مازلنا في اول ساعات الليل .. لكنا في منتصف الويل .. / دكين 2 من 7

الصباح جميل هذه الايام يا صديقي
كيف حالك انت !!!
الا ذلت تنسج احلامك علي نوافذ الزنزانه كل مساء !!
الشوارع تقرؤك السلام...
الكلمات لمحمد ع. الخالق


ابي محجن في الاسر
كيف يستقيم ان تكون منفيا و ترتكب كل هذه الافاعيل التي يكتبونها باسمك كل صباح و دون علمك حتي !!
لا الضرب ضرب ابي محجن ولا الطعن طعن البلقاء !!
تعرف يا دكين .. الناس بي وراك تلاته اكوام
كوم معاك رغم انك وغد كبير
كوم ضدك لمجرد انه ضدك
كوم عامل فيها كبير و البحصل ده كلام فاضي
يعني يا دكين يا اخوي بقيت زي النيبال ال12 الكتلوهم في العراق .. مافي زول اشتغل بيهم الشغله و الاذاعات كلها تبكي علي الفرنسيين رغم انهم 2 بس .
نسيت اقول ليك
بكري بقي يدخل البورد و يشارك بفعاليه ... و عادل لسه بلعب ظهير متقدم
و انااوقفت تداعياتي هارلم بلد الكدايس و العفاريت (قصه واقعيه ) مع عفاريت مدينتي حدادا عليك
ناس الشرقيه طلعوا بيان برفضوا فصلك ..
متفائلين خالص بفتكرو انو البيان حا يعدل النتيجه
قول ليهم علي لساني ... نحن مازلنا مغلوبين 5 صفر و الحجاج يعمل سيفه في الرقاب بلطف و ابتسامات و انا ضاعت أمألي في منبر حر..
اغني ليك اندب حظي ام امالي !!
صديقي الوغد سأكتب لك كل يوم رساله .. فانتظرني غدا



و



مازلنا في اول ساعات الليل
لكنا في منتصف الويل
حسب التوقيت المأساوي
للمدن ..الصماء ..البكماء
هل انت بخير
هل انت بخير
هل انت..
هل ..


الكلمات لتمادر شيخ الدين


التوقيع
مولانا خدر
قاضي المحكمه العليا

اعــــلاه



خدر يرثي اخاه دكينا

أخي العزيز / خدر
السلام عليكم
مشتاقين لاخينا العزيز دكين
البورد بدونه ما ليها نكهه
عائد عائد يا دكين
نحن في انتظارك يا دكين

حمزاوي الحبيب .. شوق شديد ليك .. انشاء الله طيب
تعرف
زرقاء اليمامه قالت
اري شجرا يسير ... فكذبوها و طردوها

هذا هو سر الوغد دكين
شاف الماشايفنوا الناس و عشان كده هو وغد و عشان كده نحن بحبو


شكرا لدعمك

دكين
مبروك عليك ايقاف الاسبوع
فقد زادك عندنا هيبة ووقارا والله
شريطة أن تعود
... لنفس ماكنا عليه معا
... لله

وقعت رغم علمي أن الإدارة الجديدة لن تلبي مطلبنا فهي تريد أن تثبت جديتها في تفعيل القوانين ..
ولكن أقول لهم سننتظر وننظر فإن غدٍ لناظره قريب وسنعلم هل هم قادرون على امضاء سيفهم في كل الرقاب أم هنالك رقاب معصومة .

فتحي يا حقاني

Quote: الإدارة الجديدة لن تلبي مطلبنا فهي تريد أن تثبت جديتها في تفعيل القوانين

علي عثمان
مشهد اول

كان كليب يمشي في الفلاه ممتطيا جواده فبرز له جساس بن مره و ناداه
يا كليب ..
.......
لم عقرت ناقه البسوس !!
الم انهيك من ان ترعي ناقه البسوس هناك
ولكنها كانت في حماي .. فلم عقرتها !!

كان كليب يعطي جساسا ظهره وهو يحدثه.. قال قولته تلك وذهب فناداه جساس
يا كلييييييييب
ثم رماه برمحه .. فاخترق الرمح ظهر كليب و ارداه قتيلا


مشهد ثاني
قالت الاداره في معرض تحذيراتها للمارقين
اني اري رؤوسا قد اينعت
و حان قطافها
و اني لصاحبها
قال دكين ... اجيبوني لو كنتم صادقين
فصمتوا ...............
فمضي دكين ميمما شطر الحقيقه .. ففاجأه رمح قد ظهره

لهذا المعتوه
ذا البذاءات البهيجه
"طابظ" عينه لاجل الحق

Quote: سأقص الأسطورة أسطورة ذاك الذي هرب و حمل طيور الاند على الصمت في قلب الليل عندما سمعناه أوّل الأمر كان الهواء عميقاً رخياً و كانت آلة موسيقية مجهولة تطلق ألحانها من مكان لا ندري أين هو

.... يبدو ان الدنيا تحتاج ان يكون الواحد مسطول او كلب او قواد ... وليس وغد صغير مثلك او مثل خدر او مثلى

من مراويد الذى حاول فاشلآ الترفيه عن قضاة المحكمه ما بين
الجلسات

Quote: يعني يا دكين يا اخوي بقيت زي البنغال ال12 الكتلوهم في العراق

يازول منو القاليك ما اشتغلوا بيهم
سمعنا الليلة العجب في النيبال!!!
و.... ربنا يستر يا خدر

كوم معاك رغم انك وغد كبير


ده كومي زاتو
وغد كبير جدا هو وابقوتة

لكن حقيقي لحدي الان مندهش وقاعد افكر في انو هل ممكن ادارة البورد دي يكونوا فيها ناس عاقلين ... ولحدي ما افهم بكون دكين رجع.

وواضح انو قوانين سبتمبر حاتطول الكثيرين.
عارف يا خدر دي بقت زي اقتراح القذافي ( لو كذب او صح ) لي نميري انو يحرق الجنوب بكل حاجة فيهو...

ابو امنه يا ود امي
ذهب الذين احبهم و بقيت وحدي اقرض الشعر و احيانا صباع رجلي الكبير


ويينك انت .. دكين مافي و انت برضوا مافي !!!

انا موجود يا خدر

بس عايز اتجاوز الصدمةوخيبة الأمل الكبيرة

صدمة وضع دكين قربان للادارة الجديدة عشان تثبت ( مقدرتها علي الحسم ) وبيني وبينك مصدوم جدا.
لكن من الواضح انو عادل بقول زي ما قال بكري ابوبكر
دي بوردي والماعاجبو يمشي ...

عموما المسائل ما قاعد تتحل بالصراخ وما تفتكر انو عدم وجود دكين اسبوع في البورد سيئ عشانو .. صدقني ما سيئ علي الاقل فترة يراجع فيها حسابات كتيرة جدا ونا متاكد انو رغم انو اكبر وغد في البورد لكن خليهو يراجع حسابات كتيرة جدا.

وطريقة الادارة الجديدة من الصعب انك تقول فيها حاجة او تلقي مؤيد مهما قلت لسبب بسيط لأنو تجربتها يادوب بدت لكن الوقت والزمن بيناتنا وهو كفيل بانو يوضح هل ممكن نجاح الاسلوب ده او ما ممكن ..

عارف انو دكين بقي قربان والغريبة كنت متخيل ايي حاجة الا التصرف الغريب ده .

فصل دكين
معقولة بس

ابو امنه اخوي

جعفر نميري في السبعينات عمل مشروع اسمو البان بابنوسه و خلق للرعاه في تلك المناطق الجوء الجيد للاستقرار من سكن و مرتبات و ....الخ بقصد تهيئتهم للاستقرار و الانتاج حتي يحقق تنميه كما ادعي
لكنه كان غبيا جدا
فمن الصعب ان تغير نمط حياه شعب كامل تعود علي العيش بطريقه الترحال من و الي مناطق الرعي و تفرض عليه استقرارا هو لا يرضاه
ففي هذا الترحال حياتهم ..ونستهم ..اغانيهم و حبهم و خلافاتهم

وهذا ما يحدث الان هنا ..
اااااااااااااااااه
متي يفيق هؤلاء الناس يا صديقي !!
متي !!

يا خدر الشين السودانين ديل زي الياي كان ما عصرتهم (برتدوا في وشك ) الادارة دي ما تجيب ليك معاها رخوة في اخوك دكين واقصي حاجة حيعملوها شنو ..؟؟ حيقطعوا عنك الهواء والموية ؟؟؟ ولا منبر حوار (لامي) ؟؟
اعصر وانا معاك بعصر

وفي الفضاء نمارس جعيرنا بطول اصواتنا او كما يقول الوغد دكين

و الفوضي عمت و الناقصه تمت


اساسي الكارثه
حمدلله علي السلامه
و ما حاسكت .. صدقني


شهادتك بحق الوغد دكين اثلجت صدورنا
امض قدما

Quote: ذلك الفتي الذي يستهتر باللغة و ( يشلتها) علي كيفو يجبرك علي أن تقراه حتى النهاية ..بإمكانه أن يغير مزاجك مائة وثمانون درجة كيفما شاء وان تقراه وتنقاد إلى مزاجه الذي يكتب به وتجد نفسك أصبحت تقاسمه نظرته من الزاوية التي ينظر بها لما يكتب حوله وهي في الغالب (نظرة قرفانة ومتشائمة ومستهترة في بعض أحيان ) ولكن بلغة تصل حد الرقي والتسامي و أحيانا بألفاظ تصل حد (المواراة خجلا) ...

اساسي مشتاقون يافردة
زي ما قال ود الشيخ ....الجضوم عندك

فقدناك بالحيل هاليومين يانشمي

الحبيب تولوس

والله ايضا فاقدك لكن المنبر بقي لي (اخر بليلة ) عشان كدا اخوك بعرف يربي جضومه وين شفت ليك حصاص عمل ليهو لي زول جضم

وقع الصقر .. أو هان
كتر البتابت عيب
لا تجيني هان في الغربة
أم سدولاً جيف
تعردي في يمنة ويسرى
أسئلة تعبر السيف
دحين ودرني .. شن خدرني
غير حيلاً غشاهو الكيف
يا تركة حشاي عنف المساسقة
والهبر والجيف
ضمة حساك .. كشنة بالي
متنخشم ضراي تبالي
جكاك المتنى رهيف
شن تبقى الرهيفة المالية
ضمة بلاك .. شايلة هلاكي
والميتة الفطيس كفكيف
"عثمان بشرى"

هكذا تحيك الأقدار هذا الثوب المهترئ ... يذهب دكين ليعلن عن السقوط والانكسار لإدارة أقل ما توصف أنها تكيل بمكيالين ... يذهب دكين ليترك وراءه أسئلة غاية في التعقيد ... هل تبقى س.أونلاين؟؟ هل يظل شرف الكلمة متاحاً في واقع بهذه البشاعة؟؟ ولماذا لا نصبح كلنا (هكر) وكلنا قذرين ومروعين وساقطي قول وفعل ... يذهب دكين لتخرج الذئاب من جحورها وتلعق بقايا دم الضحية وتنادي بعضها البعض ... يذهب دكين لكن يظل الصغير صغيراً والكبير كبير ...

نادر ود امي
اكتب
اكتب قد ما الله اداك

العزيز خدر

لك ولدكين صاحب القلم المميز جدا .زكل الود والتقدير..كغيري يؤلمني غيابه جدا..وأفتقده جدا..

لانني تعودت قراءة كل مايكتب علي هذا المنبر..وحق علي ان اقف بجواره الان

كل الود والتقدير ..واكتبني في اي كوم تشاء

عبد الله جعفر

عادل عبد العاطي يمدح دكين .. عادل ع.العاطي يفصل دكين

اتاريك يا دكين تعبان سااااى

من يومك الجيت هنا قلت اكتفيت من صحبة الرجال وبقيت تصاحب الجكس

اها ولا واحدة جات تقول ليك كفارة مافى

انا غايتو بقول كفارة لكن ما ليك ...لنا نحن

تسلم انت والقاضى

قالوا عن دكين الوغد ...

Quote: دكين .. هو ليس صديقي ولكني احبه رغم انه (مركب لي وش كرتون) ذلك الفتي الذي يستهتر باللغة و ( يشلتها) علي كيفو يجبرك علي أن تقراه حتى النهاية ..بإمكانه أن يغير مزاجك مائة وثمانون درجة كيفما شاء وان تقراه وتنقاد إلى مزاجه الذي يكتب به وتجد نفسك أصبحت تقاسمه نظرته من الزاوية التي ينظر بها لما يكتب حوله وهي في الغالب (نظرة قرفانة ومتشائمة ومستهترة في بعض أحيان ) ولكن بلغة تصل حد الرقي والتسامي و أحيانا بألفاظ تصل حد (المواراة خجلا) ...

اساسي الكارثه

Quote: دكين يقولوا شنو عنو تاني بعد كلامك اساسي ؟ دكين .. يزعلك من روحك وتضحك غصب يسوقك في يوم ماطر من المين روود ويدلف بيك الاكزام هوول وهناك في الكافتيريا يغازل بنات قانون واداب حلة حمد رغم انو شين ودشن ومفكلب وسيكوباتي .. دكين .. يفلس يغيب , يفلس زيادة يسكن كهوف نجد ومعللته هنا إنتظاراته لبعض غزلانها نجد هناك .. دكين .. قاضي محكمة , عذابي في بيت ابوهو نايم في سطوح تهيج اشواقو قريب البواح يرميها علي عاتق ديك يزفرها الديك ويبوح بيها صيحة , يديها أمانة لي ديك الجيران , وجار الجار والذي يليه , من مزرعة لي مزرعة ومن حوش فيهو ديك مطلوق زي عشمنا في الغربة لي ديك واقف في حيطة جالوصنا وهكذا , تعبر الاشواق من زقاق ل حلة ومن حلة لحي ومن حي آخر للذي يليه , وهو صاحب الاشواق على سطوحهم الافتراضي زيو هنا منتظر ما تسفر عنه رحلة الاشواق اليها في حلة حمد . وفي حلة حمد ؟؟؟ شئ من الشجن .. دكين .. شئ من العفن .. يكتب ل دافي الانسان عن زملاء دراسة ويكتب دافي شجون تلك الايام ويرد دكين ويصف دافي فيسرجوا خيالك إلى أرض حقيقة فيخال لك هو ودافي قد أمضوا سنوات الدراسة في براحات عالم اخر غير تلك المدينة الغبشة . دكين .. لسانو المسلط شالو مننا .. Quote: ورغم أنى اعرف عن الموضوع مثار المحاكمة التي جلبت لصديقي ووش كرتونه الإيقاف من المنبر بكل أبعاده وتداعياته وشماراته والتي لو علمها أخونا فتحي البحيري وخدر الشين لتغيرت نظرتهم لكثير من الأمور ولكن (مالي) وللشمارات والقيل والقال كما لا اخفي انه ( الأدب الذي تأدبه صديقي من الجانب الأخر هوب فل) كان يعجبني لذا تركت الموضوع وأنا استمتع بالحاصل رغم علمي أن الموضوع (لا بودي ولا بجيب بعد كدا ) ... ليته يعرف أبنوسي

تبلدينا الابنوسي

Quote: تحياتي الي الغائب دكين حتي يعود والله الزوول ده حيرني عديل كده ولكن هو فارس ....اي الله ونعم الكلمة فارس بالجد وما بخاف ..

تولوس

مراويد الوغد يبدو ذلك .. يبدو انك علي حق

الاخ العزيز عبدالله جعفر
انت في كوم الفائزين الذين لا يمنعون الماعون
اكتب مع او ضد دكين لكن دع ذلك في النور
فأنت معنا اذن

وهاهو اليوم الثاني يبداء يا صديقي الوغد

البورد في حاله هدوء قاتل
و انا في حاله قرف قاتل ..
تصفحت قليلا في ما طرشته لنا هنا
افضالِ الضالِ في سلاح الامداد والتموين قبل حادثه فصلك الاخيره

Quote: يعاني الصوت هناك في انتقاله فلا البيوت تشبه البيوت ولا الديوك هناك تقيم كثيرا ..

فانتقالات الصوت يا وغد مسأله معقده جدا و تعتمد علي تضاريس البيوت نفسها فصوت ديكك سيعاني طالما هو في السودان
علم الصوت يعتمد علي الفراغ بشكل اساسي فكلما كان الفراغ سحيقا كان للصوت شخصيته الواضحه اي كلما مر الصوت بعمارات الرياض الفارهه كان
اكثر وضوحاو بكل دوائره لعدم وجود الماص الصناعي و يتبع ذلك مايعرف بال nagaalmtijd او مابعد مرحله الترددو هي ما اصطلح علي تسميتها بالصدي اما حين يمر بمنازل الغفراء و الفسحات و السهلات الوسيعه فانه يا صديقي ينتحر طواعيه و يموت نكايه بك و بحبيبتك
و يتحول الصوت دون قصد منه الي خائن و عميل ضد احلامك و عواطفك
و للصوت في مسأله نوم العاشق شجون حديث

Quote: ده كومي زاتو وغد كبير جدا هو وابقوتة

دكين..زولى يابومنة...لكن مشكلتو تابع لى خدر وبحيرى
وتتبنو قضيتو...وهوكان عامل قاضى ...
خدر مبدع وفنان بس مشكلتو زى شوقى بدرى بتناسى الردود
ودى مشكلةالفنان مع المتلقى....
اما بحيرى دا نفسى يوم واحد بس اشوف سنونه فدكين شخصية..مبدعة اشعاعيا...زى سجيمان بس اقل
شعبية..وبعده على طول بجى ابقوتة...بس هو الايام الاخيرة عمل لى فيها قاضى...عشان كدا ناس الجدية تبنو قضيته لكن فى النهاية العرجاء لمراحها مصيرو يرجع تانى لشلة ابقوتة..وشلتى انا زى السودان الجديد..تصور ياخدر انا زى الموية...لكن يومها البقت ليمون ولا ابرى...او عرديب
بتقل شعبيتها...فدكين دا زولى ياجماعة وانا قادر افك اسره..بس انتو فكو اسره..من افكاركم
النورية التى تاثر على اشعة الشمس.فدكين ظلامى مشع...مش ظلامى معتم...والظلامى المشع افضل
من النورى المشع...لانك لا تبصر نوره
نفسى القى قلم زى قلمك ياخدر..لانه سنته عريضة
والكلام الفوق دا كله...............لوووووووووووووووووووووووووووووووووووووووووول

ابوقوته ســـلام

Quote: خدر مبدع وفنان بس مشكلتو زى شوقى بدرى بتناسى الردود ودى مشكلةالفنان مع المتلقى....

انا ما بتناسي الردود .. لكن بوستا مارفع روحو مابرفعوهو الردودو عموما .. انا ما اتجاهلتك بس تعرف يا ابقوته
الفتره الفاتت كانت مسيطره علي فكره الكدايس و العناكب و العلاقات الناشئه بينهما بفعل التحور .. انعل ابو الديالكتيك زاتو
و القصه شغلتني حتي عن اهل بيتي
تقول لي مابرد علي الناس
ارد كيف و انا مبكم !!

لذلك تجد ان توضيف الالات الموسيقيه داخل الاستوديوهات تاخذ طابع تراتبي فقسم الايقاعات يتم عزله عاده بعيدا عن بقيه الاوركستراء في التسجيلات ذات الطابع الاوركسترالي ( جميع الاوركستراء داخل الاستوديو ) و ايضا قسم البراس ( ترمبون _ ترامبيت _ هورن ... الخ ) يطرد بعيدا لتمتعه بدرجه عاليه من الازعاج لبقيه الالات
القسم الاخر في مسأله الصوت هو الادوات الماصه للترد و العازله للصوت و هي اعدادات يجب ان تضعها في الحسبان قبل ان تطلق اي صوت و في اي اتجاه .. حين عودتك اتمني ان تجيب علي هذه الاسئله بشجاعه
ما مدي قوه صوت ديكك حين ارسل صياحه !!
هل كان ديكك يصيح و عنقه متجه الي اعلي !!
وضع الديك الجغرافي .. هل كان في راس البيت ام في راسك !!

قبل قليل التقيت الوغد دكين في المسينجر ..و اوصاني بان انقل لكم هذه الرساله علي لسانه هانذا افعل .

dkeendkeen zegt:
قول ليهم قال لي دكين في ميسنجر ان اكثر ما اغضبه في كل ما يجري انه لا احد من الجكس استنكر امر فصله حتى امس ..مع انه ما حب شي قط في هذه الدنيا زي البنات
dkeendkeen zegt:
يحيا ويموت بيهم
dkeendkeen zegt:
هكذا كان يخبرني وهو يبكي
dkeendkeen zegt:
والسلام
و قول ليهم انوالزول ده ما هاميهو لا بكري ولا عادل ولا السايكوباتيك ...الهاميهو انو فقد الحريم
dkeendkeen zegt:
بس نزل الكلام اعلاه
dkeendkeen zegt:
الشباك الوحيد الكان بطل منو على الحريم اتقفل
dkeendkeen zegt:
شباك بكري

khider zegt:
انت جادي ؟؟

dkeendkeen zegt:
وما تزيد اكتر من كده
dkeendkeen zegt:
قدرك انا؟
dkeendkeen zegt:
حصل هظرتا معاك؟
dkeendkeen zegt:

khider zegt:



zegt معناها قال بالهولندي

خدر سلامات
ماقلت ليك الزول ده بزعلك ويخليك تضحك رغم ده ؟
همو بنات الافتراض المفكلب
بس شوفو وشوف دافي في الرابط ادناهو , اللعنة علي الأرشيف , ياخ ما يخلوها ساي حراس الباندويدث , كنا جبنا من جب البورد درر ليهو ولي كتير رايعين ادمنوا الغياب
البت الاسمها حنين




ابنوسي

ياخدر
دقشنا الخلا يومين بس نكوس فى (الطعام) جينا راجعين ادينا فاضيات لكن مشتاقين للناس
لقينا
خدر ينزف
دكين مفصول

والدنيا مقلوبه
هى الدنيا دى حاتستعدل متين؟

خلينا نراجع ونعرف الحصل ونقول ليك

دريمز ايتها الصديقه
شكرا لوجودك هنا لدعم هذا الفاشل العاطفي المعتوه دكين
تعرفي .. دكين ده رغم كلو العاملو انا عشانو هنا .. انا متأكد انو لمن يرجع ما حايشوف في الصفحه دي كلها الا اسم دريمز .

انا اجزم ان هذا الولد عندو ( ُُُسفلي ) و اظن انه يتعاطي بعض الممنوعات ليس لدي شهود سوي جنكزه تبدو عليه






احتمال كبير ارجع بعد شويه
يا دكاتره .. تبلدي و فجراوي .. ارجوني

والله يا خدر انت تاعب نفسك ساي

زولك ده مقطع ومبشتن

اتخيل لي 3 يوم عايز الم فيهو ومتنازل ومفرغ نفسي عشانو اتضح انو لا عندو موبايل ولا تلفون شغل ولا بيت زاتو يمشوا ليهو مافي ولا اي رصيف في الدنيا عليك الله ده يقولوا عليهو شنو ده .. ويكون في علمك اخر زول كان عايزني اتصل بيهو انتظر شهر ونص ودفع فاتورة تلفون اتصال للسودان علما بانو مقيم في الرياض ...

البغيظك ويكتلك بالمغصة انو أساسي العواليق ده كان ما عايزو تلقاهو في اي مكان ولو نمت يجيك في كوابيسك ...

لكن جاتني معلومات من مصادر موثوقة انو كان بمتلك موبايل (مجهول المصدر) لكن مصادرنا رجحت انو اتزنق يوم وباعو اها لكن حالة الهوم لس دي نقول فيها شنو ...

تبلدي ... ياريت


فجراوي المسأله طلعت من ايدنا ..



لكن تعال صادي و قول لي دحين نحن غلطانين !!

Quote: لكن جاتني معلومات من مصادر موثوقة انو كان بمتلك موبايل (مجهول المصدر)

ابوامنه
طبعا دي من الاسرار المافي زول عارفها



جيب اضانك



دكين يدو خفيفه

مولانا
خدر

ايوه غلطانين ونص وخمسه ده زمن زول نصيح يطالب فيه بالعداله والوضوح؟

سلم على شهيد الحق والواجب القاضى البلا ملافظ دكين الراجل دفع العليه واكتر وثبت للنهايه كقاضى شعبى شريف,وصدقنى لو جبت اى دكتاتور مبتدئ كان حايفصل ذلك الكلام الجميل الذى قاله دكين من سياقه ويوقع العقوبه المهم فى نظر صاحب السلطه البتر, والحسم و والانجاز الذى هو (عويق) لا اكثر
نحن قبيل شن قلنا
المهم يازول دكين حايرجع وغيابو غياب فارس خليه يلزم الجابره ويبت فى القضايا المعلقه من رقبتها فى الشكينيبه

ملحوظه
بكرى قال مافى نمله دخلت وشالت حبه ومرقت

وينك يا صديقي دكين

الفراق لي متين
انا شايف بورداب الرياض ساكتين
والسبب شنو موش عارفين

وانا هنا ادين الأيقاف وادين وادين
،،
سؤال للأخ خضر

اذا نشرت رسالة مطولة من دكين وليس ماسنجر فقط
هل يتعارض ذلك مع قانون قراقوش البورد

وسؤال غير جاد
وين حكماء البورد ،، ياربي شاوروهم في موضوع دكين
ولا هم ساكت تمومة جرتق ؟؟؟

قرقرقرقرقر!!!!!

حنين
بورداب الرياض ديل نحن لايمنهم خليهم ساكت


رساله واحده من دكين ممكن تطيح بيك و بيً
و تنسف استقرار البورد للابد
اعمل حسابك


قلتا لي حكماء صهيون !!
قرقرقرقرقر

انا مولانا خدر اشهد واقر باننى قد قدت اغرب محكمه فى التاريخ
انتهت بسجن احد القضاه

اوسلي

الوغد دكين اسف لتأخري في الحضور اليوم فقد كان لدي مشغوليات كثيره
و لكني رغم ذلك حاولت جاهدا ان ابدد لك عزلتك الجبريه
و ان احضر معي لك شيئا مفيدا لتقطع به الزمن ...
فـــ هاك اللنك ده
الاخ جمال عبد الرحمن-هولفل لقد حانت ساعت رحولك من هنا

و انتبه جيدا .. فالسم في الدسم


سأعود بس بعد مسافه كدي

فينك اليوم يا خضر

اوحشنا القاضي دكين

تحياتي الي ان ينجلي هذا الظلام

اين انت اخي خضر

هذا هو اليوم الثاني ولم تظهر

هل تقاسم الأخ دكين ،، ذلك الغياب القسري

ماذا تفعلان
ونحن هنا بأنتظاركم

حتي ينقضي هذا الليل الطويل

يا اخوانا الاسبوع دة لسة ما انتهى ؟

بلاهي ادينا اردب ديمقراطيه و تلاته ارطال كذب
و لفو كويس
ولا اقول ليك
ذيدهم
اديني 40 رطل كذب
تموين هذا الاسبوع
طيب خلاص
سيب الديمقراطيه
ممكن نتمها سكوت
بس كتر من الطرشي

Quote: مازلنا في اول ساعات الليل لكنا في منتصف الويل حسب التوقيت المأساوي للمدن ..الصماء ..البكماء هل انت بخير هل انت بخير هل انت.. هل .. الكلمات لتمادر شيخ الدين

دقيقة دقيقة يا خدر ...الكلمات دى فعلا لحنها الصادق شيخ الدين لمسرحية اخرجتها انا وغنتها زينب الحوريرص ورسا شيخ الدين

وبعد داك غنوها ناس ساورا وعناها هيبة وغنتها فلرقة هداى باشراف خالدة الجنيد...لكن هى اصلا كلمات شاعر عراقى اظن اسمه محمد كمال...اخترناها وساعدنى فى اختيارها الصادق الرضى ....من اجل العرض...

ياريتها لو كلماتى...

المهم دكين رجع ولا لسه؟؟؟

لـســــــه

خدر عليك النبي كان ما سلمته لي علي دكين..
و قول ليهو مشتاقين بلحيل...

......و ....الشوق ليك رسول .
.من قلبى بيطير ما بخشى العزول .
.. وحولك بطوف ليك يزور..


و شكرا

Quote: عليك النبي

عليك النبي دي يا شاينق استارز كافيه لجعل الوغد دكين يربض هناك في المنفي يعد الليالي انتظارا لفك اسره و عودته
فقط
كي يرد التحيه باكثر منها شعرا .. نثرا و موسيقي
فانا اعلم انه مكتول في حوش بكري
او كما قـــال

اعتذر عن وضع اسم هوبفول بالامس في الجمله

Quote: دي يا شاينق استارز كافيه لجعل الوغدهوبفول يربض هناك في المنفي يعد الليالي انتظارا

و الصحيح كافيه لجعل الوغد دكين
وجب الاعتذار لان مابيني وبين هوبفول لايرقي لهذا المستوي من الاريحيه

وعـــاد دكين ..
شفيفا
نضيفا
حقيقيا


و


ليته لم يعود
لقد فضحنا .. فضح عارنا المقيم

Quote: المجموعة التي يرعى فيها هوبفل و شايننق ودريمز والجميلات الباقين الموغلات في الياسمين في مكان واحد عااااااادي .. هي بلا شك مجموعة غير طبيعية.. وانا لايسرني انضمامي لي مجموعات غير طبيعية لا تفرق بين الـَفـراش وبين السايكو بات .. كما وان الما طبيعية الفيني دي تكفيني ما تبقى من العمر بل وتكفي لحياة تانية..

Quote: وعالمكم هذا لا يستحق هذاالعناء ووجع القلب .. ولا تزال مشاكلي على ظهر الارض اكبر وثقيلة تثير الشجون..

حاله ان يكون هنالك من هو بهذه التلقائيه امر يؤذيني و يحملني فوق طاقتي ..



دقيقه اسمع لي غنيه ابلع بيها كلامو ده التسوي تندم ولا ما تسوي تندم وارجع .

اها .. دكين فصلوهو تاني ولا لسه !!!

أها شفت يا خدر ؟
عارفو دكين كان بتحين فرصة تحفظ ليهو بواقي ريالاتو الفي آخر المحفظة
بقول داير يحفظ باقي كرامتو , شنو لم الكرامة على الريالات غير الغربة ؟ شن لماهم ؟
ولسة دكين غايب مع سبق الإصرار والتوجس من إعادة نفس فصول القصة بي شكل تاني ..
وأظنو كمان لسة غايب إضافة للعامل الفوق والفلس بي داعي الإعتكاف في سطوح نجد , كهوف ؟
سطوح كهوف .. الغاية واحدة وما وصل ليها ..
آخر خبر ليهو سلم قالوا تمبس والعهدة علي الراوي عدد اتنين سي دي قابض بيهم الجو ومكره بيهم تمبس .. المفكلب جايط تمبس قدام العالم وخلق الله وبكورك فيهو قدر ما يقدر عادي يا تمبس السي دي هات زي سي دي هاتك وتمبس كره اليوم الخلاهو يشيل من مفكلب سيكوباتي مسمار جحا
مسمار جحا كان سبب تلاتة عزومات سلطة أسود ..
والغريبة رسل لي كرت , أي والله كرت ,, كرت معايدة جميل زي دواخلو قال فيهو ما عرفني ..
قال ما عرفني , إسلوبي وما أدراك ما إسلوبي , وإيميل ما بعرفو ما بقربو , إيميل ما بعرفو ما بفتحو وخاصة لو إنعدمت من نهاياتو تاءات التأنيث والنعومة من بواطنو ..
يعني يا خدر لو داير ترسل ليهو أملا الرسالة عطر أنيق زي عطر شاينيق ستار ودريمز ولو لقيت وردة تصلح بديل لي شكل صحن سلطة الأسود رسلها مرفقات في الإيميل ..
دكين عامل فيها ليمون متعزز شان مبالغين في ريدو ..
دكين عشاء البايتات
دكين الدكين
دكين



أبنوسي

اطنان من الشكر( لسيد الحوش ) لترحيل هذا البوست للدوره الجديده






واتمني ان يعود دكين

تبلديناالحبيب
اسف لم انتبه للبوست الا الان
و كذا لم انتبه لمداخلتك
سأعود لك لاحقا بشي من التفصيل

Quote: يعني يا خدر لو داير ترسل ليهو أملا الرسالة عطر أنيق زي عطر شاينيق ستار ودريمز ولو لقيت وردة تصلح بديل لي شكل صحن سلطة الأسود رسلها مرفقات في الإيميل ..

تبلدينا
انا اجزم ان ذلك الوغد دكين له درايه كامله بلغه الورود و الكروت
حيث انفق سني مراهقته لتعلمها اعتقادا خادعا انها مفتاح ذات الصدر
المكتنز ..
هل تصدق انو نحن اتلاقينا هنا!!
قبلها لم اكن اعرف دكين او اقراه
حتي ان زكرياتي مع هذا الاسم كافيه لتغيير موقفي من الاداره الجديده
لصالح شنق دكين 4 مرات ..

لا اريد ان ارسل له شي فقط اريده ان يعود لسببين
1/لانه يشاركني حب سلطه الاسود و هذا سبب كاف لجعلي احترمه
2/ لتدب بعض الفوضي هنا و هناك
فهذا المكان جدير بان يبرطع به دكين

Khider
Happy new year
Dkeen
We are still waiting

Quote: مازلنا في اول ساعات الليل لكنا في منتصف الويل حسب التوقيت المأساوي للمدن ..الصماء ..البكماء هل انت بخير هل انت بخير هل انت.. هل .. الكلمات لتمادر شيخ الدين

يا سلااااااااام عليك هذه الكلمات للشاعر كمال عمار بالله لو عندك القصيدة كاملة نزلها
يقول فيها
نحن بخير لا ينقصنا إلا شئ واحد لا ندرى إن كان هو الحب أو الموت أو الحرية

بوست جميل ..

شكرا عادل علي الابتسامه و المرور

ويينك غايب ليك مده !!
قف
مشتاقووون

الكنداكه سيدي الاراكه
يا حليلك يا خلف الله حمد
تعرف يا كنداكه .. المرحوم خلف الله حمد كان من اميز المطربين
و مطربين دي انا قاصدها بالمناسبه
كانت عندو ملكه تطريبيه عاليه جدا بصوتو كان يتلاعب بالموازير
الموسيقيه كما ائ لاعب حريف لكره القدم وكان ايضا اول من
يترنم اثناء الغناء بعيدا عن التزامه بالنص الشعري
و دي كانت من سمات الاغنيه السودانيه بالمناسبه قبل ان يبداء
عصر تأريخ و تصنيف المدارس الغنائيه السودانيه
القصيده ماعندي باقيها زمان نحن غنيناها كده بس
لكن لو عترت فيها حا ارسلها ليك في الماسينجر او هنا
شكرا علي المرور الانيق

قوته الجميله
هل لازلت تحبين البني ادميين و الديمقراطيه و الوضوح !!
تعرفي دكين ده انا عندي احساس قوي جدا انو شكلو عامل كده
قصير
به بعض السمنه
عواليق ( ممكن ياكل و ينوم بدون مايغسل يدينو)
ينتعل نضارات نظر كبييييييره
اشتر و مابعرف يرقص
صوتو تخيين جدا و شفته السفلي بها بعض الحمره جراء
عوامل بايلوجيه تتعلق بموت خلايا اللون او بقايا تمباك


رغم اني ماشفتو في حياتي و لم نتحدث تلفونيا
فأنا ليس من هواياتي جمع الاوغاد

رغم يقيني الكامل
بان مولانا القاضي المناوب دكين
لا يستحق كل هذا العناء ..
لكن
..
اجد نفسي متنازعا
بين
رغباتي الشريره
و
احترامي لسلطه الاسود !!

خدر الشين

يجوز ان تري في دكين ما تراه ويري فيك ما يريد

يجوز ان تشتركا في اي شي او تتقاطع مصالحكما

ولكن ان اجدكما متربعين تهيمان فيما اعشق

مما تخرج الارض من بازنجانها ... ودكوتها

فهذا ما لا اقبل الشراكة فيه مع احد

ان شاء الله كل لقمة ببزرة ليمون

لو سمحتو يا اخوان سلطة الاسود ليست طعام للاوغاد

اساسي العاشق
وضح بما لايدع مجالا للشك لماذا اقراء لك ..
الباذنجان يسري في دمنا
ربما مع بعض التحورات نصبح اقرباء
او
ربما
..
..
اشقاء


سنوافيكم بالتفاصيل بعد الاعلان

مولانا خــدر






قوانين سبتمبر المنبرية قد تم إلغاؤها (قف) عودة مولانا دكين مطلب شعبى (قف) منكم نتعلم الأخلاص

دكين مدرسة قائمة بذاتها سيظل مفعده شاغرا لحين عودته

علي الحلاوي
دكين ليس له من مقعد اصلا .. فهو قد جاء هنا صدفه كما تصور لي
افكاري السوداء و ذهب بفعل عادل (فاعل )
اتمني ان يأتي .. احتراما للباذنجان فقط
شكرا علي دعمك لموقف العضو دكين الذي هو ضعيف اصلا
و تأكد انه كماهناك من يقدرون مدرسه دكين مثلك فهناك ايضا من
يبصقون علي قبره

رساله الي اساسي
و منه الي
اخيه دكين
في ملصق اصفر حكومي كبير مكتوب عليه بخط واضح
قرمانيين

كنت دوما اظن و بعض الظن اثم ان الباذنجان خلق من ضلع اعوج
فكلما تأملت (الاسودايه) تختلط تضاريس جسدها بتضاريس الانثي ..
في تاريخي العاطفي الفاشل في عمومياته هنالك الكثير من التعرجات
و الانسيابيه في جسد حبيبتي الباذنجانه قل ان تجده في خضار نافع
اخر و موضوع النفعيه ده هو البيؤكد علاقه الباذنجان بالاناث
لذا لزم التنويه










مولانا خدر ساعه قيلوله بين الجلسات

Quote: الكنداكه سيدي الاراكه يا حليلك يا خلف الله حمد

سلام يا خدر
أعتقد أن خلف الله يتحسر على (الكان داك) أما أنا كنداكا من التاريخ القديم. وشكراً على الردز وهاك القصيدة دى من كمال عمار رغم عدم صلتها بموضوعك.

كما يجب
كمال عمار

البابُ دُقَّ. قُمتُ واضعاً على فمي ابتسامتي
رسَمْتُها كما يجبْ
ودُقَّ ثانياً أسرعتُ واثقاً بخطوتي
أهلاً حبيبتي !
لكنني وجدتُ بائعَ الجرائدِ العجوزْ !
بدا عليه أنه رأى ملامحي
وهْيَ تموتُ فجأةً بلا سببْ
أراد أنْ يقولَ ما الذي أتى بهِ
لكنه اضطربْ
وارتعشت جفونُهُ فحطّمتْ سكينتي..
حين أتتْ حبيبتي
لم تجدِ «الأشياءَ» في انتظارها كما تعوَّدَتْ
لم تجدِ ابتسامتي !
تساءلتْ..
وكُْفها تمرُّ فوق جبهتي
- حبيبتي.. أنا كما يجبْ
فقط كأنَّ بائعَ الجرائدِ العجوزْ
يصفعني بقبضتي!

Quote: أراد أنْ يقولَ ما الذي أتى بهِ لكنه اضطربْ وارتعشت جفونُهُ فحطّمتْ سكينتي..

كنداكا
بلغ عني كمال عمار
ان ماكتبه هنا يندي له الجبين















من حجم الجمال الذي يحتوي
شكرا مره اخري علي الكتابه في مقامدكين .. الكارثه

خدر

كنداكا
بلغ عني كمال عمار

الكنداكه تبلغ ولا يبلغ يا دقسات
نرجو مراعاة الجندر وفارق الوقت

احي اتحاد اصحاب الحرف والصناعات الصغيرة

سلامات
وعوافي
...
دكين ياعصارة الحلوين مشتاقين

ودرمليه
دكين يحتاج ايضاان يسمع كلماتك من اناس بعبق الورد مثلك
و اظنه سعيد بسؤالك عنه الان ..

Quote: الكنداكه تبلغ ولا يبلغ يا دقسات نرجو مراعاة الجندر وفارق الوقت

عادل

الله يحرجك يا محرج

تمبس
بلغ عني دكينا وصيه الزير سالم ابو ليلي المهلهل
لابن اخيه الجرو هجرس بن كليب .. و اخبره ان يعض عليها
بالنواجذ فهي حصن له في ليل شاكوشه المدلهم

أول قول أنا أوحد الله ..إله العرش لا نعبد سواه
يقول الزير أبو ليلى المهلهل.. ونار القلب تشعل في حشاه
من النسوان بالك ثم بالك ..لا تامن ولو طال المداه
و لا تركن لأنثى بطول عمرك.. ولو قالت نزلت من السماه
وإن حلفت يمين لاتصدق .. وإن وعدت فلا ترجو الوفاه
ترى النسوان هن أصل البلاايا.. وهن أصل الدواهي والرداه
وهنه مفرقات للحبايب .. وبين الأخ والأبن وأباه
ولافتنة في الأرض صارت .. إلا أصلها مكر النساه







الا هل بلغت اللهم فاشهد
الا هل بلغت اللهم فاشهد
الا هل بلغت اللهم فاشهد

مولانا خدر
أصدق التحايا للعكليت الجميل دكين
جميل أن يقرأ الواحد أحيانآ ما يفرح.
عسي أن تكتمل الفرحة بعودة المنفي إختيارآ.
محبتي.

Quote: كنداكا بلغ عني كمال عمار ان ماكتبه هنا يندي له الجبين

كنت أظن وبعض الظن إثم أنك قادر على قراءة الموقف السياسى فى كلمات عمار. لكن معليش. كل ما أحلف من دخول المنبر دة يحملنى حسن ظنى لتغيير الموقف. المرة دى يمكنك إغلاق الباب ورائى بالطبلة والمفتاح.

كنداكه اخيتي
اقسم اني لست من هواه مراجعه بروفايل العضويه
لذلك جاء خطأئ فادحا
ولم اكن اعلم حتي نبهني عادل
اعتذاري الشديد
و عشمي في القبول




كده كويس يا دكين !!

خلود
من الصعب التكهن بما يمور في راس دكين من افكار سوداء و شريره
فقط لا نملك سوي ان ننتظر و نتمتم بالدعاء ان
اللهم استجب دعائنا بالخير له و رده الينا
نديا حنينا خالي من الضرائب


و




كامل الدسم

خدر سلامات كميه
انا كت داير اتف مرارتى الإدشدشت!! مش إنفقعت
لكين مردوده فى بكانها؟؟!! ببوستك دا!!!
اشهد انى لم احبب شخصا لم التقيه كهذا الدكين
لانه كان يفقع مرارتى السعيده!!
يضحكنى حد التلفت !! لاننى اسكن وحيدا
يطربنى دكين ..يشركنى دكين معه ..يشرقنى
هل نغنى بعد الغياب مع صلاح مصطفى لدكين
نحن جميعا نحبك يا دكين
فتعالى نحبك الان اكثر ..واكثر
وما بث
واحد من الشتر

Quote: يضحكنى حد التلفت !! لاننى اسكن وحيدا

فارس الحكاي .. يا لهذه التلقائيه والقدره علي السرد
كم انا فخور بك

Quote: اشهد انى لم احبب شخصا لم التقيه كهذا الدكين لانه كان يفقع مرارتى السعيده!! يضحكنى حد التلفت !! لاننى اسكن وحيدا يطربنى دكين ..يشركنى دكين معه ..يشرقنى هل نغنى بعد الغياب مع صلاح مصطفى لدكين نحن جميعا نحبك يا دكين فتعالى نحبك الان اكثر ..واكثر وما بث واحد من الشتر

وليس بعد قولك قول
فانت فعلا فارس و انا تاسرني الكلمه الجميله
شكرا علي المرور و اتمني ان تستريح هنا قليلا

صديقى خدر
عرفت دكين خلال هذا المنبر قلمه جرئ (لا يخشى فى اللوم حقة جائر)
فليعد للمنبر فهذا زمن الحوجه للأقلام الشجاعة

لك الود

عماد خليفة

دكين
وحيث انك تاسرك الغناوي و البنات
هاك هذه .. تمسح بها
4 مرات يوميا اسفل الفك الايسر
عند العنق تماما .. و ابكي
و اصعد جبال نجد الشاهقات و تأمل
و احمل معك ما استطعت من ذاد لوحشتك الاختياريه
فالطريق طويل و شاق و مراكش بعييييييييييده









عذرا تمبس
تم السطو بليل علي اغنياتك .. فأن لم تعجب دكين
فبيننا القضاء العادل
و انا علي يقين اننا علي حق

مولانــا خدر ..
وصيتك ح اوصله .. كــان لاقيتو قريب ده


بعدين بقيت يدك خفيفه خلاص ياخدر .. وكمان جابت ليها حرفنه

عماد صديقي جدا
نعم
نحن في حوجه للاقلام المبدعه اولا
و الشجاعه اولا ايضا

ولا يعجبني حال البورد يا صديقي هذه الايام .. يبدو قاحلا من ابداع
من فن .. من مثاقفه .. الا ما ندر من الاقلام الجميله
لا ادري لماذا !!







ربما هي نيفاشا !!

مولانا خدر ابقلما اخدر وحكما إخيضر
الله يخدر ضراعك
سارابض كالحاجب ..!!حبا فى الحاجب نفسو
يا دكين اخوى امرق لا بره.!!
حرم كلهن يتاوقن بشبابيك المحكمة رقم 7
راجيات طلتك يا وسيم الكلمه !!
معليش يا جنابك (خدر) سامح عكلتتنا


ناكف المرحوم عتيق هلاوى وشعراء شباب (وقتئذ)
تشاغلوا بت الجيران يا صعاليك(إشاره لجاره يا ماره)
فرد احدهم بالتالى : يا عم عتيق منو القال
داير اشوف زولى اليوم داك شفتو متحنن و بالقنيله وتوبو واقع
عشان يضارى يتوسد سواعدو كانو وااااااجع

الأخ خدر
دكين هذا الكائن الإفتراضي كما يطلق على نفسه
أو عديم الذمة والضمير كما يسميه أساسي

هذا الكائن الإفتراضي عديم الذمة والضمير لن يمر من هنا قريباً
كنت قد حادثته في العيد ، وحادثته بعد ذلك ، وأخبرني بأن مدة العقوبة قد أنتهت لكنه فرض عقوبة على نفسه ب8 شهور ، انا أعرف أن هذا المتهور سيمارس هذا الحكم على نفسه والظاهر عليهو حكاية قاضي دي مشت فيهو ... اصبح متجولاً وهائماً على نفسه متنقلاً بمجلة حائطية يوشحها القرمصيص ، ووصفني بعدم الموضوع عندما طالبته بالعودة ...
ملحوظة لم ألتقي هذا الدكين حتى الان ...............

صديق رحمه
هذا العربيد يظن و هو بكامل قواه العقليه ان الخلاص يكمن خلف استار القرمصيص
ومادري ان للقرمصيص ضوابط فكريه .. و هو يعتقد خاطئا ان الدلكه محض عطر نفاذ

جدي امًَُحمد ود الحلال كان يردد حتي وفاته
العرس ساهل لكن (الزمبيل) قاسي ..

والزمبيل يا صديقي هو كيس الخضار و اللحمه و الخبز
و جدي هذا تزوج سبعا و عاش تسعيين واولدهن جميعا.. كنت انا
اصغر ابناء ابنته الكبري من زوجته الثانيه ( غلوتيه )

اين موقع دكين الوغد من الزمبيل الان اذا كان حاصل
جمع
دلكه + قرمصيص + بعض البخور = 9 ؟؟

السيد غاضى مهكمة الاوغاد الاليا
اطلب الإذن بالتعليق علىشهادة الزول اب شنبا (كليكة)!!!
إسمه صديق رحمه ولد النور
غال انه حاتف الوغد إن سمحت اريحيتكم بمناداة الإفتراضى مودوع المهكمه بما تنادونه به (يا الله ما تجيب الخال بجاى )
لم يحدد السيد الصديق اى عيد هاتف (الإفتراضى) فالاعياد دقشة
نمبر تو الإدعاء بانه اى الإفتراضى هكم على نفسه من ذاتها ب ..طمانيه شهور
هل لنا (مش لنا بت مهدى) اقصد انينا (جمع نهن: نحن) ان نعرف متى بدات

ال 8 شحور
نمرة تلاته قنب الاستباليه لو سمحت جنابك إتا من نينك (اب شنبا كليكه)

وشكرا جنابك (مولانا خدر)

الحاجب مالنا و دمنا
و حيث ان الوغد دكين كما ود المويه فلا تاخذن هاتفه الافتراضي
مأخذ الجد و لكن قرض (بتشديد الراء) علي هذه الثماني فأنا
اجزم انه سيتمسك بتلابيبها فهو مغرم كما البعير بالنهايات
و انت تعلم حضره الفاضل حاجب المحكمه .. ان البعير لا ينسي
ثاراته














فارس
اقدل سااااااااااااي
البيت بيتك
انا صادي
مولانا خدر

يا دكيييييييييييييييييين

تعال شوف الصفحه الاولي و ماتنضح به من الفاظ !!
انا تعبت من الناس ديل

الدار خلا اقصد المحكمه خلا فبنقدل !!فبنقدل دى على وزن اب نتعشو
وبنغنو وبنتونسو!!!

السيد قاضى قضاة عموم محاكم الت ...اقصدالاوغاد
وصلنا للتو عبر مصادرنا الما تخرش الميه..إنو كل الفراشات تانقن
وتعطرن ..فى إنتظار انيق الكلمه وليس بهى الطلعه
فام زمام ابو رشمه تعده بقدلة عصريه فى رمله دقاقه وناعمه بعد مطره ضحويه
وريحة دعاش من الصعيد من الفريق التحتانى لا عن ناس فلانه العازمنهم شاى مغرب

وسمعنا همسا يدور بين الفراشات ان بت العز ورضاعة البز القرت فى الراهبات وحبت فى البلاط ما حتخلى لبنات الضهره الضهبانات إشرشحنبو !!! مجهزه الفارهه
المكندشة والمتهم عارفو بحب الكندشة ما ( زول ضهارى) وحالفه تحشكلو وتبشتكو تاكلو ايس كريم مع عويلات وبنوت البرج العالى.

وسمعنا برضو انو فى واحدات دايرات يحاورنو فى اللغه والمفردات وشكل التعاطى وإشكاليات الفعل اليوماتى وتراكم التجريب وإمكانية إنزال عربى البطانه من عليائه لحيز الإنداية كنموذج للعقليه بتاعت ناس هناى !!!!!
اظهر وبان وليك الامان
اظهر وبان ليك الامان
اخر همسه شافعه شويفعونه لضيضه ونجاضه طعيمونه ودريفونه تقول ....

تقول ..... بتعزف جيتار وحافضه بعض الاغانى السودانيه والنكات الاجنبيه

سمعت عنك إنك وناس وزول هناى بالسودانى شنو يا عمو (اب شنبا كليكة)

بس لقيتها (زول بكاااااااااااااى)
دا إهتلال اديل كده للمهكمه..انا ما بخفض قواتى إلا تجى الغرارات وتكون فى صالهنا!!!!
دكييييييييييين كلمه ليست اخيره:
فى 2(شمس) قاعدين قبل هلال مورده (قويه).دار بينهم الحوار التالى
الاول: والله تارف يا فرده تنقا دا ما لاءءءءب خلاس !!تارف الكوره دا زى المربوطه فى كراؤو اديل كن بقيت باك شنو داك ما تقلاءءءة منو.
التانى: ياخى بالله سيبنا تنقا بتاءء الساءءة كم...والله المورده جابت لائب افن بلاءءءءءة ادييييل كدة!!!! اسمه هيثم السؤؤدى

توه يا دكين فردتى والله اسال (العضام القدام) والله المنبر جابلو لئئيبه إشراقه والجندريه(مسحوبه إن زعلن يا مولانا)بتاءءءت الساعه كم
والله شافعاتن لضاض ونجاض وطاعماتن طعامها

اظهر وبان ليك البكان
اظهر وبان ليك الزمان
محروق حشا لبعدك
قصرنا يا مولانا مع المسخوت

دكين
والشهور الثماني لم تنقضي بعد و انت في المنفي .. لم يعد الحال يسر
هتك الاوغاد بكاره القوي الحديثه المنضبطه و الحكايه بقت طلقيت
احكي ليك شنو ولا شنو !!
الانا دي
اخرها ويين .. وانت يا سجم قاعد لي في هضاب او سفوح نجد تمارس عادهتشكيل و اعاده قراة الروح
تروح روحك ..
مافي وكت
انا غاضب منك تماما اليوم
ولا ينقصني سوي عدم رؤياكم الغير مفرحه

المسأله طلعت من ايدنا .. الصفحه الاولي يا عزيزي تماما كما
درس النكاح بالمرحله الثانويه .. هل تزكر !!كانت من اجمل الدروس و نحن في اوج مراهقتنا .. نحتفي ايما احتفاء
بسماع الاسماء دون تزويق و نلح في تكرارها بدعوي عدم سماعنا
لاسباب تتعلق بالكنبه الاخيره و اتساع الفصول المدرسيه بمدارس السودان
ذو المليون ميل مربع و احيانا ندعي ضعف السمع ( هذه حيله انسانيه قديمه
تصيب الشعب السوداني الكريم مرتين في الحياه .. الاولي سبق ذكرها
و الثانيه عند تقدم السن ) ..
هل سيأتي صباح !!
هل استفيق علي عناوين تثاقف و تحب و تبكي و تضحك بلطف .. الصراع
الفكري ده ماقالو هنا
وينوووووووووووو !!











تبا لك
ســـــــأعووود

خواض

انت الوحيد فينا تعلم جيدا قيمه هذا الشعار


و مسؤليته

-

دكـ ي ي ن






انا اسف










يبدو اني ساُرابض هنا..
ماعندي خيار















سأحكي لك لاحقا

دكين
الناس ديل انا تعبت منهم
( مادام ده امير و ده امير .. منو البيسوق الحمير )





بسوقها انا ده
مولانا خدر
قاضي المحكمه العليا
المستجير برحمه الله
من اوهام الالفيه الثالثه
و الرابعه كان ربنا مد في الايام ..
و المعتد جدا
بنفسه والاخرين
و متواضع بي مزاجو

القصه هايصه و كل واحد بفتكر انو مركز الكون
نعمل شنو !!









حا اوريك بكره
لانو ماتفتكر انو ماعندي شغله غيرك
بكره الشغل بدري
كما كان يخدعنا اصحاب الباصاتالاهليه في الخرطوم




( بكره الركوب مجان )

دكين يا ايها الخرافة التى عبرت زماننا ومضت..

بان وليك الامان
كملت حبال الصوت والشفقة عليك شفقانه ..وخايفة تموت

ارجع للبورد..

ما خسران حاجة
اصلها بايظة
بيك وبلاك ..
ارجع

خدورى فتر..
ونحن فترنا..
من قولة "ما جة"

هو بشاشة رجع

ارجع يازول

خدر

عارف صورتك الجديدة فيها شي من عبدالخالق محجوب؟

عادل
الشهيد عبدالخالق شخصيا!!
صاحب اصلاح الخطاء في العمل وسط الجماهير !!


الله يجبرك بخاطرك يا عادل

و

مليون سلام يا شعبنا
مليون حباب .. والاغتراب
والاغتراب .. فال اليخونك و يذدريك
و البذدريك يا ويلو من غضبك عليهو و من وشيك
يا ويلو من اجلو الوشيك
يا شعبنا

Quote: ارجع للبورد.. ما خسران حاجة اصلها بايظة بيك وبلاك ..

اسمع كلام اختك الفوق ده ..

فحين كتبت ما كتبت من إسفاف كنت رائدا فيما يبدوا
لكن هيهات ماتصوره لك نفسك المريضه من الرياده
لقد ولغ البورد و بقدمه اليمني
في مستنقع نفايات اللغه العربيه
و اصبح ينهل
ينهل
ينهل .. ولا زال
هل تصدق يا وغد
انك احد الرواد !!
و نحن الان نتسقط اخبار اخبارك بمنعرج اللوي
و انت مابان ليك لون







اسمع الكلام و تعال
عامل راسك الكبير ده

هاع هاع هاع هاع

انتو دكين ده
مدكننو مننا ولا شنو

وكت مابي يجي
احكو لينا عنو

ماقلتو الزول من روادنا
عشان نستفييد

يالله انحنا بتين نبقى رواد
ولا انكتب علينا نكون جناير حتى في النضمي الكعب

لف سائق الحافلة بشارع جانبي يقال انه الاقرب للشهداء
بس سوال قبلي ما امشي

انتو ليه عشوشة لونا بني بس و ودابرق الوانو كتيره ؟؟؟؟!!!!!

الكلام لوليد المبارك

Quote: انتو ليه عشوشة لونا بني بس و ودابرق الوانو كتيره ؟؟؟؟!!!!!

يُحكي ان ودابرك و عشوشه كانا يتجولان في فناء قصر سلطان
عظيم من سلاطين الجن و كانا يتقاسمان الحب و الحُب و كانت لهما حظوه
عند السلطان وطايه اول سلاطين الجن العظماء و كان لـ .. وطايه طفل يبلغ
من الحُلم اسبوعان و كان محط تدليله ..
و في احدي نوبات الغيره بصق الرضيع علي عشوشه .. فتحول لونها بفعل
انزيمات بصاق العفريت الصغير الحارقه الي اللون الحالي
































لذا لزم التنويه

عبرت بهودجها
و كان الوقت قطن الليل
و العطبول ...
رعشت الدراهم و الدنانير المُرنه
في ثنيات الحزام

.. ع.القادر الكتيابي

كتيابي و ما ادراك ما كتيابي يا تمادر .. حيرني و غلبني
و خشخشه الدراهم هذه كانت من الاسباب الاساسيه بعد النساء.. و
التي طوحت بدكين في فلا نجد
لا يجد ما يُونس وحشته غير المنبر الحر في نت كافيه جوار شجره غير ظليله
هجرتها النسور .. به حاسوبات تعمل وفق قانون الازاحه دون مايك او كام .. و
المايك و الكام من البُني التحتيه الهامه لمن يبحث عن حسناء في ارجاء الارض
و تعلمين تمادر
ان دكين يلهث .. لا .. يبحث
كيف يستقيم ان تمتلك حبيبه وانت لا تملك جوالا - بين قوسين موبايل - !!















انت بالكاد تملك ايميلا
و عضويه بالمنبر الحر قيد الشروط
تعال اذن
رُفعت الشروط
و ولغ البورد

صديقي الوغد ابو الخضر
امازلت تمارس عشق الوطن ... الم تعلمك الغربة البكاء دون صوت ودموع وترضي بالنهايات الصغيرة
لك الود ولبراكة شوق خاص

منال
سلام شديد اللهجه
حينما كنت هنا .. عادت لنا بعضا من اماكن اصبحنا نراها بعيده
الانمأئيه .. الافرويشن .. و معهد المزيكه
و حين ذهبت .. ذهبت معك زكرياتنا و عدنا كما كنا نصارع حنيننا
و المعركه لازلت مستمره
كيف انت هناك و كيف هم الاصدقاء
نفتقدك بشده























منال
انا اجزم ان دكين نااااادم لانه ليس هنا
و انت تطوفين علي اطلاله هذه

خدر ازيك ..
كيفك وكيف احوالك ..

بالمناسبة صاحبكم دا انا لاقيتو قريب ..
ذات مساء ..مطرة ..وبرد..
مشينا لي معرض تشكيلي ..لاكين حظو النحس
لقينا قاعة العرض مقفولة على غير العادة..
إكتفى هو بالمتاوقة من برة ..





* دكين..سلامين ..بالله عليك لو "ما مشيت الحج" ..اظهر..

تحايا

قيسان
السلام امانه لي رويحتك الفنانه
كيف هي ايامك خارج كليه الفنون !!

Quote: مشينا لي معرض تشكيلي ..لاكين حظو النحس لقينا قاعة العرض مقفولة على غير العادة.. إكتفى هو بالمتاوقة من برة ..

و هل من شلاقه تعادل شلاقه دكين !! انه يصر علي ان يتاوق .. و يتاوق هذه
مؤشر غير عادي الي عدد من الاحتمالات
-اكمال الفعل الي نهاياته .. (فكره مشاهده المعرض)
-شلاقه ســاكت
-ايمانا بما ورد في الاثر من احسان ( احسن الطعام يا بُني )
-التشكيك في كل شي .. فربما كان للقليري باب اخر سري
- شمشره



هذا بعضا من الاحتمالات ..
سؤال
الاحتمالات مذكر ام مؤنث !!






















سأعود بعد حين لاواصل

انا ارجح الاحتمال الاخير يا خدر ..وبس.
------------



بعدين انا كويس ..ما زلتا بحاول ..واحاول ..






تحايا وتحايا ..وتاني تحايا

دكين
كل سنه وانت طيب
واتمني من المولي عز وجل في هذا العيد الغير سعيد ان يسربلك/نا بتوب
العافيه و الصحه و العفو العام
حدثني عن امنياتك للعام القادم !!
هل تريده بلون ازرق
هل تريده بلون ابيض
ام تريده لنا سلاما منقوصا
و ماذا بخصوص سودانيز اون لاين
انا اعلم ان الامر لا يعنيك كما اسلفت ذات مره
لكن حاول ان تتمني لها
اتوقع منك الكثير من الاماني لطيبه الذكر
الصفحه الاولي

و انا ايضا يا صديقي قيسان
ارج ح

""""""
""""""

ليلي طال و عيشي قط ما لي لان
نومي قل و طرفي دايما في اجتهاد
الغرام بي جيوشو لي حصون المهاد
طرفي خاصم و نومي التحف السُهاد
ما شكيت الحب شكيت من لي هدا

وبما اننا وجدنا بعض التجاوب
سننتهز الفرصة
ونبادر بالسوال التالي

لماذا حمار الوحش مخطط وزاهي الالوان ،وحمار الحلة اغبش ولونو باهت ؟؟؟
مع انو الاتنين حمير !!!!!!

وليد
نحن عاده ما نتجاوب مع كافه الاطراف المعنيه بكل جميل وخاصه امثالك
من المهمومين بقضيه دكين الوهم .. لا تظنن في نفسك الظنون و تنصرف عن
جاده الطريق .. انت هنا تشرفني و تشرف هذا الوغد متلصص القالريهات
اما في مايتعلق بسؤالك عن اخو الانسان فأظنك تعلم القصه الشهيره و
ما أل اليه حال الحمار الذي لم يستمع للحكمه الخالده و انسكب الحبر
علي جسده المُسجي علي الغابه الظالم اهلها

العزيز خدر

كل سنة أنت ودكين بخير

تارا
وانت بألف خير .. كيف هي الايام هناك ..
دكين هذه اول تهنئه تتلقاها يا وغد من حسناء بقامه ملكه تدمر
اين انت الان من حسناء مثلها!! .. واين من ركضت خلفهم فحادوك عن
سبل الهدايه و قذفو بك بعيدا مهترئ الحذاء مفككه من شده الركض
خلفهم !!
عُد الي صوابك و عُد
لقد انفرط الامر و وصلت الروح الحلقوم

الاخ الكبير خدر

اشكرك جدا على التصنيف الشرفني كتير

اما بخصوص الحمار بقول #

انشاء الله دكين يفهم قصدي




ــــــــــــــ
# = عند ناس الرياضيات وهو المطلوب اثباته

الصديق وليد
قراتك منفعلا هناك و هذا يتنافي مع ابسط قواعد الكتابه بمنبر كهذا
لابد ان تمتلك صبر نمل يحمل حبا و يسير في ارض لذجه و هو جائع
كي تكتب هنا











#
تعني عندي شخته .. و ما ادراك ما الشخته في ليل السجن الطويل
اظن دكين في الاسر يحتاجها بعد اعلان الثمانيه اشهر الاخير

الصديق جدا خدر

Quote: قراتك منفعلا هناك و هذا يتنافي مع ابسط قواعد الكتابه بمنبر كهذا لابد ان تمتلك صبر نمل يحمل حبا و يسير في ارض لذجه و هو جائع كي تكتب هنا

ساحاول جاهدا وصادقا ان اكون في مستوى البورد والكتابة فيه
شكرا كتتير على النصيحة

لكنها الكرومسومات فتبا لها


تحياتي لدكين

تحية طيبة للجميع

الاخ خدر ، انا مستر دكين ده ما حادثتو قبل كده

لكن يا دكين ، والله شكلك زول ما هين تب

دكين، و لان اسمك على اسم عزيز لدى

فتكتسب تلقائيا بعض معزته، و نقف مع هذا

الخدر الاخضر لننادى عليك ان تعود، فعسى و لعل

تكون ان الحلقة المفقودة هنا، اهه قلت شنو ؟

تحياتى

دكين
كيف هو العيد تبعك يا طويل العمر

صوتك حا بتبحة يا خدر اخوي

الله يكون في عونك


لا اتشرف بالكتابة في بورد يكذب امينه على الناس !!

دكين اخر

Quote: لكن يا دكين ، والله شكلك زول ما هين تب ... دكين، و لان اسمك على اسم عزيز لدى فتكتسب تلقائيا بعض معزته،

محمد الامين هي رقيقه حروفك و رقيق مرورك كطيف بارد علي ارض دكين
الجرداء اتمني ان يلتفت اليها قليلا ...
فقط قليلا مقدار مايستجمع انفاسه و يعود للركض في ارض نجد و سلطان
ابناء طال عمرو عبد العزيز ألـ سعود مرة اخري

عندكم الغرض لا بدور قلم لا ورقه
ماغرضاً تسافرولو وتقيسوا الفرقه
يقضي ان قولتوا خير مابدورلو سيف لا درقه
وان قلتوا لا يروح شمار في مرقه

ما مقبوض وجيتكم لاجي فوقي جنيه
بي خيري ومراحي وتاني نفسي غنيه
جاييكم نسيب تدوني بطحانيه

و

إن مال الشجر ما بكسرن فراعو
وقمحان الطلب لي المابجيبه ضراعو
ليه يا أهلنا البيناتنا ما بتراعوا
القال راسو موجوعو يربطولوا كراعو !!!








دكين
غيض من فيض جدك العاشق
اين رياك انت !!
ستظل تلهث ثم تعود الي عصرك الهمجي ثانيه

قال الجد بوصينا..........للأوفياء فقط

قال الجد بوصينا
بعد ما سهى قالينا
بوصيكم
على باب السنط ينسد
وقت ما تهب رياح الحقد
بوصيكم
على الاطفال تربوهم
على الشقا فى هجير الصيف
على قتل العذاب والخوف
حروفكم تبقى للإشراق
ولى زرع الطريق آفاق
تقولوا الأم
وقبل الأم
تقولوا بلدنا تتقدم
بوصيكم
على حب الأرض والنيل
على وصل الصباح بالليل
وشدالحيل على حب البلد بلحيل
على وصل الصباح بالليل
بوصيكم


هكذا استهل الأستاذ الموسيقار محمد الامين المنصوري اول حصة موسيقى فى الثانوية واظنها الأخيرة كذلك ولكن سكنت تلك الكلمات فى نفسى منذ ذلك الحين لا بل ظلت تتاورنى كالضرس كلما ابعد فعلا او قولا عن حب الوطن فهى عندى كعازة فى هواك وكالملحمة ونحن جند اللة جند الوطن.... فهلا من اجلة نتسامى عن الصغائر واشباة الأشياء ولا أشياء ونواجة التحدي بوعى يتجاوزة لكم وللوطن الحب والتجلى


منصور

مساء الخير ايها الوغد
كيف كانت نهايه اسبوعك هناك !!
هنا كانت قاسيه و انا ازيح الثلج عن نوافذي بعد موجه جليد عنيفه
هجمت امس و لم تنجح خطه هجم النمر المجربه مع بلديه هارلم فاصبحنا جميعا
محمود الكذاب ( النسخه المتجمده ).











هل تري مايحدث هنا .. جئت من معارك الثلج الاخيره و وجدت الجميع قد ذهبوا
و يوجد بيع تقيل لكل القيم ..
صادفني في احد البوستات احدهم يبيع سرواله الداخلي فقط .. كي يفهم
مايحدث هنا
هل تصدق هذا !!



مارائيك ان نتحاور قليلا فيما يحدث!!
.....
اوكي طيب
نتكلم عن ازمه مثقفي البورد !!
ام نتحدث عن بكري ابوبكر و النظريه الامريكيه !!
ام نتحدث عن ثوره العنقاله !!
ام احدثك عن الانا العليا و قصف حصون البورد


و جدت لك بوستا لعصام جبرالله قُذف به للصفحه الثالثه
احيله لك للفكفكه ( من تفكيك ) و القراءه المتأنيه
رغم قناعتي بأن المنبر الحرلا يساوي عندك شيئا ..
لكن عشمي ان تخلي عندك دم شويه
فأنت جزء من هذهالازمه

عروش الخيبه....الحسانيه ... بين سوق السلام و البول،الغلفه و الأيبى




طبت مســـاءَ

ود الامين
شكرا علي الاحتفاء لكن .. انا لا استحقه
منصور
نحن من صلب ادم و جدك هو جدي
لي ولك و للاخريف كل الامنيات بذهاب رياح الحقد






و






مازلنا في اول ساعات الليل

امينصديق اشعار

و

طارق ابوعبيده غناء

و

تعال الي حيث النكهه

يا وغد

جمهورية السودان

إسم الدولة: جمهورية السودان
العاصمة: الخرطوم
رئيس الدولة: الرئيس عمر حسن البشير
نظام الحكم: جمهوري
الموقع الجغرافي: تقع شمال شرق إفريقيا ، تطل على البحر الأحمر بين مصر وإريتيريا
المساحة: 810 ، 505 ، 2 كيلو متر مربع
الثروات الطبيعية: بترول ، زنك ، فضة ، ذهب ، حديد خام ، نحاس ، كروم خام ، مايكا ، تنجستين ، القوة الكهرومائية الثروة الحيوانية ، المحصولات الزراعية ( القطن والصمغ العربي )
عدد السكان (نسمة): 38,114,160 نسمة
العملة: الدينار السوداني
اللغات: اللغة العربية هي اللغة الرسمية ، اللغة الإنكليزية ، وعدد من اللهجات المحلية
نسبة المتعلمين: (%) 1،46 %
تاريخ الاستقلال: 1 / كانون الثاني - يناير / 1956 من الاحتلال الإنكليزي والمصري
اليوم الوطني: 1 / كانون الثاني - يناير / 1956
تاريخ إقرار الدستور: 1998
إسم المجلس: المجلس الوطني السوداني
تاريخ تأسيس المجلس: 1953
عدد غرف المجلس: غرفة واحدة
: [ المجلس الوطني ]
تاريخ الإنضمام للاتحاد البرلماني العربي: 1974
تاريخ الإنضمام للاتحاد البرلماني الدولي: 1955




دكين
راجع الاشارات باللون الاحمر
دي اسمها بالفي و المافي



و اتعلم كيف يكون البريسنتيشن!!

لقد صادوني بعد ان اخترقت جسدي 90 رصاصه و لم تفعل
في شيئا .. ولولا الغدر لكانوا جميعا في احشائي الان






من اقوال جمجمة المغدور ... اسد الجبال



الجمجمة معروضه للبيع
Mountain Lion Skull with Stand
$164 (less Internet discount of $12) = $152
(freight $7)

مين يشتري !!

لو كنت من قبلي بتعاين لي عيون
فيها النعاس سبب طبيعي و مُُش غتاته
كنت غنيت لي عيوني و كت عيونك نامو
ساعه الحب غلب و انت نايم بي غتاته






















مولانا خدر ساعه تجلي
يقرض الشعر قرض الفيران
و
يتهرب من الضرائب

دكين
قوانيين و لوائح جديدة للمنبر الحر يبدا العمل بها من الموافق 10 فبرائر 2005

شفت كيف !!

قال بعد 8 شهور قال



هاهاهاهاهاهاهاها

صديقي الخدر

كل عام وانت بألف خير وكمان السيد دكين.
والكلام عن عودة دكين وليس عن الأخلاق...

عماد خليفة

الحبيب عماد
كل سنه وانت و دكين و معكم 7 اشخاص لكُل منكم الحق في ترشيحهم
او تزكيتهم فيكون المجموع عندها 14 بالاضافه لك و الوغد دكين
يصبح المجموع 16 ستصب عليهم دعوتي هذه
ان





كل عام و انتم بألف خير و هناء

قوانيين و لوائح جديدة للمنبر الحر يبدا العمل بها من الموافق 10 فبرائر 2005

و اسُقط في يدك يا وغد
يبدوا انه حتي التاريخ صار ضدك
لقد فتحت هذا البوست ابان احداث فصلك الداميه
حين مصرعك الاول برصاصه غادره
و ها هو البوست يريارهاصات مصرعك الجديد
لانك كما هو معروف مُصمم ضد اللوائح
و اظن ان الفوضي ستتواصل لانه يبدوا اننا






لازلنا في اول ساعات الليل

صوتوا هـــنا



ان عاد دكين وفق القوانين الجديده





هل سيفصل من جديد؟؟

ايا خدر
ارى ان اسلوب الترغيب ما عاد يجدى نفعا
دعنا نرهبه هنا حتى يؤؤب
نبدأ بخطف ديوكه رسل الغرام خاصة (ديك حلة حمد), آخر المرسلين الى هواه
ان عاد, اطلقنا الديوك
والا
فلننحر, و نقم "العشاء الاخير" , و نصلى صلاة الغائب

خدر

كلما فصلت عير حديثك
أجد ريح دكين

طه قال لود دكين:

يا شيخ العرب كلامك بشوفو حقارة
ات ما جياباك مرة جايباك بس غارة

واحد من جماعة ود دكين قال

ات ياطه الجابو المتلك كانو يعقرو
بتنت على شيخ العرب بتحقرو؟؟

وزي ماقال أخونا أحمد
دكين ده لو ما وصلتو غارة
ما بجي
وشايف أمرو حقرة شديدة
لازم تغيروه في (جحرو)
تمرقوه وتقفرو


شوفوا ود دكين قال لي طه شنو

فوت من ريا وبي نبقى ليك الرفقة

طه قال
أفوت من ريا؟ الكلام ده ببقى

ود دكين طلب ريا بسيفو
قال
يا طه جيتك استعد الليلة نجمك غرب

طه قال
وأنا لي لقاك من صغير مدرب

رقد ود كين
طه قال لجماعة ود دكين
أنا دود الخلاء اللبد للزول بعقرو
رقد ود دكين باكر يتعرف خبرو
اتوسد الباردة انشاء الله ثابت أجرو
اهة انتو كيف بتسوو بتطيرو ولا بتجرو

هادي السيوف واقعين وراك يا ريا

بس ما عرفتو محل ريا عشان يجيها دكين

يا وغد
لا ادري ماذا يحدث لي
اعاني فقدان الشهيه للكتابه
احس بنفسي فارغ و مجوف


المسافر
البوست امانه في ذمتك

المسافر
كل ما اقراء اسمك بتزكر صلاح عبدالصبور
مع انك بتشبه بابكر ود عمتي
و العلاقه طبعا بعيده جدا بين صلاح و بابكر
فصلاح فنان و بابكر عسكري
و
انت اديب من العيار التقيل

يتخيل لي صلاح عندو كتاب فيها حوار بين مسافر و كمساري
قريتو زمااااااااااااان

خدر ووين انت و انت وين....

ياخي انا دايره اشيد بي سعيك المتواصل لارجاع السيد دكين...
و يا سلام علي دكين و علي قلمو الرصاص الذي الرصاص و قميصو الكرمبلين المزهر...

نرجع للموضوع
خدر لقد بلغنا انو السيد دكين ما فاضي من مباراة بنات خيالو ذوات الروسين الصغار والاجساد الكبيره (اشبهو فتحية مرة توفيق.. جيرانا زمان) , الجلوس نواحي جبل اوليا, و جنب كبري يحري و اخيرا قرب اشجار الجهنمية...

و اخيرا... الاداو بي الكوريك ادينا سفوفه...

النبي كان لاقيتو قول ليهو ساميه جضوم بتسلم عليك ...



اها و دعتكم الله ماشه لي ناس سعاد الليله طهور حسنين..

عفاااااااف....
يا سجم... جيبي السفنجه..
دكتور شول شنو البلبسو...

البسك اللبس سكينة و لي أسي ما فكاها... مسخوته

Quote: خدر لقد بلغنا انو السيد دكين ما فاضي من مباراة بنات خيالو ذوات الروسين الصغار والاجساد الكبيره (اشبهو فتحية مرة توفيق.. جيرانا زمان) , الجلوس نواحي جبل اوليا, و جنب كبري يحري و اخيرا قرب اشجار الجهنمية...

شايينق
و المدهش في الامر انه لم ترد حتي الان اي معلومات تفيد
بانه يتعاطي اي من انواع المخدرات .. و علي احسن الفروض
البنقو الذي اصبح في متناول الجميع
فالعلاقات متشابكه بين بنات خيالو و جبل اوليا و الجهنميه
و البنقو المثير للجدل و السجن
ملحوظه
لا ادري ما بينك و بين بنات افكار (الوغد)
ذوي الروسيين لكن يبدو ان في الامر حسد

و انظر يا وغد ما آلـ اليه حالي



في صباح 05/03/01 ... الثلاثاء التي لا احبها منذ المرحله المتوسطه
و استاذ عماد بقميصه الكاروهات مُشمرا عن ساعد الجد ذات حصه تسميع
و درجه الحراره خارج و داخل الفصل 72 مئويه


هل استحق بعد تاريخ طويل هنا ان اظل وحدي في قائمه المتواجدون الان
يُحدق فيني 135 زائر ؟؟


كلو من راسك الكبير ده

دكين...
قلت لى صاحبنا خدر بانو لما اجى اتاوق مابكون فى استطاعتى لكتابة اى شى ياوغد..
شفت كيف لحم الناس تاكله الكلاب ..

يا بتاع مازلنا في اول ساعات الليل
شكل الممارسه لمشروع الحياه..
ام هن العاهرات اخذن منك مقدرة المجى الى هنا..
ياخى اتفكك من تلابييهن وتعال لو عريان.. (وكمان ماتقوم تصدق تجى جد جد عريان)

تعال داير اسلك من الحبيبه..
وداير اسالك من خدر هذا الوغد.. من روحك
وانا قلت والله بحبونى يزداد دلالهم ويخلونى..
وانت خليتو هواهم يسقوا الهوى ويلومونى..
اعملك ايه
ياناسيهم
ايه ذبنى بس حيرتونى!!!!!


******

كم عام من رغبه وانت تاجل بيناتنا تساب
ياوغد انت تعال
تعال
عكر سكر قهوتنا واشربنا
لو كانت تفي بالغرض الدموع لما كانو صادرو السماء حين كتبت في السحاب ان تسقط الرقابه
سالمه بحضورك

ولست وحيدا بداخل ترقد كل المسميات
بدسك في مسارب الروح وين ما اروح انت معاي شوق وحنين وتؤام روح
يصحى في جوايا شي
ووكت يصحى جواك شى
اعرف انو ليك ياراقى
منك طولنا طول
الروح دى ماواحده من حلال اصحابنا خلاص بنلبسها وتقمص هوية انو زى الماكان بيناتنا شى
شفت كيف ..
تعال فيتو وفيتنا..
وماتتوصى خيرا بخدر ..



شكيت لى طيفك الايام
وحدثتك حديث الروح
سالت وين دكين وين
وين وكيف
وين لمتين
هواك اوهام وعدك زيف
وطوال ايامى بلقاك وناجيتك
ومارديت
يادكين..........................
ياااااااااااااااااااااااااااااااااااااااه

نحن الوراك ماجانا عشقك من فراغ ولا نحن حبيناك عبط

وقول للعايشه جواك...

براحه انت ولا الظروف يا قلبي يا دفا يا سقط
لايوق انت ولا الحنين ابنوسه يا سمرا وغلط
انا متطر اني امرق هسي
يلا خلي بالك مني فيك
انا بخونك جواي حنين
اثر الخاينه باين
يادكين


*العاهرات هن عندى المدن ..عشان عارفك
مفضوح وحالك مكشوف..

ولما نتلاقى فى الرمله الدقاقه...
بكون سبيت ليك الف مره
وخدر يشهد...
كما مصدقنى
اسال مولانا !!!!!!

Quote: هل استحق بعد تاريخ طويل هنا ان اظل وحدي في قائمه المتواجدون الان يُحدق فيني 135 زائر ؟؟

لا يـــــــــــــا مـــــــــــــــولانه
احـــــــــاول اكون مـــعاك.

لك منى كل التـــــــــــحـــــايا

Quote: المتواجدون الان بالمنبر الحر 151 شخص » (1 )عضو و (150) زائرا »هشام مدنى هذه الصفحة يعاد تحديثها كل 120 ثانية.

رايك شنو يا مولانه انت وين

تحية طيبة للجميع


يا جماعة (دكين) ده حقيقة ولا خيال ؟

Quote: المتواجدون الان بالمنبر الحر 151 شخص » (1 )عضو و (150) زائرا »هشام مدنى هذه الصفحة يعاد تحديثها كل 120 ثانية.

الحبيب مدني
يبدوا ان حالي احسن قليلا من حالك
( بفارق الاصوات )
هل تري ماذا فعل بنا دكين ؟

تروتسكي
لا تذهب بعيدا
فأنا احتاجك هنا معي
كي احتمل غياب دكين

Quote: يا جماعة (دكين) ده حقيقة ولا خيال ؟

محمد الامين
دكين حقيقه قاسيه جدا
فقد كان اول الضحايا و اخر الناجين
و من فصله لم يعد بيننا الان
وليت ذلك كان بسبب فصله لدكين ..
كنا سنُقيم له سرادق العزاء
تسعون ليله
لكنه اختار ان يذهب
و اخترنا ان نصمت





جيبو الغداء للرجال و الوليدات البلعبو بره ديل
نادوهم من شارع الظلط .. العربات

خدر العزيز شديد

والله ما قايل بالك بالطول ده وصبرك بالشتارة دي (اوعا تقراها الشطارة)

Quote: دكين حقيقه قاسيه جدا فقد كان اول الضحايا و اخر الناجين و من فصله لم يعد بيننا الان

أها طيب الفي شنو؟

لو ما قدر وقفتك دي وحنيس الناس ديل كلهم ، تبقى عوجة.

وانت بإمكانك تنوم وبالك مرتاح .. حقيت الخوة في زمن عز فيهو من يفعل.

وعني تحديداً ما شفت وفا زي ده قريب.

علي اليمين السودانيين ديل لو اتعابطو كدي
في الديمقراطية كان جابوها من قرونا.
::::::
::::
::
:
أكيد المحبة،،

Quote: علي اليمين السودانيين ديل لو اتعابطو كدي في الديمقراطية كان جابوها من قرونا.

لالا .. الضحكه دي ماكفايه




هاهاهاهاهاها
ههههههههههه
قر قر قر قر قر
وااااااااااع



والله كلامك صاح
كان جابوها من قرونها





استغفر الله العظيم
دي بتاعه بعد الضحك ديك

Quote: تروتسكي لا تذهب بعيدا فأنا احتاجك هنا معي كي احتمل غياب دكين

خدر

حين كتبت انت في سحابة ان تسقط الرقابة فصادرو السماء...
فاناأنا لم أخترع الخطيئة ، من أوجدها هو الكتاب المقدس
إن القدرة على قراءة النص كنص دون تدخل تأويلٍ او ويل ما، هو أدنى صور التجربة الداخلية تطوراً وربما أصعبها إمكاناً (يادكين)
دكين.....من علمني الاه
دائما تفصلنا الزوايا الضيقه
دون اللجوء الى النهايايات
سلم قلبك من الطقكان
فاللاله رائي اخر
مممممممممممممممممممممممممممممممممممممممممممم في غفله انسرق
لك الانا

وامن صباحك ...
اه يابلد..
ضمد جراح اتحد..
اه يادكين..
يابلد...

مولانا

خدر

هل يستوى الذين
يعلمون
مع

الذين؟؟

الذى اعلمه

ان دكين الان...بالقرب من حاجتين

الكعبه

والبترول

ال

تروتسكي /فجراوي
يااجمل من انجب رحم البورد
ابحثو معي عن لوحات تُعيد هذا الوغد لصوابه و لنا


هداني مُلهم لهذا الرسم

هل تري ما ألـ اليه حالنا يا وغد ؟؟
اصبح الجمع المُقدس يتهافت علي الديمقراطيه و دعاوي قبول الاخر
لا ادري ماذا حل بهؤلاء !
كيف اقبل الاخر و هو لايقبلني اصلا و لا يعرف لُغتي و فوق كل هذا
يحمل خنجرا .. لقد اتانا بعدك من لاقبل لنا بشجاعتهم في الظهور
للعلن .. كنت اتوهم انهم سيختبئون لكن قاتل الله السياسه فهي تحملني
مالاطاقه لي به ولا تعفو عني و تجبرني ان اهدر حبرا فيما لا طائل منه
يا صديق انا اعلم ان ماسبق لايهمك و لن تشتريه في سوق الكلام بفلس
لكن دعني احكي هنا مالا استطيع قوله هناك .. فهناك الحرب ضروس
كنت اتوهم ان ما حدث في الشأن السياسي السوداني منذ 98 قمين بأن
يضع النتيجه ليس لصالح الثارات لكن لصالح الحق
عندما طُعن كليب كان المهلهل يجُد في الثار حُبا في كليب
كيف لا نجُد في ثار قتلانا ولو بأضعف الايمان
رفض مصافحه من خانوا او تواطؤ !!

تُورد الاخبار كل يوم اكتشاف لمقابر جماعيه لاهلي/ك هنا و هناك
المؤامره تُحيط بنا والاخبار تأتينا بالجديد كل يوم
من باع من و من اباد من و الاصابع العشرون تُشير اليهم و يأتي بعد
كل ماحدث ليقول بكل صلف
انا لست مع اقصاء الاخر
التقول نحنا ضد الانسانيه !!
و كأنما براقش دي كانت بتلعب في حوض الزهور
و تعانق رصيفاتها في حب و وئام و اغتيلت غيله !!
كما هو من الصعب توقع رد فعل الراي العام .. من السهل جدا قراءه
توجهات هذا الرائ العام و لكن منذ ان ركعت الحكومه ركعتها الاخيره
في محراب نيفاشا و اتمت صلاتها اخذت معها بوصله هذا الشعب
الكريم
سأعود لك ان كان هنالك مزاج مُعتدل .. فلا ذال هناك الكثير من
الكوارث في الصفحه الاولي تحتاج الي اجابات لا نملكها
لكنا نحاول ان نستعين عليها بالصبر و الدكشنري

خدر

مولانا..
من الذى يحقق لنا ضرورة سريان قانون من قوانين الاله ، بما يسمح للقضاء على الفوارق (الاستفاده من هذا الفراغ)..

انه الاستغلال..

وماتقول نسينا الماضى وصرنانسيتك ...
بس تنسى كيفينك وانت الوحيد بالذات الكانا ذاكرنك...

والقول بان الاشياء..
تحكمها علاقات من الانفعال المتبادل
فالشى اما عــــــــله
لمعلول او معلول لعــــــه
اى سبب تنجم عنه نتيجة ، او نتيجة
ناتجه وناجمه عن سبب . لاشى بغير علة او بغير سبب
(ياهذا)..
الفعل الواعى الاختيارى العمدى لكل مواطن يهدف تحقيق ارادته والوصول الى هدفه..

هل وصلت الى الفعل الممارسه..
؟؟؟؟؟؟

لتحري تلك الأشياء كما يجب تجدنا في المداخل نخطف سرعة الطريق وهو واقف000 نتلقى هناك عشم وهو واقف00 يااخوانا ما تتحركوا وهو واقف00 يبدو انه النفير وكت تدلف الساعات أوقتها على قطرات العرق الطافح من هذا التاريخ00اذا لماذا م يتحرك هؤلاء الاصحاب00؟ زى سيفا في القاتل سيلا للصيف والشتاء00وتساقط أوراق الخريف ليس ضمن الدرس القادم فالاستيعاب للمكانة الترتيب يحتاج كفاف وده ماكلامك وسؤالك 00 اذا لماذا م يتحرك هو00؟


البقيه:-
مشروع مازلنا لكى يكتمل مشروع ماوراء الوجود فلا يوجد مايسمى دكين الان او كلام من حروف يطلقون علية جزاما كلام00ياهؤلاء ان مابين السطر والذى يليه دعاء 00ومشروع 00


ساواصل


هل لك بالانتظار ؟

ربك يملاك وطن
ويطلع روحو فيك..

مولانا....خدر....كفاره

تتصــــــــــــــــــــــــــــــــــــور!!!؟؟؟!!!!
ياما طال صبرى وهديتك..
قلت يوم حالك تسيبو..
مانفع فيك التوسل..
انت زول برخص حبيبو..
ابتديت افكر لعمرى..
الحق الفضل اجيبو..
لوضميرك راضي يسيبنى ..
قلبى رضيان بى نصيبو..
*******************
قبل ما تغير دروبك...
كنا بنماسيك نصابحك..
رحت ترخص فى مقامنا..
يلا بيعنا وشوف مصالحك..
مابنعاكسك فى طريقك..
بالعذاب ما بنصارحك..
فى العملتو انت فينا..
الله ياظالم يسامحك..

تروتسكي
الغريبه الشهور الـ8 انتهت

؟؟

بالمناسبه يا دكين
اساسي بسأل عليك في الصفحه الاولي

خدر
عُلم..
فقط متى تاتى القيامة؟؟!!!
في الذكري الشهر التاسع لاختفاء المغدور دكين

ان افتراض التخلى عن المورثات الثقافيه بين ليلة وضحها ليس هو بالحل الجذرى.
لكن يمكن ان اشبه بعملية تدوير او الوقف قليلا عند بعض العادات ..
لو يخلى معكساتولبعض الاجناس.. دى ببقى كويس..

لكن كيتا على وعليك ياد حجر..

ومن الاسكلا وحلا
قام من البلاد ولى..