والله يا محمد رغم اني هواي لاتين اميركيي في الكورة و مكchن الالمان من الحرب العالمية التانية لكني السنة دي ميت موت مع الالمان تشجيع تقيل كيتا علي اهلي المستهبلين ديل
Post: #11 Title: Re: يخسي والله Author: محمد المرتضى حامد Date: 07-06-2010, 09:58 PM Parent: #10
حرام عليكم الهولنديين أكتر شعب صبر و ظل يلازمو سوء الطالع منذ بدء كأس العالم خاصة منذ 1974 ثم 1978 و إنت طالع.. أنا غايتو مبسوط ليهم شديد و عقبال سوء طالعنا المستمر منذ 1970
يا معز يا اخوي شؤ طالع شنو يا زول الكورة انتهت ليها اكتر من ربع ساعة اها رأيك شنو يادوب الصفافير دورت في الشارع الناس دي اظنها كانت خايفة لي اسه انو الاورغوي تجيب التالت بعد ما الكورة إنتهت
موقفي من المنتخب الهولندي اعلاه لا علاقة له بتقديري الكبير خالس للممثلة الهولندية العظيمة خالس خالس يولندا كوباو و حرصي علي متابعة كل اعمالها و اخبارها
Quote: بالله هو كأس العالم المرة دى لو ما عجيب و غريب تكتب عنو انت؟
هـ هـ هـ .. تمريرة حلوة منك يا عصام دخلت البوست ومتخيلو عندو علاقة بالمكاييل المرة دى .. ألقى مولانا خدر يفتى فى الكورة ! والله فعلاً كاس عالم مختلف
يا خدر لملم صورك دى يا جنا، وقبّال رمضان يخش هـ هـ هـ
سلامى لأهل البيت
Post: #33 Title: Re: يخسي والله Author: مرتضى احمد عبد القادر Date: 07-06-2010, 11:29 PM Parent: #30
عاشت يولندا كوباو
شنو يا خدر ما كاتب توجد صور اسي الواحد لو ما نيتو طيبه ما كان خشه هنا شاف التحفه دي الكورة كانت منو ومنو قلتو لي
Post: #31 Title: Re: يخسي والله Author: على محمد على بشير Date: 07-06-2010, 11:22 PM Parent: #29
والله يا عصام جبر الله انتا طلعت ماسوره كبيره خلاس , عليك الله دى اسع صور تلصقا لينا هنا , والله ما فضل ليك الا تجيب لينا صورة كلتوم تلاليش ياخ اتعلم من خدر صاحبك دا ياخ
وعشان صورك دى انشالله ناس ديفيد فيا بكره يفتشوا للدرون ما يلقوهو
تخريمه خدر , ارفدنا بمذيد من الصور عليك الله حتى نتعرف على الشعب الهولندى عن قرب ونتلمس اخر اخباره الفنيه ,, سمح
يا على محمد على بشير اهااااا , شغل الاستهبال ده بتاع الفنانين , نحنا ناس كوره ساكت, ناس تلاليش ديل ناسنا تب. طبعآ خدر عارف "الجمهور" دنى و "جعان" و قيل أشياء اخرى , عشان كده نزل صور تناسب حالة الجمهور النفسية ... لو باريتو صور خدر دى لا تلمو في الكورة و لا التمثيل و فيها يطلقوكم لو معرسين يا شوف صاحبك ما فضل الا يقول : دى كديستكم؟
فعلآ يخسي و الله
Post: #37 Title: Re: يخسي والله Author: عمر عشاري Date: 07-06-2010, 11:41 PM Parent: #35
Quote: طارق البوست ده كتبتو بتين لانه فى زمن كده الواحد براهو بتهكر ما داير ليهو هكر خارجى تحياتى..
بالجد كورة مستهبلين ساكت وعلي العموم اطمن المانيا ح تطقشكم كم قون كده وراء بعض والقون الاخير اطمن تب حيصل ليك لحدي سرير يولندا كوباو ويتصور معاها .
ثم تانياً يامولانا كلام عصام جبر الله ده ما تهملوا ياخ ده قال ليك لو ما لاهاي دي مافي سوداني بنتبه ليكم انشاء الله تكون فهمتها ؟!.
Post: #40 Title: Re: يخسي والله Author: Shams eldin Alsanosi Date: 07-07-2010, 01:46 AM Parent: #39
Quote: صاحبك ما فضل الا يقول : دى كديستكم؟
هههههههه مبالغة يا عصام
والله يا خدر لعبة ود جبرالله دي في الزاوية البعيدة
Post: #41 Title: Re: يخسي والله Author: محمد المرتضى حامد Date: 07-07-2010, 06:12 AM Parent: #40
Quote: و حرصي علي متابعة كل اعمالها و اخبارها
ذكرتني الطرفه القديمه ، قالو زمان في أمدرمان كان في واحد قالب الدنيا وشايف التِحِتَا ، والغاشي والماشي عارفو، فتح ليهو دكان في السوق وكتب عليهو في يافطه كبيره ( أعمال " فلان") ، واحد من صحبانو دخل عليهو في المحل قال ليهو ، مبتسما، إنت يا (فلان) أعمالك دايره ليها يافطه!!
Post: #42 Title: Re: يخسي والله Author: Emad Abdulla Date: 07-07-2010, 06:54 AM Parent: #41
ده منو ده ؟؟؟ يولند شنو ؟؟ .. كيف الكلام ده ؟؟ و أنا اقول في مباريات هولندا ليه دمي بيحن دمي بيحن دمي بيحن .. ! أتاريني !!!!
........ هو غير " يولندا " في زول بيعرف يدق كورة ؟؟ أحب الطاحونة أنا .. أحب عمك جلال زاتو .
Post: #43 Title: Re: يخسي والله Author: Emad Abdulla Date: 07-07-2010, 07:09 AM Parent: #42
حذفتو .. خفت من لسان عصام
Post: #44 Title: Re: يخسي والله Author: أبو ساندرا Date: 07-07-2010, 07:22 AM Parent: #43
خدر :
Quote: انتو فهمتوني غلط يا شباب انا ضد منتخب هولندا
بناتي ضبطوني وانا أشجع هولندا وكلهن برازيليات خلاسيات سألني عن السبب قلت : ياخ هولندا دي ادت صاحبي طارق ابوعبيدة الجواز وهناك أكثر من مواطن سوداني صار هولندي دي بلد بتحترمنا وبتدينا جنسيتها هسع شفتو ليكم سوداني صار برازيلي
ماهيتاب قالت لي : قوم بلا طارق ابوعبيدة بلا كاكوم
Post: #45 Title: Re: يخسي والله Author: أبو ساندرا Date: 07-07-2010, 07:27 AM Parent: #44
خدر :
Quote: ابت الاورغوي ساي
اكان للأبيان فإنها أبت غانا بس غانا ماعندها يولندا
Post: #46 Title: Re: يخسي والله Author: على محمد على بشير Date: 07-07-2010, 08:58 AM Parent: #45
Quote: غانا ما عندها يولندا
هى وكت ما عندها كانت ماشه وين ؟ ما تقعد فى واطاة الله دى مع الناس وتخت ليها طوبه فى خشمها ..
بركوته مشتاغون ياخ ..
Post: #47 Title: Re: يخسي والله Author: خدر Date: 07-07-2010, 09:52 AM Parent: #46
صباح الخير مُشجعي يولندا
سأعود بالمذيد من التقريع للمنتخب الهولندي و التشجيع لاتحاد الممثلين الهولنديات
Post: #48 Title: Re: يخسي والله Author: خدر Date: 07-07-2010, 09:57 AM Parent: #47
الجديد بالذكر ان المُحتفي بها الممثلة العظيمة خالس , متزوجة من لاعب و كابتن المنتخب الهولندي أسنايدر
Post: #49 Title: Re: يخسي والله Author: عمران حسن صالح Date: 07-07-2010, 10:10 AM Parent: #48
Quote: عاشت يولندا كوباو
ودي بشر عاااااااادي كده ؟؟ يعني من لحم ودم زي ( دمنا ) الأحمر ده ؟؟ ياخي أنا والله محرج خالس خالس
Post: #50 Title: Re: يخسي والله Author: GamarBoBa Date: 07-07-2010, 10:14 AM Parent: #48
معلمين كبار قسم بالله صورة يولندا الاولي دي لو ختاها زول تاني كان البورد كله طلع فيها غزوة. لكن تقول شنو...سيردباك جبرالله وعماد عبدالله جناح يمين وابوساندا شغال راس حربة في الاخير شايف..وفردتكم الذي بأريزونا بصلعته واقف مرمي
_ بالله هي يولندا دي مرة اشنايدر؟؟قادر الله يا ويسلي اشنايدر وانا قايلك زول كوبي ...طلعت زول ختم ساي
Post: #51 Title: Re: يخسي والله Author: خدر Date: 07-07-2010, 10:21 AM Parent: #50
Quote: من الخلعة نسيت كلمة (بوست)
Quote: اسي الواحد لو ما نيتو طيبه ما كان خشه هنا شاف التحفه دي الكورة كانت منو ومنو قلتو لي
Quote: خدر , ارفدنا بمذيد من الصور عليك الله حتى نتعرف على الشعب الهولندى عن قرب ونتلمس اخر اخباره الفنيه ,, سمح
Quote: إنت يا (فلان) أعمالك دايره ليها يافطه!!
Quote: هو غير " يولندا " في زول بيعرف يدق كورة ؟؟
Quote: بس غانا ما عندها يولندا
Quote: هى وكت ما عندها كانت ماشه وين ؟ ما تقعد فى واطاة الله دى مع الناس وتخت ليها طوبه فى خشمها ..
يبدو انو البوست ده حا يبارينا لحدي الفاينال اخشي ما اخشاه ان يسهم البوست في زيادة عدد مشجعي إسنايدر
Post: #52 Title: Re: يخسي والله Author: Baha Elhadi Date: 07-07-2010, 10:21 AM Parent: #50
يا وغد : منتظرك دي أولا ما رسلت تانيا تالتا والمهم : بوست برعاية قوات رباعية الدفع ومحمي من تدخل أبو صلعة
قلت لي يولندا ؟؟؟ عالم عجيب بهاء
Post: #53 Title: Re: يخسي والله Author: أبو ساندرا Date: 07-07-2010, 10:26 AM Parent: #50
علي محمد علي بشير :
Quote: بركوته مشتاغون ياخ ..
هلا بالحبيب ، والله انا بالأثر شوق مشوب بخجل شديد فتشت تلفونك في تلك الأيام الصعبة وماوجدته مرحب بيك
Post: #54 Title: Re: يخسي والله Author: esam gabralla Date: 07-07-2010, 10:33 AM Parent: #53
Quote: حذفتو .. خفت من لسان عصام
كده يا كبير؟ بعد الشنب ده كلو ... تخاف
Quote: الجديد بالذكر ان المُحتفي بها الممثلة العظيمة خالس , متزوجة من لاعب و كابتن المنتخب الهولندي أسنايدر
واااااك , سنايدر هرشك و لا شنو؟ يكون رسل ليك sms قال ليك:
اسمع يا وهم انت, حركاتكم دى بنعرفا, انت ما عندك اخوات و لا شنو؟ تنزلو في صور بنات العوائل ساكت كده, على الطلاق ما تمسح الصور دى في خلال ساعة سكينى دى الا تاباك خمنته داغ اك
Post: #55 Title: Re: يخسي والله Author: خدر Date: 07-07-2010, 10:39 AM Parent: #54
الممثلة واللا الفنانة لما معينا الإبداعي ينضب وتلقي نفسا بقت في آخر صف المشاهير بتحاول تلحق المولد بجنس الحركات (العريانة) من أي ملكة إبداعية زي الفوق دي .. مزيدا من التعري الإبداعي . تحياتي لخدر وضيوفو.
Post: #65 Title: Re: يخسي والله Author: محمد على طه الملك Date: 07-07-2010, 03:03 PM Parent: #64
دي فاطيها مالك ( سلفي فان دوفارت)؟ قالوا ليك المودلز ما فنانات؟ والا خايف فان دو فارت يفرتق صلعتك.. عالم غيرانه ما تختشيش.
Quote: نسيت حاجة يافنان.. قبال كم يوم نزلت لود الصايم فديو مشجعين ساكت .. تاني يوم مرته ولدت.
Post: #69 Title: Re: يخسي والله Author: خدر Date: 07-08-2010, 07:47 AM Parent: #68
اسبانيا الي النهائي
Post: #70 Title: Re: يخسي والله Author: خدر Date: 07-08-2010, 08:13 AM Parent: #69
الممثلة الاسبانية المخضرمة سلفيا ماروس
Post: #71 Title: Re: يخسي والله Author: اساسي Date: 07-08-2010, 08:57 AM
في لسان العرب لابن منظور:الكَهْلُ الرجل إِذا وَخَطه الشيب ورأَيت له بَجالةً وفي الصحاح الكَهْلُ من الرجال الذي جاوَز الثلاثين ووَخَطَه الشيبُ . وفيه أيضا:قال ابن الأَثير الكَهْلُ من الرجال من زاد على ثلاثين سنة إِلى الأَربعين وقيل هو من ثلاث وثلاثين إِلى تمام الخمسين وقد اكْتَهَلَ الرجلُ وكاهَلَ إِذا بلغ الكُهولة فصار كَهْلاً . وقال الزبيدي في تاج العروس:قال الأزهري : وقيل له كهل حينئذ لانتهاء شبابه .
ـــــ
طالما سمعت وقرأت عن سفاهة الكهول , كنت استعجب الامر , وكنت اظن ان كلما زاد عمر الانسان زادت حكمته وابتعد عن الخطل والهطل ورجح عقله , بالاضافة الي ذلك سمعت كثيرا عن مقولة ( القلم ما بيزيل بلم ) هذا الامران اشاهدهم الان في هذا البوست ( التـافـه) حين اني الان اري بام عيني كيف تكون سفاهة الكهول فلم اتوقع اني ساري كهولا يتأزمون امام صورة خليعة او يقومون بتسويق مثل هذه الصور المبتزلة في منبر عمل اصلا للنقاش وليس لاستعراض صور البورنو او الصور المثيرة للشبق الجنسي , والانكي والامر ان شخوصا يفترض انهم من النخبة ناشرة الوعي والثقافة.
Post: #72 Title: Re: يخسي والله Author: خدر Date: 07-08-2010, 09:18 AM Parent: #71
شكرا اساسي علي المرور
Post: #73 Title: Re: يخسي والله Author: محمد على طه الملك Date: 07-08-2010, 09:36 AM Parent: #72
يا اساسي ما سمعت قصة القاضي الشرعي .. طالع من المحكمة الحاجب قال ليهو بالله شوف يا مولانا الراجل الكهل داك اغتصب الشافعه ديك.. مولانا عاين للراجل الكهل وللطفله ولامها المعاها وقال.. هو ما شاف امها دي !! يعني انت بعد ضقت البوست تقولينا ملحه كتير خلاص اكتفي بالاولى لك [][/url. قلت ليك يا خدر الحر شديدعلى الناس هناك ابيت.
Post: #74 Title: Re: يخسي والله Author: خدر Date: 07-08-2010, 10:02 AM Parent: #73
Quote: قلت ليك يا خدر الحر شديدعلى الناس هناك ابيت.
ابدا يا الملك تخيل , الصورة عادية جدا للبشر الطبيعيين زي ما هو واضح اعلاة لكن صاحبنا اساسي شكلو إعتمد كتير علي طولة بالنا و شايفو لي فترة كل شوية بدخل و يشتم الناس و نحن بنسكت عشان خاتر الزمالة الطويلة في المنبر رغم انو ما غالبنا نقّعدو في عِلبو , عموما ادعي الله انو تتحقق واحدة من حاجتين: يا اساسي يبطل الأنفعال الهو فيهو ده و الشخصية الجديدة المتقمصها دي و يتعلم انو يتعامل معانا بالحوار لا الشتائم. او نحن يدينا طولة البال زيادة و يرفع من منسوب خاتر زمالة المنبر جوانا حفاظا علي سلامة اساسي نفسو.
Post: #76 Title: Re: يخسي والله Author: خدر Date: 07-08-2010, 10:54 AM Parent: #74
اسه بدل ما تشجعي اسبانيا تمشي لحدي جنوب افريقيا عشان تشجعي لي في هولندا ؟
خاتيين الاختاروك السنة الفاتت للمرة التالتة nederlands meest sexy vrouw
Post: #77 Title: Re: يخسي والله Author: أبو ساندرا Date: 07-08-2010, 10:59 AM Parent: #74
عاشت يولندا حرة مستقلة والموت والدمار للدبابين
Post: #78 Title: Re: يخسي والله Author: سيف اليزل الماحي Date: 07-08-2010, 12:26 PM Parent: #74
.
يا خدر
ياخي أنا بشجع هولندا من زمن عمك فان باستن، وجوليت حتى عهد الوجيه كليفرت .. إستهبال شنو؟ هولندا ساهمت في تغيير أسلوب لعب كرة القدم حديثا، وكانت لثلاثة مونديالات سابقة لا ينقصها إلا الحظ!
قسما لو كان في غانا مستهبلا واحدا فقط، لكانت الفريق الثاني في مباراة الكاس، ولكن المحصلة كانت مثالية غانا في مقابل حبرتجية أمريكا اللاتينية فحزن أكثر من نصف سكان الارض على خروج منتخب مايكل أسيان!
إستهبال شنو يا مان في هذا المونديال سحر زين الدين زيدان لم نشاهده إلا مرة واحدة برأس روبن في مرمى الأورجواي النصابين.
- يولندا دي هولندا كلها إنتخبتها 3 سنوات علي التوالي و تقول لي ناكر جميل - الفريق القومي ما حصل شال كاس العالم , اشجعو هو ولا اشجع يولندا كوباو؟
قول , انا راضي ذمتك
Post: #80 Title: Re: يخسي والله Author: Emad Abdulla Date: 07-08-2010, 03:49 PM Parent: #79
كويس .. اللهم طولك يا روح
Post: #81 Title: Re: يخسي والله Author: Emad Abdulla Date: 07-08-2010, 04:04 PM Parent: #71
Quote: طالما سمعت وقرأت عن سفاهة الكهول , كنت استعجب الامر , وكنت اظن ان كلما زاد عمر الانسان زادت حكمته وابتعد عن الخطل والهطل ورجح عقله , بالاضافة الي ذلك سمعت كثيرا عن مقولة ( القلم ما بيزيل بلم ) ** هذا الامران اشاهدهم الان في هذا البوست ( التـافـه)حين اني الان اري بام عيني كيف تكون سفاهة الكهول * فلم اتوقع انيساري كهولا يتأزمون امام صورة خليعة او يقومون بتسويق مثل هذه الصور المبتزلة في منبر عمل اصلا للنقاش وليس لاستعراض صور البورنو او الصور المثيرة للشبق الجنسي , والانكي والامر ان شخوصا يفترض انهم من النخبة ناشرة الوعي والثقافة.
هي وكت فيها شتايم .. تاعب روحك بالعربية الفصحى المكلوجة دي ليش ؟؟ إتلهي أعد البللحمر ده .. خلي عندك ذمة .. يا تشتمنا زي الناس و للا كمان إنطم اسكت .
Quote: في لسان العرب لابن منظور:الكَهْلُ الرجل إِذا وَخَطه الشيب ورأَيت له بَجالةً وفي الصحاح الكَهْلُ من الرجال الذي جاوَز الثلاثين ووَخَطَه الشيبُ . وفيه أيضا:قال ابن الأَثير الكَهْلُ من الرجال من زاد على ثلاثين سنة إِلى الأَربعين وقيل هو من ثلاث وثلاثين إِلى تمام الخمسين وقد اكْتَهَلَ الرجلُ وكاهَلَ إِذا بلغ الكُهولة فصار كَهْلاً . وقال الزبيدي في تاج العروس:قال الأزهري : وقيل له كهل حينئذ لانتهاء شبابه وكمال قوته .وقال ابن منظور في مادة شيخ:الشيْخُ الذي استبانتْ فيه السن وظهر عليه الشيبُ وقيل هو شَيْخٌ من خمسين إِلى آخره وقيل هو من إِحدى وخمسين إِلى آخر عمره وقيل هو من الخمسين إِلى الثمانين والجمع أَشياخ وشِيخانٌ وشُيوخٌ وشِيَخَة وشِيخةٌ ومَشْيَخٍة ومَِشِيخة ومَشْيُوخاء ومَشايِخُ وأَنكره ابن دريد وفي الحديث ذكر شِيخانِ قريش جمع شَيْخ كضَيْف وضِيفانٍ والأُنثى شَيْخَة . وقال في مادة هرم:الهَرَم أقْصى الكِبَر هَرِمَ بالكسر يَهْرَمُ هَرَماً ومَهْرَماً وقد أَهْرَمَه اللهُ فهو هَرِمٌ من رجال هَرِمينَ وهَرْمَى .والله العالم
ياود التوم اخونا ده إقتبس الكلام اعلاه من موضوع في منبر آخر بعنوان ( ما الفرق بين الكهل والشيخ والهرم مع تحديد السن؟؟؟؟) هنا مصدر لكنو بالإستعجال عشان يجي يشتمنا نسي يقرأ البوست لحدي الاخر حيث يوجد السؤال التالي
Quote: مراحل عمر الإنسان كما سمعت تصل إلى 37 مرحلة. والتدقيق في وصفها وإن بدا غريبا إلا أنه مفيد. لكن قد نستغرب، فلو كان الإنسان عمره 30 سنة ويوم صار كهلا بأول يوم! والمسألة أي تاريخ نأخذ: الهجري أم الميلادي؟
ده من ناحية
من الناحية التانية
Quote: خلي عندك ذمة .. يا تشتمنا زي الناس و للا كمان إنطم اسكت .
شوف بالله جنس فصاحة !! انتو يا كهول المنبر العتيقة اخدتوا كلامي علي محمل الشتم ؟ ياخي انحنا ما بنشتم يا كهول انحنا بنوصف في احوالكم القدامنا كونكم كهول دي بتحكيها صلع البعض الوصلت اقفيتهم والشيب المنتشر علي صوركم التاريخية . بالنسبة للسفاهة ما لقيت تسمية ( مخففة ) لفعل اتيان الكهول بصورة امراة لا يمنعها من العري سوى نكس شفاف وتصبح عارية تماما كموقفكم هنا والتوله فيها ضاربين برجاحة العقل والحكمة عرض اعماركم التي انقضى جلها ليت اللغة ساعدتني قليلا في وصف احوالكم هنا بشكل دقيق عندها تصبح مداخلتي اعلاه نوعا من المجاملة بالنسبة لما انتم عليه فعلا ـــــــــ الغناي خدر , شنو طولة بال واحوال العشرة , حتعمل شنو يعني في احسن احوال غضبك ؟ حتشيل كيبوردك ترميهو في الشاشة ؟ ولا حتخرع لي شتائم لم تقال من قبل؟ ما ياهو كلام سودانيز اون لاين ؟ وشنو الما اتقال لينا قبل كدا لنخشى ان يقال اكثر منه؟ ارني من نفسك خيرا يا رجل ولا تلتفت كثيرا الي سنوات خلون , يعني بالعربي الفصيح المكسر او كما قال الكهل المشٌيبة فوداه : اعمل اقصي ما تستطيعه , وليتك قبلها احترمت القراء قليلا وراجعت ما تدعوك مراهقتك المتاخرة لنشره ومشاركة الاخرين به انت وبقية مراهقي الكهولة المازومة
Quote: شوف بالله جنس فصاحة !! انتو يا كهول المنبر العتيقة اخدتوا كلامي علي محمل الشتم ؟ ياخي انحنا ما بنشتم يا كهول انحنا بنوصف في احوالكم القدامنا كونكم كهول دي بتحكيها صلع البعض الوصلت اقفيتهم والشيب المنتشر علي صوركم التاريخية . بالنسبة للسفاهة ما لقيت تسمية ( مخففة ) لفعل اتيان الكهول بصورة امراة لا يمنعها من العري سوى نكس شفاف وتصبح عارية تماما كموقفكم هنا والتوله فيها ضاربين برجاحة العقل والحكمة عرض اعماركم التي انقضى جلها ليت اللغة ساعدتني قليلا في وصف احوالكم هنا بشكل دقيق عندها تصبح مداخلتي اعلاه نوعا من المجاملة بالنسبة لما انتم عليه فعلا
قول ساعدتكـ !!
_____ نفسي اقرأ ليك يا ا ساسي بدون ما اقرأ نسخة باهته من ذكاء دكين في الكتابة.
Quote: ياطارق و أنا أقول الزول كل يوم جايب قون في كأس العالم.... هتاري متعود علي الإسكورين اليومي لوووووول :)
غايتو السودانيين ديل حسادتهم ما بدسوها خالص
Post: #89 Title: Re: يخسي والله Author: خدر Date: 07-09-2010, 00:02 AM Parent: #88
Quote: المفروض يا حبة بعد بوست "سر حزنى" الشحمان داك ياخد إجازة عديل
غايتو ! .. حلجتها وقعدت يا عجورة
يا نعومة, انت من زمن الفنان رابط كرفتة و عامل حسابو من الحوار عشان برستيجو ما يبوظ ؟
___ من الجماهير و إليها يا صاحب (شِعاري الذي احب ) او العودة الي زمن خليل افندي فرح.
Post: #91 Title: Re: يخسي والله Author: اساسي Date: 07-09-2010, 00:22 AM Parent: #87
Quote: قلت ليك يا خدر الحر شديدعلى الناس هناك ابيت.
لالا يا خدر كلام الملك صاح بصورة ما , وانا اوريك بصورة ما دي كيف ,, قبيل الساعة تسعة كدا اتابط اللابتوب ودخلت المقى قلت اديها واحد قهوة تركي واساهم بتلويث البيئة قليلا بنكهة التفاح , واتقنطرت قداااام في الكرسي وقدامي الطربيزة عالية تكلت الجهاز وفتحته ودخلت علي سودانيز اون لاين , لقيتك رادي انت وعماد الخنقتو العبرة فوق دا وبقي يقطع مداخلة يمسح ومداخلة ما يعرف يعبر فيها عن نفسه , وفي لحظة التفاتة تلقائية للنادل لتناول القهوة ومبسم تلويث البئية وجدته اي النادل يهمس لي بحياء معليش يا باشا بس المواقع دي ممنوعة عندنا هنا وازداد صوته خفوتا وهو يردف نص الناس الوراك ديل حينطوا في جهازك ويتفرجوا , واتخيل يجيني شافع بتاع سبعطاشر سنة من ابناء اعمامنا الكفلاء ويقف بجواري مترددا ويهمس قاطعا شكه باليقين لو سمحت يازول ممكن توريني البروكسي البيفتح المواقع دا ( قالها هكذا يازول امعانا منه في مد جسر الثقة وكسر الحواجز) انتم تعودتم يا خدر علي هذه المناظر التي تروج لها هنا ي بلدان حيواتكم الحلية والتي تتنكرون لتشجعها لذا تعتبر من غي العادي ان يعترض شخص علي هذا المنظر وتري فيه غير العادية وشوف ليك زي كهلنا الشيوعي العتيق ابوها لساندرا يتحولقون في احد البوستات حوله مشيدين بامامته للمصلين مبتهجين لبراعته في التلاعب بحبات السبحة ذاكرا لربه يأتي هنا مشيدا بكل جراءة بمقطوعة الطاري العارية اعلاه ناسيا ان هذا الدين بكج واحد كما فيه التسبيح واالصلاة فيه غض البصر وصون اللسان مضيعا لقيمة اساسية تقول انما الامم الاخلاق ما بقيت فاذا ذهبت اخلاقهم ذهبوا ــــــــــ ليت الله خصاني بلغة دكين التي يحسد عليها ومنع عني افكار الضالة كضلال ديوكه
Post: #92 Title: Re: يخسي والله Author: مرتضى احمد عبد القادر Date: 07-09-2010, 00:54 AM Parent: #91
Quote: الأخ أساسي
تعجبني فيك دائماً رجاحة عقلك و جديتك في الطرح و ياريت نتعاون أنا و إنت في ازالة المنكر
إنت عليك تسوق الكهول الهنا ديل و تتخارجوا من هنا سريع و أنا خليني مع يلوندي دي البسها هدوما و الحقكم
بارك الله فيكم و شكر سعيكم
يا عمك لقيتك معاك معلم
Post: #93 Title: Re: يخسي والله Author: اساسي Date: 07-09-2010, 01:08 AM Parent: #92
Quote: الأخ أساسي
تعجبني فيك دائماً رجاحة عقلك و جديتك في الطرح و ياريت نتعاون أنا و إنت في ازالة المنكر
إنت عليك تسوق الكهول الهنا ديل و تتخارجوا من هنا سريع و أنا خليني مع يلوندي دي البسها هدوما و الحقكم
بارك الله فيكم و شكر سعيكم
باقي ليك الكهول ديل بيرضوا يطلعوا من هنا !!؟ دا كان ما فكو فيك بكري ينقلك لخور المنبر وتغني ظلموني الكهول وطردوني اسى .,من بعد المداخلة الشفتها خمسةخمسة ياخي ابوساندرا دا ممكن يتجلي فيك اسع ويبقي دباب
Post: #94 Title: Re: يخسي والله Author: منعمشوف Date: 07-09-2010, 02:05 AM Parent: #93
Post: #97 Title: Re: يخسي والله Author: محمد عبد الماجد الصايم Date: 07-10-2010, 07:24 AM Parent: #96
يا جماعة المرة والدة! نخش ليكم وين بالحاجات دي!
Post: #98 Title: Re: يخسي والله Author: فدياس نجم الدين Date: 07-10-2010, 08:01 AM Parent: #97
ود الصايم
يا عمك
إستفسار إسفيري بحكم خبرتك
لو الواحد ختها صوره الزوله دي كصوره رمزيه
ممكن تحصل ليهو حاجه
( صورتها الأولى ديك يا مان )
Post: #99 Title: Re: يخسي والله Author: محمد عبد الماجد الصايم Date: 07-10-2010, 08:15 AM Parent: #98
Quote: ممكن تحصل ليهو حاجه
فدياس يا عمكـ احتمال تلقى بزاغ في الشاشة! لو ما طلع حاجة تانية!
كااااااااااااااااااااااكـ
Post: #100 Title: Re: يخسي والله Author: محمد عبد الماجد الصايم Date: 07-10-2010, 09:33 AM Parent: #99
الزول دا مشى يغتسل ولّ شنو؟
Post: #101 Title: Re: يخسي والله Author: أبو ساندرا Date: 07-10-2010, 09:48 AM Parent: #100
الدباب اساسي :
Quote: وشوف ليك زي كهلنا الشيوعي العتيق ابوها لساندرا يتحولقون في احد البوستات حوله مشيدين بامامته للمصلين مبتهجين لبراعته في التلاعب بحبات السبحة ذاكرا لربه يأتي هنا مشيدا بكل جراءة بمقطوعة الطاري العارية اعلاه ناسيا ان هذا الدين بكج واحد كما فيه التسبيح واالصلاة فيه غض البصر وصون اللسان مضيعا لقيمة اساسية تقول انما الامم الاخلاق ما بقيت فاذا ذهبت اخلاقهم ذهبوا
يا أساس يأخ من زمرة المؤلفة قلوبهم فدعني أدخل هذا الدين برفق محتقبآ معي سماتي وديامتي وفوضاي حتى يتنح كل هذا لمصلحة ( إنما الأمم الأخلاق ) أو تتنحى ( إنما الأمم الأخلاق ) هذه لمصلحة منو ماعارف
ثم لو إقتربت منا كما ينبغي لأدركت أنه يمكن التعويل علينا في مجال مكارك الأخلاق ، بغض النظر عن الأديان كآفة وكذلك لايمكن المزايدة علينا فيها
Post: #102 Title: Re: يخسي والله Author: خدر Date: 07-10-2010, 10:32 AM Parent: #101
يا ابو البنية, كلم اخونا الشليق اساسي , قول ليهو البصر دون البصائر
هذا و إستمتعوا جميعا بصديقي الطيب مدثر الفنان جدا
Post: #103 Title: Re: يخسي والله Author: فدياس نجم الدين Date: 07-10-2010, 12:43 PM Parent: #102
الفنان خدر
يأخي يديك العافيه لي زمن بفتش في الصوره بتاعت الطيب دي
كمان لو لحقتنا بوشوش بتاعت عادل مسلم تكون ما قصرت
تحيا هولندا
تضامن معاك ومع ممثلتنا الفارعه والبارعه
Post: #104 Title: Re: يخسي والله Author: سيف اليزل الماحي Date: 07-10-2010, 01:48 PM Parent: #103
.
ليتني كنت في الجانب الآخر منها، فربما وقع نظرها علي، محدثا "أنا بالطبع" دويا هائلا .. كما تقول الأخبار فإما سعادة لاتصد ولاترد بقية العمر المديد، أو .. يفسخ جلدي التخين "المكجني ده" مثلي مثل أي وغد أحمق في كامل جلافته العالم تالتيه، وقد سولت له نفسه أن يتراشق في البلاط الاوربي الهولندي اليولندي الفخيم المبين، وساعتها لا يجد الوغد من يلاومه .. فما أكثر المتراشقين هناك، وما أتعس "المراشقين" هنا!
والمهم ياصاح ..
أنا أقترح أن تطرح علينا المزيد من المعلومات عن تاريخ المنتخب الهولندي على المستوى الاوروبي والعالمي أهم إنجازاته واخفاقاته وأبرز اللاعبين، وبالجانب الآخر ضرورة رفد البوست بموجز لتاريخ الفنانة العظيمة يولندا .. حياتها وسيرتهاالفنية وأهم أعمالها، الجوائز التي تحصلت عليها، مساهماتها الفنية، تاريخها في شئون الزواج والعاطفة، حتى فضائحها "أن وجدت"!
ذلك حتى نستطيع الإجابة على سؤالك: يولندا ولا هولندا؟
لكن السؤال الذي لاتستطيع أن تمنعنا من طرحه عليك هو: هل شجعت "بوليندا" منتخب بلادها في هذا المونديال؟
أعرف أن الإجابة موجودة على صدر هذا البوست، لكن .. نرجو أن تضيف إلينا شيئا من أقوالهاالمباشرة في هذا.
سيف اليزل
.
Post: #105 Title: Re: يخسي والله Author: محمد على طه الملك Date: 07-10-2010, 02:15 PM Parent: #104
يا سيف.. شايفك مشيت غيرت وحلقت وجيت
Post: #106 Title: Re: يخسي والله Author: سيف اليزل الماحي Date: 07-10-2010, 02:30 PM Parent: #105
Quote: ليتني كنت في الجانب الآخر منها، فربما وقع نظرها علي، محدثا "أنا بالطبع" دويا هائلا .. كما تقول الأخبار فإما سعادة لاتصد ولاترد بقية العمر المديد، أو .. يفسخ جلدي التخين "المكجني ده" مثلي مثل أي وغد أحمق في كامل جلافته العالم تالتيه، وقد سولت له نفسه أن يتراشق في البلاط الاوربي الهولندي اليولندي الفخيم المبين، وساعتها لا يجد الوغد من يلاومه .. فما أكثر المتراشقين هناك، وما أتعس "المراشقين" هنا!
والمهم ياصاح ..
أنا أقترح أن تطرح علينا المزيد من المعلومات عن تاريخ المنتخب الهولندي على المستوى الاوروبي والعالمي أهم إنجازاته واخفاقاته وأبرز اللاعبين، وبالجانب الآخر ضرورة رفد البوست بموجز لتاريخ الفنانة العظيمة يولندا .. حياتها وسيرتهاالفنية وأهم أعمالها، الجوائز التي تحصلت عليها، مساهماتها الفنية، تاريخها في شئون الزواج والعاطفة، حتى فضائحها "أن وجدت"!
ذلك حتى نستطيع الإجابة على سؤالك: يولندا ولا هولندا؟
لكن السؤال الذي لاتستطيع أن تمنعنا من طرحه عليك هو: هل شجعت "بوليندا" منتخب بلادها في هذا المونديال؟
أعرف أن الإجابة موجودة على صدر هذا البوست، لكن .. نرجو أن تضيف إلينا شيئا من أقوالهاالمباشرة في هذا.
سيف اليزل
يا الملك سيف اخوي ده الليلة غايتو يا مهكور , يا كمان اولادو في السودان
Post: #108 Title: Re: يخسي والله Author: Emad Abdulla Date: 07-10-2010, 05:11 PM Parent: #107
تضامناً معنا في محنتنا .. و كمان مع سيف اليزل اخوي ده .. و ابو ساندرا .. الرجل الطيب الذي الغنماية تاكل عشاهو .. و عصام ود اللزينا .. و .. كده و كده و زاد وجدي
فيفا يولندا .. هوووي يا ليلى ... هووووووووووووووووووووووي
Post: #109 Title: Re: يخسي والله Author: خدر Date: 07-11-2010, 11:03 AM Parent: #108
والله تبقي اخطبوط , اخط خالتك, اخط جدو .. هولندا مغلوبة مغلوبة بي بركة يولندا كوباو
Post: #110 Title: Re: يخسي والله Author: محمد عبد الماجد الصايم Date: 07-11-2010, 11:15 AM Parent: #109
هياااا مولانا! الواحد ينتظركـ ترفع البوست من متين جايب لينا صورة الأكتبوس!! لقيتكـ زول عبوس ياخ!
Post: #111 Title: Re: يخسي والله Author: خدر Date: 07-11-2010, 11:54 AM Parent: #110
Quote: هياااا مولانا! الواحد ينتظركـ ترفع البوست من متين جايب لينا صورة الأكتبوس!! لقيتكـ زول عبوس ياخ!
اوع يا عمك تطلع انت صاحب (اساسي ) العندو full external harddisk بي صور سودانيزاونلاين
Post: #112 Title: Re: يخسي والله Author: خدر Date: 07-11-2010, 11:57 AM Parent: #111
صورة الزواج
بعد الزواج
______ عمك ابو البنية ده محتاج اليومين ديل صورة في العضل كل يوم
Post: #113 Title: Re: يخسي والله Author: محمد عبد الماجد الصايم Date: 07-11-2010, 12:02 PM Parent: #112
كان يوم عجيب غايتو , كمية من (اليولندات) و شاشات كبيرة و فريق مغلوب و بكاء و إحباط كبير و هولندا كلها صامتة و حزينة لسانها إنقطع و مولانا خدر شمتان و قصص صّورتها عدسة الوغد ابومهند (مشجع المنتخب الهولندي المخلص ) شماتة حبيبكم الليلة في قلب امستردام و خرخرة السنين من الهولنديين
يادوب وصلنا البيت تابعونا و وفالكم طيب
__ يا ابومهند لو وصلت البيت نزل الصور , لانك شاهد عيان ( اوع ما تنزل الصور بسبب الإحباط )
Post: #125 Title: Re: يخسي والله Author: اسماء الجنيد Date: 07-12-2010, 00:09 AM Parent: #124
خدوري ... اللهم لا شماتة والله هاردلك ومبرووك علينا دي اسبانيا يا بوي تقولي هولندا وبقر ؟ برشلوووووووووووووونة دود كوم
Post: #126 Title: Re: يخسي والله Author: محمد على طه الملك Date: 07-12-2010, 01:01 AM Parent: #125
يخسي ساكت!! يا خدر ياخي بلا صور بلا يولندا .. ارح على( بول) الآفه دا.. الشيء دا الايام دي سوقه حار .. تعال ننظم رحلات جويه وبضمن ليك كتار من السعودية والخليج.. اما ناس قطر فاحسن نخصص ليهم طياره .. لانو ناس كيكي ديل كاجورهم تقيل ما بفك بزياره واحده .. بس السودان ما معانا رغم أنه العايد مغري جدا. قول خير.
Post: #127 Title: Re: يخسي والله Author: خدر Date: 07-12-2010, 03:07 AM Parent: #126
هدية العدد
زوجة حارس مرمي اسبانيا الموديل فيرونكا كاسيلاس
Post: #128 Title: Re: يخسي والله Author: سيف اليزل الماحي Date: 07-12-2010, 08:10 AM Parent: #127
.
الله لا كسب بيرت فان مارفيك مدرب هولندا، ولا كسب ريمون دومينيك مدرب فرنسا، ولا كسب ميلوفان راييفاتش مدرب غانا،
إفتقدناك يا كليفرت .. إفتقدناك يا زيدان .. إفتقدناك يا إسيان ..
الآن .. كيف نطيب خاطر بوليندا؟ كيف نمسح العار من جبين مملكة هولندا "المضيافة" ؟
سيف اليزل
.
Post: #129 Title: Re: يخسي والله Author: سيف اليزل الماحي Date: 07-12-2010, 08:15 AM Parent: #128
.
عفوا .. في المداخلة نسيت أن أكتب :
ولا نامت أعين الجبناء والمرجفين!
.
Post: #130 Title: Re: يخسي والله Author: خدر Date: 07-12-2010, 10:39 AM Parent: #129
بدينا البوست بي زعلة من صعود هولندا للنهائي و قلنا انو كورة هولندا دي رزق اليوم باليوم و انو الكاس اسباني و قد كان الله يجبر بخاتركم يا الاسبان الجبرتو بي خاتري
Post: #134 Title: Re: يخسي والله Author: سيف اليزل الماحي Date: 07-13-2010, 08:14 AM Parent: #133
.
Quote: خسارة فريق ضعيف يطيح بآمال بنات جميلات زي ديل
الفريق الضعيف ده .. هو الفريق الذي لم يخسر 25 مباراة على التوالى، حتى بلوغه المباراة النهائية مع الأسبان "الوهم" ..!
الفريق الضعيف ده .. هو الفريق الثاني الذي استطاع تحطيم "أسطورة" البرازيل بعد ان قضى عليها الفرنسيين "الكعبين" ديل بقيادة زيدان في 1998 ..!
الفريق الضعيف ده .. هو الذي قدم للعالم لاعبا في مقام سنايدر والذي يملك الكثير من ملامح اللاعبين الكبار، بينما وضحت تماما قدرات مشاهير الإعلانات التجارية في كرة القدم .. وهو الطريق الذي تنكبته الكرة تحت سيطرة "مجموعة" بلاتر!
أخوف ما أخافه (على قول كمال الجزولي) أن يكون تهجمك على المنتخب الهولندي، بعضا من إسقاطات "التفلتات" العاطفية، والتي ربما دفعتك إلى "القنص" في الماء العكر، لتومئ "بمكر" الى فكرة المجاملات لتحاول الربط بين "بوليندتك" واختيار "اسنايدر" لقيادة المنتخب، رغما عن علمك أنه عندما كان سنايدر يافعا ماهرا يداعب الكرة في الحواري الهولندية، كانت "بوليندتك" هذه لا تمتلك صورة واحدة بحجم الباسبورط!!
Post: #135 Title: Re: يخسي والله Author: حافظ كنجال Date: 07-13-2010, 01:01 PM Parent: #134
مافي صور لخطيبة انيستا
بعد البوست ده الواحد يراجع نشاطو المهني الدرامي
وانا اقول عمر رجب ليهو كم يوم لابد مني
Post: #136 Title: Re: يخسي والله Author: Tragie Mustafa Date: 07-23-2010, 01:41 PM Parent: #135