ليت لي شقيقة من أمي وأبي

ليت لى شقيق من أمى وأبى اسمه خالد عويس

هشام الحبيب
عندما قالوا ( رب أخ لم تلده أمك ) ، فأظن خالد عويس كان في الحسبان
مش؟

نعم يا أخ أبو جهينة ، فهوشقيق لم تلده أمى

تسلم

حين وقعت عيني على عنوانك ، دهشت ، كوني أعرف أن لك شقيقات كالدر المصون . وقلت في نفسي ما بال هشام !!

كانت كلماتي بحق تماضر صادقة تماما ، وأعنيها فعلا ، فتماضر نموذج لما أتمناه فعلا في شقيقة أفتقدها مذ ولدت ، وجئت الى هذه الدنيا باحثا عن حب انساني . هي ، كالقديسات . نبيلة ، تدور مقاصددها كلها في هذا المعنى . متفانية في عطائها الكبير تجاه الوطن . امرأة يفتخر بها الجميع . تحب الخير لكل الناس . خصومها قبل أحبابها . سودانية حتى النخاع . كالجدات ، في حنانها . وكالأمهات الطاهرات في تسامحها وقلبها الكبير . صدقني يا هشام . هذه الـ (تماضر) ، ثروة انسانية لا يفك طلاسمها ، الا "العارفون" . من يعبرون المظهر عبورا خاطفا الى الجوهر فيستقرون في بطنه . وتلوح لهم معانيه في قاع القاع . ليكتشفوا المشقة والجهد في بلوغ المنزلة !! تدرك هذا الكلام بالتأكيد هشام ، لأن ما رأيته منك في جدة ، يؤكد لي بشكل جازم ، أن هذا الشاب السوداني الجميل ، الذي لا تفارق الابتسامة شفتيه ، المتدثر بكنوز انسانية ، وقادر على عطاء "فادح" ، المحبوب من الجميع ، هو من (البطن ) ذاتها . ليس بمعناها البيولوجي ، وانما بالأسرار التي فيها ، لتجعل ساكنيها الخارجين الى النور / الظلمة ، معمدين بالطهر والحب والتسامح
آل شيخ الدين
أعلنت عليكم الحب ، فأحتملوا حبي !!

لا فض فوك يا ابن الكرام

يا لهذا النبل الجميل
منذ ان كنا فى صلب سيدنا ابراهيم
تلاقت هذه الارواح وائتلفت والحمد لله
فما بالك من حب لى اناس لم تراهم الا عبر
الكيبورد الذى تحول الى حميم تشتاقه الانامل
ليعبر عن من تشتهيهم وتتمنى ملاقاتهم
دمتم ودامت المحبه وربنا يلاقينا
بمثل ما كتب هذا اللقاء الهلام
اميـــــــــــــــــــــن

خالد عويس...

هاك يدى
ورحم امى
والانحناء...
حتى يشق الشعاع..الغبار.
وحتى تكف الدموع عن الزخ والانهمار

وهذا قرار:

انت شقيقى فى الاختيار..

انت شقيقى فى الاختيار

انت شقيقى فى الاختيار..


انت
شقيقى
فى
الاختيار

ونعم الاختيار يا تماضر

حمزة سليمان

الأرواح جنود مجندة ، وقد جندت أرواحنا لتأتلف لا تختلف

نعم الشقيقة يا تماضر

وسنكون أشقاء الى الممات باذن الله

كوني بخير دائما تماضر لأكون بخير

والشرف لى...

التحيه لك يا حمزه سليمان وانت شاهدنا...

وهشام اخونا...الاتنين

وأبوجهينة كمان يا تماضر (شقيق) بحق وحقيقة

عذرى يا ابو جهينه..

لك خوتى وحسن الظن..والاحترام

الأخ خالد عويس
تحيه وود واحترام
هناك نخله شامخه اخري في بستان آل شيخ الدين بجده وهو الشفيف الرهيف ابوعبيده شيخ الدين هذا الفتي المدهش---وهنيئا" لك بالانضمام الي هذه العائله الكريمه
ولك خالص مودتي

ابو عثمان..اهلا بريح الحبايب اهلا..

تحياتى لك ولابوعبيده..واهب البسمة..ذو القلب الكبير

ولاسرتيكما

"هل قابلتك عند حضورى الى جده؟؟"
ما بعيد

يبقى عليك تن نعرفنى بنفسك ..فى الماسنجر وستحفنى الملائكة...

صدقت يا أبوعثمان فأبوعبيدة مدرسة لوحده

كيف حالك يا زول يا زول ...

هل ابو عبيدة هو ابو عبيدة بتاع الفاو زمان ؟

تحياتي

ملاسى

خالد
تماضر
هشام
ونفر كريم

خوفي عليكم من الحسد، هذه الروح او الاروح الملائكية والتي يفوح عبقها وكاني استنشقه عبر البوست هذا ، انما هي انعكاس حقيقي لطبيعة صافية جد ، ونقية نقاء الفطرة الانسانية التحته.

الحنان والود عملة نادرة في هذا الزمان الذي ملك زمامه الاشرار في كل مكان..... فعين الله ترعاكم اينماكنتم.

خالد يا له من خالد وهشام يا له من هشام ، فانعمي ايتها الخنساء باخوين هما من صخر وصخر لهما يحني هامته اجلالا واكبارا.



ابوساره
***********************************************************
مكتوب لك الدهب المجمر تتحرق بالنار دوام

ياهو يا ملاسى..شفتو كيف؟؟؟

ابو ساره..لك التحيات الصافيات..

ولخالد ، شقيقى الجديد، كل المحنه....

بالله زول يدينى تشو

لمان دموعى سالوا من البوست المترع بالحنان والحب دا


حسين مش انت اخوى برضو؟

يا بيان ، الزول الفى الصورة ده منو؟؟؟؟ عارفة سألتك ليه؟؟؟؟ لأنو (بيشبهنى) بشكل أعجب من عجيب ، حتى أسألى تماضر ، أوع يكون أبوك

يمكن بتقربى لينا ونحن ماعارفين

ملاسى ، نعم هو أبوعبيدة (الفاو) ملاسى ، عرفت عنا أشياء كثيرة ، عايزين نعرف عنك ، انت ملاسى منو؟؟؟؟؟ مش من حقى؟؟؟؟

دكتور أبوسارة ، قامة فى جدة ، وجبل فى حزب الأمة ، ونخلة شامخة فى سوق المال والأعمال ، وحديقة فى الحياة القاحلة ، أبوسارة انت مدرسة قائمة بذاتها نتعلم منها كل يوم درس جديد

لا فض فوك

يازول
دا الحاج
المافى زول اظن فى الدنيا بيشبهو
فات القبلو والقدامو

حسين ابراهيم ملاسى
ابن المرحوم الاستاذ ابراهيم ملاسى استاذ علوم فى المدراس الثانوية
وابوه اول مخرج سينمائى سودانى اخرج فلم روائى هو فلم آمال وأحلام
فى نهاية الستينات..رحمه الله وغفر له

شكرا يا بيان ، بس أنا أعترض (الحاج بيشبهنى) ، دى كمان دايرة تعملى منها (نقطة خلاف) ويمين يسار ، يا ستى الحاج بيشبهنى وكفى ، ماتبقى (معصلجة) كده

بعدين أقول ليك حكاية ، فى حكاية الشبه دى ، عادة الزول ما بيعرف (شبهو) التانين بيعرفوها أكتر منو ، يعنى ممكن جدا تماضر أول ما تعقد المقارنه ، تقول لى (كضاب يا هشام) والله لا بيشبهك لا حاجة ، بس أنا فى دواخلى شايف (شبه) ، ليه ما عارف

على العموم فى وجه شبه (خصوصا فى العيون) ، ويشبه كمان خالى المرحوم (همرور) ، يا ستى نحن السودانيين ديل كلنا (سحنة) واحدة كدة ، المهم الدواخل ، لازم تنضف ، عشان كلنا نشبه بعض بحق وحقيقة

بيان ، أنا جربت كل شىء ، ما لقيت أحسن من (صفاء النية) ، جربيها

وشكرا على التعريف بالأستاذ / ملاسى المرحوم والأستاذ ملاسى الابن

ورحمة الله تغشى جميع موتانا ويتغمدهم ربى برحمته ويدخلهم الجنة بغير حساب

شكرا ليك مرة تانية يا دكتورة يا أصيلة ،

فعلا يا بيان..

لو ما الكواريك البتكوركى فيها دى بهناك..

كنت عايزه اقول ليك صورة خالى حفيظ دى جبتيها من وين..؟؟

وفعلا بشبه هشام..وان كان هشام "اسمح" شويه "والله جد"

لووووووووول..

لوووووووووووووووووووووول
بالله هشام بيشبه الحاج على سماحة
ياتو كواريك يا تماضر
انا بقول
صلو على النبى
االاهل صبرو والجيران كفرو
كل بنت بأبيها معجبة

بالله يا بيان ، كل ما تزعلى منى اتذكرى أنو أنا شبه الحاج ، وبكده ما ممكن تزعلى منى ، فى حد بيزعل من أبوه؟؟؟؟

و الله من حقك و نص يا زول يا زول .... بس اختنا بيان ما قصرت و الله

تعرف يا زول يا زول ... كم مرت حاولت ارسل ليك ماسنجر كان في العيد و لا راس السنة بس اسمك دا و الله ماعرفتو بيتكتب كيف ... من الشمال ما نفع من اليمين ما نفع كتبت مشرف برضو ما نفع المهم اعتبر الماسنجرات وصلت ....

بعدين لو انت بتشبه ابونا "الشيخ" فانت مش تبقي يا زول يا زول ... انت تبقي زولي زولي ...
و ساطلق عليك اسم الخال من الان فصاعدا - ان لم تمانع - و بذا يكون لي في هذا البورد خالان
خالد الحاج و يا زول يا زول و لغرض الاختصار برضو !!!

و بعدين و الله العظيم حكاية صفاء النية دي حاجة كويسه خلاص ... و ربنا يديم المعروف يا خال

Quote: حسين مش انت اخوى برضو؟

و دي كمان دايره كلام يا بيان .....


ملاسى

حسين فعلا انت زول على نياتك ، والدليل ما عرفت تكتب اسمى كيف ، وبعدين انت من بيت فنى (كبير) ، ودى ما دايره (دليل) ، دى زى الاعراب (مرفوع بالضمة الظاهرة على آخره) (ملاسى) ، وبعدين اعتبر كل الماسنجرات وصلت ، بس المرة الجاية أكتب يازول بالعربى ثم حول الجهاز انجليزى عن طريق (Alt+Shift) ثم تكتب بالانجليزى (yazoal)ثم ترجع عربى بنفس الطريقة وكمل يازول بالعربى وبكده تبقى (ود أختى صحى صحى) ، جرب هسع ورسل (ولو ماسنجر فاضى)

دي غلوتيه عديل يا خال !!!

بس لو سالتك انت مصعبها كدا ليه ؟

كدي خلينا نحاول و نشوف ....

ملاسى

حاول (يازول) ولا يهمك

بعدين أهو المحاولة نفعت وقدرنا قريناك (بالطاقة)

انتو (بالطاقة) مالكم حلوين كده؟؟؟؟؟؟

قالو الدم بجر

يبقى دنقلاوى + دنقلاوى = خوة غير مشروطة وبلا استئذان

وى بونا



تسلمو كلكم

Quote: انتو (بالطاقة) مالكم حلوين كده؟؟؟؟؟؟

لو قلت ليك يا خال انتو احلي الناس حتقول الجماعة ديل جنو !!!!

ملاسى