Post: #1
Title: الفنان طـلال حلفا...نـــوور بـيـتـنا ...ترحيب خاص!!!!
Author: محمد عكاشة
Date: 12-24-2007, 11:00 AM
الفنان طلال حلفا احد اميز الفنانين الشباب اهتماما بفنه وتقديرا له ..
يحرص على ان يكون للفنان فى بلده صورة زاهية وحضور خلاب ..ساطع...يستظهر اجمل الاغنيات وزمنه مظبوط..يضرب مثلا يحتذى به..
طلال..
كان ضيفا فى سهرة النيل الازرق التى ضمت نفرا من اسرة سودانيزاون لاين..
بكرى..دكتور شوقى..الجنرال..ابوجهينة..ومحمدحامد..
طلال كان سعيدا بذلك وهويعتبر ان الاعلام اكثر اهمية للفنان ولمسيرته ولتقييم اداءه وتقويمه بالنقد الموضوعى البناء...
طلال..والدنيا(قبايل عيد) سرنى انه صار عضوا بيننا وهو اضافة مهمة لكونه فنان قادر على التعبير عن نفسه وعن تجربته وفق رؤية يترسمها فى مسيرته...
طلال حلفا..قدم فى بوست (اختطاف قناة الشروق) مداخلة مهمة اعود اليها هناك..وهوبمداخلته تلك لفتنى الى ضرورة الترحيب به وبحضوره وعضويته..
شكرا جزيلا..بكرى ابوبكر
ولكم جميعا..عبر صديقى طلال حلفا...عيدسعيدوعمر مديد..
رحبوا به معى !!!
|
Post: #2
Title: Re: الفنان طـلال حلفا...نـــوور بـيـتـنا ...ترحيب خاص!!!!
Author: محمد عكاشة
Date: 12-24-2007, 11:03 AM
Parent: #1
هذه هى مداخلة طلال
إختطاف قناة الشــروق الفضـــائية!!!!!
صديقي العزيز عكاشة
كل سنة وانت طيب وربنا يحفظك لشبابك
مقال اكتر من رائع وتسلسل موضوعي وتحليل دقيق يدل علي براعتك وحرفيتك كصحافي رصين و ذو قلم وشجاع
أنا أيضا اريد ان اعرف ما الهدف من برنامج "الشروق مرت من هنا" ، جوائز ضخمة تمنح لأسئلة غاية في
السذاجة!! هل المطلوب استقطاب اكبر قدر من الشعب من خلال هذه "الهدايا " المجانية لصرف المشاهد عن
بقية القنوات؟
نحن في عهد سيطرة الأحزاب الحاكمة ، انظر الي جارتنا مصر وأنت تري قبضة الحزب الحاكم ، انظر
الولايات المتحدة نفسها لتري قنوات الحزب الحاكم!!
دعنا علي الأقل كفنانين نلقي قليل من التقييم (ولو ماديا) في هذه القناة مما لم نجده من قبل
وأنت أدري مني بمنظر طابور الفنانين وهم يترقبون (فريد) في خزانة الفضائية السودانية حتي
يأتي ليري كل منهم ان كان اسمه موجود بالكشف او سقط سهوا أو في "صرفة الشهر الجاي"!!
تصدق يا عكاشة أنا كنت شغال في الشروق ثاني أيام عيد الأضحي علي الهواء مباشرة ، ويفترض أن يبدأ
البث في التاسعة صباحا وتأخر حتي العاشرة مما ترتب عليه تأخيرنا عن فطور بيوتنا ولتعويضنا ذلك
قاموا مشكورييين بذبح خروف لي ولأعضاء الفرقة المصاحبة!! حقيقة لم نجد هذه المعاملة من قبل.
يا عكاشة الناس ديل عندهم قروش ، عليك الله خلونا نغني كويس ونتقيم كويس!!
عزيزي أنا أتفق معك بأن برامجهم بحاجة الي وزن واعادة تقييم قبل اظهار مظاهر الترف فيها.
دعونا نري قناة تقارع mbc و الجزيرة والمحور والنيل الأزرق ونحكم عليهم بعد عام علي الأقل.
لك خالص مودتي ووفقك الله وعيدكم سعيد.
|
Post: #3
Title: Re: الفنان طـلال حلفا...نـــوور بـيـتـنا ...ترحيب خاص!!!!
Author: Talal Halfa
Date: 12-24-2007, 11:11 AM
Parent: #1
شكرا عزيزي بقدر كلماتك الحلوة في حقي وان شاء الله اكون قدر هذه الكلمات
يارب اكون ضيف خفيف الظل عليكم
كل سنة وانت وجميع المشاركين بألف صحة وعافية 
|
Post: #4
Title: Re: الفنان طـلال حلفا...نـــوور بـيـتـنا ...ترحيب خاص!!!!
Author: محمد عكاشة
Date: 12-24-2007, 12:38 PM
Parent: #3
شكرا ياطلال
وسوف يكون هذا البوست حوارا حول الحركة الفنية فى بلادنا..
مارايكم..
رحبو به معى
|
Post: #5
Title: Re: الفنان طـلال حلفا...نـــوور بـيـتـنا ...ترحيب خاص!!!!
Author: Talal Halfa
Date: 12-24-2007, 01:31 PM
Parent: #4
أنا حأكون اكثر سعادة بالمشاركة في حوار يختص بهموم الحركة الفنية
شكرا تاني يا عكاشة يازول يا راقي
وأنا سوف أظل دائم المشاركة في بوستاتك الرائعة والهادفة.
بس طول بالك معاي 
|
Post: #6
Title: Re: الفنان طـلال حلفا...نـــوور بـيـتـنا ...ترحيب خاص!!!!
Author: هضيبي علي سعيد
Date: 12-24-2007, 01:46 PM
Parent: #1
تحياتي أخ عكاشة
تحياتتي أخ طلال.... وكل عام و و انتم بخير
وقع اختيارنا عام 2002 على المبدع طلال لإحياء زفافنا
و كم كانت الحانه طروبة و كم نثر من عبير فنه ابداعا في ذاك اليوم
و إلا يومنا هذا نشاهد و نستمع ... اعزب الحانه لتأخذنا لروعة ليلى العمر
نرحب بك بيينا... و نسجيك اجزل الشكر و العرفان
ابو ريهام
|
Post: #7
Title: Re: الفنان طـلال حلفا...نـــوور بـيـتـنا ...ترحيب خاص!!!!
Author: محمد عكاشة
Date: 02-04-2008, 11:47 AM
Parent: #6
ابوريهام
شكرا جزيلا على مرورك الكريم
مودتى
|
Post: #8
Title: Re: الفنان طـلال حلفا...نـــوور بـيـتـنا ...ترحيب خاص!!!!
Author: فيصل محمد خليل
Date: 02-04-2008, 11:59 AM
Parent: #7
عكاشة سلام
يا طلال انت مابتجيش ليه ما تبقى تجي
افيلوق
|
Post: #15
Title: Re: الفنان طـلال حلفا...نـــوور بـيـتـنا ...ترحيب خاص!!!!
Author: محمد عكاشة
Date: 02-04-2008, 06:42 PM
Parent: #8
الاخ فيصل
كيف الاحوال
طلال موجود..فى انتظار تعليقه على المرحبين
مودتى
|
Post: #9
Title: Re: الفنان طـلال حلفا...نـــوور بـيـتـنا ...ترحيب خاص!!!!
Author: ماجدة عوض خوجلى
Date: 02-04-2008, 12:02 PM
Parent: #1
مرحبتين حبابو واهـلا وسهـلا بيـه
سلامات محمد عكاشة ...
|
Post: #10
Title: Re: الفنان طـلال حلفا...نـــوور بـيـتـنا ...ترحيب خاص!!!!
Author: Alsa7afa_30
Date: 02-04-2008, 12:40 PM
Parent: #1
ألـ1000ـف مرحب ..
|
Post: #11
Title: Re: الفنان طـلال حلفا...نـــوور بـيـتـنا ...ترحيب خاص!!!!
Author: ghariba
Date: 02-04-2008, 01:25 PM
Parent: #10
كل ما أزعج ( الفنان) تأخير الفطور وخاف خروف العيد يروح عليه ..
كنت اتوقع منه كلام كثير عنة عدم الالتزام .. والشروق لو وزعت جوائز كبيرة المشكلة
شنو .. الاعلان صنعة .. والبتعملو فيه ده برضه ودخول فنان للمنبر برضه اعلان عن
نفسيه .. بعد أن فشل أن يعلن عنها بفنه وأغانيه الخاصة اسوة بزملائه واولاد دفته ..
هو طلال ده فنان جديد ولا شنو ( أطرشنا ما سمعنا بيه ولا بغناه )
|
Post: #12
Title: Re: الفنان طـلال حلفا...نـــوور بـيـتـنا ...ترحيب خاص!!!!
Author: أبي بكر سيد احمد
Date: 02-04-2008, 01:52 PM
Parent: #1
حبيبنا طلال حلفا ...
ومرحبتين بيك إضافة فنية مقدرة للبورد ...
وطالما ما قاعدين نلاقيك في المحافل ... يبقى نتلاقى في البورد
مليون حبابك طلال ...
ابوبكر سيد أحمد
|
Post: #13
Title: Re: الفنان طـلال حلفا...نـــوور بـيـتـنا ...ترحيب خاص!!!!
Author: النزير جريس
Date: 02-04-2008, 02:55 PM
Parent: #1
Quote: كل ما أزعج ( الفنان) تأخير الفطور وخاف خروف العيد يروح عليه ..
كنت اتوقع منه كلام كثير عنة عدم الالتزام .. والشروق لو وزعت جوائز كبيرة المشكلة شنو .. الاعلان صنعة .. والبتعملو فيه ده برضه ودخول فنان للمنبر برضه اعلان عن نفسيه .. بعد أن فشل أن يعلن عنها بفنه وأغانيه الخاصة اسوة بزملائه واولاد دفته ..
هو طلال ده فنان جديد ولا شنو ( أطرشنا ما سمعنا بيه ولا بغناه ) |
يا ابو غريبه طلال ده من يوم بدأ يغني زول معروف ومطرب وفنان أي نعم ما غنى (الدافع الشعبي يهو ديل) ولا (اقبل على دربنا لو كنت حيرانا) يعني زول أصيل والغنا الأصيل متأصل فيهو... وريني عنوانك برسل ليك نسخة من شريطه وبعدين أحكم...
منور الموقع والبوست يا طلال ومرحب بيك ألف
دوماً لا تلتفت للغو الذين في أعينهم غشاوة.
|
Post: #14
Title: Re: الفنان طـلال حلفا...نـــوور بـيـتـنا ...ترحيب خاص!!!!
Author: ناذر محمد الخليفة
Date: 02-04-2008, 05:52 PM
Parent: #1
عكاشة !!!!!!!!!
يا زول حمدلا على السلامة !!!
ويييييييييييييييييينك ؟؟!!!
|
Post: #16
Title: Re: الفنان طـلال حلفا...نـــوور بـيـتـنا ...ترحيب خاص!!!!
Author: Mutwali Malik
Date: 02-06-2008, 08:03 PM
Parent: #14
الاخ محمد عكاشة
نرحب معاك بالفنان طلال حلفا ونتمني ان يكون اضافة نوعية للموقع ودي هدية للجميع
[object width="425" height="355">
|
Post: #17
Title: Re: الفنان طـلال حلفا...نـــوور بـيـتـنا ...ترحيب خاص!!!!
Author: ismeil abbas
Date: 02-06-2008, 08:57 PM
Parent: #1
محمد عكاشة
والله إنت طلعت زول ما ساهل عديل كدة..
وكمان طلال حلفا..
سؤال لغريبة...............يطرشك ما سمعت بى طلال حلفا.؟.....والله غريبة..
إسماعيل محمد احمد عباس.....
|
|