Post: #1
Title: الخرطوم ترقص ودارفور تذبح
Author: Halema2
Date: 01-04-2005, 08:20 AM
Parent: #0
وانا مندمجه فى كتابة خطة المشروع( ودا تبع القرايه ام دق) قررت اعمل break.واشوف تلفزيون وكالعاده اخترت تلفزيون السودان ,, وكانت مفاجاه ....رقص بلاحدود...ازياء...فنانيين بالكوم ...فرح مصطنع!!!
قال ايه ...افتتاح فعاليات الخرطوم عاصمة الثقافه !!
تعجبت جدا لهذا الكم من البذخ والبهرجه والفلوس المدفقه... اذا نحن عندنا امكانيات قدر دا !!لدرجة انو بننشئ مسارح فى ايام ونصمم الالاف الازياء !!
لماذا نطلب الدعم من العالم او بالاصح يطعم العالم اهلنا الفضلو فى دارفور التى تتلاشى من غير ان نحس او يحسوا هم !!
انا ما سياسيه ولا انتمى لاى حزب ولا اى شئ ,وكمان مراساكت لكن والله انا انسانه وسودانيه بتقطع قلبى كل يوم للبحصل فى وطنى الحبيب
ماذا يحدث اخوتى ...دلونى
ونسمى البحصل دا شنو : استهتار ولا غبا ولا سياسه وخطه لصرف انظار العالم عمايحدث ولا شنو ...
ليه يشحد الخواج باسم الاطفال فى دارفور ويرقص الناس فى الخرطوم طربا
ليه يموت الالاف الشباب فى دارفور ويغنى الالاف الشباب فى الخرطوم
حقيقى حزينه
وانا لست ضد الفن والابداع بل بالعكس افرح جدا لمن اشوف ابداع سودانى لكن ما قدر دا ودا ما التوقيت الصاح يا وزيرالثقافه....
|
Post: #2
Title: Re: الخرطوم ترقص ودارفور تذبح
Author: ابو مهند
Date: 01-05-2005, 05:27 AM
Parent: #1
عشان حليمة2 حبيبتي
|
Post: #3
Title: Re: الخرطوم ترقص ودارفور تذبح
Author: خضر عطا المنان
Date: 01-05-2005, 05:39 AM
Parent: #2
Quote: الخرطوم ترقص .. ودارفور تذبح !!!!.
|
يالروعة المشهد يا حليمة2 !!!!!!!.
وهل هناك أبلغ من هكذا مشهد ؟؟؟؟؟؟؟؟؟؟؟.
كل سنة وأنت بالف خير وخير .
خضرعطاالمنان
|
Post: #4
Title: Re: الخرطوم ترقص ودارفور تذبح
Author: عوض الله الفولانى
Date: 01-05-2005, 05:48 AM
Parent: #2
ألأخت /حليــمة2
Quote: ونسمى البحصل دا شنو : استهتار ولا غبا ولا سياسه وخطه لصرف انظار العالم عمايحدث ولا شنو ...
|
ســـلامات ولك التحية
هذه هى المفارقات التى ظللنا نعيشها منذاستلام
العسكر حكم البلاد دائما تحاول الهاء الناس
بالكرنفالات حتى لا ينشغل المواطن بمايحاك ضده
باسم السلام ,,, تقوم بعمل عرس جماعى حتى لا نفكر
بغلاء المعيشة ,,, تتهم دول الجوار اعلاميا حتى
نصدق بأن اهلنا فى دارفور غير مهمشين ومبسوطين
وما عندهم قضية كمان والكثير الكثير يمكن ان يقال
ان الحكومة دائما تعمل المواطن بأنه عبيط وما فاهم
لست ضد التقدم و ألآذدهار و النماء و لكن يجب وضع
النقاط على الحروف قبل كل شيىء .
الفولانى
|
Post: #5
Title: Re: الخرطوم ترقص ودارفور تذبح
Author: Halema2
Date: 01-05-2005, 07:41 AM
Parent: #1
الاخ خضر عطا المنان
وانت طيب
شكرا للطله
ابونا
مجاملتك مابطاله
تسلم
الاخ الفولانى
كلامك فى محله لكن الشعب واعى ووعى اكتر من زمان وبقى يفهمها طايره
لكن بمسكوه من ايدو البتوجعو
تحياتى
حليمه2
|
Post: #6
Title: Re: الخرطوم ترقص ودارفور تذبح
Author: Mohamed Suleiman
Date: 01-05-2005, 07:55 AM
Parent: #5
الأخت حليمة2
التحية
أنه التهميش المقصود لحد الموت
هو القتل عمدا مع سبق الأصرار و الترصد
|
Post: #7
Title: Re: الخرطوم ترقص ودارفور تذبح
Author: labda
Date: 01-14-2005, 10:58 AM
Parent: #1
Dear Sister
This is a good view of the wrong policy in Sudan
Do u know my sister after one day of signing the Peaceagreement, They shoot in Darfur
They don,t feel shame what say the world who watched the cermoney of Peac....
Also many women are being attack and sexually abouse in those days
God bless our families in Darfur
|
Post: #8
Title: Re: الخرطوم ترقص ودارفور تذبح
Author: Zoal Wahid
Date: 01-14-2005, 11:21 PM
Parent: #1
لك التحية يا حليمة تو على اللفتة الرائعة
حكام هذه عقليتهم
اذا رودا قالت هي والمغتصبة مريم ستتبولان عليهم في مواقيت الصلاة، قامت الدنيا ولم تقعد حتى الان
ناس زي ديل يستاهلوا يبولوا عليهم وهم بيصلوا
شن الصلاة، وصاحبها بيقتل في عباد الله وبيغني وبيرقص , طبعا مافي حاجة حاصلة وكلو تمام
ايهما اقيم عند الله روح البني آدم ولا صلاة القاتل؟
|
Post: #9
Title: Re: الخرطوم ترقص ودارفور تذبح
Author: شدو
Date: 01-14-2005, 11:49 PM
Parent: #8
اختى حليمة 2خلينا نشيل شيلتنا برانا ونحمل همنا على حالنا
هذا دليل واضح على ان هذا الجسم غير تلك الجسم الذى قال عنها الرسول صلى الله عليه وسلم
( مثل المؤمنين فى توادهم وتراجمهم كالجسد الواحد اذا اشتكى منه عضو تداعى له سائر الجسد بالسهر والحمى )
فى الوقت الذى يتنرح اطفالنا وامهاتنا واجدادنا وكل اهلنا التعابة من الجوع والعطش والمرض كان هؤلاء همهم شراء الطائرات من اوكرانيا لضرب القرى الامنة وتخيل من موارد الشعب المغلوب على امره صرفت لجلب هذه الطائرات ، وكم من الدولارات من موارد الشعب السودانى صرفت لاستقبال وفود الخرطوم عاصمة الثخافة 2005م ونحن واهلنا نترنح من المرض والجوع والعطش وننتظر اعانات بلاد الكفر كما يسمونه
هؤلاء لانرجو منهم خيرا
لان الماسى لاتاتى الا من الخرطوم حيث عرين النطام الذى يامر طياريها بان يضربوا قرانا
ويحرقوا ممتلكاتنا واستباحوا حرماتنا فهم يرقصون بشريد اهلنا وحرق قراهم يعتقدوا بانهم حققوا ما ارادوا وحققوا الانتصارات لذلك يرقصون يضحكون يتسامرون
لاترجوا منهم خيرا
|
Post: #10
Title: Re: الخرطوم ترقص ودارفور تذبح
Author: Muna Khugali
Date: 01-15-2005, 03:00 AM
Parent: #9
Dear Halema 2
....رقص بلاحدود...ازياء...فنانيين بالكوم ...فرح مصطنع!!!
ـذا تكـون ثقـافة السـلام عـندهـم...
وبـدلا أن يبـدأ الـرقـص يأخـذ مكـانه فـي المجـتمـع كـأحـد اشـكـال
الفـنـون الغـارسـة ونـاشـرة للسـلام فـي كـل الاوقـات....
نجـده يسـتغـل فـي لحـظات اخـيرة وغـريبة لدلالـة عـلـي مـوقف غـير حـقـيقـي مـن مـفـهـوم السـلام...
رقصـات الغرب والشـرق ...
وذبح دارفـور وتسـاء دارفـور!
Muna Khugali
|
Post: #11
Title: Re: الخرطوم ترقص ودارفور تذبح
Author: ابو مهند
Date: 01-15-2005, 05:15 PM
Parent: #1
She`s Coming
|
Post: #12
Title: Re: الخرطوم ترقص ودارفور تذبح
Author: إيمان أحمد
Date: 01-15-2005, 09:05 PM
Parent: #1
| Quote: ونسمى البحصل دا شنو : استهتار ولا غبا ولا سياسه وخطه لصرف انظار العالم عمايحدث ولا شنو ... |
الأخت العزيزة حليمة2
للأسف، البلد وصلت مرحلة متقدمة من حالات الفصام المزمنة.
ياهو حالنا من زمان
لكن وصل الحد، وحد الحد كمان.
|
|