حزنت كتير وبكت عيونى حرام يا بكرى تجهجهونى

عيون الصيد ناعسات عيونى
وعيون النيل حاكن عيونى

نسيت قلبي وروحى ونسونى
وفقدت الكانوا يآنسونى
ليالى هناى جد عاكسونى
وأخاصم النوم كيف درسونى

فقدت صحاي لا تنصحونى
خطاب وعتاب كفى بارحونى
عيون الصيد الجرحونى
سرورى يتم لو يلمحونى

مع الآلام هاجت شجونى
وأطبا الكون ما عالجونى
جفوا وبي نفورهم هيجونى
متين فى الطيف يصبوا ويجونى

غلبنى أسير هيا درجونى
على الأطلال ليل عرجونى
هواى شريف لا تحرجونى
وعلى الأكفان لا تدرجونى

مقر أملى وفيهم ظنونى
يزيدوا دلال وتزيد جنونى
لذيذ تعذيبهم لو ضنونى
وصالهم آه راحتى ومنونى

انا كنت الريس و كلكم تحترموني
واحكم بيناتكم بالعدل وتحبوني
اسهر ليلي عليكم لا نامت جفوني
اتفقدكم رعيه زانت وقرت عيوني
**
بس بين ليله وضحاها انا تغدروني
تنزلوني معاش ومن المريسه تجردوني
يا ناس حرام انا صغير وجاهل اعتقوني
ومن المريسه اموت لو تحرموني
**
احبابي الزمان الليله نسوني
وناس بكري اتآمروا عليه وجردوني
أدوني مشرف قالوا يرضوني
بس بعد المريسه كل شئ دوني
**
انا خلاص جنيت قيدوني
علي الكيبورد اربطوني
وبالفاره اجلدوني
انا التايه انسوني
وحلفتكم لا تطروني
ومن بوستاتكم ابعدوني
لا تزكروني
لا تحنسوني
لا تغصبوني
أنا مابرجع لو حاولتوا ترضوني
انا مجروح مكسور جناح ابعدوني
**
ويابكري شكيتك علي الله
ادمعت عيوني
ودي آخر طله
وباي باي يا من قلبوني
دي بقت زله
من مريستي جردوني
ودعتكم الله
حردان لاتكلموني

احزننا حزنكم ياريس معاش

دمعات الحزن لو ينفعونى
كان سكبت بحوره يغرقونى
اه من بيعة الجرسونى
فى عز الهيبة اتلموا وفنقلونى
صرت وحيد اتجاهلونى
زى عصفور جالس فى غصونى
لا غرد طار الزنكلونى
كواكب السماء تنظر عيونى
كان البورداب يتلموا ويجونى
ويح الان ما طرونى
لا زاروا الدار لا هاتفونى
حزنان ديمة وبنونى
اه من بكرى الزنكلونى
واه من بكرى الزنكلونى

كنت واقف في بر شجوني
جو الاحباب لي جوة جرجروني
دخلت البيت وفي حين راءسوني
كبر المقام وبقا ناسا تنوني
فجاءة حسيت بالحكاية لما الجماعة رخوني
قلت اكتب ماضيني الحنين
ناس هوبليس وسنت عضعضوني
ويااخوانا كيف الرجعة لي حنوني
الناس تهاتي السمحة وانا في البورد زاد جنوني
يااخواني كيف تعصموني
ناداني البريد جيت جاري ركشتوني
قلت الحق ماسنجر والا شيتن بيه يطيبوني
وياخواني كيف الرجعة توني
الزمان ريس اصيل اصبحت غريب وفي الرف رموني
كنت ناهي ومرة امر هسي برة بعد ماخموني
كيف يحن المقام ولي مكاني يرجعوني
وانا لو بقيت برة في التجاني الماحي يزيد جنوني
الليلة وووب من الوحدة والكتابات الجرسوني
وانت يابكري شكيتك لي سيد الولاية بعد ماكنت
فوق
نزلتني
تحتوني
يابكري حن وشوف لي صرفة الناس ديل بهدلوني
انا طول الليل مساهر وبالحيل زارفات عيوني
يااخوانا متين تحنو ترجعوني

برجع السودان كان ما خابرتموني
وبركب السودانية في الشرق تسمعوني
يشيلني القاش ...جبال كسلا يفلقوني
ولي دارفور انشاء الله يستدرجوني
يودوني شالا العقارب يقرصوني
ويغشوني فتاشا للأشباح يفرجوني
بعاعيت في حياتنا ياناس ما تظلموني

انا يا ناس مسيكين لا تشوفو نفوخ جضومي

وهرشة لا تغركم صرت وشيشي البلومي

انا كان صعب بكري يشيلني بانقلاب ابيضوني

يا كافي البلا لا تاخ ولا تراخ ولا بيان ولا حتى هنضبوني

شوف الأخوان بيجاملونى
مع الكيزان أنا صنفونى
مريسة البورد تصفى وصفونى
حليل الكانوا بيانسونى
بيكبوا الكاس تسقى وسقونى
مريسة حلال وحلات سنتمونى
قرجة اب راس قال زهجونى
بقيت هوبليس وابليس يخونى
عباطة شديدة وزنكلونى


loooooooooooooooooooooooooooooool

يا ريسنا ويا مجرسنا

دموعى اليهلكونى
ندمت كتير ما تسامحونى
لبعت كبعت استحملونى
بئس الحظ الزنكلونى
راح ساب دمعى وشجونى
أنا يا ناس ما تدركونى
يا اهلالعوض الحقونى

يا الهوب ليس يا سينتمونى
غاب نجمى انكسرت سنونى
عزاى وحيد بنتى يعالجونى
ليه يا بكرى تخون عشرة سنينى
تدق الطار من اجل بين
أنا باكيات دامعات عيونى
اعمل ايه اشرط هدونى
كالانقاذ تقلب تخونى
وفى كوبر يا حبيب رمونى
ليه يا حبيبنا الزنكلونى
بس ليه يا حبيبى الزنك لونى


مع تحيات الباكين مع الريس

up

يا ليت الساعة تدور للوراء

لتحدثنا كيف رفدت

عبده كابيتال

وصلاح

ومشاكس

وجايي تقول

حزنت كتير وبكت عيونى حرام يا بكرى تجهجهونى

fog

عيون السهاد بين التغرب والاسر
جلبن الهوا من حيث ادري ولا ادري

اما

عيون المها بين الكنافة والكسري

فجلبن الضرائب من حيث تدري ولا ادري


بينما

عيون ام مها بين الرصافة والجسر
جلبن البنادق وام القنابل في صدري

ما هذا يا نزار حسين. اتقرض الشعر يا رجل?

اها من دي والزول مدور فينا شعر . يمين الايام دى لو قلت ليه السلام عليكم يرد عليك بقصيدة عصماء

هههههههه.........ياعالم يا زووووووول انا نجمه ما تكونوا نسيتوني ....وبكلامكم

ضحكتموني....وبي جديع حروفكم اظنكم فلعتموني ... وكل الردودعجيبه بس بيها جهجهتوا

القراء وجهجهتموني ....لكن تعرفوا في موضوعكم الفات عجبتوني....ومن كتر ما قريت

الموضوع بقيت اتكلم زيكم خليتوني....وتلقى الجماعه يقولوا نجمه جنت بس الله يجننكم زي ما

جننتوني....ويفلعوكم في البورد زي ما بقوا يفلعوني...ويخليكم تحنكو الناس بالحروف زي

ما حنكتوني ....واقرب حجر يجي طاير فوق راسكم ويبكيكم زي ما بكيتوني ....لكن برضوا

بوستكم حلو وحزنتوا الناس زي ما حزنتوني .....

وتسلمو ..

نجمة ...قول بسم الله

ده بيوت شعر ولا بيوت شعر

يا وجيه يا سنميننتال اسمك عجعب يوم قريت البوست كنتا فاكراه اعلان اوتيل


زي ...كونمننتال ....وياعالم ياهوووو شرشحتموني ...وبمفرد الكلمات


عمعمتموني....رغم


اني انثى بس رجلتموني.....ومن عذابكم عذبتموني .....وبالله بليز انا نجمه انثى ما


تذكروني...

رمضان السخنونى
خلونى عملت البت ولدونى
اسفين والله ما بيقصدونى
امبارح ما اتسحرونى
نمت كتير ورمت جفونى
شفت النجمة قلت الشمعة مشعلبونى
ما تهتمى لقول السنتمونى
اسمو عجيب زى فندقونى
وبكرة عريس بينزلونى
مدير الفندق ما يعرف يعرفونى

وبس