يا جماعة أنا سودانى بسيط زيكم

لا أدرى لماذا ينتابنى احساس قوى بأننى صرت مكروها لدى الكثيرين فى هذا المنبر علما بأننى لم أكره أحدا أو أحقد على أى منكم أو أضمر الشر لكم ولكن كل ما فى الأمر أننى لا أخاف فى قول الحق لومة لائم وأقول الحق حتى ولو على نفسى

هكذا ربونا

كنت أحادث أحد الأحباب وتطرق الحديث للوالد أطال الله عمره اذ أن الكثيرين يعرفونه فهو مربى الأجيال ولا غرو

فقلت لصديقى

والله اننى لم أرى فى زماننا هذا أحدا

أصدق من أبى
ولا أكرم منه
ولا أشجع منه
ولا أعف منه
ولا أتقى منه
ولا أجمل منه
ولا أحسن خلقا منه

كان قدوته المصطفى صلى الله عليه وسلم فكان قرآنا يمشى على الأرض

صحيح أننا قد أخذنا منه بعض ما تيسر لنا أخذه عنه فكان قليله يعادل الكثير لدى الآخرون ويسير ما أخذناه كان كفيلا بأن يكون لنا الزاد فى الدنيا والآخرة

كان اذا كتب لنا رسالة فى بدايات غربتنا يوصينا بتقوى الله ويذكرنا بالصحابة والسلف الصالح فى حين يكتب آباء الآخرين لأبنائهم بارسال المصاريف وأخبار قطعة الأرض التى اشتروها ولم يذهب معنا هو ذلك المنحى

والله لو أحلنا له جبل مرة ذهبا لن نوفيه بعض حقه تجاهنا
فهو من جيل قل أن يجود الزمان بمثلهم

أسألوا عنه كررى وأسألوا الخليل ومحمد أحمد المحجوب والسيد الصديق المهدى رفيق دربه وصديق صباه وزميل نضاله أسألوا عنه شوارع ودنوباوى وأبوروف أسألوا عنه الشيخ الجعلى فى كدباس وفى بربر والأبيض وتلاميذه النجباء فى القضارف كأمثال عبدالله كرار كشة وهمرور وعبدالله سعيد عليهم الرحمة وكأمثال بخيت جيلانى ورجال القضارف النجباء أسألوا فى الأبيض قاسم شيخ محمد وعثمان السيد وغيرهم وغيرهم من فحول السودان اسألوا شبرين فى بربر وعبدالباقى عوض الله وآل الغبشاوى ومولانا عوض الله صالح وحتى عبدالعزيز محمد داود اسألوا الجنوبيين فى جوبا فى بدايات التمرد وأسألوا المسيرية فى الغرب عندما كان يتدخل فى حزم ويحل أعقد المشاكل مع الدينكا ويغضب لحريق الدينكا فى سجن بابنوسة حينما أشعل المسيرية فيهم النار ويناقش الأمر مع دين مجوك وبابو نمر أسألوا عنه تلميذه النجيب جلال يوسف الدقير أسألوا أهله الجعليين فى كلى وفى دامر المجذوب أسألوا عكير الدامر وأسألوا الهمباتة فى البطانة وأسألوا أهله البديرية وأشراف شيخ شريف أسألوا عنه التاريخ وأسألوا عنه الأجداد فهو رجل والرجال قليل

أطال الله فى عمرك يا أبى وحفظك من كل مكروه وأجد نفسى من المؤيدين لصديقى مهلب على مالك حينما اعترض على بيت الشعر
ليس الفتى من قال كان أبى ولكن الفتى من قال ها أنذا

فاعترض مهلب على البيت وقال بل أقول هذا أبى وكان أبى
أقدمه لكم هنا حتى لا يتهمنى البعض بعدم التربية

فأنا سودانى بسيط زيى زيكم أحبكم وأتألم لألمكم وأكره ما تكرهون وأحلم بسودان الغد المشرق الذى يلمنا ليحضننا ونحضنه ونقول للدنيا كل الدنيا

أهل الحارة ديل أهلى

شكرا للولوج هنا

بس انت ورينى ده منو وخلى الباقى علي يا ريس

يا سنتى بن منتل

هذا البوست ليس مشروع شكلة
ولكن دحض مفتريات

فنحن أولاد ناس برضو

ولا شنو؟؟؟؟؟

سلام يا زول
التحية لوالدك و لكل الجنود المجهولين في بلدنا اولئك الذين كافأتهم حكومة البشير بابعاد نصب الجندي المجهول هذا ان لم يدمروه و لست متأكد من المعلومة

يا زول مافي خلاف ولا حاجة احتمال كلمة مشرف دي بقت بتزعلنا لا شعوريا، لاننا حقيقة بقى عندنا حساسية ضد كل الحكومات حتى حكومات البورد .. حلوة دي

تحياتي لك اينما كنت

لا لا ده مشروع شكلة ونحنا لازم نوصلها حدها. حرم هسى انا فى الشارع جارى عكازى مرق وقرجة مشى يكلم اولاد الحلة جايين كورجة. بس ورينا ليه وسيبنا يا ريس..


















الفركك يفركو الفراك سيد المعسل والجراك

العفو

يكفي ال "نك" بتاعك ... ده البساطة كلها

لكن بيني وبينك .. ليك شترات كدى .. ماااااااااااااا عادية
وأكيد بتجيب ليك المشاكل ... بس ياريت تخفف من الحدة شوية
وإن شاء الله ... الغمامة تنزاح

أمجد أبراهيم
Zaydoon
لكما التحية على الصراحة وقول الحق
فكلمة مشرف لم آتى بها ولا أعرف كيف أزيلها
وسأحاول معالجة تلكم الشترات

loooooooooooooooooooool

طيب ديل اتنين
كلمة مشرف
ولى شترات

بالله زيدونا كمان وأحمد الله أن جعل لى اخوة يهدونى عيوبى جتى أشغل نفسى باصلاحها فشغلى فى اصلاح عيوبى يكفينى النظر فى عيوب الناس

تسلموا يا أحباب
وصافية لبن وانت يا سنتى بطل حكاية المديدة حرقانى دى وجدادتى كاك كاك

حبيبنايا زول يا زول

اهلنا زمان قالو الما بتعرفو بتجهلوا ويبدوا لو اي واحد عرفك معرفة حقيقية ( زي كده )ما بقدر يكرهك لانو حيعرف شفافيتك وتلقايتك واسمح لي بسيط دي ما لذيذه زي المسكين كده فانت سوداني شفاف وتلقائي فواصل كتابتك ونحن في انتظار المزيد ويا حبيبنا جوه عينيك عايشة ناس

ولك خالص ودي

صدقنى يا لندى منذ ذلك اليوم الذى علمت أن الحردلو يمت لكم بصلة قرابة ازددت قدرا عندى وعرفت بالتالى أسباب الفروسية والأدب الرفيع والشهامة والكرم وطيب الأخلاق اللائى تختص بهم يا لندى

سلمت يا ملك

يازول يازول
انت كان تقول انا اخو تماضر
و طوالى ح نعرفك ود ناس

التحية للوالد الهمام و اطال الله فى عمره و جعلك سائرا على دربه

أسامة الخاتم

لى الشرف يا سيدى بأنى أخو تماضر وأخو البنات لى حدهن كما نقول فى السودان وقليلون فى هذا المنبر وكذلك فى مجالسنا العامة من يفخر بأنه أخو فلانة أو فلتكانة لأن فلانة أو فلتكانة تعنى عند الكثيرين عورة يجب سترها وأحد العيوب الواجب غطاؤها ناسين أو متناسين دور المرأة الرائد فى مجتمعنا المتحضر الذى تجد فيه نساء فوارس يزنون عشرة رجالا بكامل شواربهم كما هو حال شقيقاتى وأخواتى فى المنبر وفى مجالس الدنيا

فهل تتفق معى؟؟؟؟

اتفق معك بالحيل يا هشامو انا شخصيا يشرفنى بل و يرفع من شأنى انى اخو امل الخاتم
و ايمان الخاتم
حفظهم الله
البنات ديل ما هينين
و عندما قلت انك اخو تماضر و هذا يكفي لما اكنه من تقدير و اعتراف بشأن هذه المراة السودانية تماضر
و ربنا يخليكم لى بعض
لك كل الياسمين

قام على جنو ا تانى

سوداني بسيط كيف يعني؟؟؟
ما وصلتك التكنلوجيا؟؟
مشرف مشربك شربكه شديده .. شده الشداد الشد الشرك يشركبو .. شاهدوهو شهود شهدو شهاده شهتو الشده .. ومن شده ما انشد انشق شقه منشار مايشقها ..وشفقنا عليهووووووووووووووووووووووو



شفت البساطه اللغويه دي زي بساطك يا سوداني
لووووووووووووووووووووووووول

شكرا يا اسامة على التعقيب الحلو

وياهوبليس حكايتك حكاية يا فاكهة البورد الإستوائية

أنا يا سيدى البساطة القاصدة هنا من الإنبساط يعنى الزول مبسووووووووط


looooooooooooooooooool


وياسنتى بن منتل مستشارى لشئون أطفال المنبر

loooooooooooooooooooooooooooooooooool

لا متخاف المقصود ما انا.

هو انت بتعرف مستشارينى اكتر منى؟؟؟؟؟