Post: #1
Title: قصيدة..هنـــا أم درمـــان...
Author: فريد ودالمسيد
Date: 01-04-2005, 01:19 AM
جدة في 24 يناير 1994
...هنا أم درمــــــــــــــــــان...
عيونك يوم تفارق النوم..
وإيدك يوم تجف من مصافحة الحبايب يوم..
براك يوم داك...
بتعرف انك آ المظلوم...
حقك في مدارق الغربة صار مهضوم..
ونمك هم غناك هموم..
ولا يوم كم .. تعرف اليوم..
وسبتك من خميسك ما بتفرز اليوم..
حليل اليوم دا في السودان..
وكتين نفتح الرادي وهنا أم درمان ..
وكت أتذكرك ّيما .. والأخوات والأخوان..
وكت أتذكر اللمّة ..ووداعكم ليّ بالأحضان..
عصير تفاح هنا.. وأناناس..
بيصبح حنضل القيزان..
وديك اللقمة ما بتطعم ولا بتحلا..
إلا معاكي في السودان..
بكون فرحان .. حت لو مافي لقمة كمان..
بكون فرحان .. وكت أتذكر البيبان..
هناك مفتوحة للحبّان..
وباب نفاج على الجيران..
ودغشا بدري .. صاجك ولّع النيران..
وزادك ديما كفى البيت والضيفان..
وقلبك ديما عامر بي الحنان مليان..
وتخنقني .. عبرة باب هنا المسدود علي الإنسان..
سجن في البيت ..
وفي الشارع كمان سجّان..
حليلك يما في رمضان ..
وكت زادك يكفي اللوري والنيسان..
رجال في الشارع .. وجوّه يجوكم النسوان..
تكون الفرحة مالياكي .. وماليانا..
ومالياني هنا الأحزان ...
|
Post: #2
Title: Re: قصيدة..هنـــا أم درمـــان...
Author: خال فاطمة
Date: 01-04-2005, 01:23 AM
Parent: #1
أخي فريـــــــــد
عاطر التحايا ..
جميل وكلام رائع ...
|
Post: #3
Title: Re: قصيدة..هنـــا أم درمـــان...
Author: Ismaeil H. Mohamed
Date: 01-04-2005, 03:00 AM
Parent: #2
أخي الحبيب ود المسيد
((وكت أتذكرك ّيما .. والأخوات والأخوان..))
((وكت أتذكر اللمّة ..ووداعكم ليّ بالأحضان))
والله مشتاقين كثير!!!!!!!
لكن في ناس قالت كلام عجيب عن أمدرمان في إستطلاع أعجب
أرجوا المرور علي بوستك
هل هذه حقيقةً أراء أهل السودان في أمدرمان؟؟
لك مودتي
إسماعيل حميم
|
Post: #4
Title: Re: قصيدة..هنـــا أم درمـــان...
Author: سارة حمزة
Date: 01-04-2005, 03:32 AM
Parent: #3
تسلم الاخ فريد على الكلمات الجميلة عن امدرمان الحبيبة
كل عام وانت بخير واهل امدرمان جميعا بخير وصحة وعافية
|
Post: #5
Title: Re: قصيدة..هنـــا أم درمـــان...
Author: فريد ودالمسيد
Date: 01-04-2005, 03:53 AM
Parent: #1
الخال الغالي
العزيز سمعة ود أم درمان
الأخت سارة
مداخلاتكم مست العصب
وعشمنا ترجع أم در كما كانت في الماضي
تثري كل ساحات الإبداع في وطن الغالي
|
Post: #6
Title: Re: قصيدة..هنـــا أم درمـــان...
Author: عبدالناصر معتصم
Date: 01-04-2005, 04:45 AM
Parent: #5
الاخ فريد
جاء هذا البوست فى الوقت المناسب لانصاف ام الحبايب "أمدرمان" من الافترءات و الهترشات التى وردت فى احدى الاستطلاعات. فمكانه امدرمان لا يستطيع احد يمسها من قريب او بعيد, فبالرغم من ان البعض لا يعيش فى امدرمان, الا انهم لا ينكرون مكانتها الساميه و تاريخها الوطنى الطويل و طيبه اهلها "كما وصفت فى هذا العقد الممرد و المذهب باصاله امدرمان" .......
ارجوا ان يمر على هذا البوست من افترى و تبجح على أمدرمان......
لك التحيه
|
Post: #7
Title: Re: قصيدة..هنـــا أم درمـــان...
Author: فريد ودالمسيد
Date: 01-04-2005, 09:12 PM
Parent: #1
يا عبد الناصر يا أم درماني يا عنصري
القصيدة الجاية في المسيد وتقبل سلام نور وأولادها
والتلفون وصل....
|
Post: #8
Title: Re: قصيدة..هنـــا أم درمـــان...
Author: بلدى يا حبوب
Date: 01-05-2005, 06:29 AM
Parent: #1
الاخ/ فريد والمسيد
ولامدرمان نكهة ومذاق خاص لاهلها ولك الشكر على القصيدة الجميلة والتى كما سبقنى من قال عنها انها اتت فى وقت كان التجنى على امدر .
تحياتى
|
Post: #9
Title: Re: قصيدة..هنـــا أم درمـــان...
Author: Elmosley
Date: 01-05-2005, 03:33 PM
Parent: #1
ود المسيد
قصيدتك صوره رائعه وصادقه
تسلم
|
Post: #10
Title: Re: قصيدة..هنـــا أم درمـــان...
Author: فريد ودالمسيد
Date: 01-07-2005, 11:23 PM
Parent: #1
بلدي يا حبوب
لك كل الود على الدخلة الحلوة دي
وأم درمان في قلوب الجميع نبض لا يتوقف
أستاذنا الموصلي يا مبدع يا رائع
هذه شهادة أعتز بها من فنان بقامتك
|
|