أحب تماضر على طريقة الميكانيكية

يا تماضر (الدنيا فونية والزمن كباس) ، فأنت (شاسيه) حياتى و (كلتش) أيامى ، فعشقتك أكثر من (التعشيقة) زاتها ، فحبك عندى يساوى (تقسيمة) (ليلى علوى) فى أول ألف كيلو ، ويساوى (ضهرية) الكامرى فى جمرك بورسودان ، قلبى ينبض (كربيتر) لكزس ، أو ماكينة كريسيدا (معمرة) من أجل (ضفيرة) دينمو حبناالستة (سلندر) يا دركسونا هايدروليك ، أو ترس القوة فى رمال الأبيض ، فقد عشقتك يا تماضر منذ (نقرة) الأستارتر ، فطبلونك هو (طبلونى) ، وأمبير حرارتى يرتفع عندما ينقص لديتر اتصالاتك ، يا أحلى (فونية) و (بلف) لا بل وأجمل من (فيوس) النور الكبير ، لا تدوسى على (فرامل) حبنا الأبدى فأنت (معمرة) فى (منطقة) يابانية ، فالفلكسواجن يخجل من (طول شاسيه) حبك أب (قمرتين) يا (دينمو) مضفر جديد ، فليشرب عزالنا (زيت فرامل) أو (جاز) مارسيدس من (طرمبة) جكسا

ما تقوم تفحط بيها بس .. !

البفحطوا ديل عزالنا يا حميدة

بالمناسبة ..
قبل يومين ..
شفت بوست .. بنفس المعني ..
خير يا اولاد شيخ الدين ..

كان في حاجة .. قولو عووووووووك ..
نحن جنب دكان البرقاوي ..
ما تكلفو نفسكم تجو ..
رسلو لينا شافع بس ..

هي تستاهل حبك حتى لو لم تكن شقيقها ..
كيف تصادف أن كتب كلانا عن تماضر في لحظة واحدة؟

القلوب شواهد يا ودقاسم ، عايز دليل على القرابة أكتر من كده؟؟؟؟

يا حميدة
انت صحى صحى ود السابعة
لله درك يا أمير

الحبيب هشام

تحياتي الخالصة

( هيكل ) حبك متين الصنع ،، محكم ( الأبواب ) بحيث لا تتسلل إليه أيدي ( العابثين ) ،، زجاج نوافذه Well Tempered و ضد الكسر و لكنه شديد الشفافية لا يقبل ( التظليل ) لأن ما بداخلك ،، هو على لسانك ،، و مراياته العاكسة تظهر الأشياء كما هي دون تصغير أو تكبير ،، و وقود سيارة حبك لا يقبل إلا ( بنزينا ) خالي من ( الرصاص ) حتى نستنشق ( هواءا نقيا ) ،، و مقاعد حبك وثيرة من الجلد و المخمل ،، فكل ركاب مركبة حبك على بساط الراحة ،، أما المكيف ،، فهواؤه ( همبريب ) و لساتكه ( تيوبلس ) ماركة هشام ستون على وزن Firestone
فهنيئا لتماضر بهذا الحب الذي يتجدد ( موديله ) تلقائيا بعفوية هشام و قلبه سعة 12 سلندر و روحه قوة ( كم حصان ) و عيني باردة

أرقدوا عافية

أبو جهينة ، الهمبريب ما عندكم لكن ، عينى باردة على لغتك (الميكانيكية) الراقية رقى اللكزس

تماضر ... وبس
يا كايدة عزاله


تسلموا اولاد الشيخ

وحسب معلوماتى الميكانيكيه المتواضعه..

انتم الانتبفريز..الذى اصبه فى لديتر احزانى ..وطرمبة قلبى التى يضخ بها الدماء والمنشات التى تبعد عنى الsnow flakes حتى ارى الهايى ويى..ولا speed limit فى هذا الحب..

ولا يدونا ticket.

خلونى امشى اجيب manualعربيتى واجى اجاريكم..

هاهاها..


هذا هو قلبى امكامكم مفروش من المدخل وحتى المنابض برمل الحب..قاعبثوا برمله ..ولا تهابوا الاحزان فهى صماء..

هشااااام

أول ما وقعت عيني على العنوان هاج الدم في عروقي وللا قول شميت ريحة دمي في نخري ..دفرت باب البوست ودخلت وقلت الليله يا كاتل يا مكتول..لمان بقيت في نص البوست..إتذكرت أنو دا هشام أخوها..قلت الحمد لله كان الحكايه حتبقي فيها رقبه..لكن بيني وبينك راسي داير يتكسر من الصداع والسبب فورة الدم السواها عنوانك..أنا بحب تماضر جدا..طبعا حب من طرف واحد..مزاحماني فيها أم العيال بتحبها ومتشربه بحبها حتي النخاع..قلت الحمد لله ما دام كلهن نواعم يبقي ما في زول مداقرني في الحب الون واي دا..لو عاوز تحب أختك ما قلنا ليك ما تحبها بس الحب البفور الدم دا تاني ما تسويهو..يعني حبها بينك وبينها..عشان ما تزاحمنا فيها عيانا بيانا..لك ولها كل الحب
أخوك/الزاكي

يا زول يا زول..
مشتاقين..
أنا مارق لكن بجي..
ماشي أنفخ اللساتك وأغير منشات

كل الحب لي الزول زاتو في العيد الحب وطبعا الحب موصول الي الاسطة تماضر وكل الميكانيكية من البورداب.
بي الرغم من جهلي الكبير وعدم مقدرتي للتفريق بين المرسيدس موديل من قبل ما حفروا البحر وموديل 2004 الا انني لحق حبية طريقتك في الحب ولك كل الود من اخواننا الطارات والدبريشيات والكلتشات وبقية العقد الفريد

دور نقاس
فى حب ياخوانا أكتر من كده

تماضر
امبارح عيد الحب ، والمثل المصرى بقول ليك (أنا عاوز اتجوز ميكانيكى)

نايل
مافى أحلى من الحب الأخوى ، عليكم الله قاعدين تحبوا اخواتكم قدر ده؟؟؟

خالد الحاج
يا منشات حبنا القديمة
أبقى ليكى قزاز
وانتى امطار مستديمة

شريف محمد آدوم
يا شريف يسلموا طاراتك ودفرنشيك وشاسيك زاتو