محمد معانا يا سجيمان ما تغشانا

قالوا الرباطاب ديل عينهم حارة خلاص ، وأنا ما كنت مصدق الحكاية دى ، لغاية ما لقيت سجيمان امبارح فى الماسنجر ، سألنى أولادك طيبين ، قلت ليه طيبين ، قال لى كمبيوترك داك لسه نصيح ، قلت ليه نصيح يحمد ربو ، قال لى ولما تخش الانترنت برضو بتنطط فى المواقع زى السخله العاجباها روحها ، قلت ليه لسع بنطط ، وأسئلة من النوع ده كتيرة ما ريحتنى

المهم استودعت الراجل الله ، وقفلنا الماسنجر ، وقلت اريح شوية اقوم أنطرح فى السري شوية ، وأول شى النطفى الكمبيوتر ده ، ويا دار ما دخلك شر ، طفيتو تمام التمام ، بس جيت أقوم أتعتر ليك فى سلك الكهرباء ، وأخبط ليك فى الدولاب كسرت المراية جات واقعة بى طولا ، والمصيبة مع جرة السلك من البلك الا أكان اشوف ليك الشرار جوة جهازى ، وأصوات كده تقول ليك طق طرق ، كمبيوترى لحق أمات طه ، جريت نفس طويل وما عرفت اعمل شنو بى جاى المراية مدشدشة فى نص الأوضة والكمبيوتر حرق ، والعجب جماعتى مسافرين الطائف مافى البيت ، بس معاى ولدى الكبير جاء جارى ، قايل القيامة قامت ، قلت ليه بسيطة المراية اتكسرت ، وهو قعد يكورك يابوى الكمبيوتر حرق ، قلت ليه حرق حرق ، الله بيعوض ، أها قلت اقعد اجر نفسى شوية ، جيت اقعد فى السرير ، وحات امان الله السرير أوردولب اتكسرت ملتو وجيت واقع لمن راسى خبط الحيطة وعمل جرح بليغ بى وراء ، خلينا كل حاجة والولد اتخلع لمن شاف الدم ، وقال لى يابوى ارح اوديك المستوصف ، قمت على حيلى وشفت النزيف شديد اقتنعت بى كلام ولدى ومشيت معاه المستوصف ، خيطوا لى الجرح خمسة غرز وشوفوا المقلب جينا راجعين البيت ، وطبعا أولادى ليهم يومين فى الطائف ما فى غير ولدى الكبير الودانى المستوصف ، وأتارينا نسينا باللخمة مفتاح البيت بى جوة ، والحل ، الولد قال لى يابا ما فى حل غير نكسر الباب ، وكسرنا الباب ، ودخلت البيت ، ختيت يدى فى راسى

يجازى محنك يا سجيمان ، ده كلو داسيه وين ، كمبيوترى حرق ، راسى اتفلق ، سريرنا اتكسر ، المراية اتدشدشت ، ولحقت كمان يا سجيمان لى باب البيت ، يعنى بالعربى كده ماسنجر وخراب ديار

ود الشيخ صباح النور

صباح النور يا فرح ، مالك ما بتتحمدل لى السلامة؟

حمد الله على السلامه وعلى فكره انا لاقيت ولدك فى السودان جبنا سيره سودانيز اون لاين قال انا ابوى معاكم قلت ليهو انا المعاهم
لاقيت الصادق ومبروك للصادق
وحمدالله على السلامه

تسلم يا فرح وصدقنى انا بتعامل معاك على أساس انك واحد مننا وليس غريبا أبدا

الحبيب هشام
الف الف سلامة ان شاء الله
كفارة وطهور بإذن الله
دكتور عادل سجيمان عندو فحص مجان؟
عليك به

الله يبارك فيك يا فرانكلى ، سجيمان فحصو ده خليناه (للبهائم) ، كفى الفحص الروحى بتاعو حق امبارح

اها دا سجيمان .. بالماسنجر ..
طيب لمن تجينا .. وجهاً لوجه ..
يوم الخميس ..
البيحصل شنو ..
والله سجيمان ما خلا لينا حاجة ..
بس انشاء الله العربية كويسة ..

يا حميده (رباطابى) لى (رباطابى) يفرق

لما نقابلك فى (الخميسات) خايفين نحن نديك عين

الاخ الحبيب هشام
السلام عليكم ورحمة الله
كيف صحتك اليوم ان شاء الله عال العال

فرانكلي

هشام الله يجازيك انت

من قبيل و اتاريني انا قدر ما عندي زول في الماسنجر عامل بلوك

علي اي حال سلامتك والف كفارة لك

الجاتك في مرايتك+ كمبيوترك+ سريرك .... سامحتك

وعليك الله اديني لستة بالعفش كلو....عشان نخلص من الشغلانة دي مرة واحدة...ونشوف غيرك

موكيتك ، ستايرك ، بترينتك ، سفرتك ، طقاطيقك


كسر كسر يا سجيمان ولا يهمك

يا فرانكلى أنا شديد ولضيض ، الا لزوم أضحككم

طقاطيقك

طاقطيقك

نحن مطاليقك

عارفنك شايفنا زي عواليقك

عواليقك

عواليقك

دافرنا الفقر دافوري في ليقك

وان جنيت ياها البغلة في اباريقك

اباريقك

اباريقك

ناشفة من جُغمة المي

النشاف الينشف ريقك




دي ما ليك يا هشام...... انت تبرا

يا سجيمان ، ياخ قطعت قلبى

سجيمان ياخ عندى اولاد صغار بربى فيهم

ده شنو ده ياخوى

الصاروخ ارض جو ده موجهو وين؟؟؟



لوووووووووووووووووووووووووووووول