دو الشيريه شغال

واحد من ناس ودالعباس فى الرياض ، يحب لعب الكوتشينة وحريف جداً ، لعب عشرة حريق مسخنة ، وكان قافل على دو ، والراجل العلى شمالو يشيل ويجلى فيه لغاية ما صاحبنا حرق ونفضوه وقعد برة وهو فى غاية الغضب والزعل ،

قام سأل الزول الكان شاديه: ياخ الشى دو ساى ما عندك؟
فرد عليه الراجل: والله عندى دو هارت دبل وعندى دو شيريه (شغال)

فرد عليه صاحبنا بسرعة:

الدو الشغال ده طلع أخير منك

إنت ليك أربعة سنة ما شغال

هههههههههههههههههه
حلوة يا زول يازول.

عليك الله يا عادل شفت الزول العندو الدو ده غتيت كيف؟

سلام هشام

عارف عندنا في القطينة زول كان قافل بالجوكر مخاوه ومقبوط 17 يعني الزون الصغير, يقوم الزول في الشمال يفتح يجر خمسين , صاحبنا حرق طبعا , شال ال14ورقة معاهو البيت وبكره مشي يجيب الملاح من السوق يوري الناس زول زول عليك الله ده ورق يفتحو فيهو وسيدو يحرق طيب ياخ انا ما كان انزل عشان احافظ

يا سيف لا شك ده حريق تاريخى وموثق كمان

وهو البلعبوا مع (العطالة) شنو؟؟؟؟

هشام كيفك
والله كنت فاكرها دامة "شيري".
وين الدامة الكتابة دي، يا ناس السعودية ما تأتروها.

تماضر تحنس فى شيرى عشان شيرى ترجع البورد - (مسرحية من فصل واحد)

أهو يا نادوس شغالين فى بت الشيرى (حنيس)