Post: #1
Title: ياريتك ...........قصيدة لعثمان بشري
Author: ahmed abdelati
Date: 01-04-2005, 07:55 AM
احبتي
يسعدني ان استهل مشاركتي معكم باهدائكم هذه القصيد للشاعر
المرهف عثمان بشري وستتبعها اخريات
ياريتك كنت معاي ياريتك
كان دوبت اعصاب الناي في
كاس وسقيتك
غنوة بتسبح عكس الخوف ايامك
وكلما طريتك
داهمني حنين للشاي في بيتك
يامعطون في البال ومشتت
عبر مسام الحاجة وجِِِلدِِِِِِِِِِِِِِِالحلة
طقس مميز انو احجي الكون بلونك
واحلب ضي النجمة اغني امني
لهاث الجوف بكونك
وقبل ما اعشي ولاد الشوق
باللهفة عليك
عشيتك
ياريتك
كنت معاي
ياريتك
|
Post: #2
Title: Re: ياريتك ...........قصيدة لعثمان بشري
Author: Ibrahim Algrefwi
Date: 01-05-2005, 03:58 AM
Parent: #1
يامعطون في البال ومشتت
عبر مسام الحاجة وجِِِلدِِِِِِِِِِِِِِِالحلة
أهلاً
أحمد
طبعاً تعجبني نصوص أستانا عُثمان
لكونها محاولات دائمة لفضح الحال بكسر اللغة وتحويرها , عثمان بشري
في اعتقادي من اهم شعراء المليون ميل مربع وعالمها الجوار , صاحب احالات واسعة
في ملء مساحات (فارغة) في البناء الشعري وفي (المزاج) وهو مملؤ بالشعر
فشكراً علي النص
سمعته مؤخراً بعد طبخه باللحن عند مجموعة "تجريب "الغنائيه
من اجمل الحان صافي مهدي الموسيقار الوسيم ..!
|
Post: #3
Title: Re: ياريتك ...........قصيدة لعثمان بشري
Author: ahmed abdelati
Date: 01-05-2005, 05:19 AM
Parent: #1
الاخ ابراهيم
شكرا علي تعليقك الشاعري واتمني ان تسمع النص بصوت علاء الدين سنهوري
ساوصل تحياتك وعجابك للاخ عثمان بشري
|
Post: #4
Title: Re: ياريتك ...........قصيدة لعثمان بشري
Author: ابو عثمان
Date: 01-05-2005, 05:20 AM
Parent: #1
الف مرحب باستاذنا الكبير أحمد عبد العاطي الاديب المرهف
ومرحبا" باطلالتك عبر المتندي ونتوقع مزيد من اسهاماتك الراقيه
والتحية موصوله للمبدع المرهف عثمان بشري ذلك الفتي الابنوسي الشفيف
|
Post: #6
Title: Re: ياريتك ...........قصيدة لعثمان بشري
Author: محمد صالح علي
Date: 01-05-2005, 05:46 AM
Parent: #4
تحية لعثمان
ولك الشكر يا أحمد
|
Post: #5
Title: Re: ياريتك ...........قصيدة لعثمان بشري
Author: ahmed abdelati
Date: 01-05-2005, 05:27 AM
Parent: #1
الرائع ابو عفان
شكرا لترحيبك بي واتمني ان اكون عند حسن ظنك
تحيتك ستصل للمبدع عثمان وهو دائم السوال عنك
|
Post: #7
Title: Re: ياريتك ...........قصيدة لعثمان بشري
Author: ahmed abdelati
Date: 01-05-2005, 07:49 AM
Parent: #1
الاخ محمد صالح
لك الشكر وتقبل تحيات عثمان
|
Post: #8
Title: Re: ياريتك ...........قصيدة لعثمان بشري
Author: Marouf Sanad
Date: 01-05-2005, 09:45 AM
Parent: #7
شكرا لك وللانسان عثمان البشري
|
Post: #9
Title: Re: ياريتك ...........قصيدة لعثمان بشري
Author: Marouf Sanad
Date: 01-05-2005, 10:06 AM
Parent: #8
هذه قصيده لاحمد ابن عوف
لحن رابع:
أخى وصديقى عثمان البشرى
صحينى من هذا النجيع
غلبتنى فيك الحيله
يامرتع كلامى
ووحشتى
ومبهم غناى
وانشغالى ودهشتى
اتشايلك
تتفاضى من مقلب غناى
والهدربه
وزحت مواعيد من مكان
ورطانه قافيه
وإختمار الفكره
فى ذهن الحقيقة المفرطه
غلبتنى فيك المحنه
والحيل البشيلك اتكسر
صاحى ونعاسك بالفريق
مارق يحوم
وتقوم تصارح (......) بالحاصل
يدفرك
ماوقعت الدنيا اتلافت حضورك
صبتك
الصباح شافك مصنقر
جنب رؤاك
هماهو كيف تقعد براك
الناس خديعه
الناس تطير
الناس بتخدش مستواك
سنسن
تعال سنسن كلامك
إحتضر
اعصر مخدات الألم
ارقد
تمهل فى الحضور
أرجع امش
قوم من عيونك
إرتعش
انصب كلامك جمله من شهد الدموع
(......) طلع
سواك طليق
فى دنيا اصغر من فضاك .... سواك....
|
Post: #10
Title: Re: ياريتك ...........قصيدة لعثمان بشري
Author: ahmed abdelati
Date: 01-05-2005, 10:49 AM
Parent: #1
لاخ معروف
لك التحايا وشكرا لهديتك الانيقة
اعدك بمزيد من ابداعات عثمان
|
Post: #11
Title: Re: ياريتك ...........قصيدة لعثمان بشري
Author: Elmosley
Date: 01-05-2005, 03:40 PM
Parent: #1
ياسلاااااااااااام عليهو
وياسلام عليك
|
Post: #12
Title: Re: ياريتك ...........قصيدة لعثمان بشري
Author: ahmed abdelati
Date: 01-06-2005, 00:45 AM
Parent: #1
ويا سلام عليك انت
استاذنا الشفيف الموصلي
طلتك دوزنت ايقاع البوست
|
Post: #13
Title: Re: ياريتك ...........قصيدة لعثمان بشري
Author: ahmed abdelati
Date: 01-06-2005, 05:28 AM
Parent: #1
عثمان بشري
من مواليد مديرية النيل الابيض 4/7\ا1967
الابتدائية والمتوسطة ملكال /كوستي/ الجزيزةابا\الثانوية كوستي1989 \جامعة السودان كلية الفنون الجميلة-
دبلوم صحافة واعلام الجامعة العمالية/مصر2000-2002
عمل بالصحافة والاعلام بالسودان وجمهورية مصر\عمل باذاععة صوت السودان بالقاهرة1999
عضوءمنتدي جامعة القاهرة فرع الخرطوم88-94موسس الحركة الشعرية الجديدة المسماة بالمسرحة الشعرية
\عضوء منتدي كور الليل جامعه الخرطوم92-/96 عضوء منتدي البشير الريح بامدرمان 91-99
عضوء منتدي الحاج يوسف الثقافي89-94
كتب في العديد من الصحف السودانية والمصرية-مقالات-دراسات نقدية-شعر
شارك في معظم المنتديات الثقافية في السودان والقاهرة
اصدر في عام 2002مجموعته الشعرية الاولي الكائن الخلوي-جزء اول-
في عام 2003 اصدرمجموعته الشعرية المركزية توما امراة الغيم-عامية- له تحت الطبع
الكائن الخلوي –جزء ثاني –شعر
فئران سلفية-رواية
حلم اعلي شمال الجسد-رواية
للدم رائحة بلون العصافير- مجموعة قصصية قصيرة جدا
له مقالات نقدية بعنوان المسرحة الشعرية فيما يختص بالرؤية والمنهج الكتابي عنده
تغنت له العديد من الاصوات الغنائية الجادة-ساورا- عقد الجلاد-علاء سنهوري
-كورالات الجامعات والمعاهد العليا
له مسرحية شعرية قام باخراجها طلبة معهد الموسيقي والمسرح عام1994 بعنوان فيما يخص البحر
1. وهو مثلي تماما يتسكع في شوارع القاهرة ليبحث عن وطنا بديل بعد ان لفظه الوطن الام
|
Post: #14
Title: Re: ياريتك ...........قصيدة لعثمان بشري
Author: ahmed abdelati
Date: 01-06-2005, 07:55 AM
Parent: #1
من عثمان بشري للموصلي
استاذنا الشفيف يوسف الموصلي
تحايا واشواق
تتمدد الفراسخ لتهيل علينا هذه الغربة المستمرة
واعتقد اننا بالاساس موبؤون بها منذ ازل بهيم سيكون تواصلنا عبر
الاخ احمد عبد العاطي لانني ولكثرة ما طالبت الاخوة المسولين عن سودانيز اون لاين
باعطائي شرف الانتماء لهذا المنبر ولكن !!!!تذهب طلباتي ادراج الرياح هنالك نصوص
ينبغي ان تغني وسابعثها لك تباعا مع الاخ احمد
لك ودي
عثمان بشري
|
Post: #15
Title: Re: ياريتك ...........قصيدة لعثمان بشري
Author: ahmed abdelati
Date: 01-06-2005, 08:32 AM
Parent: #1
من عثمان بشري للجميع
الاصدقاء المحبين الوريفين
كغمام ناعس وخجول
كرذاذ شفيف ينفث في الروح كلامكم الطيب
ويظل دافعا انسانياً عالياً يقودني الى مجاهيل هذه العذراء هذه الخصبة الريانة
لغتنا الحميمة بكل مداليلها وتتداعيتها وغنائيتها العذبة
احبكم جيمعا بلا استثناء
وابكي على تاريخنا الادمي الموزع بين منافي مطارات وارصفة العالم
فاه من وجع انهماركم فيا
وحين اراكم ينتفض الحرف داخلي
لكم المحبة
عثمان بشرى
|
Post: #17
Title: Re: ياريتك ...........قصيدة لعثمان بشري
Author: معتز تروتسكى
Date: 01-06-2005, 09:24 AM
Parent: #1
UP
|
Post: #19
Title: Re: ياريتك ...........قصيدة لعثمان بشري
Author: يوسف عبدالله
Date: 01-06-2005, 10:17 AM
Parent: #17
شكراً أستاذ أحمد على رائعة الأخ الشاعر الأستاذ عثمان والله أعدت للذاكره أيام
خوالي رائعات مع الأخ عثمان و التحايا عبرك الرائع عثمان
و رجاء حار من الباشمهندس أن يلبي طلب الشاعر المرهف الإنسان عثمان يالإنضمام لهذا الوطن الجميل.
لدي كميه من الشرائط بها كثيراَ من روائع عثمان لكن للأسف
أخوك ليس لديه خبره لإنزالها هنا...،أرجو من أصحاب الخبره المساعده
لك كل الشكر وعاطر الود
|
Post: #18
Title: قصيدة لعثمان بشرى
Author: حسن النور محمد
Date: 01-06-2005, 10:06 AM
Parent: #1
احمد عبد العاطى
تحياتى الحارة
جميل ان تمتعنا بابداعات عثمان بشرى هذا الحالة الشعرية المدهشة
منظرين راحيل واخواتها
عليك وعليه السلام
|
Post: #20
Title: Re: ياريتك ...........قصيدة لعثمان بشري
Author: ابو عثمان
Date: 01-08-2005, 04:45 AM
Parent: #1
فوق
|
Post: #21
Title: Re: ياريتك ...........قصيدة لعثمان بشري
Author: محمد صالح علي
Date: 01-08-2005, 05:20 AM
Parent: #20
حلم اعلي شمال الجسد
|
Post: #22
Title: Re: ياريتك ...........قصيدة لعثمان بشري
Author: ابو يسرا
Date: 01-09-2005, 03:40 AM
Parent: #21
مرحباً عم يسرا
سعادتي لا توصف بدخولك دارنا ولكن المنبر وطنك حتي بعد ان تجد الوطن البديل
تحابا خاصة من الفنان محمد جبارة كلفني بنقلها اليك
التحايا عبرك للمبدع عثمان بشري وللنسر
|
Post: #23
Title: Re: ياريتك ...........قصيدة لعثمان بشري
Author: ابو يسرا
Date: 01-10-2005, 03:19 AM
Parent: #22
up
|
Post: #24
Title: Re: ياريتك ...........قصيدة لعثمان بشري
Author: معتصم الطاهر
Date: 01-10-2005, 04:06 AM
Parent: #1
العزيز عثمان بشرى
بواسطة الحلوين حوله
أخص جدا أحمد عبد العاطى ..
أذكر اياما قضينها معا ..
وفى نوتة صغيرة كتبت
(ياريتك كنت معاى ..
و كانت الحصاحيصا تحتفى بالجميلين
أزهرى .. عفيف .. بهنس .. عبدالله ..الصادق ..
أين صرنا الآن ..؟
وكيف أنت ..
اتصل بى ..asola4u@hotmai...الى لقاء آخر
|
Post: #25
Title: Re: ياريتك ...........قصيدة لعثمان بشري
Author: ابو يسرا
Date: 01-12-2005, 03:34 AM
Parent: #24
فوق
|
Post: #26
Title: Re: ياريتك ...........قصيدة لعثمان بشري
Author: ahmed abdelati
Date: 01-14-2005, 06:42 AM
Parent: #1
الوريف الشفيف
منتصر
كما تنزلت بهذا النص المتعب والحميم بالنسبة لي شخصيا وانزلت الي الذاكرة
سنوات التيه والضلال الوطني اذ كنا تماما انبياء صعاليك مطرودين من جنتنا
البسيطة بحجم حاجاتنا البدهية في الماوي والماكل واشياء الضلال العادية)عرقي يعني(
علي كل حال هكذا صار صار بنا التاريخ اوغلنا في منافينا وما زلنا نوغل
فنحن لا نغير ما علي الارض ولكن نصورها بما يرضي العصافير واراء الصغار
ارجو ان تراسلني علي ايميلي
ولو كان معك نصوص اخري حاول ان تبعتها لي خصوصا النصوص القديمة التي سقطت عن الذاكرة مثل
انسكامل جن او مغني الروح
الاعزاء معتز
يوسف عبدالله
حسن النور
ابو عثمان محمد صالح علي
ابو يسرا
شكرا جزيلا يا بحر وساعود لكم
عثمان بشري [email protected] tel 4973728
|
Post: #27
Title: Re: ياريتك ...........قصيدة لعثمان بشري
Author: ahmed abdelati
Date: 01-14-2005, 07:04 AM
Parent: #1
اخر نص كتبه عثمان بشري امس
انا استاذنه واستاذن الصديقة الحميمة عرفة
ماذا كنت أسميك
الي الانسانة عرفة
كدعاش
تدخلك الضحكة حين تغرد
رغم الاوجاع ورغم فداحة واقعها
فهي بصمت النبلاء مواقف مختلفة
تذهب فيك كظل يعرش فوقك دون تحس
وتحلب غيما مزدلفا
يسكنها الحب الانساني وتسكنه
امراة تخضر بحقل الروح
وتفتح شرفتها في كل فصول العمر
لتبهج هذا العالم هذا الانسان
ولا اسفا
ان لها نهر يجري فوق سهول
اجدبها التاريخ
فسالت بعذوبتها شغفا
لازالت تتقدم في الانسان
حياة لا يهزمها الالم المافون
وتمضي فوق الاشواك
بكل طموح المهمومين
جبالا\صحراء\ اودية
عطفا
ماذا كنت اسميها
لولا الاسما اكتملت
والاصقاع جميع الاصقاع
تنادي : عرفة
عرفة
عرفة
|
Post: #28
Title: Re: ياريتك ...........قصيدة لعثمان بشري
Author: ahmed abdelati
Date: 01-17-2005, 10:19 AM
Parent: #1
عاليا يتمشى الأرق الوردي ويحصد
قهوة أيام النسيان
ياقلق اللحظة يانار الصبر
متي ينفك التاريخ عن التاريخ
ويعرى زمن الجكمة من كل الزيف
الوطني
عبرت كلمات الصمت مدارات
المعرفة العليا وطفى في الأفق
المتلوث عبث العالم
|
Post: #29
Title: Re: ياريتك ...........قصيدة لعثمان بشري
Author: فيصل عباس
Date: 01-17-2005, 02:40 PM
Parent: #1
شكرا
احمد عبد العاطي
لاستنطاق اختفائه
وشكرا للعناوين والنصوص
ويا ريتك
يــــــــــــــــــــــــــــــا
عثمـــــــــــــــــــــــــــــان
ياريتــــــــــــــــــــــــــــك
لوتهمس مره وتصحي الشوق الصاحي ومخبى
وتحايا مليانه بيهو لسلوى وليك ياأحمد
ممكن يا احمد تفتش لينا تومه وتنزلها كامله
اعتقد ممكن بس في حالة هدو كامل لينا ووعي مرتب
ممكن مش
والله مشتاق ليها وللضجيج المليانه بيهو
يلا يا جميل راجينك
|
Post: #30
Title: Re: ياريتك ...........قصيدة لعثمان بشري
Author: ahmed abdelati
Date: 01-18-2005, 08:44 AM
Parent: #1
الجميل فيصل
لك الشكر والود
ساحاول استنطاقه
وساحاول ان البي طلبك واهديك رائعته - تومه- بالمناسبه الجزء الثاني
توما سيصدر قريبا بمصاحبة شريط كاسيت وخليفيته الموسيقية للموسيقار
عاصم الطيب
لك مني ومنه التحايا
والف تحيه من سلوي
|
|