يا جماعة إنتو بصحكم؟؟؟؟؟؟؟

والله حكاية عجيبة
المنبر فى اليومين الفاتو كان مشغول بموضوع (الحجاب) ، وفجأة انبرى أحدنا ليقول أن (ختان المرأة) فى السودان ، حلال ، وبالدليل كمان ، كلو ده لأن البرعى قال (حرام)

يا جماعة أنتو بصحكم؟؟؟

خلاص كل مشاكلنا الأساسية اتحلت ، وما ناقصنا غير الحجاب والطهور

يا جماعة ، فى حاجة اسمها (أولويات) ، بعد ما تحلوا المشاكل (الهامة) والأساسية للبلاد والعباد تعالوا (نطهر البنات) و (نحجبهم) ونحممهم ونمسحن بى زيت السمسم ونطلع ليهم الفليتة من رقابن ونرجع تانى نشلخن وندق ليهم الشلوفة والنقرابى ونمشى معاهم بيت الظار

يا جماعة ، أصحوا شوية بالله ، وأسمو بنفوسكم وأرواحكم وأعلوا شأن بلادكم وحلوا مشاكلكم الرئيسية ، حتى بعدين نجى لى حكاية الطهور والحجاب ودق الشلوفة ، لما نكون فاضيين شوية ، لكن دلوقت عندنا حاجات أهم ، ولا شنو؟؟؟؟؟

حاجات اهم من الحجاب و الطهورة ..... ما اظن !

ملاسى

يا حسين انت بى صحك؟؟؟؟

كدي يا زول نتفق في الاول انه المنبر الحر دا لا فيهو حل لا ربط , يعني مشاكلنا ما بتتحل من خلال كيبورد ولا شاشة كمبيوتر هو مجرد زمن فائض في يوم الشخص يفضل ان ينفقه في نقاش وتثقيف النفس اما حل مشكلة بابعادها الحقيقية فلن يتاتي من هنا هذا في جانب اما الجانب الاخر هو ان المنبر لن يضيق ابدا بموضوعين فصفحته الاولي فقط تتحمل مائة بوست جديد في نفس الوقت اي بمعني مائة موضوع مختلف يمكن عرض ثمانية وتسعون مشكلة من مشاكلنا الكبري التي اشرت اليها وايضا الموضوعين الذين اشرت اليهم وهما الحجاب والختان .
ومن زاوية اخري ايضا فحتي لو سلمنا جدلا ان يترك النقاش في هذين الموضوعين ويتجه الجميع صوب حل المشاكل الاخري الرئيسية في السودان وهي مشكلة الحروب التي انتشرت في بقاع السودان وموضوع السلام والحريات فحتي هذه لا يملك اي من المتناقشين اي من اداوت حلها فمشكلة الحرب في الجنوب يجلس لها الان في نيفاشا اما مشكلة الغرب فخيوطها في تشاد اما الشرق المتوتر فهو مربوط بقسمة عادلة للثروة والتنمية ولكن مسالة الحجاب والختان يمكن حلها مباشرة من هنا فلو كنت انا مثلا او احد غيري لديه بنات ويريد ختانهن بحكم العادة ولكن عندما قرا في هذا المنبر عن مضار الختان ومرده الفقهي بحيث لا يتاتي له في مجتمع اخر مثل هذا الحديث فقام بتغير قناعاته وترك ختانهن يكون المنبر قد ساهم في حل محسوس لمشكلة وكذا الامر بالنسبة للحجاب
اذا اخي يا زول المنبر في النهاية يتحمل كل موضوع فلا تضيق زرعا باي مما يطرح فان اعجبك فعليك به وان لم يعجبك فلا اعتقد ان خمسون الف بوست بالشئ القليل لاختيار موضوع بينها
ودمت سيدي

ما اظنو حسين

يا أساسى الحبيب ، بنفس القدر الذى يساهم به المنبر ولو - بشكل يسير - فى حل مشاكل تتعلق بالطهور والحجاب ، ايه البيمنع أنو يساهم - ولو بشكل يسير - فى المشاكل الرئيسية الأخرى ، فبلادنا ما زالت تعانى من الجوع والمرض والجهل والحروب الدامية والخلافات السياسية ، فنحن بحاجة ماسة الى ازالة ما خلفه الجبهجية من بيوت أشباح وتعذيب وتغيير أخلاقيات وثقافات ، وقد تم غسل مخ الشاب (جيل الانقاذ) بقيم جديدة ومبادىء ، حتى أصحابها الأصليون تخلوا عنها ، ومازالت آثارها باقية فى هذا الجيل ، فلماذا لا نصلح ما خربه الزمن ونعلم شبابنا معنى أن تكون سودانى ، ولماذا لا نرفع عنهم عبء الحياة المعيشية وازالة الجوع ، ونضع أسس متينة للتعليم ونعلمهم معنى الحرية ومعنى التطور ومعنى الحياة

أظن المنبر أيضا يسع لذلك ، وهو بذلك يكون أولى من تحريم أو تحليل الطهور

abas
أظن ملاسى يمزح
مش متأكد

ياهو زاتو

تشكر يا أبو آمنة

يازول سلام
كلامك جميل وهذا هو المرجو لكن

Quote: بعد ما تحلوا المشاكل (الهامة) والأساسية للبلاد والعباد تعالوا (نطهر البنات) و (نحجبهم) ونحممهم ونمسحن بى زيت السمسم ونطلع ليهم الفليتة من رقابن ونرجع تانى نشلخن وندق ليهم الشلوفة والنقرابى ونمشى معاهم بيت الظار

التريقة دي ادت الموضوع أبعاد ثانية فأرجو منك حذفهاحتى نتخذ من هذا البوست إنطلاقة جدية للمواضيع الهادفة.
ولك الشكر

على عثمان

أشكرك على التعليق فى هذا البوست ، بس أحب أؤكد لك أنى لم أقصد (التريقة) هنا ، بل تحدثت بأريحية سودانية ، وما تنسى أنى بخاطب أخوة سودانيين ، ودى ياها طريقتنا (العادية) عشان نؤكد على الموضوع الرئيسى ، يعنى على سبيل المثال ، لو كتبت هذا الكلام فى منبر عربى كويتى بحرينى ، لخاطبتهم باللغة التى يفهمونها ، بس لأخوانى السودانيين مافى مشكلة عندى لتوصيل المغزى ، بدليل أنك فهمت قصدى

ولا شنو؟؟؟؟

الاخوان
مالكم مع ود الشيخ...كدى شوفو المواضيع دى

.خزلتم بنات باريس_ اساسى
.شيخ البرعى والختان_طارق
.عيناك_ المطر
.على الطريقة المصرية_امدرمانى
.التفسير السائد لايات الحجاب_بت الشخ
.العنف ضد المراة_صديق كبلو
.تحجب واعتزال الفنانات_اسمامة الخواض
.قضية المراة _ام سهى
.المراة والاسلام _طارق
.الشلوخ تانى_الجندرية
.مستور سرى- السنهور
.هى امراة بطعم اليمون_منوت
اساسى ضد شيخ الازهر_جينى
.حكاية بت_ عجب الفيا


دى مواضيع الواجهة ياجماعة الخير يعنى كلها نسوان
اها ود الشيخ دا ممكن يكون معاه حق .لكن نحن اصلا الخلانا
نتغرب شنو برا النسوان, امى مصرة اغترب عشان اجيب قروش
عشان اعرس , عشان اجيب بنات , وامى تقوم تطهرهن خوفا من النبز
لكن هى بتحجبن وما بتشلخن شوف الشغل دا , حاجات دايرنها نحن
وحاجات دايراتنها الحبوبات
ولكم ودى

ينصرك دينك يا أبقوته

ياهو ده القاصدو أنا زاتى

وبمناسبة (تحليل) الختان الفرعونى ، على الذين لم يختنوا بناتهم مراعاة فوارق التوقيت

سلام وتحية

فعلا مسألة محزنه ان نكون فى القرن والحادى والعشرين ومازلنا ننقاش مثل هذه المواضيع
ينزف عقلى يوميا وذات الاسئلة تواجهنى بها الدول { المتحضرة}، هل تعرف ان فى النمسا وحسب تجربتى وانخراطى فى مؤسسات المجتمع المدنى ان { الطهور} والتشريح النفسى والجسدى لثقافتنا ولذاتنا يتم بشكل يومى ومستمر، وتنحصر مشاكلنا كنساء عندهم فى قضية الطهور مثلا.
هل تعتقد يازول ان مشكلة الختان يمكن فصلها من القضايا الاخرى التى ذكرتها ضمنا، هل ترى يمكن فصلها عن احتياجات المرأة فى حياة كريمة خالية من العنف؟ ان ماتتعرض له المرأة بدءا من الطفولة وموسى الداية التى لم توفر لها الدولة بديل اقتصادى تسترزق منه، مازالت تطال البنات حتى اليوم، انها نسق متكامل، نسق سياسى واجتماعى واقتصادى، نعم سياسى طالما لسان المرأة يختن يوميا من قول رأيها ومن مشاركتها فى صنع القرارات السياسية، يبقى لافرق بين لسان لا يستطيع الا ان يلعلع بزغرودة فقط بعد اتفاقية تقسيم الثروة والتى لم يشاركن فى صنعها، اعنى هذه القرارات
وختانها.
استرايجية مكافحة هذه العادة تكمن فى ختان الفقر وختان الجهل وفتح منافذ واسعة لشمس حارقة لابد ان تشوينا لاجل ووجوه تشبه الصباح فى مجتمع معافى لايحس فيه فرد بالدونية سوى كانت امرأة او رجلا..
اكتب فى مقال لسودانايل عن هذا الموضوع، للاسف لضيق زمنى لم استطيع اكماله وساحاول فى غضون الايام المقبلة وسوف ارسله لك وهو تحت عنوان:
الختان بين المركزية الاوربية وترويض الانقاذ

ولى عودة

اشراقة مصطفى

بارك الله فيك

وأحب أطمئنك أنك أنتى ومثيلاتك من الغيورات على مشاكل المرأة فى السودان ، سيكون النصر حليفكن ، وستزلن الجهل والى الأبد ما دمتم متمسكات بالمبادىء الصحيحة وتعملن باخلاص وشرف لازالة هذه المعوقات

وفى انتظار المقال يا ستى

اخى الزول
انا مع هذه الدعوه

حمزة سليمان

وأنا أشكر فضلك

الاخت اشراقة
ياشامخة كشموخ بلادى.....

من الصعب مجاراتك فى الحديث لانك امراة وباحثة ومهمومة
بهموم الوطن وجرحه النازف.
اذكر وقتها انا فى المتوسطة وكنت ثائر لان عروقى مليانة بدم الشباب
وجدت اختى الصغيرة وسط كومة من الحريم وهى تبكى فعرفت انها وقعت فى
الفخ, فثرت على هذا الموضوع فهاجت امى ورمتى بماتمسك من مصيبة فى
يدها, فشجت بها جزء من جسمى فسالت دموعى واخذنى ابى الى المستشفى
وواسانى فى الطريق وقال لى بالحرف الواحد وهو امى ولكنه تعلم من مجريات الحدثان (دى امور نسوان ما تحشر نفسك فيها) ومن يومها عرفت
ان تصحيح هذه العادة لا ياتى من رجل ...ما رايك فى المقولة
انا الان اعرف بنات غير مختونات ولكن ليس لهن حبوبات, فالمشكلة كلها
فى الحبوبات.
ولك ودى

الأخ هشام
نعم فهمت قصدك ولك مني التأييد ولكن هنا نريد أن نجتمع كلنا دون تيار عكسي لكي نتمكن من تحييد الخلاف الديني والفكري حتى نجتمع في سودان خيّر ديموقراطي وبعدها فليزد كل طرف عن حماه .
انا مانظرت لموضوعك بنظرتي الخاصة بل نظرت لها بعين من هم على خلاف معك وهذه الأيام تستعر نيرانها،
لقد إستغرب الأخ ود قاسم عن عدم الإهتمام بموضوع الفقر وإقبال الجميع على بوست ود الرضي ( الدلكة ) وذلك لأن الناس زهجت من العراك الوهمي وحتى الحقيقي وأصبحت عازفة حتى عن المواضيع المهمة .
ونحن بالبلدي كده ناس إجتماعيات ساكت وعلى البركة ( قد يعتقد البعض إن هذا سبب تخلف ورجعية السودان ) لكن أنظر أخي للبوست الخاص بالأخت راوية في يوم واحد تلقى 93 رد ماهو السبب ؟
راوية لاتتدخل في أي خلاف من خلال متابعتي بل تدخل للتحية والتفقدوقد يعتقد البعض بأنها سلبية ولكن إن كانت هذه هي السلبية فهي سلبية ناجعة .
ولك ودي

تسلم أخويا على عثمان ، وأشكرك على تفهمك مغزى حديثى ، أما الخلافات (فشر لا بد منه) فى هذا المنبر وفى كل المنابر ، فقط تبقى الأخلاق السمحة الجميلة وتقبل الطرف الآخر بعلاته ، وهذا ما أحاول أنا شخصيا أن أتعلمه ، أكرر شكرى وتحياتى

Quote: يا جماعة ، أصحوا شوية بالله ، وأسمو بنفوسكم وأرواحكم وأعلوا شأن بلادكم وحلوا مشاكلكم الرئيسية ، حتى بعدين نجى لى حكاية الطهور والحجاب ودق الشلوفة ، لما نكون فاضيين شوية ، لكن دلوقت عندنا حاجات أهم ، ولا شنو؟؟؟؟؟

العزيز يا زول يا زول يا رائع]
كنت لأتفق معك ولكن ما يحيرني لماذا اثنيت علي بت الشيخ هناك لطرحها موضوع الحجاب بتلك الصورة وتعود هنا للتدعوا الناس لترك الامور الانصرافية والاهتمام بما هو اهم من ذلك
عفوا لا تجعله موقفا بيننا ولكن فعلا احترت في دعوتك

لا يا حبيب الكل
انت غلطان
(وأرجو مراجعة البوست الخاص بالحجاب مرة ثانية للتأكد)

أنا كل العملتو هناك ، دافعت عن (شقيقة) بأنها (أعملت) فكرها و(فكرت) و (اجتهدت) وذلك عندما بدأ الجماعة عليها هجوما أخذ (منحى) (كيزانى) ، ولم أدلى برأيى فى الحجاب سلبا أو ايجابا لقناعاتى التى وضحتها فى هذا البوست

فلا تعتقد أن ذلك (فعلين اثنين) متناقضين

شكرا أخى ، ولك حبى

Quote: يا جماعة ، أصحوا شوية بالله ، وأسمو بنفوسكم وأرواحكم وأعلوا شأن بلادكم وحلوا مشاكلكم الرئيسية ، حتى بعدين نجى لى حكاية الطهور والحجاب ودق الشلوفة ، لما نكون فاضيين شوية ، لكن دلوقت عندنا حاجات أهم ، ولا شنو؟؟؟؟؟

العزيز يا زول يا زول يا رائع]
كنت لأتفق معك ولكن ما يحيرني لماذا اثنيت علي بت الشيخ هناك لطرحها موضوع الحجاب بتلك الصورة وتعود هنا للتدعوا الناس لترك الامور الانصرافية والاهتمام بما هو اهم من ذلك
عفوا لا تجعله موقفا بيننا ولكن فعلا احترت في دعوتك

ياااااااااااااااااازول يااااااااااااازول

و.............دارفور تحترق !!!!

ماهو ده نوع الكلام زاتو القاصدينو يا أستاذ خالد

تعرف يازول يا زول ...

مش قالو اعمل لدنياك كانك تعيش ابدا و لاخرتك كانك تموت غدا ...

اها الحجاب دا موضوع اخرة عدييييل كدا ... اذا فهو مهم

اما موضوع الطهور فموضوع دنيا لذا فهو مهم جدا جدا جدا !!!

- المهم الموضوع و ليس الطهور و ذلك منعا للالتباس -

طيب اولويات اكتر من كدا شنو عليك الله

تحياتي


ملاسى

الاخ هشام
تحياتي
كل يغني علي ليلاه
ما يهمني هو من الممكن مناقشة اي شئ ولكن في حدود الادب والاحترام المتبادل
مع الشكر

حسين ملاسى:

انت بتتكلم جد؟؟؟
والله حيرتنى

أسعد أبراهيم:
نعم يا أخى الأخلاق والأدب هما أس كل أمر ، نسأل الله أن يجعلنا من المتأدبين فى حضرتكم وحضرة المنبر

يا أخوي المرأة نصف المجتمع شئنا أم أبينا وقضية الختان من أولى أولوياتنا بل هي على رأس الأولويات لانها جريمة بشعة ترتكب في حقها في وقت لا تملك فيه القرارفهي جريمة ترتكب في حقها وهي طفلة ولاسبيل لمعلجة أثار هذه الجريمة يعني حكم اعدام نفذ دون أي فرصة للمراجعة أو التراجع. فكم من امراءة رحت وفقدت حياتها لهذه الجريمة البشعة والأسوأ ما في الأمر أننا نحتفل بحدوثها.
فمن أجل أن تختفي هذه الجريم البشعة بحق المرأة يجب أن تسخر الأقلام وتعقد الندوات وتقدم الرامج التثقيفية والمحاضرات بل يجب أن تضمن في المناهج المدرسية وأن تقدم أجهزة الإعلام جرعات تثقيفية يوميةوأن تسخر كل أشكال الفنون لمحاربتها وقلعها من جذورها.
نعم وألف نعم لمناقشة هذا الموضوع على كل المنابروليت أصحاب الإختصاص وأقصد الأطباء تناول هذا الموضوع بالشرح وبيان نتائجه الوخيمة ولا يملوا من ترديده حتى نقضي عليه
والله لا يضيع أجر من أحسن عملا

الأخ الظريف اللطيف الفاضل .. العمدة

و الله أنا داير أقول ليك أنا معاك من أمس .. لكن أنا الليل معاك تب .. أنا برة.
يعني أسلوبك طريف .. و مداخلات حسين ملاسي .. أطرف .. و أب قوتة ما قصر ..
آي كدة فرجوا همنا .. الله يفرج همكم ..

لكن يا عمدة انت ما شايف .. انو في إستجابة سريعة و فعالة لدعوتك ..الجماعة .. خلوا الكلام الفاضي .. قبلوا على الجد فعلا ..
شايف بوستين جداد .. بدوا يشتغلوا في المهم فعلا .. و احد عن الجنس .. لأخونا الفاضل .. هوبفل
و التاني .. عن اغتصاب الزوجات ..
دي المواضيع ولا بلاش.
مش ياهو دة الأنت قاصدو.

أبومرام:
لا بأس ولكن لا نترك الأمور الهامة والحيوية الأخرى والتى تخص (المعيشة) و الحياة الحرة الكريمة فى شتى مناحى الحياة ، وذلك هو الأهم

مكسب:
شكرا على الإطراء يا عسل ، لكن (الخرمجة) التانية أخير منها بقاءهم فى الحجاب والطهور

اقتراح طريف:

لماذا لا نتكلم عن (الحجاب) الذى يلبسه الرجل فى الضراع
و (الطهور) الذى يزيل الأدران عن الجسد ، حتى تطهر بذلك دواخلنا؟؟؟

فى مانع