انت عارف انا والعياذ بالله منها كلمه كنت فى زياره( خاطفة) لونين..للسيد الوطن..لاحظت...الشباب من الجنسين عندهم قوة اراده فى طرح قيمهم ومعاييرهم ...ونظرتهم للحياه....المختلفه كلياعن المعهود. المرقه...,الدخله ,اللبس...طريقة السلام...اللغه...الاستجابه للكبار(ياولد جيب الابريق)تتردد تقولها....بالمناسبه فى عالمين منفصلات تماما فى السودان اليوم... عالم الأكثريه الفقراء شيبا وشبابا...والعالم الأخر الغنى القادر ماديا على الترويج لمفاهيمه- كلامى الفوق ده يخص العالم الاول-
يمكن تكون دى (حسكنه) منى ساكت.....لكن لاحظت مثلا فى حدائق ابريل...فى رحلتين متجاورات اختلاف يكاد يكون كامل بين مجموعتين(بين السحاب)
فى الادوات المستخدمه. مسجلات حديثه, كمرات تصوير متطوره نوع الأكل سندوتشات من افخم المطاعم,اللبس انيق وأخر موضه.... على الجانب الاخر يكفى فقط ان الاله الموسيقيه الوحيده المستخدمه اذا صح التعبير والله على ما اقول شهيد...جالون بلاسيتك للقيام بدور( الدربوكه) وعلى كده ممكن تقيس نوع الفرفشه والبهجه..والانطلاقه....والفرح... مما يتيح امكانيه الكلام عن المعايير والقيم الاخلاقيه للمجتمع..ده اذا كنت انا اصلا فهمت...قصدك بصوره صحيحه المهم
يازول
قلت اخت عودى هنا
وبعداك نشوف
تخريمه
عندى جيب موديل قديمم (معذبنى) غلبنى ابيعه...اول امس فى المنام جانى الامام الصادق المهدى فى الاول سلم على اى كلام ولما عرف انا صاحب الجيب حضنى وقعدنى جنبو واتونس معاى..وبعد كسور وبواقى اشترى الجيب وفى قعدتنا ديك رسله الجزيره أبا....عليك امان الله لامن صحيت ما ادانى فرطاقه.
Quote: عندى جيب موديل قديمم (معذبنى) غلبنى ابيعه...اول امس فى المنام جانى الامام الصادق المهدى فى الاول سلم على اى كلام ولما عرف انا صاحب الجيب حضنى وقعدنى جنبو واتونس معاى..وبعد كسور وبواقى اشترى الجيب وفى قعدتنا ديك رسله الجزيره أبا....عليك امان الله لامن صحيت ما ادانى فرطاقه.
الله يجازي محنكـ يا فجراوي
06-25-2005, 12:25 PM
خدر خدر
تاريخ التسجيل: 02-07-2005
مجموع المشاركات: 13188
خدر المادة صارت السمة الأساسية للحياة في السودان، أزاحت بفعل سيطرتها على مفاصل الحياة الكثير من الموروثات والقيم ... زمان كان في حب بين الناس. هسه الأهلية كمّلت لا حبيب لا حاب يا حليل شمس المحنّة الغرّبت طاحت كدي أمشي حلتكم شوف الأصدقاء هم نفس الأصدقاء؟ ستشعر بالغربة من أول يوم لك في السودان، اللهث وراء المادة أنسى الناس موروثات جميلة كنا نعيش عليها، وتتسارع خطانا للوطن كي نرتاح تحت ظلالها ... ده كلو كوم وظاهرة السرقة كوم براه ... يا زول نقول شنو ولا شنو كدى بجيك بالليل
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خدر
عمر ادريس محمد
الفاتح وديدي
فيس بوك
تويتر
انستقرام
يوتيوب
بنتيريست