Post: #1
Title: إنت رائع والله ومبدع عديييييييل كده
Author: يازولyazoalيازول
Date: 08-11-2003, 01:53 PM
Parent: #0
كل من يفتح هذا البوست سأقوم بتصنيفه من فئة الرائعين والمبدعين فى هذا المنبر اذ أنه
أولا يمتلك جهاز كمبيوتر أو لعله يعمل فيه بسبب وظيفته أو استعار حق الجيران القاعد معاهم وبمنتهى ثقالة الدم طلب منهم أن يشوف ايميله فكذب عليهم وعرج على المنبر قبل أن يدخل على المواقع الخليعة حينما يتأكد من عدم مراقبتهم له أو لعله جلس الى كافيه ودفع دولارا ليقوم بالفرجة ويستحضر شمارات المنبر فهذا هو عين الإبداع
ثانيا لأنه سودانى كوزا كان أو شيوعيا أو فلوتر كحالة تسعين فى المائة من الشعب المغلوب على أمره فهو بالتالى مبدع ورائع من شدة القهر الذى ناله فى موطنه أو من صاحب العمل فى المهجر
ثالثاوبنظرة سريعة الى القناة السودانية ومشاهدة المذيعين والمذيعات والفنانين والفنانات ومقدمى البرامج والمقدمات الأحياء منهم والأموات يتأكد لك الكم الهائل من الإبداع فى بلادى حتى لو كان من مقدمى البرامج الرياضية وبرامج الأطفال ومقدمى ساحات الفداء ومداحى ومداحات التلفزيون والإذاعة فبالتالى ربما دخل أحدهم الى هذا البوست خلسة ودون الإستئذان من شيخه أو من مدير التلفزيون فصار عضوا أو زائرا لهذا الموقع وهذا هو عين الروع وعلى رأى المثل يا رائع جفيتنى وأنا ضائع تعال لى
رابعا أليس نعت بعضنا لبعض فى هذا المنبر دون سواه من المنابر الأخرى يا رائع يا مبدع
وهكذا هنالك ألف سبب وسببب لتصنيفك رائعا أيها القارى الحصيف فهنئيا لك هذه الروعة وهذا الإبداع المنقطع النظير
فيا مبدعى ورائعى بلادى اتحدوا وادخلوا فى مفاوضات الحكومة والمعارضة والحركة الشعبية وآتونا بحلول رائعة ومبدعة لوطن أنهكه الإبداع
|
Post: #2
Title: Re: إنت رائع والله ومبدع عديييييييل كده
Author: sentimental
Date: 08-11-2003, 02:23 PM
Parent: #1
لووووول
انت تشوت الابداع يا رجل.
|
Post: #3
Title: Re: إنت رائع والله ومبدع عديييييييل كده
Author: يازولyazoalيازول
Date: 08-12-2003, 08:41 AM
رائع
|
Post: #5
Title: Re: إنت رائع والله ومبدع عديييييييل كده
Author: HOPELESS
Date: 08-12-2003, 09:02 AM
Parent: #3
يا زول يا رائع
كل رائع ليهو شرائع
حتى لو تبقى صائع
برضو يقولو عليك رائع
يا مبدع عديييل كدا
ابداع مكناتك متجدده
لو تعمل كدا ولا كدا
برضو اسمك رائع في البورد دا
مالروائع زايده ومتشتته
حتى السنتي ممكن يركبه
يارائع ويامبدع عدييييل كدا
|
Post: #4
Title: Re: إنت رائع والله ومبدع عديييييييل كده
Author: WALAD DA
Date: 08-12-2003, 08:58 AM
Parent: #1
اتلومتا لاكين يا رايع وجفيتنى وانا ضايع
ودى بس ليك إتا يا زول
عارفها عاجباك
|
Post: #6
Title: Re: إنت رائع والله ومبدع عديييييييل كده
Author: فتحي الصديق
Date: 08-12-2003, 09:12 AM
Parent: #4
اريت كبارنا يشوفونا بنتحاور كيف بسلاح الكلمة وقوة المنطق وسواتر الحق .وبعد داك يقرروا
لك الود يا زول يا رائع
|
Post: #7
Title: Re: إنت رائع والله ومبدع عديييييييل كده
Author: sentimental
Date: 08-12-2003, 09:13 AM
Parent: #1
يا رايع يا صايع يا مناضل يا مقددا
سببوا ايه الظلم ده
مرة تفلع ومرة تشلع تجلدا
(فى البارده تعب وفى الحارة تسب) وتحددا
يا صايع يا ضايع يا مناضل يا مقددا
|
Post: #8
Title: Re: إنت رائع والله ومبدع عديييييييل كده
Author: ود عقاب
Date: 08-12-2003, 05:00 PM
Parent: #1
يازول
انت عارف بخش مجازفه
السكرتيره عامله حرفيه
لكن انا احرف بقرا اثنا ما هى شغاله وعشان ما عارف هى بتطلع متين
ما بحاول ارد لكن اخر اليوم زى المواعيد دى بخش ارد
واحاور
بالمناسبه امبارح كنت مع بامسيكا وحكى عنك وحاولت ارسل ليك رسال ورفض
ودعناك الله يا راااااائع
ودعقاب
|
|