ياجماعة حلمت حلم عجيب محتاج تفسير

أصبح المنبر الحر هاجسا كبيرا بالنسبة لى فقد صار المنبر جزء من حياتى بعد أربعة أعوام بالتمام والكمال من الاطلاع والمشاركة والقراءة اليومية لما يدور فى ردهاته ، والغريب فى الأمر أنى أكتب احيانا بعض المواضيع وأنا (نائم) ، اى اكتبها فى النوم وتختلط بالأحلام ، بل وتجئينى ردود من معظمكم ، وأظل أتحاور معكم طوال الليل بل وأحيانا نتشاجر ونتسامر ونضحك ونبكى سويا ، ثم أستيقظ صباحا لأجد كل ذلك ليس سوى (أضغاث أحلام)

اليوم كنت مرهقا بعض الشىء وذهبت الى المنزل فى فترة الظهيرة لتناول وجبة الغداء ، وبعدها أخذت غفوة ، وبرغم قصر مدة هذه الغفوة الا أنى استغرقت فى حلم ، اللهم أجعله خير ، وأظن أن له علاقة بما يكتب هنا ، فأفتونى يا أولى الألباب فى رؤياى:

رأيت فيما يرى النائم أننى متوجه الى مبنى كبير وضخم كالذى أعمل فيه هنا فى مدينة جدة ، وللدخول لهذا المبنى لا بد من التوجه الى المدخل الرئيسى حيث توجد أربعة مصاعد ، وعند الباب الرئيسى رأيت رجلا سودانيا شابا ، لم يسبق لى رؤيته ، ولكنى متأكد أنه أحد الأعضاء هنا ، لا تسألونى كيف يكون ذلك ، فهذا ما أحسست به من خلال هذه (الرؤيا) ، وكان جالسا على مسطبة كبيرة عند الباب الرئيسى وخالفا رجلا برجل ، ولابد لكل داخل أن يمر بمحازاة ذلك العضو ، وبمجرد مرورى قريبا منه اذا به يعدل من خلف رجله لينزلها بقرب رجله الأخرى فيضربنى (لا أدرى عن قصد أو دون قصد) شلوتا خفيفا ، فلم أتحدث اليه وذهبت الى المصعد ، وبعد أن دخلت الى المصعد ، غضبت غضبا شديدا اذ أنى لم آخذ بحقى منه وهو بالتالى لم يعتذر لى ، فخرجت من المصعد سريعا متوجها نحوه ، ولما صرت قريبا منه ضربنى شلوتا آخر متعمدا هذه المرة ، وببرود عجيب ، ودون أن يغير من جلسته ، فهممت أن أصفعه ، واذا برجل سودانى آخر ، وكأنه هو الآخر عضو فى المنبر ، يمسك بى مهدئا وسط خلق كثير من الداخلين والخارجين الى المبنى ، ويقول لى ياخ ده سودانى زيك ، ويطلب منى أن أنسى الموضوع برمته وأخذنى الى المصعد وأخذ بيدى ساحبا اياى الى داخل المصعد ، وفى تلك اللحظة رمقت الشاب الذى ضربنى بنظرة غضب شديدة وقلت له بالحرف الواحد ، هذه الضربة سأطلبها منك يوم القيامة يوم تشخص الأبصار للحى الواحد الأحد وسيأخذ المولى عز وجل حقى منك يوم القيامة ، ودخلت الى المصعد وفى حلقى غصة وفى قلبى حرقة ومرارة ولكنى فوضت أمرى الى الله فيه ، وسحبنى ذلك العضو الآخر ، الذى تبدو الطيبة فى سيماه وأغلق المصعد علينا، وصحوت من نومى ، لا أجد أى تفسير لما رأيت ، وكان أول ما خطر بذهنى هو أن أنقل لكم الرؤيا هنا وبكل تفاصيلها علنى أجد بينكم من يعبر الرؤيا ويعطينى تفسيرا منطقيا لها ، ولعلها تدرج ضمن (أضغاث أحلام) ، علما أننى الآن وفى اليقظة وبكامل قواى العقلية قد غفرت لكل من أخطأ معى فى هذا المنبر الحر ، وأطلب منكم السماح ان كنت قد أخطأت فى حق أى منكم يا أهلى وأحبتى وعشيرتى

بالله هل منكم من يعبر الرؤيا (دون سخرية) من فضلكم؟؟؟

سلام يا زول
اسمح لي اكون أول المعلقين.

دا خلي بالك بكون عمك الباندودث

loooooooooooooooooooooooooooooooooooooooool

يا سلام عليك يا حبيبى ، كده ريحتنى وريحت بكرى ابوبكر

غايتو شلوتا خفيفا دا ما انا

لو الشلوت قال (لب)ممكن نتفاهم بعدين



دا امكن بوست دين الانقاذ خلاك تهضرب وتجيك اضغاث احلام

في زول يقول جنس الكلام داك يازول

لا ، قطع شك ما انت يا اساسى ، لأن الشاب من الوزن الخفيف ، لو بس عمك خلانى ليه ، كنت ما صحيت لى هسع

بعدين بوست دين الانقاذ داك عمل لى شوية هضربة فى نفس ليلة البوست ولم اتذكر منها شيئا ، يمكن دى باقى هضربة ساكت ،

على كل ما تمشى بعيد يا صاح

غــايـتـو ما فـي زول بتاع شلاليت غير أسـاسـي دا و دي ما بختلفوا فيها إتنين

أما الزول الطيب اللي بمشي بين الناس علشان إهـدئ الأمـور دا أنا


و يا هشام نوم الضهرية دا خليهوا أحسن ليك

والله يا ابوحسين ، الزول الطيب فعلا ممكن تكون انت ، برغم اننا ما تقابلنا ، لكن يوم القيامة بوريك كان انت ولا لا؟؟؟

بعدين اساى من الوزن الثقيل والزول الشفتو من الوزن الخفيف فما افتكر هو اساسى

اخي الحبيب يا زول يا زول

سلامات

سأفر لك هذه الرؤيا و اتمنى ان لا تستاء من تفسيري ...

اعتقد انك انت ذلك الشخص الذي يجلس في مدخل المبني الضخم
- او عدد اخر مقدر من الاخوة الاعضاء الكرام - فهذا الشخص يمثل شريحة معتبرة من الاعضاء
مع احترامي للجميع ....

و اعتقد ان شخصية اماني السنى هي شخصيتك التي تراءت لك في الرؤيا ... يعني شقلبان
هي انت ؛ و انت - او الاخرين - من يصفعون دون سابق معرفة ...

و الباقي معروف طبعا .....

أرحب بالأخت أماني ســــــــــــيخة

كدي فكر عليك الله في التفسير دا بدون ما تزعل من اخوك ....
و لو زعلك التفسير فأنني اسحبه فوراً غيراسف عليه



و تقبل احترامي و تقديري

يا حسين ، انا ما زعلان ، بس حسب تفسيرك نحنا قاعدين نشلت فى الناس بلا سبب ، ويا ويلنا من يوم القيامة ، وبعدين نشلت فى منو؟؟؟ البنات


لا ياحسين دى كتيرة ، ومن دون زعل برضو

ياخ شوف لى تفسير تانى ، لأنو انا الحلمت ، مش امانى ، مع احترامى ليها

يا زول انت اتغديت نفر رز دجاج شواية ولا شنو؟؟

اتغديت مع الأولاد غداء سودانى عادى ، بطاطس باللحمة المفرومة ورز وسلطة ، وحاجات تانية حاميانى

Quote: يا زول انت اتغديت نفر رز دجاج شواية ولا شنو؟؟

يا أسـاسـي رز شنو ؟؟؟ و الله دي شكلها فته كوارع في الكرنتينة

الأخ العزيز هشام

تحية طيبة

رؤيتك جميلة جدا ومبشرة بخير.. طبعا الشيوخ في السودان يسألون الشخص عن اسم أمه.. وأنا طبعا أعرف اسم أمك، بل كنت محتفظا بصورتها التي نشرت في درب الانتفاضة وتأثرت جدا بالحدث، ولكن الصورة ضاعت مني للأسف.. وأعرف أختك، المرأة التي كتبت قصيدة عجيبة عن أمها الراحلة "قالت كونوا فكنّاها".. وأعرف أخاك الصادق "الزول الصادق" كما وصفه مرة الأستاذ محمود.. وأعرف ابن أخيك الذي كتب كثيرا ولكن أحسن ما قرأته له بوستا بعنوان "صاحب البستان" إنتو ذرية امرأة صالحة ورجل معلم ومربي، والناس يحبونكم.. وبعض الناس يسيئون إليكم، وهذا عهد الناس بالناس..
وأنت كظمت غيظك في الرؤيا، ولكنك لم تعفو عن الشخص الذي اعتدى عليك مرتين في الرؤيا.. ولكنك عفوت عنه في اليقظة.. فلحقت بفضل الآية مكتملة : "الكاظمين الغيظ والعافين عن الناس"

أما المصعد فهو إشارة إلى الترقية بالصعود في الدرجة.. بإذن الواحد الأحد..

ولك سلامي وشكري وسلامي على جميع أهل جدة.. وأسأل الله لكم الحفظ من خطورة ما نسمع عنه من انتشار الأعمال الإرهابية هذه الأيام في السعودية.. أنا أتابع بعضا من بوستاتك التي تكون في الواجهة ولكن بصمت..

ياسر

أخوى الحبيب ياسر الشريف

ولمثل هذا التفسير كتبت ما كتبت ، أشكر فضلك اخى الكريم فهو تفسير العارفين بالله ، وتفسير الأنقياء الأتقياء أمثالك ، فقد قبلنا البشرى يا اخى ، ونسأل الله أن يجمعنا بكم فى الدنيا قبل الآخرة لنتشرف بأخ لم تلده أمنا ، ونعم الشقيق ونعم الصديق

وكتر خيرك ألف يا ياسر ، ربنا يحفظك يا أخ الصادق وتماضر

Quote: وحاجات تانية حاميانى

ياهو دا ذاتو الخلاك تهضرب يا زول ...

أخي الخلوق هشام
ان شاء الله ربنا يجعله خير
وكما قيل أحلامكم أعلامكم

بس كدي راجع نفسك شوية في بوست سب الدين ... ولأنك تبعد 80 كيلومتر من قبلة المسلمين كدي أمشي وأعمل عمرة وماتنسانا من صالح الدعاء

يا زول يا زول سلام


وربنا يجعله خير


الزول الشلتك ده واحد من اتنين اما واحد عنده



عندك قروش ما رديتها ليه واما انسان محتاج


ليك شديد وهو ينبه فيك وانت ضارب طناش


والراجل الطيب هى التزاماتك الأسرية التى


تمنعك من رد الدين أو المساعدة



والله أعلم

الأخ رضا

وأنت سيد الأخلاق يا رضا يا امدرمانى يا اصيل ، بوست السب شرحت ما فيه الكفاية وعلاقتى بربى ودينى تعد مثالية بكل القيم ، والعمرة لا نستغنى عنها ابدا وربنا ما يحرمنا منها ، كمان ي رضا لا تنسى أن قبر والدتى موجود قريب جدا من الحرم ، وكل عمرة معناها زيارة للوالدة عليها الرحمة ، ورغم كل ذلك سأعمل بالنصيحة الغالية يا غالى

الأخ ود محجوب

شكلك كده ود فقراء ، وتصلح معبر جيد للرؤيا ، ولعل تأويلك صحيحا

شكرا لكما

هشام شيخ الدين يا زول يا جميل

لأسباب كثيرة جدا .. أنا مولع بتفسير الأحلام لدرجة أنني أملك عدة كتب منها. و هناك أحلام لم أستطع تفسيرها إلا بعد أن تحقق منها جزء ..

حلمك تفسيره كالآتي ( تفسير جاد ) :

المقر : يعني السودان
دخولك للمبنى : رجوعك للسودان
المصاعد : تعني أنك أمام عدة خيارات للدخول ( عطلة .. حدث .. عودة نهائية .. مناسبة )
الزول القاعد خالف رجلو : شخص يضمر لك خلاف ما يظهر فكن على حذر
الشلوت الأول : تضرر من الزول إياه
دخولك للمصعد و تناسي الشلوت ثم العودة له : ربما تكون قد أخطأت في حقه و لكنك ترى أن ردة فعله أكبر من غلطتك
الشلوت الثاني : ردة فعلك أكبر من غلطتك الأولى
الأجاويد : ستنتهي المشكلة بينكما و ستواصل صعودك ..

( أها كان عندك زباين عاوزين تفسير أديهم الإيميل بتاعي و نحن جاهزين خارج دوام )

أرقد عافية بأحلام هادئة

خطير يا ابوجهينة خطير عديل كده

تعرف يا ابوجهينة انا فعلا بيستهوينى تأويل الرؤيا ، ويا ريت تفتح لينا بوست مخصوص توضح لنا الفوارق بين الحلم والرؤيا وأضغاث الأحلام ودلالات التفسير ورموز الرؤيا ، والرؤيا الصادقة (رؤية المؤمن) والكثير المثير الخطر فى هذا الباب ،

ولزوم الونسة خلينى احكى ليك الحكاية دى (وهى من باب الرؤيا الصادقة):

زوجتى لها اثنان من اقربائها ، واحد فى الرياض اسمو (ودالشيخ) والآخر فى السودان اسمو (حاتم) ،

ودالشيخ يعمل صراف لأحدى الشركات ودائما تكون بحوزته مبالغ مالية كبيرة وقد تعرض لحادث بشع عندما كان يحاول صرف مرتبات عمال آسيويين فى المنطقة الصناعية ، فغدروا به وضربوه وطعنوه بالسكين عدة طعنات وقد وصلت احدى الطعنات الى الرئة ، وكاد أن يموت لولا لطف الله ، ولزم العناية المركزة لأكثر من تسعة ايام بلياليها ، حتى انقذه الله من موت محقق

حاتم ، شاب طيب جدا ، حسن السيرة والسلوك وهو يعمل فى مدنى ، وقد غدر به أيضا عندما طلب احد الأشخاص بليل توصيله الى قرية نائية تسمى الكمبو او شىء من هذا القبيل قريبا من مدنى ، والرواية تقول انه قد تم تسميمه عن طريق وضع السم فى مشروب شاى أو عصير او شىء من هذا الخلاف ، فانتقل الرجل الى رحمة مولاه من اثر السم ، وبعد البحث المضنى تم التوصل الى القاتل الذى اودعه مستشفى مدنى ثم اختفى ، وقد وجدته السلطات هنالك بعون الله الواحد الأحد ، وهو قيد المحاكمة الآن وسينال جزاؤه

العبرة فى القصة ، ان حاتم - عليه الرحمة - قد حكى لزوجته رؤيا رآها قبل وفاته بأيام ، فقد حكت زوجته عنه أنه قال لها أنه رأى فى المنام هو وودالشيخ وقد سقطوا فى بئر سحيقة ورأى ان ودالشيخ تمكن من الخروج من هذه البئر ، اما هو (حاتم) فلم يتمكن من الخروج ، وقالت له زوجته ، لعله خير ، وبعدها حدث ما حدث ، فى تفسير واضح للرؤيا ، دون الحاجة لشيخ يعبر الرؤى ، فانتقل حاتم الى رحمة مولاه (لم يتمكن من الخروج من البئر) ، اما ود الشيخ فقد سقط وهوى فى الحفرة ، ولكنه خرج منها ، (تمكن من الخروج من البئر وسلمه الله من الموت وعاش)

فما رأيك فى مثل هذه الرؤيا؟؟؟؟

الأخ هشام
بالله وأنت في العمرة ماتنساني من صالح الدعاء

لان دعاء المؤمن لاخيه المؤمن على ظهر الغيب مستجاب

والله دائما ادعو لك الله بالخير يا رضا ، حتى قبل ان تطلب منى ذلك ، فسبحان الذى لا ينسانا ولا ينساك

يا زول

رحم الله حاتم

سأعود لك بالتفصيل الممل عن كل تساؤلاتك .. شيل الصبر و أرجاني
تسلم

طبعاً مستحيل أكون أنا الزول الضرب الشلوت
ولا حتى القاعد
ولا حتى الحايمين جوار المبنى
ولا من الناس البيحجزوا
تعرف ليه ؟؟؟
لأنني منذ أن حضرت الى السعودية لم أحلم يوم واحد وأنا على الأرض
بس مما أخت راسي في المخدة
وهاك ياطيران
دائماً أحلم وأنا طائر في الهواء
الشيء الذي يغيظني
انو ما حصل ولا يوم قابلتني واحدة طائرة
لكن تأكد لو كان الشلوت في الهواء
بيكون مني

اللذيذ ابوحراز

روحك الشفافة هى التى تطير بك دوما محلقة فى فضاءات علية

اقتراح:
لو ضربت فول مظبط فى الليل قبل النوم ، حا تعمل هبوط

الحبيب العزيز يازول يالذيذ تحياتي

مدام انك استبعدت اساسي وان الحجم ليس كما هو فتحليلات المفسر العظيم وقارئ الكف الرهيب أبو جهينة هي أقرب للصواب والله أعلم
بس اختى ابو حراز دا عندو حاجات كده لو مرت عليك حيخليك مشعلل الليل كلو
قال طائر قال
طائر يشدو على فنن لووووووووووووووول ياتفاحة البورد

أخى ابراهيم على

شكرا على المشاركة معنا فى الأحلام ، وابوحراز حكايتو حكاية

العزيز هشام

الشلوت في الحلم هو دفرة لي قدام

فتوقع ترقية قريبا ..وتحسن في احوالك المدفورة

اما الحجاز ... فهو شخص غير مرغوب فيه خصوصا في احلام الضهرية

فهو بحجازته قد منع عنك شلوتاكان سيرفعك درجات

والله اعلم




ههههه تاني تجي ؟؟

يا زول يا زول

طبعاً أكيد أنا ما عندي علاقة بالحلم ده
لأنو صراحة بخاف على باقي سنوني دي من المشاكل
لكن كان جاك أبو الكباس أوعك تلومني ...سمح

قرجه
كبسيبه

حضوركما الزاهى اضاف للبوست نكهة الزهور والورد لأن حبكما شتلوه جوه قلبى

العزيز المحترم هشام
وياتيك ود العمدة بالخبر اليقين
ياخوي انت شايل هموم المنبر للدرجة البقت تظهر ليك في النوم وتهلوس بيك عارف ليه لانو المنبر مرة بفترة عصيبة شدت كل الاعضاء والزوار يعني زي فترة ( عكران البحر ) شفتا لمن البحر يعكر عندنا في الباوقة كل الناس بتخاف من الهدام لانو بيهدد الجميع
الزول الاداك شلوت دا رمز لاعضاء المنبر المتحاربين والمسببين ليك ولينا ازعاج وقلق دائم الشلوت الصغبر الخفيف نوع التراشقات الخفيفة زي حقتنا الكبير دا زي حق ناس اساسي وروضا وابراهيم على ودينق واحمد حنيين ديل شلاليتم مزعجة ومخيفة شلاليت ودلاديم ( جمع دلدوم )
موقفك انت موقف الغيور على المنبر وعاوز تخش عشان تصلح وما عارف الدرب كيف يعني مجهجه
الزول الجودي الجاك وقال ليك ياخ دا سوداني زيك اعتقد انو بكور لانو شايف اعضاء المنبر ديل كلهم سودانيين وزعل الاخوان زي ما قالوا شبع بطيخ اها كلهم في النهاية بتلاقوا وبيسامحوا بعض وبتفشا الزعل وكمان قالوا المصارين جوا البطن بتتشاكل
اما موضوع يوم القيامة دا لي ناس رجاء وبيان البيقولوا حسبنا الله ونعم الوكيل وتركوا امرهم لله
يلا كلنا نقول معاهم حسبنا الله ونعم الوكيل على الشيطان الدخل بيناتنا وعاوز يفرقنا
كلنا في المنبر اخوان واحباب وحقوا حلمك دا يكون بداية صفحة جديدة لمنبر جديد وبيت جديد ولتعم المحبة بيناتنا وليملا الارض السلام
محمد

شكرا اخى وحبيبى ودالعمده على هذا التحليل الراقى ولا نملك لا ان نؤمّن على دعائك ، آمين يارب العالمين

الأخ هشـام،
الرؤى عادة لا تنحصـر فى ظاهـرهـا.. البـورد مثلا..
والتفسيـر الذى تبادر إلى ذهنى هـو أنك فى طريقك إلى الصعـود، (المصعـد) ستجـد العـوارض والعـوائق (الشـلاليت) حتى يثنوك عن الدرب الصـاعـد.. وهـذا ما حـدث لك فى المـرة الأولى عنـدما تركت (المصعـد) وعـدت إليـه، فأعطاك شـلوت أقوى، لأن الحكايـة نجحت معاه، ولكنك فوت عليـه الفـرصـة بأن كتمت غيظك وواصلت الصعـود.

تسلم يا ابوريش ، تفسير حكيم يدل على انك متمكن فعلا

سلمت

الخال يازول يازول ..
انت زاتو النايم ليها شنو .. عشان تحلم ..


ابوالريش ..
حمدللالك علي السلامة يا زول ..
وما تقطع ..

والله يا حميده اخوى صدقت ، أنا النائم ليها شنو؟؟؟؟ خلينا أخير فى أحلام اليقظة

اول حاجة يا هشام انت ما حددت
الشلّوت دة وين.. عشان انا بعرف
شلاليت البورداب كويس‍‍‍‍‍‍ ؟ وغير كدة
انت شكلك كدة كترت في العشششششاء

حبيب نورة:
ياخ قلنا ليك غفوة بعد الغداء ، تقول لى تقلت فى العشاء
وبعدين يا حبيب الشلوت بدوه وين؟؟؟؟ بطل المسخة حقتك دى