عشان خاطرك

عشان خاطرك متوكل على الله وأقول شعرى
عشان خاطرك أجيبها حروف درر مصنوعة من فكرى
عشان خاطرك أقيف وأعزل كلام موزون يجيك يجرى
عشان خاطرك جرت أنهار سمت أفكار تسع صدرى
عشان خاطر عيون كولا يفوح الورد والعطرى
برق من روحى ليك بارق مؤيد بى كلام سحرى
كمان يسجد امام بابك يحيى جمالك الفطرى
وتشهد ليك تماضر الذوق ويشهد ليك بها بكرى

التوقيع
يازول يازول

عشان خاطرك بستناك تشوف ردى
تقول لو بس فرد كلمة وتجى تعدى
عشان يرجع هناى معاك ويوم سعدى
بلخبط ليك كلام فى هظار كلام جدى
عشان بس كولا يرضى على يسيب صدى
وأقول للدنيا شوفو الزول صدق وعدى



ووينك ياراجل؟؟؟؟

هشام الجميل شان خاطرى اليوم كتب
وجاتو لغتنا الفصيحة طايعة تتكبكب
ماغريبة على اصلك الجميل وطبعك الاهيب
وجمال روحك عطر جميل فى البورد رشة وكب

سلام هشام اخوي سلام اخو ليك محب
سلام للاصيل الصديق الفي الاصالة تب وشب
خوتك لى زاد فى الزمن الغليس وصعب

يمين فرحان بيك الله الكريم يشهد
ولى خوتنا نقول قدام..معانا هشام الاصيل ينشد
عليك الله هشام اخوي من الكتابة يوم ماتقولى تعبت

من الكلام الجميل نسجو يوم ماتوقف خيوطو تفت
جر نمك يازول انا والله متقريف لى نضمك وراسي انعدل وانشب

التوقيع
كولا

غزل الصحبة كولا وهشام مسموح

علا اخوكم في الغربة مالو كتير مجروح

كلامكم حنين موزون رد علي الروح

نضم طيبين ما بعرفو الا الخوة الصادقة ما خوة مسوح

خوة ضيق وفرح ما هي خوة قرقرة سريع بتروح

اليوم ثبتو انكم فرسان نضم زي قبل ثبتو الكرم ممنوح

تعب ابهاتكم فيكم طمر وكمان قراية اللوح

فهم معزز بكرم سمح كتير وجمال نفس عطرو يفوح

ابقو عشرة على الخوة عضو عليها نواجز وغذوها جمال الروح

هييييييييييييييع

ابا

يازول يازول

وروني كيف نظمتو الكلام قوافي

وكيف طاعكم الحرف جاكم حافي

وكيف مزاجكم في الغربة الصعيبة يوافي

وكيف خليتونا نمطق ونقعد نكورك عوافي

حررم نضم رجال في العلم عامو وبعدكم خلاس تاني كلام مافي

براق سيوف نضمك يازول ظهر سن الحوافي

البدور شكلك بالقوافي بس تغلبو غلبا كافي

وين كنت مخبي النضم الجميل الشافي

الله لا جاب يوم شكرك ولا شفناك يوماهههههه سااافي


loooooooooooooooool@ aba yazol . gwafi

.