يا ودقاسم حصّل نكتة أهل العوض دى

حكى لى قبل قليل صديقك (عوض الطريفى) أن هنالك جماعة من (حلة عمر) يذهبون الى قرية قريبة ويجلبون (العرقى) بغرض التسامر ، ويجلسوا يدوبوا ما شاء لهم من الدوبيت ، وهكذا حالهم كلما جلبوا الشراب ، وكانوا ثلاثة رجال وابوهم معهم ، وبما أن أبوهم كان يشرب معهم ولا يدفع معهم قيمة المشروب ، ولا يعرف الدوباى ، فقد سكروا يوما سكرة طينة ورفضوا أن يصبوا لوالدهم (الكأس) باعتبار أنه لا يدوبى معهم ، وعندما (فطوه) مرة ثم مرة ثانية ، قال لهم أبوهم ، سوف أدوبى ، فوضع يده على خده وانبرى مدوبياً بصوت عالى قائلاً:

ود الأدرع الأماتو جن يتجارن
خشمك جنزبيل فلفل معاهو شطيطة
حليل الزول السكونو الكوة

فما كان منهم إلا أن قالوا له أبشر آزول حرم تشرب معانا للصباح وكت بقيت دوباى جنس ده.

شيخ هشام

ده ياهو الدوباي الصاح خشمك فلفل معاهو شطيطة

لكن الجميلة ناس القطينة في المظاهرات ايام الديمقراطية الاخيرة

كان هتافهم ثلاثة كبابي ولا الترابي ,الجماعة كانو بشتروا بالكباية

رجال ولا ما رجال

سيف العريس ، الشغل بالكباية لووووووووووووووووووووووووووووووووول

اضحكتنى كما اضحكنى صديقى عوض هذا الصباح الجميل يا عريس

يا سيف مساعد ، عوض قال ليك ناس القطينة ديل كانوا بيشتروا العرقى من (إحكام منّو)

هشام
شكيت محنك إنت وعوض الطريفي ،،، والله أهلي ناس حلة عمر ديل هم أهل عوض ، لكنهم ناس تمام ،،، وغنّايين ، وشعراء ، ويحبون السمر والانبساط ... ويضم مجتمعهم أعدادا من المثقفين والمشايخ ، ومنهم الشيخ الأمين الناسخ ، وهو شيخ أزهري ، كتب مؤلفا عن معتوق أسماه : العرف المنشوق في تاريخ سكان معتوق ...
وعلاقة أهلنا في حلة عمر بالفرح المعبأ علاقة قديمة ، شأنهم في ذلك شأن أهلنا بمحلية معتوق ،،، لكن ناس حلة عمر كانوا أول من قال الشعر في المنطقة ، وشاعرهم الأسيد ، ووالده عليه رحمة الله ، ووالدته أيضا ، وفنانهم ود الكعوك ، عرفناهم منذ بداية السبعينات ، أثروا حياتنا بالشعر والغناء ، ونثروا البهجة في قرانا ... وقد عرفت أن الرجل الذي سجّل مدحة السرّاي الشهيرة من حلة عمر ..
وقد حكى لي أهل حلتنا ( عجوبة ) ، أن واحدا من اهلنا من حلة عمر خرج متأخرا من معتوق متوجها إلى حلة عمر وهو سكران طينة ، فلم يستطع السير ، فغشي عجوبة ، وتوجه إلى المسجد ، فوجد الباب مفتوحا ، فدخل ونام ،،، ولما أتى المصلين لصلاة الفجر أيقظوه ، فما كان منه إلا أن قال لهم :
ياخي قاطعين لي نومتي مالكم ، أنا نايم في بيت واحد فيكم ؟؟!! سلم لي على عوض الطريفي ..

يبلغك يا ود قاسم صاحبك وأستاذك (عوض الطريفى) تحياته العطرة ويقول لك للتوثيق ست العرقى إسمها (بخيتة بت شقة) ، وأخرى إسمها (النايلية) وقد قرأت عليه ردك هنا وهو يؤكد كل حرف فيه ، ورقم الموبايل مرسل فى الماسنجر

تحياتى لكل أهلنا فى معتوق وعجوبة ومعتوق والقنابيل وكبمبورة وما جاورها

سلامات يا زول يا زول،

Quote: وعندما (فطوه) مرة ثم مرة ثانية

ذكَّرتني واحد اقترح أحد الشِرِّيبة أن (يفطوهو) بحجة إنًّو بِطْرُش، فعاتبهم من خلال فجوة في "طرشيه" ذاك قائلاً: بِطْرُش بِطْرُش غالي؟!

تحيَّاتي لك ولأهل العوض.

عادل البدوى ، بطرش بطرش غالى حلوة شديد

واحد زمن الجاهلية قال أنه بيخاف من الكاس الأول ويتمنى لو فى طريقة (يفط) الكاس الأول

والنايلية أيضا اسمها عشّة ، وهي امرأة عرفت بجمالها ورهافة حسّها ورقيّها ... وأستغرب كيف أن النايلية اهتمت منذ زمن بعيد بخفة الجسم مختلفة عن كل رفيقاتها في ذلك الزمان ، فهي امرأة slim على موضة أيامنا هذه ، لطيفة للغاية ، ومهذبة للغاية ، وكان بيتها نظيفا ومرتبا ، ومكتملا ، فهي امتلكت الثلاجة ربما من الستينات ، وكانت ثلاجتها معبأة بالبيرة الباردة القادمة من مدني أو المناقل ، وكانت تنتقي زبائنها بعناية فائقة ، خاصة أؤلئك الذين يقضون وقتهم داخل بيتها ... وكان بيتها ملتقى للمثقفين ، والأثرياء من أهل البلد ، وكانت البيت آمنا ، ومحروسا ، فقد كانت عقليتها الأمنية متقدمة على الفترة التي اشتهرت فيها مما يمكنك من المبيت في البيت وأنت مطمئن للغاية ...
والله ذكّرتنا أيام يا أستاذ عوض ...

يا ود قاسم ما رويته هنا ينضوى تحت (حضارات سادت ثم بادت)

تسلم ياخ ، وأرجو أن تزيدنا من هذا ، وكما قال أحدهم يوماً

عرقى العيش سواها فينا
سكرنّا ورقدّنا طينة

أعتقد أنك يا ود الشيخ لو أشرت لموضوع البوست في العنوان لكان مزاراً ومتكئاً للكثيرين من أمثال
صاحب النكتة الشهيرة .. (الله يقطع العرقي ... ويا حليل زمنه) ..
عموماً إزيك وكيفنك ..
أذكر أن أحد أقاربنا من المدمنين كان جالساً مع بعض زملاء الكأس وقد (قعد طينة) ..
والجماعة ما زالوا لم يسكروا بعد .. وحدث أن جاءهم شخص تعطلت سيارته في طرف الحلة
وطلب مساعدته في لز العربة ولكنهم خافوا أن يقوم صاحبنا ويكتح باقي الجركانة
رغم أنه كما قلنا راقد طينة لا يجر يداً ولا رجلاً .. فقاموا بربط الجركانة على رجل السرير
بطوق سلسل .. وعندما عودتهم وجدوا الجركانة خاوية تماماً .. فقال أحدهم .. العرقي ويعوضنا فوقه الله .. لكن المصيبة ده شربه كيف؟ .. فبحثوا حول السرير فوجدوا وصلة خرطوم بلاستيك ملقاة بجانب السرير .. فقد قام صاحبنا بشفط العرقي بالوصلة!!

يا عبدالباقى (ترلة) ما تتحمل كلام زى ده ، يلعن أبو الزفت

تسلم تسلم سيدى وتاج راسى ود المشايخ الجد ، وبركاتك يا أزرق

Quote: واحد زمن الجاهلية قال أنه بيخاف من الكاس الأول ويتمنى لو فى طريقة (يفط) الكاس الأول

وكان احد الاصدقاء يستحسن (التحنيس)علي الكاس الاولي ......ويقول في ما يقول( عليك الله حنسني) وهو صاحب الفكرة و زول التقيلة >>>>>والريشونيل بتاعو انو الكاس الاول مر

تحياتي

manubia

وكان بعضهم (يكشر) و بعضهم (يتوحوح) وبعضهم (يتلفت) وبعضهم (يصر) ، وللكاس الأولى تعبيرات كثرة

يجازى محنك

يازول يازول...

كيفنك وسلام،،

تعرف ده موضوع (كارب كربه سكو سكو)...

عندنا واحد صاحبنا (الله يكرمك بلا كده) بيقول الكاس الاول ده لو لقى ليهو
زول بالايجار بيكون كويس ، اها نفس الزول ده لانو مابقدر يشرب الكاس الاول
اتعود لما يشرب يشرب (ون قو)one go( مرة الزول ده مشى يشرب مع ناس اول مرة
يشربوا معاهو اها هم ما عارفين انو بيشرب طاااااااااخ كده طوالى يلا اشترو قزازه ونص
وهم اتنين زايد زولنا ده ، لما قعدو يشربو ما كان عندهم كباية قالو يشربو (بوز) ساى
وعلى أساس انهم عازمين صاحبنا ده ادوهو اول زول زولك ده صنقع بالقزازه المليانه ومانزله الا فاضية وفردنا ديك اتعوضو (الشيطان - مش عرقى كمان) وشربو نصهم داك وباقى الليل يطنطنو ساى.

بالاذن ياهشام;هاك دي ياسفيان(بعد التحيه والشوق):
قال ليك واحد بوصف في عرقي نضيف قال:" عرقي كافر تشرب منو جغمه..الجنبك يبزق".

بهنس اللذيذ

والله دى بالغت فيها بالجد ، ده تفاعل كيمائى يصيب الجار ولاّ شنو؟؟؟؟؟



بالله زدنا

بهنس يا محمد حسين ،،

كيفك يا صاحبى الحنين ،،

قلتلى يشرب الراجل ويبزق الجار ، والله حكم يا زمن...

تعرف يا مان زولك البزق وزولك الشرب ديل خليهم وحياتك انا عندى صاحب
بيخاف من ضلو لكن لمايشرب وحياتك بحيرنى عديل كده راجل جنس رجاله
مرة انقر قالى شنو ... قالى هو فى حالة يكون (ضارب) مستعد يصارع القطر زاتو
اها صاحبنا ده مرة لقيتو مورم ورم شديد وعيونو مدفنات من الدق قلت ليهو مالك الليلة لاقيت القطر والاشنو؟؟؟ قالى هو كان قاعد فى (بيت الشرمبيته) ، قامت شكله بين نفرين كده هو مابعرفهم بس قام ليكم عليهم والاتنين (لزمهم الجابرة ) وخلاهم زى ماتقول كده(هردبيس) بعد شوية لقى ليك نفسو فى ا########## وفى زول قاعد فوق صدرو ويكفت فيهو شى (بنية وشى كفيت) ، وهو ماقادر يعمل حاجه مش عشان هو خايف ولا عشان مابقدر بس عشان الزول البيدق فيهو ده هى ست البيت زاته الممونه وهو ماداير يقطع رزقوا من البيت ده لانو (الكبه) الفيهو نضيفه يشربه الفى السودان يبزق الفى فرنسا .

والله ياناس الموضوع ده ح يجي لينا الهواء ، ياهشام فى قصص ما بتنقال لاهنا لافى الخور البهناك داك ، وانا عندى نضم كتير فى مواضيع (برضو) مهمة شديد وما عايز اتوشح بالسواد
خصوصاً انو موضوع (الشراب ) ده هسى بقى منتشر خالص وسط الشباب وخايف اقول كمان من النوعين يجونى ناس ناطين .
غايتو تانى مابجيكم بهين.

يا سفيان أبقى راجل زى صاحبك ده وما تخاف الموضوع حيوى وضرورة طرحه ومناقشته شىء مهم ولو فى قالب فكاهى فهو أحد المسكوت عنه فى السودان ، ومافى شىء أخرنا غير (السكات)

أها تعال تانى وخلينا نكب ليك كاس (سكتّو)

حلوة (سكتّو) دى ، تتذكرها؟؟؟؟

حكى لى واحد صاحبى قال كانوا قاعدين فى الريفيرا ولاطشين تمام ، جاهم واحد صاحبهم قال ليهم يا جماعة عمر الحاج موسى اتوفى

نطّ واحد لاطش ، قال ليه بالله إتوفى؟؟ ياخ والله بالغ.

تصور

سفيان بشير نابرى

تحياتى

للكأس الأولى طرائف كتيرة ، تلقى الواحد خاتيه جمبو ، وزى الحاصلة عليه مصيبة مرة يتلفت ومرة يعاين للكاس بى قعر عينو ومرة يرفعو بى ايدو زى البيقيسوا وكده ، الشىء ده من شنو؟؟؟؟

هشام صباحاتك بيض

من طرائف صديقنا أحمد

مرة قال لي ... والله لو لغو يوم السبت والكاس الاول تبقي حاجة جميلة

مرة في الشارع لقيت واحدة من الخالات الممونات زعلانة جدا

وشكت لي من واحد صاحبي وانه عليهو ديون وما بسدد .. حاولت ارضيها

واني حا اكلمه وهو حا يجيب القروش... قالت لي لا ابدا انا من دربي دة

وعلي نقطة البوليس طوالي عشان أشتكيهوا....

سوركتى اللذيذ الحاجة ماشة نقطة البوليس عديل

ياخ دى مرة مشت القصر الجمهورى ، عشان عندنا واحد (بلدياتنا) كان رئيس جمهورية وما بيدفع حق العرقى

لووووووووووووووووووووووووووووووووووووووووووول

والله جد جد

أسمع دي يا ودالشيخ ..
واحد خموه خم من الإنداية ورموه جنب الباب وبقى راقد يلغلغ ..
واحد تاني سكر لمن مات جوه الإنداية والجماعة طلعوه جنازة ..
قام صاحبنا الراقد يلغلغ لما شافه ليك مطلعنو جنازة غمغم قائلاً :
هلا هلا .. نِعم البدَّروا!!

تعرف يا أزرق أنا بعرف ناس كتار فى جده هنا ، جنس اللطش ده وداهم الآخرة عديييييييييل

الله يتوب على الباقين ، قول آمين

تسلم

يا زول ..
تحية واعية ..
حقيقي موضوع ظريف جداً و إليك هذه ..

لدينا قريب لنا من المظليين .. يحب القعدات و لا يحب أن يدفع شيئاً .. و في ذات الحي الذي نسكنه واحد عزابي شبه أطرش ـ أضانه تقيلة جداً ـ مرتاح جداً و بيعرف يمنجه قعدتو تمام .. قريبنا هذا و إسمه عبده إتلح الأطرش و بقى ليهو في روحو .. كلو يوم ناطي عليهو و قاعد معاهو و مكرهو حياتو .. الأطرش زهج من عبده جداً جداً و أراد التخلص منه بالكلوباوي خاصة و أنه لا يمكن أن يطرده عينك عينك لإعتبارات الجيرة و كدا ..
عبده قريبنا هذا شقيقه الأكبر على العكس منه تماماً راجل مولاناو عبده يحترمه و يخاف منه .. أراد الأطرش أن يفتن عبده مع شقيقه حتى يمنعه من الذهاب لبيت الأطرش ويرتاح الأطرش منه ..
في الصباح قابل الأطرش شقيق عبده ـ مولانا ـ و بلكنة الطرش اللذيذة ديك قال ليهو ..
أمبببارح .. عبد الكريم جااااني سكرااان .. الليل كلو يكورك .. واي .. واي .. واي .. ما خلاني أنووووم ..
مولانا أدرك قصد الأطرش .. فخاطبه ..
إتا يا الأطرش الما خلاك تنوم دا بيكون صحى الحلة دي كلها و لا مش كدا !!

سلامات يا زول يازول،

ما شاء الله، الطرمبة عاااامرة. يكفينا الله شر الطيَّار والعرقي الحار. (الطيَّار = الضهب، العرقي الحار = أنا عارفو ليكم ما ياهو)

Quote: ياخ دى مرة مشت القصر الجمهورى ، عشان عندنا واحد (بلدياتنا) كان رئيس جمهورية وما بيدفع حق العرقى

سِتْ مريسة طالبة ليها جماعة قرشين (في شنو يعني ما في المريسة) لمَّا غِلْبَت فيهم حيلة قالت ليهم: مُشْ قِرْشيني ديل، بشيلِنْ مِنَّكم قِدَّام وَشَّ الحق. قالو ليها: أمشي قولي ليهو طالباهم قِرْشين في قشيرة عشان إقِص رقبتك ويسقيك مُخَّها.

الكشَّة إياها الجاتكم. بَسْ دا كان زمان لما كانت الدنيا بي خيرها وكان ممكن تشرب بي قرشين وبالدين كمان، هَسي تُبْنا...وألا الشراب غِلى ما عارف. جوفو لي دكزي وألا مظيبة توظِّلني آلي.

عادل البدوى

شفت الطرمبة دى عمرت كيف ، ناسنا بريدو العرقى وسيرة العرقى

عصام دهب يا راقى ، شكرا على طرفة الأطرش الحلوة

والى المزيد بالله

يا ودقاسم ، عوض جانى قبل شوية وقعد شاف الردود والمشاركات وانبسط بالحيل ، قام قال ليك :

عمك سراج الدين ود الحسن يوم مشى للنايلية وصارى ليه جنيهين فى توبو وطلب بيرة ، فى أثناء شرابو جاء المرحوم بكرى ود حاج أحمد ، انبسط بالحيل لما لقى سراج الدين ، قال للنايلية جيبى كرتونة بيرة ، عمك سراج الدين عندو سيجارة واحدة ولعها ، قام بكرى قال للنايلية جيبى باكو سجاير من دكان فضل المولى ود سالم ، عمك سراج الدين لمن جابو كرتونة البيرة وباكو السجاير ، طلّع الجنيهين من توبو وقال للنايلية الجنيهين ديل جيبى بيهم كبريت.

طبعا يا قاسم دى نكتة متداولة قديمة ، لكن للتوثيق دي الرواية الصحيحة ، من الناس الحضروها live

والله ظريفين أخير من ناس كتار ،، ومن تاب تاب الله عليه ، والمواصل كمان لا يقنط من رحمة الله،،

ياعصام دهب رهيب صاحبك الاطرش دا،، وطال علينا فراقكم ومشتاقين

دي واحدة يمكن تكون قديمة لكن لكما أسمعها أذكر أخونا الجزولي كرم الدين في جدة وأضحك:

قاليك اثنين من اهل العوض ماشين لقو ليهم خواجة من بعثة الامم المتحدة قاعد في بنمبر تحت الشجرة بمزاج ويشرب في المريسة !!! واحد قال للتاني : أنت يامنوفلي : الخواجة دا أسلم ولا شنو؟؟

عبداللطيف بكرى مشاركتك حقت الخواجة مبااااااااااااالغة

تسلم ياخ

رباطابي عندو اخوانو راقدين في المستشفي الاول موصلين له درب والثاني قاعد يرجف من شدة الالم، خالو ضرب ليه ، قال ليه اخوانك كيف ، قال ليو واحد شغال هزاز والتاني جاري الشحن ..

إيهاب دى جديدة لنج

بالغت

انا جيت اعاين لكن ياساتر البوست ده ريحته باقه بق

ناقصه مزززززززززززززززززززززززززززززززززززززززززه

وكواااااااااااااااااااااااااااااااااااااااااااااااااااااااااااارع

بجى راجع

عندى قصه امكن ده محلها.............................................

هسع بجى............................................................

دقيقه بس0000000000000000000000000000000000000000000000000000000000000000

يا زول ..
تحياتي مجدداً و إليك هذه ..

في الأبيض عندنا شلة مشهورة جداً جداً .. لما الشمس تغرب بيصفقوا ليها .. طبعاً عرفت ليه ..

و يقال أن هولاء حلفوا أن يمصوا الكلنكيت مصاً حتى ينشفوه و يكتلوه و يجيبوا تار جدهم ..
و يوم خم الرماد ـ قبل رمضان بيوم ـ بيقعدوا يبكوا بصوت عال لما الحلة كلها تسمعهم ..

و سمعت نكتة لشلة مثلهم حيث أن أفراد هولاء الشلة متضايقين جداً من واحد ثقيل متلحهم .. يسكر و ما بيدفع .. المهم الجماعة فتشوا ليهم سبب عشان يطيروا بيهو الراجل التلحة دا ما لقوا كلو كلو ..
في يوم لموا الشيرنق بتاعهم و نادوا صاحبهم التلحة داك أدوهو القروش و كانت مية جنيه ـ أيام الرخا ـ قالوا ليهو أمشي جيب لينا الشربة و العشاء ..
صاحبنا كان شريب جداً .. فات أشترى للشباب شربة بتسعة و تسعين جنيه وخمسة و تسعين قرش .. و الخمسة قروش الباقية أشترى بيها فول بتاع حجات و جابوا ليهم ..
واحد من الزعلانين منو عاين ليهو كدا .. و قال :
يا جماعة أنا من أول قلت ليكم الزول دا ما ترسلوه أنا عارف الزول دا زول شرفان و جنو بطنو دي .. أسمع يا أخو إتا أنحنا رسلناك عشان تجيبو لينا كلو عشا !!!؟؟ ياخي كرشك دي بي التقدا !! أهة تاني من يوم الليلة دي ما تقعد معانا ..



و تسلموا

عصام دهب

ذكرتنى حكاية طريفة حصلت هنا فى جدة (واحد متلح ليه جماعة كده يسكر معاهم بدون ما يدفع حاجة يوم واحد قاليهم الزول ده خلوه لى أنا بأدبوا ، يوم قاعدين كده زولن جاء أدوه الكاس الأول والتانى وفى المره التالته قام صاحبنا كبّ ليه موية ساى فى الكباية قام قاليهم يا جماعة دى موية ساى ، طوالى زولك قام عليه قال ليهو خلاص سكرت من هسع؟؟؟ نحن نكب ليك عرقى تقول موية قوم يا زول عندنا عوائل ما دايرين خرمجة بالله أطلع بره وما تجينا تانى من فرد كاس تقول موية والجماعة كلهم قاموا ليه عليه انت يا زول سكرت ولاّ شنو؟؟؟ قوم بالله أطلع هنا فى عوائل)

وخرج الرجل وخشمو كصاحبى مهلب ملح ملح

علوبة

فى انتظارك على أحر من الجمر

سلامات يازول يازول

Quote: ذكرتنى حكاية طريفة حصلت هنا فى جدة (واحد متلح ليه جماعة كده يسكر

هو نحنا نتضاير من الكشَّة تقوم تجيب لينا الهيئة.

لا هااااا، فُتَّكم بي عافية كلُّو ولا الجَلِد...زمان (زمن البُطان) الجَلِد كُنَّا بنشرب ليهو، هسي جَلِد الهيئة دا نسوي ليهو شنو...نردِّف؟!

عادل البدوى

زمان كنت (بتردف) ولاّ شنو؟؟؟

يجازى محنك فقد اضحكتنى كثيرا

جماعه في امدرمان, بشربو سوا كل يوم,(الندامى راقدين قش) في واحد منهم لي سبب قوي في نفسوا بطل الشراب وانقطع منهم,يازول بعد داك بقى يصلي, فجاة بقى متعصب انصار سنه,يازول قال انا لازم ارجع اهدي اصحابي;يازول دخل عليهم,لقى الندامه واقعه تش,بس خطب ليك فيهم;الله قال والرسول قال,ولمن وصل في خطبتو انو قال" اخوتي الا فاعلموا ان الانسان حينما يقارع الخمر:يضاجعه الشيطان كل ليلته تلك حتى يفيق",يازول في واحد من اصحابو السكرانين فجاه بحلق كانو لقى حل لي حاجه في نفسو;قال:"بالله ده هو? وانحنا نشيل ونرميها في الشطه ساااي".

يا بهنس الشطة حاره

ألإخوه الآعزاء

السلام عليكم

(إذا بلتم فاستتروا)

مافى حاجه أحسن من كده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مع تحياتى

د. عبدالله صديق

أظنك تقصدك (إذا بليتم فاستتروا)

يا أخى لا يوجد بيننا (مبتلى) - لا سمح الله - فنحن قوم نتداول طُرف تسبب فيها شرب (الحرام) ، والذى لا نتعاطاه قطعا عملا بالمفهوم الإسلامى المعروف ، بل على العكس مما تتصور يا دكتور فنحن نسعى جادين لعلاج هذه العادة الضارة عند الذين ما زالوا يتعاطونه بجلب الحكايات الساخرة التى يمكن أن تؤدى الى مثل الذى قرأته أعلاه

على كل نشكر لك المرور من هنا ، بارك الله فيك ، ونأمل أن نكون عند حسن الظن

هشام

الاخ هشام

دكتور عبدالله ذكرني بواقعة حدثت لي ,مر بي رجل وانا عندي مقص شديد وراقدفي الارض بس لم فيني شتمية انت وقت مابتقدر عليوه بتشربو ليه

كمان الدكتور حسبنا من ناسو

بالضبط يا سيف ، الناس أحيانا تفهمنا غلط والدكتور فاكرنا (لاطشين عرقى سااااى)

سلام يا هشام

ذكرتنى حيت كنت فى جوبا حين قامت الإنتفاضة و تم تعيين بيتر سريللو حاكما للأقليم الجنوبى .. فطلعت مظاهرة تهتف "إيس بى ريال يا سريللو .. إسكول بجنيه يا سريللو"

بلهجة عربى جوبا "ايس" تعنى "عيش" و " إسكول" هى نوع من البيرة الزجاجة منها تطفئ العطش .. لكم الله يا فقراء شعبى .. حتى فى أحلامكم فقراء


في واحدة مشت تخطب لولدها ،، سألتها أم البنت : إنشاء الله ولدك ما بدخن ؟ ردت عليها: لا .. الحمد لله .. ولدي ما بدخن … إلا إذا كان سكران …

على الحلاوى

مشاركتك هنا من أحلى المشاركات

تسلم يا سيدى

يعني الواحد في البلد دي أصلو ما يفتح مكسرو دا ..
إلا ينط ليهو واحد مشبع بسوء الظن ؟؟..
أنا شخصياً و الحمد لله ما بشرب ..
لكن يظهر بالطريقة إني .. برضو ما حأشرب ..
أحمد لله أنني ـ و الله و الله أقولها مضطراً لا رياء ـ حججت عشرة حجات و لله الحمد .. شفت كيف ؟؟..
لكن بتكيف كدا لله للقصص دي ..
و لو لقيت لي زول سكران بقدر ظروفو ..
و بقعد أتونس معاهو لما نتكيف نحنا الإتنين ..
و في سري بسأل ربنا يهديهو ..
و يهدي كل الناس الظريفين ديل ..

عشان كدا أنا برضو بقول ..

إذا بليتم بظن السوء فإستتروا ..

سلامات يازول يازول،

Quote: لكن بتكيف كدا لله للقصص دي .. و لو لقيت لي زول سكران بقدر ظروفو .. و بقعد أتونس معاهو لما نتكيف نحنا الإتنين ..

يا عصام حالتك دي حالة القال ما بيأكل البصل لكين بِعَجْبُو رَمُّو.

أُمَّك!...البصل وَرَد. الحكاية دي شكلها ما حا تنتهي.

أكتحوا...أكتحوا، تحيَّاتي لكم جميعاً

عصام دهب

تحياتى يا رجل ، وربنا يعلم بما فى الضمائر

(سيبك)
(ولا يهمك)
(طنّش)




عادل البدوى:

وعلى ذكر البصل ، نعرج الى أم فتفت بالشطة والدكوة و (البول)
ومقالب العشاء

تحياتى

رباطابيه عجوز في محو الأمية.... سألتها المدرسة: قولي لي جملة فيها إدغام بغنة ؟
قالت ليها : عمن يعميك .......

Quote: ألإخوه الآعزاء السلام عليكم (إذا بلتم فاستتروا) مافى حاجه أحسن من كده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مع تحياتى

يا اخوانا كدى خلو التسرع و اقرو كلام الزول ده

علا ما اظن الزول ده رماليكم نكتة برضوا






ونقول:
الحمد لله الذى باعد بيننا والخمر

ياسر طيفور

برضو نقول كلامك جايز ، بس أصلا الرجل ما رجع تانى

وشكرا على (حسن الظن) الجميل منك

هشام

حلوة شديد يا إيهاب

تسلم

ألآخ يازول وبقية الإخوه الآعزاء

السلام عليكم

الله وحده يعلم أننى لا أتهم أحدا بتعاطي السكر ولكن ما أخده على بعض الآخوه ذكر اسماء أسخاص وقري بعينها

وكان يمكن الآستعاضة عن ذلك بالتنويه وعلى العموم إذا كان تعليقى قد جرح شعور أحدكم فلكم العتبى حتى

ترضوا

اكرر اسفى

لا يا دكتور لا تأسف على شىء فكلنا إخوة وأخوات نتحاور ونناقش ونمرح ونمزح ونضحك ، ويعلم الله كما قلت بما فى الضمائر فلم نكن أصلا نرغب فى إساءة أو تجريح أى شخص ورد إسمه هنا بقدر ما كنا نبحث عن الطرفة التى يأتى بها هؤلاء ، والقصد الأساسى هو عندما (سكر) هؤلاء فتصرفوا تصرفا رهيبا مع والدهم ، الذى هو بدوره (سكر) وأتى بدوبيت ما أنزل الله به من سلطان إلا كما يقول صديقى عوض صاحب الرواية الأساسى أن الدوبيت الذى أتى به هذا الرجل لم يفعله إلا شكسبير عندما قال Black water ولمعلومية سعادتكم وبقية القراء ولمعلومية الأخ ود قاسم فإنى قد إستأذنت الأخ عوض لإيراد الحكاية بتفاصيلهاوبأسماء أصحابها الحقيقيين ، والذين إرتحل معظمهم للدار الآخرة بعدما تابوا وتاب الله عليهم ، عليهم الرحمة أجمعين ، كما أن إيراد الأسماء الحقيقية أعطى البوست نكهة إضافية إذ أن مثلا إسم (النايلية) ، إسم المرأة صاحبة البيت فى الحكاية الثانية ، ودكان (فضل المولى ود سالم) ومثل هذه الأسماء الواقعية قد أضفى بهجة حقيقية لا يقصد من وراءها تريقة أو تجريح لأى أحد منهم، وفى الأول والأخير كان القصد أن تترك الناس هذا (الهباب) وتلتفت الى كل ما هو طيب وحلال ، وليست دعوة (للسكر) والعربدة التى تؤدى الى مثل ما رأيت وقرأت.

والله أعلم

أخوك هشام

هشام الظريف

يوم تعشيت فى محطة القطر وانا فى دار هنود..وفى اخر الليل اصابنى هبوط وربما تسمم لم اجد من حملنى الى المستشفى الا واحد مولانا شديد كان حاضر فى الداخلية ذهبنا فلم نجد الا طبية مباشرة وجديدة لنج...قالت لى الليلة سكرت كتير قلت ليها عبارة بتبداء ب never قالت لى معقولة
هو فى واحد نقرو ما بسكر...فثار صاحبى واراد ان يلحقها امات طه ولو لا اننى تدخلت وسكرتى فكت اقصد هبوطى راح...

عندنا ميكانيى ود حلتنا خريج تالتة ابدائى لكنه شاطر فى تصليخ الامريكى ويقول عن نفسه ممكن ان يصلح الطيارة ومن المفترض ان يكون جالس فى شركة التايوتا وتستشيره كيف تصمم الموديلات...ماعلينا...يوم من الايام تكلمنا فى حضرته بالانجليزى...فاكلها فى حنانو
الى ان جاء اخر الاسبوع مشى منفوحة جاب ليه فتيل وشربو والباقى كباه على قميصة المتسخ دائما
لكى نشم الرائحة...اول ما دخل غرفة التلفزيون..قال افتحو لينا قناة 2 ..ولما راها قال جيبو لى فلم غير مترجم انتو قايلين براكم البتعرفو الانجليزى..والله انا شغال فى الورشة مع امريكان...كمان...فضحك الجميع

هلا
هشام شو

هشام وضيوفه
سلام مربع ... لقيت جلستكم حلوة قلت آخد لي خمسة معاكم

عندنا زول كان ربنا مبتليه بالشراب وقام تاب ... بس عنده مزاج يقعد مع الناس البيشربوا في مرة قام الجماعة سكروا وقعدوا يهضربو ... قال ليهم بالله شرابكم دا كمان تسموه شراب ... قال في زمنا الواحد كان يشرب وهو راجع للبيت يكون اتشربك في عشر واله زريبة شوك للصباح ما يتحلً

حبيب بلدو

تسلم على المشاركة الحلوة يا ظريف

هشام الظريف

يوم تعشيت فى محطة القطر وانا فى دار هنود..وفى اخر الليل اصابنى هبوط وربما تسمم لم اجد من حملنى الى المستشفى الا واحد مولانا شديد كان حاضر فى الداخلية ذهبنا فلم نجد الا طبية مباشرة وجديدة لنج...قالت لى الليلة سكرت كتير قلت ليها عبارة بتبداء ب never قالت لى معقولة
هو فى واحد نقرو ما بسكر...فثار صاحبى واراد ان يلحقها امات طه ولو لا اننى تدخلت وسكرتى فكت اقصد هبوطى راح...

عندنا ميكانيى ود حلتنا خريج تالتة ابدائى لكنه شاطر فى تصليخ الامريكى ويقول عن نفسه ممكن ان يصلح الطيارة ومن المفترض ان يكون جالس فى شركة التايوتا وتستشيره كيف تصمم الموديلات...ماعلينا...يوم من الايام تكلمنا فى حضرته بالانجليزى...فاكلها فى حنانو
الى ان جاء اخر الاسبوع مشى منفوحة جاب ليه فتيل وشربو والباقى كباه على قميصة المتسخ دائما
لكى نشم الرائحة...اول ما دخل غرفة التلفزيون..قال افتحو لينا قناة 2 ..ولما راها قال جيبو لى فلم غير مترجم انتو قايلين براكم البتعرفو الانجليزى..والله انا شغال فى الورشة مع امريكان...كمان...فضحك الجميع

هلا
هشام شو

أبقوته قنبلة الحب الموقوتة

أفرحتنى مشاركتك رغم أنى تأثرت من قصة حملك للمستشفى (قدامك العافية)

ولكن هل ذهبت للمستشفى من شدة (اللطش) أم شدة (الهبوط)

قصدى ، أى نوع من الهبوط؟؟؟؟ أوع يكون إضطرارى

لووووووووووووووووووووووووول

تعرف يا هشام واحد صاحبنا من شفاتة مدني ربنا يغفر لينا ويغفر ليهو
كان عندهم مناسبة وأهلهم من جماعة العوض إياه .. أها الجماعة قاموا
جوا ليك باللواري .. لواري تفضي ولواري تملأ .. وبعدين اتربعت ليك العمم
في الكراسي القدام للحفلة .. وكلهم أعمام وأخوال وجدود .. يعني ما تقدر
ترفع عينك في الحفلة .. أها صاحبنا مشى جاب ليك جردل عصير وعبى ليك فيه
كم قزازة بيرة (أيام الدنيا كانت بشرها) وجابو ليك للجماعة (يا حجاج رأيكم
شنو تشربوا عصير؟) .. (آي والله يا ولدي كتر خيرك وبارك الله فيك) واكتحك
أكتحك .. بعد شوية الجماعة قعدوا يشفطوا ليك في الهوا تثاؤب تثاؤبتين ويلا
في نص ساعة ما فضل فيهم واحد ..
الله يجازيك يا الما بجيب اسمك ويسامحك .. شكيت محنك لمنو؟

شيخ عد الباقي

والله زولك ده كان ما عمل كده كانت الناس مرقت من الحفله كيت

هشام

عندي عم لي عندو مزرعة خضر يوم ملا الخرج بتاعو كويس وطابت رجع بي قرية جنبنا اسمها ابوعدارة اها الزول لي الساعة 11بالليل حتين رجع لقي الناس متلميه قدام بيتو وقال مابنزل الا يضبحو ليهو كرامة وحلف كمان ابوي سمعو وهو عندو عناق احده ابوي قال ليهو
خلاص عناقك دي عشانا بيها طوالي قال لي ابوي طلق نازل وعناقي زول بصلها مافي

يابو هشام..اهه كان الكشه بتاعة البوست مرت,امسك:
قال ليك واحد بلبع يومي,وجارو متنحو ليك (عنقاله)كل يوم بشرب معاو ملح,زولك زهج قال ليو:انت حق الخوه زاتو كملتو اهه عديل تاني ما تشرب معاي.يازول اليوم التاني صاحبك تكل جركانتو تحتو وبدا يلبع,جارو قاعد من خشم بابوم يعاين ليه ويتمطق,قال في نفسو انا حاغريو بي اكل هو بحبو وكورك:
"والله انا عندي اليله تسعه كيلو كبده ضاني ما عارف اعمل بيها شنو زاتو!"
جارو كب كاس وقال ليو:"اعمل بيها سيوتر للبرد".

كيفكم يا شباب
قال ليك واحد من اهل العوض.ديل.طاشم طشمة بطالة - جاهو ولد الجيران وقال ليهو - عم مضوي جاك جواب من افريقيا الوسطى - عمك.قام قال ليهو -بنين ولا بنات -

الأخ الحبيب عبدالباقى

الزول عمل عمله شينة فى الجماعة ديل ورقدهم (سلطة)

طبعا يا بقبق زى دى (شربة حلال)

مش كدة؟؟؟؟