Post: #1
Title: االفـي القـلـوب يعلمـبو الله !!!
Author: محمد عكاشة
Date: 06-26-2007, 10:34 AM
Parent: #0
تستثير أشجانى منطقة الخرطوم شرق وانااعبرها غدوا ورواحا عندالاصيل..
البيوت العريقة وشكل تصميمها ومعمارها الذى جاوز المائة عام والبوابات القديمة..العتيقة...
اعود الى قراءة تاريخ الخرطوم وقتذاك وهى تحفل وتضج بالاقاريق والارمن والاقباط وبعض الشوام...
كان هؤلاء اغناء لحياة راقية ذات تفاصيل ومعنى حضارى..اتأمل البيوت التى كادت تغدو أثرا بعد عين وهى تعكس جانبا من تاريخ جميل زاهر وحياة صقيلة..
سوف نقف عندها..اطلالا دارسة ورسوما ومجداأثيلا...
تلك هى الخرطوم شرق..
وفى حى المسالمة بام درمان...منازل لها فى القلوب منازل..
...
انتبه بمتعة الى ثرثرة الكماسرة وسائقى الحافلات...
ولهولاء قصص واحاجى لطالما دار حديث بينى وبينهم وهم مثل غيرهم من الناس يصدرون عن موقف فى الحياة ورؤية وسقف للامال والاحلام مرفوع,,, فى حوارى معهم حالة من (التطهير) من وعثاء الحياة وتعقيدات (الكلام الكبار)وفى ذلك قراءة من جهة.. لاحوال البلاد ومصائر اهلها...ومعرفة بالمجتمع وشرائحه المختلفة..
ادارة المرور ضبطت ذات يوم صاحب حافلة صغيرة وقداستوفى كل اجراء يجنبه ملاحقاتهم المريرة ..
كيف لا يفعل وهو يقوم بترحيل كوكبة من الصبايا المليحات ..كواعب اترابا(عمر الزهور) وهو يزهو بذلك مع اصدقائه فى احد الاحياء الطرفية وهم يطربون له..
الرجل..استجوبه ضابط المرور فى العبارة التى يكتبها بخط عريض فى زجاج عربته(..أنا عندى نزلة)..السائق الظريف اجاب على الفور..
_ (ياسعادتك بصراحة..انا برحل بنات جامعة سمحات بالحيل..وفى واحدة عاجبانى بتركب ومابتنضم خالص..مرة غابت يومين..ولما جات سالتها..مالك ان شاءالله خير..قالت لى ..كان عندى نزلة..ودى اول واخر مرة تنضم فيها..قلت كدى اخلد الذكرى دى بالكلام ده..وبس..فى حاجة)
ضحك الضابط ومن معه وامروه بالانصراف ودعوا له.. بان تنضم ليك تانى وماتسكت نشوف حاتكتب شنو وتخلى شنو...
ارصد بتقدير عجيب ما يكتبه اصحاب الحافلات من كلام يعكس ثقافتهم وانفعالهم بالحياة وتطلعاتهم..
خلوها ياحساد..السايقة واصلة..جلسن شوف ياحلاتن..الجفلن خلهن أقرع الواقفات..بتصل..تلقوها قدام..والضحك بالسنون والفى القلوب يعلمبو الله..
ساعود الى حكايات اصحاب هذه الشعارات خصوصا عنوان البوست..
|
Post: #2
Title: Re: الضــحك بالســنون والفـي القـلـوب يعلمـبو الله !!!
Author: يازولyazoalيازول
Date: 06-26-2007, 10:48 AM
Parent: #1
يا محمد عكاشة ياخ مرة واحد حيرنى حيرة ما معقولة عندو عربية لورى مكربعة كده وكتب عليها:
الرسول فجولا
وبعد تمحيص ومشاورات إتضح أنه يقصد عليكم الرسول فجوا لها ، أى أفسحوا لها أى أعطوها فجة حتى تعبر
تحياتى على البوست الظريف
|
Post: #3
Title: Re: الضــحك بالســنون والفـي القـلـوب يعلمـبو الله !!!
Author: محمد عكاشة
Date: 06-26-2007, 12:09 PM
Parent: #2
Quote: يا محمد عكاشة ياخ مرة واحد حيرنى حيرة ما معقولة عندو عربية لورى مكربعة كده وكتب عليها:
الرسول فجولا
وبعد تمحيص ومشاورات إتضح أنه يقصد عليكم الرسول فجوا لها ، أى أفسحوا لها أى أعطوها فجة حتى تعبر |
زول يازول قول واحد واحكى لسه
مودتى وتقديرى
|
Post: #4
Title: Re: الضــحك بالســنون والفـي القـلـوب يعلمـبو الله !!!
Author: محمد عكاشة
Date: 06-26-2007, 12:58 PM
Parent: #3
ومن العناوين اللافتة..
محل فى الصافية جوار مركز الشرطة..
(نجف بحرى للمناسبات)
مودتى وتقديرى
|
Post: #15
Title: Re: الضــحك بالســنون والفـي القـلـوب يعلمـبو الله !!!
Author: محمد عكاشة
Date: 07-17-2007, 09:33 AM
Parent: #4
مزيدمن طرائف اللافتات..
ونعودالى الخرطوم شرق
مودتى وتقديرى
|
Post: #5
Title: Re: الضــحك بالســنون والفـي القـلـوب يعلمـبو الله !!!
Author: ناذر محمد الخليفة
Date: 06-26-2007, 01:05 PM
Parent: #1
سلامات يا عكاشة ...
طبعا من أطرف ما قرأت في ضهريات العربات .. عبارة كاتيها صاحب عربة تفريغ مجاري الصرف الصحي وشفط الفضلات البشرية من الحمامات البلدية ..
كاتب فيها : (أينما أكلتم يأتيني خراجكم) 
|
Post: #6
Title: Re: الضــحك بالســنون والفـي القـلـوب يعلمـبو الله !!!
Author: محمد عكاشة
Date: 06-27-2007, 08:21 AM
ناذر الخليفة
ساعود اليك
مودتى وتقديرى
|
Post: #7
Title: Re: الضــحك بالســنون والفـي القـلـوب يعلمـبو الله !!!
Author: محمد عكاشة
Date: 06-27-2007, 10:32 AM
Parent: #6
بيدى بطاقة دعوة..
(ساهور)قناة لتعظيم النبى عليه السلام تدعوكم لحضورمؤتمرها الصحافى
البطاقة ممهورة كالاتى..
(الفنان) محمد حسن الخضر
مدير العلاقات العامة
................
ارجو الملاحظة بدقة لمابين الاقواس
وفطنتكم
مودتى وتقديرى
|
Post: #8
Title: Re: الضــحك بالســنون والفـي القـلـوب يعلمـبو الله !!!
Author: طارق الأمين
Date: 06-27-2007, 01:58 PM
Parent: #7
والله يا ودعكاشه
الخرطوم شرق دي
بالعصر نفس الشعور
ودايما تذكرني اغنيه خليل الفرح
بين جناين الشاطي وبين غصون الروم
حي زهره روما وابكي يامحروم
والخليل ثبت انو كتب الاغنيه
في نفس المكان والزمان
زمن الاصيل
البتمرق فيهو زهره روما
علي البحر
المدينه في تلك النوافذ والبيوت
مكتمله الملامح مثلها مثل حبوبه
لاتستطيع اخفاء جمالها
لكن الفرق عندي
ان للوجدان ثأر قديم متجدد
مع هذه الجغرافيا من العالم
فقد كانت مسكنا للمستعمر
وقد علمنا حسب ذمه مدرس التاريخ
بمدرسه السجانه الجديده الابتدائيه
انه اذل اباءنا ونعل سنسفيلهم
واللصق في الوجدان
قل ما يمحوه الزمان
ولكن الاهم عندي
تار خليل فرح الخلاق
ابكي يامحروم
فقد كان الخليل وقتها
يسكن قلب الخرطوم
ويعاني التهميش
في حي المراسلات
وثكنات الجيش المصري
فانا لذلك احب الخرطوم شرق
واعتب عليها في حين
اما وقد صارت الان
عنوانا وسكنا في طرفها الشرقي
لجماعه من الناس
تعرفونهم ونعرفهم
فقد تضاعفت المسافات بينناوبينها
وساعود لاىحكي عن الخرطوم شرق
وعلاقتها في الذاكره الحديثه
بالامن العام والخاص
فصارت عندي متهمه
بما حملت به سفاحا
من الانقليز والارمن والاغاريق
وبكائيات الخليل المحروم
واخيرا الجماعه القلتهم ليك
محبتي واعزازي
طارق عكاشه
|
Post: #9
Title: Re: الضــحك بالســنون والفـي القـلـوب يعلمـبو الله !!!
Author: محمد عكاشة
Date: 06-28-2007, 11:31 AM
Parent: #8
طارق الامين
يافنان
اعود اليك..والى زهرة روما
مودتى وتقديرى
|
Post: #10
Title: Re: الضــحك بالســنون والفـي القـلـوب يعلمـبو الله !!!
Author: محمد عكاشة
Date: 07-11-2007, 02:22 PM
Parent: #9
مودتى وتقديرى
|
Post: #11
Title: Re: االفـي القـلـوب يعلمـبو الله !!!
Author: محمد عكاشة
Date: 07-12-2007, 01:53 PM
Parent: #1
مودتى وتقديرى
|
Post: #12
Title: Re: االفـي القـلـوب يعلمـبو الله !!!
Author: Ahmed musa
Date: 07-12-2007, 03:29 PM
Parent: #1
الخرطوم شرق حدثني عنها يوماً خيالاً من خيالات المبدع عوض شكسبير حين
قرأت له عن الحبيبة شعراً فاخبرني ان لهذا الشعر شرط مكان
( إحدي صواني الخرطوم شرق ) و شرط زمان ( بعد العصر وقبل المغرب )
و أُوتمسفيرياً ( زخات مطر مترددة بين الهطول او الرحيل )
مع صوت مغني من مغنيي الحقيبة
(علي ألا يكون مقلدا" !!!)
فالخرطوم شرق يا عكاشة جواً وشعراً ومكان . . . ولكنك
(تابي إلا أن تدخل كيبوردك بعش دبابير الروح
فتفتق فينا الكلمات وتفتق فينا الإحساس)
|
Post: #13
Title: Re: االفـي القـلـوب يعلمـبو الله !!!
Author: محمد عكاشة
Date: 07-14-2007, 08:03 AM
Parent: #12
Quote: الخرطوم شرق حدثني عنها يوماً خيالاً من خيالات المبدع عوض شكسبير حين
قرأت له عن الحبيبة شعراً فاخبرني ان لهذا الشعر شرط مكان
( إحدي صواني الخرطوم شرق ) و شرط زمان ( بعد العصر وقبل المغرب )
و أُوتمسفيرياً ( زخات مطر مترددة بين الهطول او الرحيل )
مع صوت مغني من مغنيي الحقيبة
(علي ألا يكون مقلدا" !!!)
فالخرطوم شرق يا عكاشة جواً وشعراً ومكان . . . ولكنك
(تابي إلا أن تدخل كيبوردك بعش دبابير الروح
فتفتق فينا الكلمات وتفتق فينا الإحساس) |
احمد موسى يافنان
بجيك راجع لحكايات عوض شكسبير فى هذه الجهة من الخرطوم
مودتى وتقديرى
|
Post: #14
Title: Re: االفـي القـلـوب يعلمـبو الله !!!
Author: محمد عكاشة
Date: 07-16-2007, 02:22 PM
Parent: #13
.............................................
|
Post: #16
Title: Re: االفـي القـلـوب يعلمـبو الله !!!
Author: محمد عكاشة
Date: 07-26-2007, 11:00 AM
Parent: #1
..................................
|
Post: #17
Title: Re: االفـي القـلـوب يعلمـبو الله !!!
Author: ismeil abbas
Date: 07-26-2007, 12:28 PM
Parent: #1
الحبيب
إبن أخى عكاشة
يا ود يا رايق با زين
تتخيل هناك أشياء مربوطة بالعامل النفسى للشخصية المرتبطة بمثل هذه الكتابات....
خلوها ياحساد.....زول أكيد بخاف خوف شديد من العين وأمور السحر.\
الرسول فجولة تلعب.....شخصية ما بهموا عايز وكايس الفرح أين ما يكون.
وهكذا على هذا النهج تسير ألأمور..أم أيه رأيك.
إسماعيل محمد أحمد عباس................
|
Post: #18
Title: Re: االفـي القـلـوب يعلمـبو الله !!!
Author: محمد عكاشة
Date: 07-28-2007, 08:17 AM
Parent: #17
Quote: وهكذا على هذا النهج تسير ألأمور..أم أيه رأيك.
إسماعيل محمد أحمد عباس................ |
عمو ابوالزهور
سوف اعود اليك..لشرح الرأى
مودتى وتقديرى
|
Post: #19
Title: Re: االفـي القـلـوب يعلمـبو الله !!!
Author: محمد عكاشة
Date: 07-29-2007, 11:21 AM
Parent: #18
الفى القلوب يعلمبو الله
|
Post: #20
Title: Re: االفـي القـلـوب يعلمـبو الله !!!
Author: محمد عكاشة
Date: 09-19-2007, 12:16 PM
Parent: #19
مودتى وتقديرى
|
|