع قاصد نور البقع
Author: abas
Date: 01-10-2005, 02:38 AM
Parent: #1
شنو يا جماعه هوي
ولا واحد عندو المدحه دي
|
Post: #3
Title: Re: يا ناس هوي عاوزين مدحة قالو الحجيج طلع قاصد نور البقع
Author: tmbis
Date: 01-10-2005, 03:27 AM
Parent: #2
عباس ..
والله انا زاتي كايس ليها
..
كان اديتني يوم الليلة ده ان شاء الله بلقاها ليك ..
|
Post: #4
Title: Re: يا ناس هوي عاوزين مدحة قالو الحجيج طلع قاصد نور البقع
Author: المكاشفي الخضر الطاهر
Date: 01-10-2005, 03:30 AM
Parent: #3
الاخ تمبس اديناك يوم الليلة لكن على شرط تجيب معاها ياراحلين الى منن يقيادي
للسمانى احمد عالم
|
Post: #5
Title: Re: يا ناس هوي عاوزين مدحة قالو الحجيج طلع قاصد نور البقع
Author: ود المدفع
Date: 01-10-2005, 03:39 AM
Parent: #4
يا عباس واحدة من الصابونى تنفع
|
Post: #6
Title: Re: يا ناس هوي عاوزين مدحة قالو الحجيج طلع قاصد نور البقع
Author: المكاشفي الخضر الطاهر
Date: 01-10-2005, 03:43 AM
Parent: #5
الاخ ود المدفع :
لو ما نفعت مع عباس بتنفع معاي انا دا
وإن شاء الله تكون بصوت الخير الشليبي
نحن منتظرين
|
Post: #7
Title: Re: يا ناس هوي عاوزين مدحة قالو الحجيج طلع قاصد نور البقع
Author: almulaomar
Date: 01-10-2005, 05:10 AM
Parent: #1
يا عبس عاوزه بي موسيقي ولا طارات ساكت وبعدين إنت متأكد إنو الحجيج طلع طالب نور البقع وما قالوا الحجيج قع طالب نور البقع ، وقلبي الزاد وجع حماني القيد منع لأنو النايم أكيد حاجات كتيره حا تفوتو وفي مقدمتها رحلة الحج حتى لو كان القلم مرفوع عنه إلى أن يصحو. شكلي كده حا ألخبط ليك المدحه بتاعت دي لذلك أعلن إنسحابي ويالا يا تمبس ويا راكوبه أغيثونا
|
Post: #8
Title: Re: يا ناس هوي عاوزين مدحة قالو الحجيج طلع قاصد نور البقع
Author: عاطف عمر
Date: 01-10-2005, 06:39 AM
Parent: #1
تحياتي أخي عباس
كل عام و أنتم بخير ، و ربنا يوعدنا بالحج .
أسهم معك بتقديم مدحة قالوا الحجيج قطع و هي للشيخ أحمد ود أبو كساوي .
أرجو أن يعذزني القراء الكرام لعدم دقة الحفظ ، و أرجو أن يصححني من يملك النص .
قالوا الحجيج قطع
طالب نور البقع
قلبي زاد وجع
حماني القيد منع
على عبدو قام شرع
متقاصر ما بتع
جاب العسل نقع
كباهو في القرع
ديوانه اجتمع
و أسقى لأهل السمع
مجذوبهم تف وقع
كالمغشي الإنصرع
في الدنيا انتفع
و الآخرة نال شفع
------------------
ثاني القصيد رجع
فوق بهجة المقع
قمر القسوم طلع
الضوا ما انقطع
في العرش لاح سطع
الذاكر ما إضجع
حبو القلوب خلع
يوم النهار صقع
لولاهو نروح جرع
-----------------
دا العالي في القدر
ذو العز و الفخر
لو طويل و لو قصر
لو غليد و لو نسر
في حقه الصبر
حين ينزل الأمر
شفيعنا في الحشر
ليلة عرقنا يخر
التبعك للختر
و الخالف من حالوا كر
--------------
دقوا النحاس ردف
جاء صاحب الوظف
ركب الصديق وقف
إتيامن و حلف
معلوم بحزم الصف
وما بعاين الطرف
و ما بخلي الدم يجف
رقدهم كالعلف
و العوق من عندو رف
قبض الملوك عنف
كدي جر للخلف
----------------
دقوا النحاس ضرب
جاء صاحب العجب
فاروق الإحتسب
القام الدين نصب
سل سيفوا المو كعب
ياخي سادي العين جب
سيبة اب هشب
من عندوا قام هرب
رسلهم في السلب
للهاشمي العجب
-----------
يا فمي قول السي
للنسبو من أمي
فارساً بريد الدي
ضربو النجيض مو ني
سيفو ما بفضل شي
الدبر الفيها وعي
شقاها و خلف الكي
نصروا القديم الحي
زوج أم كلثوم و رقيي
-----------------
دقو النحاس و رز
ركب المضرغم و هز
دخل المداين جز
خلى الرمام كالبز
في الأرض ما هن نز
كل المشكل فز
ود عمو الليث برز
نصر أب علامة و عز
--------------
يا حي و يا مجيب
ندعوك ألفين جمل
للمشهاد و اللين
ميتين للموية
و الزاد تجفا البريد
ميتين لأحبابنا
الجميع و البعيد
ميتين للفقراء
البقروا في المسيد
جملي البدورو ما أظنه يتوجد
ابيض لونه و على الدبلان يزيد
أفطس قدومو قلماً مبري بالإيد
سمحات عيونو ختماً دق ود تبيد
شارفات رجلينو مكلوفاً ياالرشيد
زمامو الفضة أربع تاواق و يزيد
خناقو الشولة غشيم ذهب العبيد
رسنو حريراً بارد لمسك الإيد
إن قلت رقبتو كالروق الفي الحويض
مكوكب زورو و الفدعة العند الإيد
ضامر حشاهو ماهو المتين عريض
إن قلت ذنبو فوق الشبرين ما بزيد
مرخي عرقوبو شوتال مدقوق جديد
سمحات سيقانو كاليد الهي حديد
مدور خفو في الوطية مو عريض
شارف سنامو قبة سيدي العبيد
طبعو المؤدب لو عاصي لو عنيد
كدي جيبو ملوحو يالعوض يا العبيد
سو فوقو سرجاً مكسي و مخشي جديد
إن قلت مجدوراً كالفصلة الفي القصيد
إن جاكا ماشي كيف عفرة الصعيد
يا أخوي أرتالوا من كونك ماك جديد
خنق للطارة طالب الرسول السيد
ريس السفينة قال أهلاً مداح السيد
بلاش أدخلو إن شاء الله توافو العيد
و دخلنا فيها و كدي قلنا يا مجيد
و في سروة واحدة و صلنا بقدرة السيد
في جدة خروجنا ما فينا من مريض
و حلقنا شعورنا و رجمنا خصم السيد
يا من كان منكم ألفين حورية تزيد
عيب الراوي الما رتب القصيد
يوم لمة الوعيد يضمنا النبي السيد
-----------------------
أحمد عليك قصد
في مدحه و اجتهد
كان دايح بالبلد
لا اطامن لا قعد
لا صام و لا عبد
القبر الفوقو السد
بيك يسلم من نشد
----------------
صليت على العدل
في شرعو ما بخل
ما صب سحاب نزل
كماهو و انعزل
النبت الفي السهل
عن علم لم يزل
تدخلو في أم قلل
و تواجهو بالعلل
|
Post: #9
Title: Re: يا ناس هوي عاوزين مدحة قالو الحجيج طلع قاصد نور البقع
Author: المكاشفي الخضر الطاهر
Date: 01-10-2005, 07:47 AM
Parent: #1
الاخ عاطف عمر بارك الله فيكم وجزاكم الله خيرا لقد نضرت اعيننا بهذه القصيدة الرايعة
وياريت اخونا تمبس يجيب الشريط عاجلا
ونحن فى الانتظار
|
Post: #10
Title: Re: يا ناس هوي عاوزين مدحة قالو الحجيج طلع قاصد نور البقع
Author: عاطف عمر
Date: 01-10-2005, 08:40 AM
Parent: #9
لك الشكر أخي المكاشفي
أرجو أن يسمح لي الأخ عباس أن أهدي هذه المدحة لوالدتي العزيزة صفية علي عثمان التلب التي أكملت إجراءاتها للسفر لبيت الله الحرام صباح الخميس 13/01/2005 .
أرجو أن يتمكن الأخ تمبس أو أى من الأخوان من إنزال المدحة بالصوت .( حبذا بصوت الشيوخ محمد الطيب هاشم و الأمين القرشي و علي الشاعر ) .
تحياتي للمتداخلين .
|
Post: #11
Title: Re: يا ناس هوي عاوزين مدحة قالو الحجيج طلع قاصد نور البقع
Author: لؤى
Date: 01-10-2005, 08:52 AM
Parent: #1
الأخ عبّاس
سلام وإكرام
اسمح لى بتلبية طلب الأخ المكاشفى بوضع مدحة (ياراحلين) لحين رفع المدحة المطلوبة .
|
Post: #12
Title: Re: يا ناس هوي عاوزين مدحة قالو الحجيج طلع قاصد نور البقع
Author: tmbis
Date: 01-10-2005, 03:14 PM
Parent: #11
المكاشفي ..عباس .. عاطف عمر
والله اخدت مشوار للاشرطة دي وجيت داخل البيت حسع دي ..
شريطين للمكاشفي ..وقالو لي فيهم المدحة .. فتشتهم بالاتجاهين مافيهم المدحة
بكره ممكن اعيد المحاولة تاني ؟؟
لقيت السماني احمد عالم يا راحلين .. ونزله ابواللول مشكور ..
|
Post: #18
Title: Re: يا ناس هوي عاوزين مدحة قالو الحجيج طلع قاصد نور البقع
Author: المكاشفي الخضر الطاهر
Date: 01-11-2005, 00:46 AM
Parent: #11
مشكور يا ابو اللول وإن شاء الله ربنا يقدرنا لرد جمايلك علينا
|
Post: #13
Title: Re: يا ناس هوي عاوزين مدحة قالو الحجيج طلع قاصد نور البقع
Author: zoul"ibn"zoul
Date: 01-10-2005, 06:35 PM
Parent: #1
I have this madha I will post it tomorrow. It is in another computer
Thank you
|
Post: #14
Title: Re: يا ناس هوي عاوزين مدحة قالو الحجيج طلع قاصد نور البقع
Author: abas
Date: 01-10-2005, 09:19 PM
Parent: #1
الجميل تمبس
منتظرينك يا رائع وعارفينك ما بتقصر تب ربنا يخليك
المكاشفي الخضر
ياريت لو بيدي انزل ليك كا مديح المكاشفيه هنا
ود المدفع
يا جاري كلو بينفع نزل بس انت
الملا عمر
سلامات ربنا يوعدنا بالحج كلنا قول امين
عاطف عمر
شكرا كتير يا عمنا وانشاء الله حجا مبرورا وسعيا مشكورا وعودا حميدا تمشي وترجع بالسلامه انشاء الله ولينا لقاء في العيد انشاء الله
لؤي
يا زوق ربنا يقدرك علي تلبية طلباتنا الكتيرة دي
زول بن زول
منتظرينك يا مان اها الدنيا صبحت يلا نزله لينا
وشكرا ليكم كلكم كتير
|
Post: #15
Title: Re: يا ناس هوي عاوزين مدحة قالو الحجيج طلع قاصد نور البقع
Author: sympatico
Date: 01-10-2005, 10:01 PM
Parent: #14
الأخ عباس
تحياتي
لقد قمت بوضع هذه المدحة من قبل هنا ولكني سأعيد تحميلها مساء اليوم ان شاء الله لأنني لست بالمنزل حاليا . وستكون بالفيديو
مع كل الود
|
Post: #16
Title: Re: يا ناس هوي عاوزين مدحة قالو الحجيج طلع قاصد نور البقع
Author: عمر الفاروق شيخ الدين
Date: 01-10-2005, 10:29 PM
Parent: #1
يا تمبس وعباس :
المدحة موجودة في شريط للاستاذ عبد الكريم الكابلي شريط كلو مدائح نبوية معليش خليتو في السودان لكن لو ما كده كان فتشتك جبتو ليك ..
اها ربنا يعين
|
Post: #17
Title: Re: يا ناس هوي عاوزين مدحة قالو الحجيج طلع قاصد نور البقع
Author: abas
Date: 01-11-2005, 00:08 AM
Parent: #1
الاخ سمبتيكو
منتظرين الفديو ده سريع عليك الله
عمر الفاروق
شكرا علي الطله وبفتش الشريط ده هنا في الامارات
|
|