فونقا ، Fonga

أرجو من الأخوة والأخوات الذين يرغبون وضع ردود فى هذا البوست ، أن لا تتضمن ردودهم الكلمات التالية:

دارفور
الجنجويد
روضة مردا
رباح الصادق
تماضر
رجاء
المسلمين
الكفار
الجيش
الكوز
الانقاذ
الحجب
الخيال
بكرى
العنصرية
الشرف
بروتوكل
تقسيم سلطة
الترابى
ست الشاى

وكل من يخالف ذلك ، لن أرد عليه

الموضوع:
حدثنى عبدالمعطى الجلابى ، أحد أصدقاء جدة القدامى ، الذى كان يقول فيها حكمته القديمة (جدة طرق) ، أى اذا عرفت طرق جدة ، شوارعها وطرقها الأخرى ، تكون قد فهمت جدة مضبوط ، ويمكن أن تسعد بيها سعادة ما بعدها سعادة ، فقال لى أنه فى أحدى مناطق السودان ، ولعله كان يتحدث عن مناطق جبال النوبة ، أو جنوب كردفان ، أنه حينما يكون هنالك قوم جالسون فى مكان ما ، يتحدثون فى موضوع معين ، ثم يأتى لهم (الشاى) ، ويصب فى الكبابى ، وهم ما زالوا يتناولون نقاش هذا الموضوع ، فيقوم أكثرهم (خرما) بسحب كوب الشاى ، ثم يرشف منه (رشفة) (شفطة) (جغمة) ، أو سمها ما تسمها ، فإن الموضوع الذى كانوا يتحدثون فيه ، سوف يتغير مباشرة بعد هذه الشفطة (وهى من النوع الذى يحدث صوت) مثل:
تشيوووووووووب

فهذه عندهم تدعى (فونقا) وتنطق fonga

حقيقة نحن فى حوجة الى (فونقة) جامدة ، ليس على مستوى المنبر الحر فحسب ، بل على مستوى البلد كله ،

خلاص قرفنا ، دارفور دارفور ، الجنجويد ، والكلمات الممنوعة الفوق دى ، دايرين فونقا ، أشفط يا وطن جغمة كبيرة ، وحدثنا عن جمال بارا ، والدوبيت ، وعلمنا كيف نزرع (طماطماية واحده) بدل أن يكون سعر الكيلو للطماطم (المفجخة) خمسة ألف جنيه سودانى بالتمام والكمال

حدثنا عن العميرى كان بيقول شنو ، وورينا لون البلد كان كيف لمن كتلوا محمود محمد طه ، وعلمنا ليه 28 ضابط كتلوهم يوم وقفة العيد

قول لينا عن أجدادنا وأهلنا وشليل وين راح ، كلمنا عن صوت الربابة جمب النيل فى ضو القمرة كان بيمرق كيف ، وذكرنا طعم البيره ، لما كان العشا من غير رغيف ، وكل الجهال بكره الصباح لابسين نضيف عايزين يروحو المدرسة

أدينا فونقا تنسى زول هم البلد ، والاغتراب ، وألم الكفيل ، وعيشة الخلا ، وسعر الريال

وشكرا

من أهم الفونقات المرت على السودان ، كان لما نصحى الصباح ونسمع الرادى يقول ليك سنذيع عليكم بعد قليل بيانا هاما فترقبوه ،

تعرف أنو دى فونقا مية فى المائة

كمان أديكم (فونقه) ظريفة ، قعدت أفتش فى المفردات القديمة المحتفظ بيها فوجدت الآتى:

صفرجت
ملاح كول
حجوة ام ضبيبينه
شليل وينو أكلو الدودو
ود بانديه
شفخانه
مستراح
ترمس كبكبى
سينما برمبل (والله ما شفتها بس عارف محلها)
الراجل داك البيأشر للسنطور ، عندو اسم عجيب وزميلو (العطشجى)
ضابط الصحة (البيلبس برنيطة الانجليز) ، أبوى كان عندو (برنيطة) لحدى قريب ده
السفروق (ومحمد ود عمى بيقول لي عندك بوستات بتشبه السفروق ، تجيك باللفة)
أبدمام (لذيذ لذاذه والعجب هش)
التصريح حق القطر
موريس ماينر
صيد القمرى
الكستبانه (حقت الخياته)
تر (بضم التاء) يعنى زح
قر (بكسر القاف) يعنى اعترف
سيبو القرقراب (يعنى الضحك بقهقهه)
توب القرمصيص
توب الزراق (لا حولا)
السديرى
وبالعجله قام سدارى

والكثير المثير الخطر

يخوانا شاركونا ، ان شا الله تقحوا ساى ، جاملونا عايزين نرتاح شوية من السياسة والحروب والاغتصابات

هشام
يا زول ازيك كيفنك اعلك طيب

طبعا دخلت هنا شمار بس قلت اها هشام جانا بى خبر شنو وفونقا دى هيلت منو ؟؟ زى ما بتقول حبوبة هى ؟؟ والله دى ذاتها فونقا .
ولا شنو يا جماعة ؟؟
حاجيب فونقات كتار واجى .

ولك التحايا
ام وضاح

يا سلام عليك يا ام وضاح ، الله يجبر بى خاطرك ، ياخ زهجنا من (الكترابة) القايمة دى ، قلنا نفرفش شوية

يلا منتظرين (فونقاتك) وبقية الأحباب الزهجانين زيى

هشام هاك الفونا دى

البلد جايطة وبوليس المخدرات حايم يشمشم فى الناس منو فيكم البدلنى على سطلجى...اها فى مرة فالحة وفاهمة فى الحى...قالت لزوجها منعول اسم ابوى ما تمشى تسطل برة..طيب انا ما عندى بنقو قالت ليه من ناس منو بتجيبو قال ليها من عبده الفلاتى وراها شفرة المعاملة...ومشت المرة الفالحة جابت القندول وجات...اها قال ليها ما بسطل براى قالت ليه لف لى معاك واحدة فى سبيل ما يسجنوك واقعد افتش فى المخرج انا ذاتى بسطل معاك....اها جماعتك سطلو صاح هو وحرمه المصون...بعد صنة من الوزنة المدنكلة ...الباب دق...اها المرة قامت على حيلها ولفحت توبها قالت بصوت عالى سجمى سجمى ...قال ليها مالك ..قالت ليه راجلى جاء...اها صاحبنا قام نط بالحيطة...هههههههههههههههههههههههههههههههههه
فونا فونا فونتا فونتا

طبعا يا ابقوتة كان لازم ينط ، لأنو فى فرق بين (بعلها) و (راجلها)

فونقا تمام

الريس الزول الكويس


لا فض فوك اخى الكريم


والله الواحد لما زهد فى البورد كله ياخى

مش كفاية اى فضائية تفتحها تلقى ذات الموضوع

تسلم لينا يا غالى وقد عبرت عنا جميعا


الله يديك العافية و..... الدافيه ..

هشــام .. ممكن أشارك بى قصيدة ؟؟


دارفور الجنجويد روضة
مردا رباح الصادق تماضر
رجاء المسلمين الكفار الجيش
الكوز الانقاذ الحجب الخيال
بكرى العنصرية الشرف
بروتوكل تقسيم سلطة
الترابى ست الشاى

Quote: دارفور الجنجويد روضة مردا رباح الصادق تماضر رجاء المسلمين الكفار الجيش الكوز الانقاذ الحجب الخيال بكرى العنصرية الشرف بروتوكل تقسيم سلطة الترابى ست الشاى

ما حا أرد عليك

على الحلاوى القصيدة نثرية الفكرة حلوة
عليك قراءة قصائد النثر للشاعر الفذ
سبيل وعرج شوية على الخواض..بس ما
تغطس فى ترجماته...التى تشبه همهمة الدراويش

دارفور الجنجويد روضة
مردا رباح الصادق تماضر
رجاء المسلمين الكفار الجيش
الكوز الانقاذ الحجب الخيال
بكرى العنصرية الشرف
بروتوكل تقسيم سلطة
الترابى ست الشاى

دارفور والجنجويد
حرباء جاطتت العصيد
ولم تجنى غير قليل الريد
رباح فوق القصيد
تماضر والشوق الشديد
رجاء العقد الفريد
المسلمون كانو اسود
الكفار الحقد الشديد
الجيش قاعد فى الحدود
الكوز ما عنه ايد
الانقاذ رجعتنا زمنا عديد
الحجب والخيال المديد
بركولات السلطة والمريد
الترابى شيخنا المريض
ست الشاى وتربية الوليد

أها يا هشام .. دى لو لقيت فيها كلمة من قاموسك لومنى .. لكن أبوقوتة ما ترد عليهو مضاعف



TIME STOOD STILL.
UPON THAT HILL.
PHOTOS FLASH.
INNOCENCE, A LAUGH.

WIND BLOWN HAIR.
MIST OF EVE.
SUNSET LIGHT.
BACKGROUND BACKDROPS.

FAMILY PHOTOS ON THE BEACH.
LOOKING BACK AT WILL.
TIME STOOD STILL.

IF FOR ONLY THAT MOMENT.
I CRIED AS OUR OLDEST DAUGHTER AND SON-IN-LAW (2-B).
WERE LOOKING AWAY AT THE SETTING OF A PERFECT DAY.

IT CAPTURED THAT MOMENT.
THAT MOMENT IN TIME.

THEN THERE WAS ANOTHER MOMENT.
AS I WATCHED WITH PRIDE.
MY BABY GIRL A TEENAGER NOW.
HUGGING ME AND BY MY SIDE.

OUR SON AND DAUGHTER-IN-LAW
HOW PERFECT THAT SMILE SEEMS.
HIM HOLDING OUR GRAND DAUGHTER(2-B)
BY THE SEAMS.

OUR FAMILY AT THE BEACH.
AROUND US IN THE SCENE.
WE'RE ALL TOGETHER OUT OF REACH.


AS TIME STOOD STILL...

وتسلم على الطلة البهية يا عمدتنا الجميل

دايرين نفرفش شوية

ما هذه القصيدة العصماء يا ابقوته

رغم أنى أشم فيها رائحة (سرقة أدبية)

لووووووووووووووووووووووووووووووووول

كده تمام يا على ، فونقا انجليزية خطيرة ، ربنا يزيدك

TIME STOOD STILL.
UPON THAT HILL.

يابنى انكل
انت زول جنتل
انا انسان منتل
انجليزى مش مشكل
بس ما لاقى لى حنتل
عشان غربة كانسل
وللسودان راحل
داير لى واسطة فى سوداتل
عشان اغنى ياصدر المحافل
وابنى عمارة مراحل
وازور المناقل
تايم استود استيل
على ذلك الهل


ابو الزبون دا عمل لى
وجع اضان عنده دى اس ل
خلاص كفاية
فونتا

يا زول يا هشام
كيفك وناسك الحلوين الفوق كلهم

اتذكرت امى لما كنا صغار وعازنها تدينا قروش نقيف جنبها ما بنزح ابدا تقول ليك ما تقيفوا لى زى الديدبان مرة انا قلت ليها ديدبان ده شنو ؟
لما فتحنا المعجم لقينا المعنى ( الديدبان هو العسكرى الذى يقف انتباه ولا يتحرك يمين او شمال ) لما كلمناها قالت لينا ليه عبد الله الطيب احسن منى بشنو ؟؟ والله لو دخلونى مدرسة كنت حكمت السودان .
وده كله عشان صادفت معنى ديدبان ما تقصده هى .
عليها رحمة الله .

الرصيف : هو على ما اعتقد قش بعملوه راكوبة فى الغرب . يلا يا ناس الابيض لو غلط صلحونا ، انا غايتوا شفته فى الابيض .

السهله : هو الحوش المرشوش بالخرطوش ومفرشين فيه الملايات بس ما تكون امريكية يا هشام ابدا ،، ملايات سودانية فى السودان نمرة واحد والله العظيم ما ساءلين فى امريكا لكن عقدة الكانون وانا حالفة ارجع السودان ما افرش كانون فى بيتى ابدا .

الدلقان او الخرقة : هى قطعة القماش القديمة

التكل ( بضم التاء والكاف ) هو المطبخ قديما فى السودان .

السودان كم انت جميل وحنين وحلو

اها يا اخوانى ،،،،
تتذكروا الكلام الحلو ده تمدوا كرعينكم طوال ( والله ما اقول رجلينكم) يلا يجى واحد منكم ويبتدىء ويضرب كل واحد فى كراعوا ويقول :-

يا ام احمد
دقى المحلب
فى توب احمد
احمد غايب
فى الركايب
جانا كلب
سنونوا صفر
حلب الناقة
فى الشنقاقة
تريد امك
ولا ابوك
ومعاها قرصة حارة يا حليل السودان يا زول يا هشام مالك علينا دموعنا كملت رغم انى بقى لى ايام والسودان الحبيب .

وراجعة ليك يا ود الشيخ يا اصيل

ام وضاح

والله انتى الأصيلة يا ام وضاح ، وكمان سودانية صميمة مية فى المية

الآن بتخيلك وانتى شافعة صغنترونه وبتلعبى لعبة البنات ديك البيرسموها فى الواطة ويقعدوا ينططوا فيها بى رجل واحدة بين الخطوط

تعرفى لى اسمها شنو اللعبة دى ، وتكونى احرزتى جائزة نوبل فى الفونقا

الاخ يا زول - تحياتى الحارة

انت حسى كلامك ده ما دوبك ختيت كباية الشاى دحين ؟

الكلام الذي ده ما بطلع الا من زولا (زلمى) مفنق

شكرا على البوست الجميل ده

أستاذ على اسماعيل شخصيا معانا هنا ن تسلم على الحضور الجميل يا دكتور (مقدما)

Quote: الرصيف : هو على ما اعتقد قش بعملوه راكوبة فى الغرب . يلا يا ناس الابيض لو غلط صلحونا ، انا غايتوا شفته فى الابيض .

أم وضاح .. الرصيف من متعلقات شوارع الزلط أما الصريف فهو حائط من القصب . غالبا ما يكون قصب الذرة

بس ما تقول لى إنتا زول جزيرة و عرفتو من وين .. دا من المصطلحات النقشتها من القضارف حيث لعبنا ..

هودنا
يا هودنا
ما شبعتا يا جنا

الدلقان و التكل ذكرونى المعراكة .. وهى عبارة عن دلقان يمسح به صاج الكسرة .. يوضع عليه الطايوق و قليلا من الزيت ..

اجى كيفن ما بعرفها
اسمها الحجلة ( بكسر الحاء ) .

انت بتعرف لى الميس ؟؟

اهم شىء نسيت اعلق على الكلام الفوق حقك .
والله انا مكجنه الكلام ده لمن بخاف افتح المنبر وبمسك الماوس وجرى عشان ما اقيف قدام كلمة منهم طبعا ما عدا حبيباتى الجندريات اوعك يا هشام منهن اظنك عاوز تزعلنا منك .

رايك شنو فى مكجنه دى فونقا هههههه !

مكجنه الحاجة دى يعنى بكرهها للناس المتفلهمين .

ام وضاح

على الهلاوى
وانت صاح يا اخوى هى الصريف
انا من كتبتها شايفاها غلط عشان كده استنجت بى ناس الابيض .

المرحاكة ذاتها كنت بفتش ليها ما عرفتها .
لكن انت ود حبوبات ساكت .

ام وضاح

Quote: على الحلاوى القصيدة نثرية الفكرة حلوة عليك قراءة قصائد النثر للشاعر الفذ سبيل وعرج شوية على الخواض..بس ما تغطس فى ترجماته...التى تشبه همهمة الدراويش دارفور الجنجويد روضة مردا رباح الصادق تماضر رجاء المسلمين الكفار الجيش الكوز الانقاذ الحجب الخيال بكرى العنصرية الشرف بروتوكل تقسيم سلطة الترابى ست الشاى دارفور والجنجويد حرباء جاطتت العصيد ولم تجنى غير قليل الريد رباح فوق القصيد تماضر والشوق الشديد رجاء العقد الفريد المسلمون كانو اسود الكفار الحقد الشديد الجيش قاعد فى الحدود الكوز ما عنه ايد الانقاذ رجعتنا زمنا عديد الحجب والخيال المديد بركولات السلطة والمريد الترابى شيخنا المريض ست الشاى وتربية الوليد

يازول يازول
سلامات
قصيده ابوقوته دي عجبتني خالص ياخي ضحكتني ضحك
عارف جد انا بشكرك علي البوست الجميل ده

خضر حسين خليل ، وأنا جد بشكرك على الحضور الجميل والمشاركة معنا

يا زول بالجمبة دي وبالجمبة دي

سكّج بكّج ( ود ابلنقة ) كبنقة
الرمة والحراس
حرينة (شدت )
بُمبة
سكوكية ( سك سك )
أم الحفر
بلي قزاز
بلي فريت
أم الصلص
صفّرجت
نط الكلب
ضوقلة
يا كديس مين نطاك
شليل وينو
حجلة
بوربرة
وحديثاً ( ليدو والسلم والثعبان)

يا زول رايك شنو نلم ناس البورد ديل ونلعب سكج بكج لأني صراحة عايز أفك الضقل في راس واحد

دقيقة نسيت وحدة
عريس وعروس

بالله اللعب اللعبة دي يحكي لينا عنها

كبسيبة الشين:

طلعت خطير فى اللعب يا فرده

بس (عرايس النيل) دى لزومها شنو؟

دى من الممنوعات

يازول .. بس عايزين من الإبداع الخطير دا ..

شيرى ملت الباندويدث

سلامات يا زول يا رائع ...

الرمة والحراسة

والمردعاب وهو مرادف للمشلعيب

وهرطقات أخرى ...


قطر ماش وعم الزين وكيل سنطور

وطول ما الدنيا سكة طويلة

مرة تهدي مرة تودي ومرة تدور

وعم الزين محكر في قطار الهم

يشرق يوم ويغرب يوم شهور ودهور ..

....

حفظنا السكة

محطة محطة

جبل موية جبل عطشان وجبل رويان

ود الحوري ودالنيل ودسجمان ودرمدان

أو هكذا تغنى عركي البديع

في النصف الأول من السبعينات (كنت أنت وقتها يا هشام في الجامعة كان ما أخاف الكضب) طبعاً أنا لسه ما كانوا ولدوني (لووووووول)

كان وقتها الرائع حسن عبدالمجيد (رحمه الله) ما زال سلطاناً في حوش الإذاعة ...

لعلك تذكر يا هشام رغبتي في رفع بوست (شيري ملت الباندويدث) ... شكراً ياحلاوي ....

بالشعر الهزيل طفشنا احلى بنيه
منتظرين كتير ومعانا حسن النية
لا جات ريحتنا ، لا جابت معاها سنيه
لا فاتت عديل وماتت قلوبنا الحية
وبقينا مشحتفين نتباكى يوت فى شكية
ونحلم بالرجوع يا شيرى حنى عليا
دوانا فى هترشتك ، وندفع كمان الدية
كلام الجنجويد واكل اللحوم النيه
طفش ناس كتار ، محتاجة للحنية
دواها قلم سنين من الله جاها عطيه
أداها الجمال وخلاها احلى بنية



داير جنس ده يا ود الشيخ

يا زول يا أصـيل أديـنا من "جنس دا" و كتّر
المنبر بالجنجويـد أتسـتف و عـايزنو يتفـلتر
تجـينا شيرى قـاطراهـا بـت قضيم تتبختر
و يجوا الطافشين بعد غيبة شايلنو سيف عنتر
يقصوا رقـاب أقـلاما كـل مـشـيها أشـتر
منبرا ما فيهو هترشة شيرى إنشاءالله يتجنـتر

هاك يا على ، منى الكلام أحكيه
كريت السوتو فى جلدها تلاقيه
القلب ان عشق خلق الله ما تخليه
والريد ان كتر حالن بيظهر فيه
ناس شيرى الظراف قعدن يدودرن فيه
أريت موية البحر لى عطشتو بترويه
ولا النظره بس ، أريتها كان تكفيه
دى الخلت على وأصحابو يضحكو فيه
وهو يحلم بى اللقا الصعبان وصولو اليه

ناس جدة فرطو فى شيرى
كل جمعة لبيتهاماشين طيرى
التقول عندكم دافورى
وهى قاعدة فى الحارة والديرى
ولامة فى الجداد واللحمة تحميرى
وانت فى الديون فاتحين مناخيرى
انت واساسى والزول الشريرى
وقرجة شايل ليهاالساطورى
البت مبدعة زى مادورى
بس تعمل شنو مع عمال الماطورى
التقول جاين من الباجورى
وقاطعين ليها بحورى
طيب كيف تفضى وتكتب سطورى
وتدخل على البوستات مرورى

هشام الشباب كانت معاهم زميلة من بنات دلهى بتسقط طوالى
مرة من المرات جاء معاها ابوها وقال للشباب انتم ياولادى
اتحادكم دا ما ممكن يحل مشكلة سقوط البت دى..فوجم رئيس الاتحاد
فانا شت ضفارى على طووول وقلت ليه ممكن يحلها..بس سوف نناقش
الموضوع دا فى الاجتماع القادم...بعد ما طلعنا قالو لى كيف
تقول كدا ..هل الحل عند الاتحاد قلت ليهم ايوة...يمنع
الشباب من زيارة البنات..عشان هن يقدرن يقرن
قونا قونا
هى فونتا ولا فانتا ياهشام لووووووووووووووووووووول

الباجور وا الماطورى تاسلو منهن ودقاسم

ابقوته الظريف مرحب حبابك عشره
تلقاك القوافى من غير زعل ولا كشره
تشيل شبال كبير من شيرى 10 فى 10
ونعمل ليك حجاب ما تضوقها قرصة حشره