أرغب فى أن أرشح نفسى لمجلس الحكماء بالمنبر الحر

الحمد لله أولا وأخيرا على عودة المنبر الحر ، ولا ندرى ماذا تخبىء الأيام القادمة لهذا المنبر خصوصا بعد التغييرات الجديدة القادمة لا محالة

رغم كل القيل والقال ، ولمعرفتى الشخصية بمعظمكم ، ولحبى لكم ولهذا الصرح الشامخ فإننى أرغب فى أن أكون أول المرشحين لعضوية (مجلس الحكماء) فى هذا المنبر ، نظرا لأقدميتى هنا ، ولسنى (الذى يفوق الخمسين) ، ولمشاركاتى اليومية ولثقتى فى أن أكون خير مستشار فى مواضيع المنبر (الحرجة) التى قد تنشأ نتيجة تكالب الظروف والمستجدات الآتية ، ويا حبذا لو تم ذلك الترشيح بإسمى الحقيقى (هشام شيخ الدين) ، حتى يظل (يازول) العضو البسيط ينهل ويشارك معكم فى كل شأن سودانى جميل

فهل أجد بينكم من يرشحنى لهذا المجلس ، علما بأنكم قد رشحتمونى فى الماضى رئيسا للمنبر ، وشملتمونى بحبكم الكبير

وشكرا

حكماء البورد ..
دي ذي لجنة الرقابة علي المصنفات ..
مش كدا ..
بعدين علي الطلاق .. كان جيتو لي موضوع ذي دا ..
غيري انا .. وأخوي اساسي ..
ما في زول بنفع للشغلة دي ..
والله الحكمة العندنا .. تفتح منبرين وبرندة ..
بس انتو كبروا الجردل ..
سمح ..

يازول انا بعلن دعمي الكامل ليك واللا متناهي

بشرط واحد

انه اقبض رشوة منك

والبيدفع اكتر انا بديهو صوتي

وهذا الكلام جاد جدا

انا اساسا بايع القضية وما عندي مبدأ

مبدأي انتهازي استغلالي

وقررت ان اخرج من نادي الاوحدين الذين لم يسمع بهم احد ولا يعرفهم احد

الي رحاب جيوبكم

والعرض ساري علي كل الذين يريدون الترشح

ـــــــــــــــ
اساسي اثناء المساومة

غايتو وكت فيها قروش ..
انا ذاتي بشجب .. اقصد برشح ..
ويا جماعة الزول دا ما بتلقو ذي ..
واهلنا قالوا من زمان ..
اذا مسكت ما تفك .. واذا فكيت ما تندم ..
وجناً تعرفوا .. اخير من ود الجيران ..
حاجة قريبة للكلام دا ..
وعلي الحرام .. الزول دا من شدة الحكمة ..
لامن برجع الطاقية لورا ..
عشان الحكمة يضربها الهوا .. وما تعفن في رطوبة البلد دي ..
وعلي الحرام برضو ..
الزول دا وكت يمشي في الشارع ..
الشفع بكونوا جاريين وراهو .. يلقطوا في الحكمة ..
لقيط ساي .. تلاتة بقو دكاترة .. وواتنين جنو ..
وعلي الحرام تلاتة ..
الزول دا كان ما دفع لي .. الا اخش ليكم الغابة ..
واوريكم بدع .. في دارفور ما شوفتوها ..
وذي ما قال شيخنا ..
الزول لمن يعمل حاجة .. أخير ينجضها ..
ولا نامت أعين الجبناء ..

انا برشحك من قولة تيت يا ابو نبراس
والحضر القسمة يقسم يا هشـُّو !! والله
انا غلطان... وبعدين غير كدي والله
من هسة جايي أبارك ليك واشرب معاك
الشاي في المكتب بس كلم الزول من دحين

الحمد لله الجات منك ياريس
والله سبقتنا ساي بي الكلام ده
اؤيد ترشيحك خاصه وان لك خبرة سابقه في ادارة هذا البورد
عارف يازوول انا وبعد قراءتي لبوست الاخ عبده والله شوفتها حارة انه الناس الكان ليهم السبق واليد العليا في ظهور سودانيز اون لاين ما يكون واحد منهم في ادارة البورد ، أرشح معك وبقوة الدكتور صلاح ضرار.

وصيتي لك ياهشام بس تامين البورد الباقي تاني كله هين.

(((هين وين يازوول والله مع كلام رودا ده ما ببقي هين هههههيكه علي قول عمدتنا)))
دي مسئولية كبيرة ربنا يكون في عونكم

التحية لك

Bakhaf
يلا همتك معانا ..
سخن الدلوكة .. بسرعة ...
هع .. امانة ما وقع راجل ..

عائد ..عائد.. ياهشام
عائد.. عائد...يا هشام
وياريت لو جبت اركان حربك السابقين معاك كمان
انا اصلي زول سادن جدا

حميدة
والله ولا دلوكة حواء الطقطاقه

اديها صنة بس وأهو حبيبنا

حبيب الكل ظهر واول الغيث قطرة يازوول.

في استاذة (شاعرة) كانت معانا هنا اسمها سوما الزوولة دي وين؟

[b/]

انا بدعمك بصوتى وشلتى
بس نحن جاين لجدة
بدل ننزل فى فندق
حنتلحك
وبعدين عندى امى ابوى جاين عمرة
وبقعدو للحج..خلى الحاجة تتساهل معاهم
انا طبعا مابحرسهم ولا حاجة..ما بسيب
شغلى وابوى حساب شديد..الا ما تلمه فى جدك الثالث
يطلعك قريبوا
نحن عشرة ياخوى..اها شنو ليك
ما ضمنت فوزك
حتى هوب فل ذاتو بخليوه يصوت ليك
1-ابوحسين
2- معتصم دفع الله
3- حمزاوى
4- شلبى
5-ابقوتة
6- قريبى عمر الماحى
7-دكين
8-الشريف
9-ايهاب الطيب
10 -قرشو
اساى دا كان بحسبو لكن اظاهر عليه ناوى على عملة
اها شنو ليك..ياجماعة انا بعت اصواتكم من غير مشورتكم..
عشان ابوى وامى ينزلو شهرين مع هشام فى جدة..كان مفروض
اجر ليهم شقة لكن بخربو ميزانية العرس
ولقدام...لو

الاخ هشام..
كيف اخباركم؟
ارشحك و نص... بس خايف عليك من مهاترات اليومين دي يجيك منها شئ طائر... اساءة, سب او مصيبة تانية.

سلامي للجميع...
صادق....

هشام انت زول كفء وتصلح في اي حاجة
اترشح وصوتي ليك
بس كلم لي قرشو العمدة يكتر الفكه وحقنا مقدماً انا عارف العمدة يسمسر حتى في حق الصعوط من يجيبوا ليك من الهنداويه .
شقيقي ابوقوته . رقبتي ليك بس ما تخلي وليد طه يدخل معانا عشان ما عنده صوت ولا هو مسجل ياخد الفكه ساي بدون خدمات .

شكرن شعبى



والله ذكرتونا رمز القطية والعربات الفيها مايكرفونات وانتخبوا (ابن الدائرة)

ما علينا ، المهم:

حميدة ( سيب حميس الدلوكة وخليك جاد شوية )

أساسى ( انت مفلس اليومين ديل ولا شنو؟ )

بخاف ، كلك زوق والله ، وصدقنى صلاح ضرار صديق عزيز ومكسب فعلا للمنبر

حبيب الكل ، كل الأركانحرب الزمان جاهزين ، صبرك على

أبقوتة ، خليهم يجو ويجيبوا معاهم ناس ابقوتة الجايين عمرة ، انت قايلة الحكاية لعب ، حرم يلاقو شيخ عرب يتكلمو بيهو قرن كامل

أبومريم ، سمعت عادل امام لمن قال (متعودة ، دايمن) ماتخاف على أخوك ، هنا اصحابى اكتر من اعدائى بى كتير ، تسلم

حمزاوى ، بارك الله فيك ، ونجيب كمان قرشو ونص وخمسة

تسلموا يا حبايب ، الثيرمومتر بتاعى ما خاب معاكم أبدن ، ربنا يحفظكم

هشام
سأدعم ترشيحك بلا تردد ،،
بس ما يكون في أي تنسيق بينك وبين أساسي ،،

ود قاسم سمعت انه انت زاتك حنفولي وسايق الحديد الامريكي

انا مستعد اقوم ليك بحملة زي حملة جون كيري بس

الشرط اعلاه ينسحب علي جيبك ايضا

...

أبـوقوته شكيتك علي منو أقول ليك؟؟؟؟؟؟؟؟؟؟
كمان بقيت تشحد بـي دي أخرتها بعدين أبو حسين دا يا خوي إمكن ناوي على منصب أحرجتني ساي مع هشام دا رغم إنو الخميس الفات كلموهو قالو ليهو أبو حسين جاي للجماعة في المطار القديم قال ليهم فكونا بلا أبو حسين بلا بلولة... الوقت كان لسه ما ظهر فيها إنتخابات و كــدا لكن الليلة لو قلت ليهو أهلي الجعليين كلهم جايين حا إمشي إنتظرهم في المطار


إنـتـخــبــــوا يازول من أجــل مـنـبـر حــر ديمقراطي

لكن يا هشام ما قلت لينا رمزك شنو نحن نظرنا ضعيف شوف ليك حاجة مااااااااااااكـنـة فيل مثلا و لا حـتى زرافة علشان ما نغلط ندي صوتنا لي زول تاني

Quote: أرغب فى أن أرشح نفسى لمجلس الحكماء بالمنبر الحر

خــذوا الـحـكـمـة مـن أفـــواه .................... هـشـام و بــس

غايتو ناس سيدي ديل جنهم سلطة

قف ؟ نساندكم ونشد من ازركم
اخوك معاهوا كتيبة كاملة بس انتا قول انطلقوا

لكن مع عودة كل المرافيد

خاصة الحبيب سنتمنتال والاخرين

اوؤيدك بشده

الاخ هشام

اثني واؤيد تريشحكم

اسعد

هشام

اثني واؤيد

مدير الحملة الدعائية (الباكشيشية ) أبوقوتة

تحية طيبة

أدعم مرشح دائرة الرياض هشام شيخ الدين الرمز "الهـ " ولي قدام

الأخ هشام نثني علي ترشيحك للجنة الحكماء
باعتبارك احد حكماء البورد من قبل.. ومن الأوائل {انشاء الله من العشره الأوائل??}

Quote: نحن عشرة ياخوى..اها شنو ليك ما ضمنت فوزك حتى هوب فل ذاتو بخليوه يصوت ليك 1-ابوحسين 2- معتصم دفع الله 3- حمزاوى 4- شلبى 5-ابقوتة 6- قريبى عمر الماحى 7-دكين 8-الشريف 9-ايهاب الطيب 10 -قرشو اساى دا كان بحسبو لكن اظاهر عليه ناوى على عملة اها شنو ليك..ياجماعة انا بعت اصواتكم من غير مشورتكم..

وما عندنا كلمه فوق رأي أبوقوته..

وطالما إنت في جده حقنا بنخلصه عمره وحج..

والمقدم يسلم لوالد ابوقوته عند عمرته في أول رمضان..

الحبيب هشــام
سـلام
انا زول واضح جدا .. و مقتنع بالمثل البيقول
( الراجل بيمسكوه من الكيبورد )
وطبعا حندعمك في مسعاك هذا ولكن بشرط ان تضمن
لنا عودة كل من :


الصـادق
تغريــد
د. ابكر
عطبراوي
الكتيابي
عبدالمحمود ابو
عاطف عبدالله
ابو ريشـة
بنات قوتة
ود عزة
مــام
شــتات
حنينـة
كـبر


اها نسمع قولك يا هشام وعليك الله اتحرك شوية

يونكسـو

العزيز الزول الحبيب هشام
ارشحك واصوت لك وابايعك
لمعرفتك الشخصية بمعظم البورداب ، ولحبك لهم ولهذا الصرح الشامخ فإننى أرغب فى أن تكون أول المرشحين لعضوية (مجلس الحكماء) فى هذا المنبر ، نظرا لأقدميتك هنا ، ولرجاحة عقلك ، ولمشاركاتك اليومية ولثقتى فى أن تكون خير مستشار فى مواضيع المنبر (الحرجة) التى قد تنشأ نتيجة تكالب الظروف والمستجدات الآتية ، ويا حبذا لو تم ذلك الترشيح بإسمك الحقيقى (هشام شيخ الدين) ، حتى يظل (يازول) العضو الحبيب ينهل ويشارك معنا فى كل شأن سودانى جميل

والله انت اهل لها يازول
اخوك كمال

يازول يازول وحشتنى جدا جدا
ورغم >لك برشحك لكن لشنو ماعارفة بس بعدين بحكم العشرة القديمة بتكون لى الخصوصية فى حاجات كتيرة مش

يا زول هشام صبر ما عندك ؟
رشحتك مع الجماعة ناس حميدة بي هناك
لكن طلبنا واحد
مرشحنا التكنوقراطي حميدة ده ترفقو لينا معاك في الدعاية الاعلامية وكل الملصقات
بس لو طلعت منها حبيب نورا


أبنوسي

حبيب نورة:
أشكر دعمك يا أخى وفى انتظار (كباية الشاى) فى المكتب ، كباية شاى معاك تعدل (عتق موقع)

ودقاسم:
يا قريبى ، أنا ما اترشحت لى مجلس الحكماء ، الا عشان أغنى لى أساسى:

البنسلين يا أساسى ، نادوا الحكيم لى أساسى

شكرا للدعم يا ود قاسم ، صوتك يوازى أصوات الرياض كلها

أبوحسين:
ياخ والله لو كنت أدرى انك موجود الخميس الفات لجئتك (حبوا) على الأقدام ، وكمان حافى حالق ، ليك معزة فى قلوبنا يا ابوحسين برغم (مراهقتك الفكرية) لووووووووووووووووووووووووووول

شكرا يا ابوحسين على الدعم ، وسيب الضرب (تحت الحزام) مع الناس الحلوة ، لو كنت تعرف مكامن حلاوتهم ، ما ضربت هكذا ، وأسمع كلام (يبكيك) وبيحبك فى نفس الوقت ، رمزى (القطية) يا ابوحسين وبعدين نحنا ما مجانين أووو تشكا

مهاجر:
حلوة ناس (سيدى) دى ، ما الحكمة كلها اتعلمناها فى حوش (سيدى)

شكرا على الدعم يا مهاجر ، وسنتمنتال مطلب (حكيم)

عبدالله بابكر:
أشكر فضلك أخى الكريم

أسعد أبراهيم:
دعمكم لنا ، يعادله شرف كبير

معتز تروتسكى:
كتر الف خيرك يا معتز ، ده والله براه مكسب ، وليك معزة كبيرة (وبكشيش) كمان

عمر الماحى:
بارك الله فيك أخى عمر الكاتب الفذ

ايهاب الطيب:
والله اتمنى بالجد أشوفك جاى عمرة فى جدة ، كتر خيرك على الدعم الكبير

unixo
ياخ والله جعلتنى أقرأ هذه اللستة أكثر من عشرة مرات ، وفى كل مرة يأتينى سيل جارف من الذكريات الحلوة ، تأمل ياخ مرة أخرى:

Quote: الصـادق تغريــد د. ابكر عطبراوي الكتيابي عبدالمحمود ابو عاطف عبدالله ابو ريشـة بنات قوتة ود عزة مــام شــتات حنينـة كـبر

شكرا ليك كتير يايونيكسو

كمال فرانكلى:
أنا أطلب فقط أن أتمكن من (التأدب) أمامك ، أنت رائع بكل المقاييس ، ولك من حبنا أطنان مضاعفة

راحيل
لا حولالالالالالالالالا ، ياخ انتى وين؟؟؟ أنا ما داير (حكمة) ، داير (حنان)

ياخ والله مشتاقين ليك ، تانى ما تغيبى ، سمح؟

تبلدى:
شفت ترشيحك بعدما كتبت البوست ، لك الشكر كله و (القومة ليك) والمحبة والتقدير وخالص تحياتى

سلامااات هشام
أدعمك وأقرر نيابة عنك انه يكون في قائمة ترشيحك من الأعضاء المشاركين حاليا:

هشام يا زول - لجنة الحكماء
قرشــو - لجنة الحكماء
وطالما عادل عبد العاطي حيبقي هادئ لما يبقي امين للمنبر ... ارشح أساسي لقوته في الحق

كمال فرانكلي - اللجنة الفنية

دي صورة لصفحة فيها للجنة اللي قبل اللي انت كنت بترأسها
تتذكر الصفحة دي :





http://members.lycos.co.uk/talsam/sol/sol12002.htm

أخى العزيز عبدو

حقيقة عاجز تماما عن شكرك

بارك الله فيك ، وأثنى ترشيح (أساسى)

انثني ترشيح هذا الرجل

سلام شباب ليكم وحشة والله
انا أأيد عبده الاصيل
واضافتي هشام يرجع لى رئاسة المنبر
وفرانكلى وقرشو وأساسي ارشحه بى شده لى لجنة الحكماء
لانه لايعرف للمجاملة طريق
ولى قدام ياأعزه ناس

أخى هشام


موافقتى شيك على بياض لدعم حملة الانتخابيه

يازول
نؤيدكم و دي دائرة مقفوله لناس جدة
لي قدام

الاخ هشام-سلام-انا من الدوائر خارج السعوديه ارشحك لمجلس الحكماء


انور احمد

Colaaaa
سلاماااات
مشتاقين يا حبيب ... وينك ووين ايامك
تعالوا يا حلوين راجعين ... يا البورد ده اتصلح يا مشينا سوي منه

i vote 4 you
im omar ragab and altahir 2
wa zy ma gal hbiby alsadig
الاخ هشام..
كيف اخباركم؟
ارشحك و نص... بس خايف عليك من مهاترات اليومين دي يجيك منها شئ طائر... اساءة, سب او مصيبة تانية.

سلامي للجميع...
صادق

دكين
كولا
دورنقاس
فالكون
أنور أحمد
عمر رجب
الطاهر 2

شكرى لكم لا حدود له ، وثقتكم فينا توشحنا بمحبتكم والتمسك بصداقتكم أكثر فأكثر

أهديكم حروف من دفترى وكراسى
توصل حتى هوبفل أو أخونا أساسى
منبركم بيزخر بى كرام الناس
وكذا حال الوطن المابندورو يقاسى

انت زول رائع يازول يازول
تعرف انا معجب بتناولك للمواضيع واتابع ماتكتب باهتمام
في حديث للرسول (ص) مامعناه اذا طلب احدكم الامارة فلاتعطوها له
اتمني ان يجد لنا اى ياتي لنا اي مفتي من البورداب بفتوي تجيز قبولنا بترشيحك نفسك لاننا نحتاجك بس الفتوي مهمة ولو كانت من ابي حراز بتاع البورد

ود شيخ الدين أيها العزيز إن لم تكن أنت فمن

أثني وأثلث وأربع

بس تسامحك اليسوعي ده حاول تقلل منو شوية

أثني

أبويسرا

لقد وقفت طويلا عند كلماتك ، ونحن يا اخى نتأسى بحديث المصطفى عليه افضل الصلاة والسلام ، فان كان قالها فأرجوكم أن لاتعطوها لى فما أنا بأعقلكم ولا أفضلكم ولا اكثركم مالا ولا بسطة فى الجسم ، ولكنى رشحت نفسى لانقاذ ما يمكن انقاذه لهذا المنبر الحبيب الذى لم أرد له فى يوم من الأيام الانهيار ، ولخبرات سابقة نهلتها منه ولمعرفة لصيقة بالكثيرين وتوجهاتهم ما جعلنى اشعر بأنه يمكن أن يكون لى دور مؤثر فى استمراريته ، وهو غاية ما أصبو اليه (استمراريته)

والله على ما أقول شهيد

عبدالباقى الجيلى:

أشكر دعمك ، وسأحاول أن أكون معتدلا

بارك الله فيك

هشام
اسحب ترشيحي لك لأنني اكتشفت تنسيقا بغيضا ومبني على انتهازية بينك وبين أساسي ،،

يا جماعة ده ودقاسم ، ولا زول دخل بى اسمو

أكاد لا أصدق ، ده كلام شنو يا ودقاسم؟ ، اى انتهازية وأى تنسيق (بغيض) بينى وبين أساسى

يا ود قاسم ، الغاشى والماشى يعرف أننى وأساسى لا نلتقى فكريا ولا سياسيا ، ويعرف الجميع كمية المشاكل المثارة بينى وبينه ، أما موضوع مجلس الحكماء فهو يا اخى شىء يصب فى النهاية لمصلحة واستمرارية المنبر ، والرجل به من الكفاءة الإدارية التى تؤهله لذلك ، هذا اذا كنت تقصد ترشيحى له ، والذى رفضه فى نفس البوست

أما اذا عندك شىء آخر ، أو كنت أنت فعلا ودقاسم الذى أعرفه ، فأرجو أن تفصح به هنا

وشكرا

فعلا يا ود قاسم في تنسيق بغيض جدا وانتهازي وانتفاعي بيني وبين هشام يازول عشان يترشح لمجلس الحكماء ..عشان هو يقبض رواتب مجلس الحكماء وعربات المجلس وبنزين المجلس المجاني ..وانا بالمقابل حيبني لي بيت في كافوري ويملا رصيدي في البنك من اموال سودانيز اون لاين لما يبقي حاكم مطلق للوطن ..؟؟؟
يازول مالك محتار من كلام ود قاسم خايف علي صورتك تتشوه اثناء الانتخابات .؟؟
انا لمن اقول ليك البستحقوا الاحترام هنا علي اصابع اليد الواحدة وود قاسم ما منهم تقول لي الراجل خالهم ..؟
ود قاسم انا الان بعتقد باتهامك دا نسفت كل جسور المجاملة الغبية والتجاوز والطناش بينا... فبشراك

عمي الحبيب ود قاسم

ننتظر توضيحا

فهشام الذي نعرف ليس كما ذكرت

ولك ودي

شكرا يا عبدالباقى ، أنا مازلت فى الانتظار وقد قال أساسى أى نوع من الانتهازية ينتظر كلانا ، والله حكاية