(الحجاب) و (الطهور)

واجه عبدالرحمن مشكلة عصية مع رئيسه فى العمل ، والذى طلب منه مقابلته غدا عند العاشرة صباحا ليسلمه خطابا هاما ، فذهب عبدالرحمن عند نهاية الدوام الى منزله مهموما ، يفكر فى ماهية الخطاب الذى سيستلمه غدا من هذا الرئيس الثقيل على قلبه ونفسه

وفجأة تفتقت فكرة جهنمية فى رأس عبدالرحمن ، وكانت الفكرة أن يذهب الى شيخ اسحاق ، المشهود له بالكرامات فى مجال (الحجاب) ، وذهب مهرولا الى منزل شيخ اسحق ليطلعه على هذا الهاجس الكبير ، فسأله شيخ اسحاق أسئلة كثيرة تضمنت اسم المدير واسم امه ، واجتهد شيخ اسحق اجتهادا كبيرا فى عمل (حجاب) ضد الهجمات الإرهابية ، لو سمعت به أمريكا لحلت به جميع مشاكل الدنيا وطالبان والقاعدة ، ولما استغرق مقبض صدام كل تلك الفترة ، واستلم عبدالرحمن الحجاب وهو ممتلئا بزهوة النصر ، وبكثافة التحصين الذى جناه من شيخ اسحق ، بعد أن دفع (بياضا) يليق بمقام ذلك (الحجاب)

وذهب فى صبيحة اليوم التالى الى مديره فى الموعد المحدد ، وهو مرفوع الرأس والقامة ، كالطاووس يمشى بين زملائه ، وجلس أمام مديره خالفا رجلا برجل ، واثقا فى مقدراته (الحجابية) وقال له المدير:

تعرف يا عبدالرحمن أنك من خيرة موظفينا فى هذا القسم ، ولكنى مضطرا أن أعطيك هذا الخطاب ، بعد التقارير الكثيرة التى وصلتنى من كثرة تغيبك وسلوكك مع (الباشكاتب) الذى اشتكى منك تقصيرا واهمالا واضحا فى عملك ، ولذلك فاننى مضطرا لأعطائك خطاب فصلك من العمل ، وبامكانك استلام كل مستحقاتك القانونية ، متمنيا لك مستقبلا أوفر فى حياتك

وكانت الطامة الكبرى ، فخرج ذليلا ، بلا عمل ، ولا هوية ، فماذا يقول للعازة وماذا يقول لأبنائه ، ومذا يفعل مع (الديانة) بشد الدال وفتحها ، حتى لا تقرأوها (الديانة) بكسر الدال واهمالها، وصب جام غضبه على (الحجاب) وعلى شيخ اسحق ، وفكر أن يعرج على منزل شيخ اسحق أولا ، لأجل أن يعطيه (علقة) نظيفة

فذهب من ساعته الى منزل شيخ اسحق ، والغضب يتطاير من عينيه ، ودخل عند الشيخ فى خلوته ، وقال له أنه قد فصل من العمل وأن (الحجاب) لم يفعل مفعوله ، وهنا اعترض شيخ اسحق على موضوع (الطهور) ، وسأله هل كان متوضيا عندما دخل على المدير ، فأجابه عبدالرحمن بالنفى ، فغضب الشيخ أشد الغضب وقال له ، لا حجاب بدون طهور ،

وأنا أقول لا منبر بدون حجاب وبدون طهور

ولا منبر بدون توقيع أحد الجميلين فى المنبر

(انا للفن وانا اليه راجعون)

شايفك يا زول قلت للناس خلو الكلام عن الحجاب والطهور
وشايف بوستاتك كلها بقت في الموضوع دا
وتعليقاتك في البوستات المتعلقة بالامر
ما تكون قدوة يا ريس وتفتح موضوع من المواضيع الرشحتها للنقاش

شنو يا أساسى عايزنى أكلم ليك شيخ اسحق يغتس حجرك؟

أنا من جد يا أساسى شايف موضوع الحجاب وموضوع الطهور ، لا يصح الا بالطريقة التى أوردتها فى القصة ، لأنى بصراحة ما عرفته عن (الحجاب) النسائى الاسلامى ، و (الطهور) الجنسى الختانى ، يكفينى ويكفى جميع الأعضاء ، بحيث أعتقد أن المسألة أصبحت محلولة ، ولكل فرد عاقل هنا فان المسألة (محسومة ومنتهية)

فمن الناحية الشرعية لمسألة الحجاب ، تناوله الزملاء (من مؤيد ومعترض) من جميع نواحيه ، بحيث أصبح من السهل للمرء أن يأخذ فيه القرار الصحيح معتمدا على كل الروايات والقصص والآيات والمرجعيات الشرعية ، وأسباب النزول ما فيه الكفاية ، وكذلك موضوع (الطهور) شرعا وطبيا وتاريخيا بما فيه الكفاية لاعتماد القرار الصحيح فيه

أما موضوع (القدوة) فلا أذيعك سرا ، أننى عضو فى الهئية المركزية لحزب الأمة ، ولنا أدواتنا وقنواتنا ومنهجنا الذى يتيح لنا مناقشة (قضايا حيوية) تفيد الوطن قاطبة وبطريقة جادة ومثمرة ، وبالنسبة لى ليس هذا مكانها ، مقتديا فى ذلك بمبدأك يا أساسى أن المنبر (لا بودى لا بجيب) فأرجوك أرجوك وهذه آخر مرة أقولها (سيبنى فى حالى) ، فكأنك أردت بذلك أن تقول لى (أنك خاوى) ولا (تتفلسف) علينا

يا ود أنا من أمدرمان ، ولا نسيت؟

..
.
جيت طاير داير اقول ليك عايزين حجاب وما عايزين طهور
لكن لقيتك فى وادى وانا فى وادى هو بالله الارضى دا لسه شغاليين بيهو
سمعت بالجكسوية العملت تمبوشى لحبيب القلب قام ساقها وخطب صحبتها
قلت لي
انا للفن وانا اليه راجعون

والله الاقتنباس ما ابداع ..
يا ربي حنسمع صوتك برضو

صباح بنكهة المحاية ..

أستمتع بسماع صوتك يا تبلدينا ، ما هو ياكا انت الفن زاتو وانا اليك راجعون هاتفيا

يازول يا زول
ياخي انت موش قلت ناقشوا القضايا البتهم الوطن والبنستفيد منها في البوست بتاعك انتو بي صحكم ؟ وخلو موضوع الحجاب دا والطهور دا ما كلامك يازول ؟ اها انت من اليوم داك بعد كلامك دا حصرت نفسك في الكلام في الموضوعين ديل بس . بعدين يا زول يازول ما قلت ليك انت فارغ انت عارفني كان داير اقول كدا ما بتلفت ما علينا يا زول حبيت اقول ليك انا متابع
وخليني من ام درمان واولادها
انت يازول نسيت ولا شنو انا ما اساسي داك زاتو بتاع الكر والفر
ازكرك

Quote: وخليني من ام درمان واولادها

دى أبيخ كلمة تقولها لى يا أساسى

ياخ انت مالك معاى؟؟؟؟؟ انت عارفنى ما بتحمل أى كلمة (ضد) ام درمان ، يا أساسى والله العظيم الليلة جيت رايق ، وعايز أكتب بى مزاج ، ياخ أنا بكتب لى نفسى قبل ما أكتب ليكم ، العكننة لزومها شنو؟؟؟ ياخ أنا قاعد أعكننك؟ ، ياخ أنا قاعد أزهجك؟ ، ياخ انت بتكرهنى كده ليه؟ ، قدر ما قربت عليك ، بعدت منى ، قدر ما حبيتك ، كرهتنى ، قدر ما جيت جمبك ، هربت منى ، مالك على؟؟؟؟ ولا برضو مسألة (الأرواح جنود مجندة) طيب ما ممكن أرواحنا دى تتآلف بأى طريقة تانية ، أو على الأقل ولأضعف الإيمان ، فى حالة التنافر ، نسيب ونطنش الطرف المتنافر ، على الأقل بتحاشى بوستات بعض ، مادام الشغلة وصلت لى كده

الله يسامحك يا أساسى ، والله العظيم أنا ما بكرهك

سبحان الله الزول فيكم ما يتحمل الكلمة

يازول ما عندك مشكلة كان دا الدايره
لا اخش بوستاتك لا اعلق فيها وبوستاتي مفتوحة ليك وغيرك
لا تضرب تلفون لا اضرب ليك كان لاقيتني في الشارع ما تسلم علي يا زول
اخد راحتك بالكامل
سبحان الله سبحان الله سبحان الله
استغفر الله واتوب اليه

شنو يعنى؟؟؟؟ أنا قلت ليك تعال نتحارب؟؟؟؟ أنا بقول ليك نضع حد أدنى لاحترام بعضنا البعض ، مش نبقى زى الشفع (حرب حرب) بكسر الحاء

شوف هسع البوست باظ كيف؟

عاجبك كده؟؟؟؟

ده ياهو البقصدو أنا ، وانت مخير

أرجو من الأخوة الكرام اعتبار أن هذا البوست غير موجود أصلا

وشكرا