يخوانا حبيب نوره ده فقرى شديد

حبيب نورة كاتب ساخر ممتلىء بالروعة والابداع ، فهو يطوع قلمه أينما شاء وكيفما شاء ، استعرضت بعض بوستاته مؤخرا ، وخرجت منها بفكرة هذا البوست ، وهى مجموعة مقتطفات من كتاباته هنا وهناك ، تصلح تواقيع لأعضاء المنبر ، فتأملوا وتخيروا لأنفسكم توقيعا مقتبسا من كتابنا الجدد ، المبدعين ، المجانين ، البسطاء ،

خذ مثلا:

Quote: قالدت الحاجة .... ولحست رجول الفال أتبرّك .... وبعد ما شربت سلام الشوق البكري!!! .... تاوق حلقي بفتّش طعم البركة وكيف الحال !!!

وخذ هذا:

Quote: العيشة .... وناس الشارع...... رطل السكر ..غنماية شايا ....وحاجة بتول مشــاطة الحلة الوداعية ....... فطور الشــّفع وحق الحصــّة ال في العصــرية....

ثم هذا:

Quote: اصلوا الحال بطّال يا ناس ..... جاطتني مغايس زمن الترحال....

وهذا خترى:

Quote: عندي المــزيد من الغـرور فلا تزيديني غرورا , أكثر منك أن لم أكن مثلك , لا تفاخــري بأشيائك , فيكــفــــــيني ان أقبض علي زناد قلمي ,,, لأغير كل الانظـــــــمــة

عاينوا جنس ده:

Quote: أنا من يافا أنا من صفدِ ,,, طـــعنوا كبدي ,,,,,,, سرقوا بلدي ,,,,شنقــوا ولدي ,, قلباً ما عـــرف الياسمين ,,,, لم ينبت فيه الليمــــون ,,,,,,,,,,,

عاينوا ده:

Quote: حلــمي !!!! أواه يـا نبـض الامنـــية فيني الذي توقف عن العــــزف , وتقــطّعت أوتــاره في صبـــاح بكــائية اللاامل , يـــا حلــــمي .. تبّت يـديـن لا تبـكيـك , ولا تـزر الرمـــاد علي كل الرؤوس

ثم ده:

Quote: معــــزور الفــــرح اللمــــلم نفـــســـو وقـــبّـل وشــــّوا و أصـــبح جــــــــــافي لـي متــين يرجـــانـــا ونــحن نـكـــابر

ثم ده:

Quote: أريدك ان تكلمينني بحديث الرزاز , حين يجف الحلق من الحنين ,, لم أقل أنني أريد ان ارفع كفي الي السماء , وأستغفر الله لاني قد هويت ,, ولكني استغفره لاني قد هويت في هذا الهوي .

يخوانا حبيب نوره ده فقرى شديد

هشام يا حبيب
ياخي معقولة بس انا أطلع دة كلو؟؟
لكن ما بالغت الحروف وكان للمفردات والله ما
فضل ألا يربطوها ويودوها مستشفي التجاني الماحي
!!!!!!!!!! ياخي دقيقة بس ! هسة بجي
اقوم أجيب لي كباية شاي حمرررا وسجارة من نفس
الفصيلة وراجعين زي ما بقول دريد لحام....

عندما تسقط لغتي من كثرة المعارك التي خاضتها من اجل البقاء رافعة للواء الكلمة الشجاعة , وأحس أن حروفي ترتجف ولا تستطيع أن تصمد في أول نزال وحوار مباشر , هذا الــشئ يقـتلني و

يحيلني رماداً في السـاعة ألف مرة , فأنا ربطت مصيري بمصير ( ديكارت ) الذي قال : أنا أفكر أنا موجود ,,, فأذا كانت الفكرة هي دليل وجود , أذن الرحمة علي المفردة التي خرجت ولم تتنفس الاكســجين الابداعي , فأختنقت , ولكي أعيدها الي الحياة مرة أخري أحتاج الي معجزة سيدنا ( عزير) وأمتطي حمار بعثهُ ومع ذلك أخشي أن يقف الشــيخ وحماره , في عـقبة الوعي الصـدئ.

القصور الفكري , هو نبت شيطاني , هزمني في فجائية لا أدري لها سبباً مقنعاً , وان كنت أرجحُ تناقص العامل الاستفزازي , الذي يحرك عجلات اللغة العزراء فيني , فأنا مثلي مثل كل الشعوب العربية , لاتتحرك من تلقاء نفسها , وانما تحتاج ألي عدوان ثلاثيني لكي تقوم بمظاهرة , او ترمي علي العدو حجرا , لايقتل ولا يغني من يهود !!, فأن أردتُ لها أنبعـاثاً يأرخُ لعصـامية الفكــر فيني أجدها تأطــّر لجــدلية أسفافية , بنفس الفجــائية التي نقـلت ميدان الكلمة فيني , من بوق ونفير وسيف لم يري وهو يلوز ببطن الغمد ساعة أحتدام الصـليل , الي لغـــة الاعـــلانات التلفزيونية , التي دفعتني دفعــاً الي الجــلوس في حضـرة أخصــائية التجــميل اللغوي وأفــرط في وضــع البودرة والمســـاحيق علي وجه قصائدي , ولكني لا أنسي انها لغـــة الظلام , لا أستطيع أن أواجـــه بها شمس الحقـــيقــــة , التي ما أن فعلت ستذيب القناع في وجــهي ? تكشـف سواد الفكــرة فيني , ? تعرّيني في قلب الزمهرير , فأجدني ألتحـفُ قـلة حيلتي , وارتجــف فلا عاد هنالك منطقٌ يغطــيني.

اليوم قررت ان ألقي الحجــاب علي الكلمة اللعــوب , واغطيهــا بنقاب الحقــيقــة المطلقة , بعد اليوم لن أدعها تخـرج تتسول الهـوي في المنتصف الاخير من الليل , بعد اليوم لن تكشف كلماتي عن صدرها وساقيها , ولا تتمشي سافرة متبرجــة علي أرصــفـة الحـدائق العامـة والشواطــئ , سأعلن حظـر التجـول علي شعري , بعد اليوم لن تري لي قصــيدة في بلاط أمير المؤمنين , ولن يلقي في وجهي كيس الدراهم التي كثيرا ما أغتالت لساني في وضح النهــار

سأشتري صك تحرير كل القوافي , ولن تري لي مقاطعاً في قافلة رقيق , اليوم فكّ رقبة كل الشعر !!, ولن اتصدق ولن أطعم أبن السبيل , وأكتفي بأن أضع كل ما قلت في بيت مال القارئين , وأترك الامر كله للخليفـــة ,منذ اليوم انا غير مفوضٌ في شـعــري .

احـس أن كـوّة الوهج تتفجــر الان في مخيلتي , فينبعــث الضـــؤ من بين الصــلبِ والترائـــب , أشـعر بعلامات النبوة الاستقلاليةفي قلمي اليمين , والصوت القادم من الامس المتسخ يهزني بعنف ويقول لي أكتب . اكتب .اكتب !!!!!, وما انا بكاتب !!! ياللسخــرية ويا لحقارة أقداري , أيها الصــوت القادم من غــارأمسي , ألم تدري بأن ملائكة الحرية قد زملوني ودثروني ؟؟ ليس هذا فقط , بل وأخذوا علي قلمي تعهد علي مشهــد من القــوم تحت ظل هاتيك الشجــرة ? عاهدت القوم علي أحطم طبول حربي , وأن ألغي تصديق مزاد الكلمــات المغشوشة , واخطــر بلدية الشعر بأن سوق عكــاظ مخططٌ عشــوائي يجب أن يصدر أمر بأزالتهِ , وأقــامة محكمـــة لجرائم الشعر في نفس الخيام التي نصبت للخداع وزيف المفردة التي فقدت بكارة طهــرها في ليلة زفاف الحـلم .

انه عصر الــسادة يا هـؤلاء , فلتبشر الجواري وليفرح العبيد ,في أسواق النخاسة , فقد جاءهم جيش التحرير بما لا قبل لاهل مكة بهِ

ولن يكون هناك اّمنٌ من سهامي , فماذا تروني فاعلٌ بأصنامِ يأسي ؟؟ لا أستطيع ان اعد أحداً بان أكون أخٌ كريم ولا ابن أخٌ كريم , ? لكني فقط ,,, سأقيم سرادقاً للعــزاء ? أبكي صـخـراً.

كل ما سأفعله انني سأترك للفجر مجالاً لأطــلالةٍ هــطـول الضــياء ,

بعضُ الضياء يحتاج الي غـيوم ? تلفـنا بالسواد الحالك , لتنكشف كبد السماء علي نثار سنا الاضواء تجــترُّ البريق أمكانية للاشتعال , لترتوي فينا المساحات بالشموس .

كنت محتاج ألي هذه الوقفـة , محتاج ألي أن اشهر أفلاسـي وأقلّب دفاتري القديمة , ولكني لن أسـتدين أبداً , سأجـوعُ وأجوّع كل القـراء ولكن لن أمد يدي طالبا حـفنة افكــار , لسـتُ مجـبراً أن أكــون

طــائياً ? لا أوقد ناري للجميع حتي يتدفأوا بنار قصــيدة , ســأجعلها

فقط لمن ألمحـــه يرتجــفُ من شـدّة الحــر حين يكونُ الشــتـاء ,ومن يلهـثُ عطـشاً في مـوســم المطــر.

أريد أن أعيد تقـييم الوضع , وانا سأعمل لتصــحيح كل أخطـائي

ولن أحيد عن هذا الدرب ما استطعت , سأكون في نفس المسار الذي منه بدأت شعلة الوميض انني أكتـشـفني من جديد.

من قــال أن أقتراني من الكـلمـة زواجــا

كـاثـوليكـياً ؟ فانا يمكنني أن أطـلّق جميع

نســائي و أسـتعيد عـزوبيـة انفعـالي , و

أثـقُ تمـامـاً أنني لن ألبس خــاتماًماسـيّاً

يربطـني بقـافيـةٍ ثـرثـارة ,أحـتاج الي

كـلمةٍ عــانس أنقطـعت عنـهاالخــدعـــة

الشهــرية , فلا تنجــب زيفــاًو لا تمـلّق ,

سـأحـاول ان انسـي خـارطة طـريق المـأذون

الـشــرعي أن كـان يزوجـني الاكـــزوبـة.

يازوول...سلام يا حبيب .. وسلام يا حبيب نورة
العاجبني فيكم يا ناس جدة حبكم الشديد لي بعض..

وهاك دي من كلام قريبك الزووول الوطن..


غايب السنين الليلة مالو غنا العصافير غلبو
طراه زولا كان ولوف كم رضي خاطره وطيبو
سمع قليبو كلام حنين هدهد مشاعره وزوبو
الناس سعيدهم في الحياة لا ضاق فراق لا جربو
انا حالي في بعد الوطن دفعني ضي العين تمن
وياريت حالنا في الغربة يكون مليان محبة وحنية زي حالكم يا ناس جدة

حبيبنا وحبيب نوره
نتسلل خلسه بين ازقه كلماتك دون ان ترانا
فارفع قبعتى احتراما ليراعك الساحر
والغريبه الساعه بين احرف يراعك تبدو اقصر من دقيقه
ولك كل الود

Quote: حبيبنا وحبيب نوره نتسلل خلسه بين ازقه كلماتك دون ان ترانا فارفع قبعتى احتراما ليراعك الساحر

أما انا يا صادوح
فأتسلّل في كبد الظلام
لآسرق لكم مجمة ضواية
جاءت لتوقع علي دفتر
حضور المساء ومن ثم
تغادر المجرّة لتنام
في حضن الآفول الكبير


لا أريد للكلمة أن تضطجع
وتعلن البيات الصمتي
أحتاج هتافاً يا هذا!!

Quote: يازوول...سلام يا حبيب .. وسلام يا حبيب نورة العاجبني فيكم يا ناس جدة حبكم الشديد لي بعض..

نحن ناس بنعيش حياتنا
صادقة بالنيّة السليمة

أحب هذه الابنوسة التي تسبح في فنجاني , فانا عندما بايعتك ملكةً علي قلبي , فعلتها بكل جنوني وبكامل قواي العاطفية , واعطيت السلطة وارسلت لك رسائل التأييد وباركت لك الانقلاب السلمي القائم تحت ظل قوانين التوالي الوجداني , ولكني أشترطت عليك الاحتفاظ بجنسيتي , وانتمائي لسوداني الكبير , أريد ان اكون من عامة الشعب والرعية , والتحف فقري و اتوسد قلة حيلتي ... اكون سعيد تماما و لكني لا ابدل كل هذا بقصرٍ في المنافي ...

اتجرع طعم دخان سجائري الذي تمكن مني , و انتزع نفساً عميقاً من فنجاني متمسكاً بقسيمة زواجي من عقلانيتي , رافضاً طلاقي و انفصالي ,فان هانت علي العشرة والفكرة والملاح , فلا يهون علي ابدا بنات افكاري ,, أتشبث بهن , واقرر من جديد

في حياتي والفكرة اعادة الموازنة اليّ ,, وترجيح موازين القوي في هذه النقطة اتي أرهقتني كثيراً ....




احبك يا انا وتسلم مرة تانية يا أستاذ هشام شيخ الدين يا حبيب

هشام يازول كيف حالك
قبل كم يوم أنا نبهت الناس القريبين مني كلهم قلت ليهم أعملوا حسابك حبيب نورة دا بفلِّق بالحروف الكبار إنت كنت مافي اليوم دا هسع البركة الجيت وشفت بي عينك وحذرتنا منو

Quote: قبل كم يوم أنا نبهت الناس القريبين مني كلهم قلت ليهم أعملوا حسابك حبيب نورة دا بفلِّق بالحروف الكبار إنت كنت مافي اليوم دا هسع البركة الجيت وشفت بي عينك وحذرتنا منو

بدر الدين شنا ؟؟!! الخلاء علينا يا ود أمّي!!
يا زول مالك داير تقوّم علينا القيامة ونحن
لسة لا جني لا تني !! دي حالة عليكم الله ..؟؟

أحيي هشام على حسه الصادق الذي مكّنه من هذا الاكتشاف ،، ففي زحمة المنبر وغليانه تغوص الكلمات الحلوة لتستقر في القاع حيث تجد الماء صافيا لتبقى فيه حتى لحظة الصفاء ، فتخرج مرة أخرى ليتنفسها الذين منحهم الله عقلا يميز بين الجمال والجمال والقبح ،،
وحبيب نورة ( وهو حبيبي أيضا ) شاب غاية في الجمال ، ورائع حد الروعة ، ولكأني يا هشام قد اكتشفت هذا من قبلك ، لكنني لم أصرح به في بوست منفصل كما فعلت أنت ،، لذا تجدني أقرأ ما يكتبه حبيب نورة وأحيانا أعيد قراءته وأتأمل ما يكتب ، وفي كثير من الأحيان أسرق منه بعض لغته ،،
وأتمنى أن لو يأتينا ناقد همام ومتابع لبق كهشام ليحدثنا عن مبدع آخر في المنبر تعجبني كتاباته وهو الأخ علي الحلاوي .
لكم محبتي جميعا ..

Quote: لذا تجدني أقرأ ما يكتبه حبيب نورة وأحيانا أعيد قراءته وأتأمل ما يكتب ، وفي كثير من الأحيان أسرق منه بعض لغته ،،

والله عظيم الشرف يا أستاذ ود قاسم انو واحد بقامتك
وهامتك يقول الكلام الجميل دة في حقّي ... وانا ما
بالحجم دة ...بس دة من شعوركم الطيب النبيل.....

لكن كدي أنسعلك.. البلد دي ما فيها حكومة تسرقوا ساهي؟؟!

الاخ هشام ودالشيخ
رجل فى قامة ود الشيخ كتب سطور فى شان شاعر شاب مغامر كلماته لها ضوء خافض لا يبصره الا اصحاب البصيرة الثاقبة...بالله عليك الله ياهشام واصل تنقبك فى المبدعين الشباب حتى يظهروا وسط هذه النجوم المضئة..طبعا حبيب نورة اصلا نجم لا يتاج الى تلميع لكن لما تجى اشادة به من قامة كهشام اكيد دا رصيد ليه. والكلام دا كله قلته عشان يجينى الدور بس وقتها ياهشام ارسل كلامك بالماسنجر للاخت تماضر عشان عشان يكون المع حبتين..شكرا ليك لقدنقلتنا من التنشنة والهكر وكلامات واحقاد تركتنى لا تلامس اصابعى لوحة المفاتيح
لك ودى

أبو قوتة قنبلة الود الموقوتة
فيك الخير وربنا يقدرنا علي
الجميل دة وما قصرتوا تب معانا
أشتـــقت ألـــيك فعـلمـني أن لا أشـتــــاق ....

علمــنـي كــيف أقـص جـزور هــواك من الاعمــــاق

علمـــني كـيـف تمــوت الدمــــعة في الاحــــداق

علمـــني كـيـف يـمـوت العـــشق وتنتحر الاشـــواق

Quote: يخوانا حبيب نوره ده فقرى شديد

يازول يازول فقرى شنو ده الفقاره بعضا منه وتذكر لما مرة
اخر الليل انا وهو سرقنا البوست بتاع الحقيبة بتاعك يا زول
ده جن راسو عديل ..يسلم هذا الفخم الضخم وتسلم انت ياود خالتى،،

Quote: يازول يازول فقرى شنو ده الفقاره بعضا منه وتذكر لما مرة اخر الليل انا وهو سرقنا البوست بتاع الحقيبة بتاعك يا زول ده جن راسو عديل

صديق الموج
والله انت ختري شديد
خاف من الله ياخ!!!
نحن ما سرقنا بوست الحقيبة!!
نحن سرقنا اللحظة المهيبة!
نحن قلنا الجمال دة كلو كتير
علي ود هشام ود الشيخ!! حبينا
يكون لينا في الطيّب نصيب!!
واللا شنو؟؟
وبعدين تعال أنسعلك !! انت
الموج دة سايقك واللا انت
الغيم البسقي وريدو؟؟
انت نشيدوا وانت قصيدوا
وانت الفال النوّر عيدوا

الأحباب

حبيب نورة
تولوس
صدوح
بدرالدين شنا
ود قاسم
أبوقوته
صديق الموج


تنحنى هامتى اجلالا وتقديرا لكم على هذا الحضور الجميل ، ونأمل أن تسعدوا ويسعد بقية القراء بهذا الألق (الحبيب نورى) البديع

وشكرا مرتين

Quote: ونأمل أن تسعدوا ويسعد بقية القراء بهذا الألق (الحبيب نورى) البديع

أن الحروف تموتُ حين تقالُ

عزة من حواء ,,,

وحواء كائن ,,,

نصفه أنثى و نصفه حلم .

وآدمك ,,,

كائن

نصفه عزة

ونصفه وفاء لحواء.

أكتفاك الذاتي إنكفاء .

جرد مشاعرك من قهرك, تلقى جواك حواء مالية نصك نصين , حلم وحلم الحلم الأنثى حواء .

غني للمطرة

تنزل مطرة تغسل أحزانك , تخالط دمعك , تغازل شعرك , حروف ورزاز ,,,

خليها مطر رحيق,,,

أو

حبل سرّي من شريان حواء ,,,

تمطر تسيل التفاصيل وعثرات الحب , فذاك الحزب أجاز الحب في برلمان قلبك بالإجماع فطرة .

وبرضو تحكي ظلمة الليل العاشر؟؟؟

مرة عــزّة وأدت حبي في الليلة الأولى ولساي منتظر الليل التاني وإن طال ,,,

تحكي عن ظلمة الليل العاشر ؟؟؟


أراجوز الدواخل يا أراجوز

يكفيك ضحكة دواخل

ما يهمك مداخل

أو مصير

واصل مسير

ولو كان باب دخولك خروج

تبلدي يا حبيب

Quote: يحيلني رماداً في السـاعة ألف مرة , فأنا ربطت مصيري بمصير ( ديكارت ) الذي قال : أنا أفكر أنا موجود ,,, فأذا كانت الفكرة هي دليل وجود , أذن الرحمة علي المفردة التي خرجت ولم تتنفس الاكســجين الابداعي , فأختنقت , ولكي أعيدها الي الحياة مرة أخري أحتاج الي معجزة سيدنا ( عزير) وأمتطي حمار بعثهُ ومع ذلك أخشي أن يقف الشــيخ وحماره , في عـقبة الوعي الصـدئ


يازوول ..يازوول
..والحضور الجميل

حبيب ... ونورة...الاتنين معا....طبعا دي غنية شعبية جميلة ..الاتنين... الاتنين الليلة وين

أنت بنيت..المفردة.. صرحا مشيدا يبهر الأعين... ويخلب الابصار ... عمده... من النغم الجميل وسقفه منقوش بالفسيفساء وأرضه من الحب الشفيف...وعلي الجدران منحوتات من لون الشفق وتماثيل عملاقة من ذهب الوعد القادم... لحوريات عاريات..في يسراهن كؤوس من خمره الحب المعتقة بحلم الزمن الخرافي...ونقلت لنا من سهول الربيع زهورا برية ألوانها شتي.. وغرسها يسلب العقول...ومنحتها من أنفاسك العطرة مماجعل دواخلنا تبرد وتستنشق الآمال... وتحب نورة تاني وتاني

الاتنين..الاتنين ...الليلة وين

تسلم يا تولوس

يا زول يا زول
أنت السماءُ بدت لنا و أستعصمت بالبعد عنا

والكلام دة ليك انت وبث يا حبيب
الزول زولي... زول الناس الكانوا حنان..معني العفة

وريحة الطيبة البين عينيك..وأبقي معاي يا شرف

الكلمة الحسوا بنادي الدنيا ترجع لي قيمة شكل

البكرة الاصبح حلم..

مرحب بي زولنا.. الاستاذ هشام الذي أشتهرت

به المنابر .. وتفاخرت به الاقلام و أدعت نسبه

الدفاتر ... كلنا حنقيف أجلالاً للرمز العملاق

( يا زول يا زول) وكلنا يعرف الرجل ولكنا نحلم

بأن نكون الرجل.. وأعتقد أن كل كلماتي ستموت

علي جدار قوافيه بعد أن فاض منها الدمع مدراراً

علي حائط المبكي .. بعد أن أدركت انها وصلت الي

سن اليأس وما عادت قادرة علي الأنجاب و غادرتها

الأنوثة الي غير رجعة.

التحية ليك وأنت تضيف فحولة أقلامك لتسترجل بها

مراهقتنا الفكرية.. وتصبح قادرة علي المضي قدماً

في طريق الحياة.. التحية لك وانت تهزم مفرداتنا اليتيمة

وتكفلها وتضمها الي دار الرعاية الادبية لتشب عن الطوق

كلماتاً شجاعة .. تدرك كيف تشهر السيف حين العراك

وكيف تحقن الدماء رغم الرصاص .. وتفهم معني أن ترفع

الراية البيضاء خوفاً علي روما من ( نيرون) وتزاحم اللهب

وعمق الحريق...

يا زولنا.. أبقي عشرة علينا... وخش بي قلمك اليمين

وبيني وبينك الايام .. ولهفة شوقنا لي صوتك ملان بي

حس مراكب شاقة بطن الموج.. وزي ما تقول حروف وعدك

تردد يابة سمح القول.. ولي قدام عشم ممدود قدح كسرة

كلام ناساً حنان بالحيل ... و أشوفك حلم..

Quote: ...ومنحتها من أنفاسك العطرة مماجعل دواخلنا تبرد وتستنشق الآمال... وتحب نورة تاني وتاني

وأحبك يا تولوس تاني وتاني وتاني

خالص التحيه
الاستاذ زول يا زول
الساده المرور خالص التحايا
انت عارف يازول انو حبيب نوره ده دخل قلبى وحبيتو يظهر عليهو زول حبوب والذ جاجه انو فقرى وطلع (د......)ربنا يدهو العافيه الصديق العزيز حبيب نورا ..
واتخيل كل البعمل فيهو ده قال حبة قرايه طيب لو كانت نص قرايه كان عمل فينا شنو كان ما خله فينا زول فى المنبر ده رينا يكون فى عونا منو
وتسلم يازول
واحلى قصائد حميد لحبيب نورا ولى نورا الام الاخت الحبيبه وكل شى...


نـــــــــــــــــورة والحـــــــــــلم المــــــــــــــــــــــدردح
هي .. أقيفن .. نورة فيكن
نورة نقاحة الجروف ..
نورة حلابة اللبيني .. للصغيرين والضيوف
نورة ساعة الحر يولع .. تنقلب نسمة وتطوف
تدي للجيعان لقيمة
وتدي للعطشان جغيمة
والمخلي الحال مصنقر ..
في تقاة الليل تندقر .. تدي لي باكر بسيمة
تكسي للماشين عرايا وفوقا إنقطع هديما
ما عرفتن نورة إنتن .. قولن إنتن شن عرفتن
نورة بت الواطة أخيتي .. نورة اخت كل الغلابة
نورة حاحاية الشقاوة .. نورة هداية الضهابة
الاراضي الياما أدت .. نورة بقت من ترابا
وماشي في الأعماق سحابا
مشتهنها .. والله جابا
للجنوب طبلاً يهدهد .. لي مشاعر ناس تعابة
وللشمال طنبور يسكت .. دمعة الميتين كآبة
ما عرفتن نورة إنتن .. قولن إنتن شن عرفتن
نورة عايز تقرأ قالت
فوقا حيطة الدنيا مالت
ختت الكراس وشالت
منجلاً صالت به جالت
لامن إنجرحت به شالت
للتراب فوق إيدا كالت
ومرة يوم في الدونكا لدغت
جاء الفقير بالليل حواها
ويوم ملاها الهم قطايع .. جاء البصير بالنار كواها
ونورة ما قدرت تمانع .. تقنع الناس المعاها
ومرة شافت في رؤاها طيرة تاكل في جناها
حيطة تنمغى وتفلع .. في قفا الزول البناها
في جنينة سيدي سمعت .. تمرة تصقع للوراها
الأرض لابد ترجع للتعب فوقا ورعاها
شافت النيل موجو لاها
الخليقة بقت إلاها
الشمس طبقت ضحاها
نار عقاب إنساب مكسر .. فوق تكليات متاهة
وضو من الله .. رهاب مكتف في وتيد الليل معاها
بين حضر بلدا وخلاها
فسرت للناس رؤاها
وقالوا جنت ومو براها
ونورة زادت فوق شقاها
وصدت الأيام تخش
تبني لي عصفورة عش
في السواقي تشوف عزاها
لما شوقا يسوي .. وش
تسقي تزرع
تسعى تصنع
للنهار في الليل تخش
عرفت الشقا والشقاوة إلا ما عرفت تغش
شايلة طولة البال من الله .. ومن أراضينا الإثارة
وماشي تكدح طول نهارا
وترجى لما الليل يفلل .. تسرق ألمي عشان خدارا
عشان صغارا
ولما ترجع لي ديارا
تنزف أحلام الفقارى
من عويناتا الحيارى
لي غبار الحال تقش
فوقو للآمال ترش
نورة تقعد صاحي تحلم .. بي بيوت بي نور ودش
وبالمحبة تشق دروبا .. ولي قلوب الكل تخش
نورة تحلم بي وجود
ما مشت بينو القيود
أفضل أفضل بي كتير .. بي وطن من غير حدود
نورة تحلم بي عوالم
زي رؤى الأطفال حوالم
لا درادر .. لا عساكر .. لا مظاليم لا مظالم
نورة تحلم .. ولما تحلم نورة ترجف
ولما ترجف نورة تحلم ..
ولما ريح الواقع المر .. لي عشيش أحلاما ينسف
نورة تنزف
ولما تنزف بالا يهتف .. يوم حا تنصف يوم حاتنصف
وتبدأ تحلم .. ولما تحلم نورة ترجف
ولما ترجف نورة تحلم
صاحي تحلم.. وصاح بتحلم
صاح بتحلم

معتز تروتسكى

ابداع يا معتز لا يقل عن ابداع نورة وحبيبها

تسلم يا غالى على القصيدة الجميلة لحميد

Quote: نت عارف يازول انو حبيب نوره ده دخل قلبى وحبيتو يظهر عليهو زول حبوب والذ جاجه انو فقرى وطلع (د......)ربنا يدهو العافيه الصديق العزيز حبيب نورا .. واتخيل كل البعمل فيهو ده قال حبة قرايه طيب لو كانت نص قرايه كان عمل فينا شنو كان ما خله فينا زول فى المنبر ده رينا يكون فى عونا منو

ياخي أنتو ذاتكم طلعتوا(د..) يعني الحصل شنو؟؟
وتسلم يا حبيب علي لذيذ الشعر ويسلم حميد كمان

خالص التحايا
تسلم يازول بس ليه حبيب نورا حرمنا من صورتو وقعدتو البى مزاج ديك
وتانى قصيده لحميد وكلها نورا..عشان حبيب نورا



نـــــــــــــــــــــــــــــــــــــــــــــــــــــــــــوراي
الشوق من حاصف .. لا قاصف
يتلمّ .. يهز ليك يا نوراي
يا درقة وسيف
يا حضناً كيف
من شر الصيف والشتا ضاراي .. ضاراي
يا شعلة عز بقت جواي
عدّت بي ضلام بحراً عاصف
يا نور قاعد بك .. قايم بك
شايلك مورودة ومتوكل
يا نورة علينا .. على الله
والفرج القرب .. وحايم بك
يا بت العرب النوبية
يا بت النوبة العربية
يا فردة نخوة بجاوية
أو شدر الصحوة الزنجية
دسيني من الزمن الفارغ .. من روح المتعة الوقتية
من شر الساحق والماحق .. بين دبش المدن المدعية
والليل يتحكر بيناتا
كحّل بي دبشو عويناتا
يا شمس الناس المسبية
روحت اتنسم أخبارك .. لا تشفق قالو لي نصيحي
وأنا عارفك ممكونة وصابرة .. لكن لي ناس إلا تصيحي
جواي مأساتك مغروسة ..
يا طفلة تفتش في باكر ما بينات نخلة وأبنوسة
الجوع العطش الفد واحد .. الفقر الضارب زي سوسة
الخوف والحالة المنحوسة
يا بحر الحاصل .. لاك ناشف .. لا قلمي الفي إيدي عصا موسى
يا ام غلباً حار .. ينبر فينا ..
ما عدّ صباح من ها الميناء
كد الكداح شايلا سفينة
الناس عوجات .. تحرس .. ترجا
ترجعبو سلاح وأنوار زينة
بمبان .. شوفونير .. آفات .. ويسكي .. للناس الدّمّنا بنزينا
فِقَراً تسترزق من دينا
بايركس إبريقن .. والموية تتحدى بياض الوزينة
خرزات السبحة أمريكية ..
خصل الموكيت إيطالية
دفتر شيكاتاً ربوية .. في الجيب
والسيرة النبوية جنب مصحف جوة البترينة
تبروقتك ديمة على القبلة .. ميهيجة إبريقك بي طينا
السبحة أصابعك يا صالحة .. يا بت الناس الصالحين
الذمم المشرية الطالحة ... شتان بين دينك وبين دينا
شتان بين أحمد وحاج أحمد .. وقداس ناس ياي وسلاطينا
شلناكي مع الخلق النايحة
على أرض فلسطين الفاتحة
البركة في رملك يا سيناء
يا نورة شليلك ما فات
بي عدلو شليلك جاييكي .. ما جايي ألم التمرات
لا أبكي وأقابل بالفاتحة .. في زولاً ليّا مرض .. مات
جاييك أتزود من غلبك .. وأكفر خطأ غيمةً ما جات
نبحت لها كل المعمورة
والناس يوم تمرق مدخورة
يا نورة نسيلك غنوات
وآمال بي باكر مضفورة ..
طلابك وأقلامنا هويتك .. قدامنا قضيتك سبورة
رتّبنا الخرطة البتوصل .. أدِّينا الخاطر يا نورة
بالمد الثوري المتدافع .. فوق دربك تب ما متراجع
رغماً عن عنت الأيام .. والزمن الجهجاه الفاجع
ما رمل الدرب الوسطاني .. وكتيني الراحل وصاني
لا ترجع ساكت يا شافع
لا ترجع شافع يا ساكت
خُتْ بالك وعينك في الشارع
لا ترجع .. لا .. لا
الشارع فاتح في الشارع
الشارع صان .. صان الشارع
جاييك كايسلك يا نورة .. لا كُتْ متسول لا صايع
لكن العسكر باغتني ..
يا نحس الحلم الباختني
يا عفن الأيدي المأجورة
نوراي الخطوة الجابتني للمدن الصبحت مهجورة
يا ناسي بطاقتي عويناتا
البضهب عنك بيناتا
تلمحني الفقراء .. وتلفحني
في ليلها أغني معاناتا
الفجر الكاذب يرشحني
ترشع بي الواطة سماواتا
شدرات السافل تنتحني
بي الحاصل أعبي مساماتا
الناس القصر تنصحني
أتكاجر أتور نجماتا
القمر الطيب يفضحني
تنبحني سجونك وآهاتا
كَجّنّا سجونك لولاك
كم عشقاً يتيرب واطاتا
منعول الزمن الخلاكا
سلمت الوطن الهمباتة
على كيفك سيفك يتحكم
يا سوس تكنّك ما بتعلم
بي شتلة تقرب تتكلم
يا حال البتألم وساكت
يا حال الساكت وبتألم
بتفتق جرحك يوم نبرأ
ونتملى وقيدك ينحطم
وين عاتب هارب من بكرة
وخطو التاريخ البتقدم
للزمن الإنساني السدرة
حا يوقف قولو وما بيرغم
المنفى في شرعو كما الهجرة
والسجن متل دار الأرقم
والشارع قارن في الشارع
رغماً عن عنت الأيام
والزمن الجهجاه الفاجع
بالنفس النازل والطالع
وأنا واحد من شعب مضارع
سميت ومشيت ما متراجع
غنيتك يا عشقي وتيهي
يا بلاداً كم سمحة وجيهي
لو لِقَتْ الناس البتدورا
الأيدي التنفض كانديكا
تنقز تلحقا في الكانديكا
ترتالا تكوس لها في الجيهي

Quote: تسلم يازول بس ليه حبيب نورا حرمنا من صورتو وقعدتو البى مزاج ديك وتانى قصيده لحميد وكلها نورا..عشان حبيب نورا

يا تروتسكي
الصورة والله خفنا عليها من الفتوات الحايمات في البورد دة
يا زول نحن دايرين نكمل شوية القراية البديناها دي !!!
ما بكرة يدقوا علينا بابنا ويبوّظوا أعصابنا ويضيع شبابنا
ولما يسعلوهم يقولوا الهوي جابنا !!!

خالص التحايا
حبيب نوره شنو يعنى كوراعنا حاره ولاشنو نجى تقوم تغيب ..
اظهر مشتاق ليك ياصديق ياعزيز
معتز

تسلم يا معتز كمان وكمان ، وحبيب نورة جاى ، وجايب معاه كل الكلام الحلو ، وياريت برضو لو ينزل صورتو القديمة (المتفرجخ) فيها بى مزاج فهى أظرف بدون شك

يا هشام ..
يعني الواحد لو داير يتصل بيك ..
يضرب الانتربول ولا كيف ..

معليش مداخلة غير متوقعة ..
بس عشان بكري شال الماسنجر ..
وانا ساكيك لي اسبوع ..

حميده

كيفك ياخ ، الشغلة بسيطة ولا دايرة انتربول ولا حاجة ، هاك

0503605062

ومن خارج المملكة

966503605062+

كشفت حالنا

يا زول يا زول
شكراً كتير
وانا كنت محتاج
تكشف حالك عشان
العفش دة ضاع مني
ولقيتوا يا حبيب

حميدة يا حنييييييييييييييييييين
بركة الشالوا المسينجر عشان تجينا
بي طلّتك المطرة اها انشاء الله ضربت
لي هشام و أرتحت في ضفاف صوتو الحنين؟

فقري وبيقوم بدري.

فقري.. ياخي دي خطير؛ ومثير؛ وفات الكبار والقدرو؛
ولسا ما اداكم اخرو..

عادل

والله دي شئ يخلي الواحد محتار شديد
شكراً أستاذنا عادل عبد العاطي علي
الشهادة الغالية وربنا يديك العافية

والله دي شئ يخلي الواحد محتار شديد
شكراً أستاذنا عادل عبد العاطي علي
الشهادة الغالية وربنا يديك العافية

والله دي شئ يخلي الواحد محتار شديد
شكراً أستاذنا عادل عبد العاطي علي
الشهادة الغالية وربنا يديك العافية

والله دي شئ يخلي الواحد محتار شديد
شكراً أستاذنا عادل عبد العاطي علي
الشهادة الغالية وربنا يديك العافية

والله دي شئ يخلي الواحد محتار شديد
شكراً أستاذنا عادل عبد العاطي علي
الشهادة الغالية وربنا يديك العافية

والله دي شئ يخلي الواحد محتار شديد
شكراً أستاذنا عادل عبد العاطي علي
الشهادة الغالية وربنا يديك العافية

والله دي شئ يخلي الواحد محتار شديد
شكراً أستاذنا عادل عبد العاطي علي
الشهادة الغالية وربنا يديك العافية

خالص التحايا
يازول سلامات يااخى وصديقى
حبيب نورااااااااااااااااااااااااااااااااااااااااااااااااااااااااااااااا
احلى باك

كتب حبيب نورا
يا تروتسكي
الصورة والله خفنا عليها من الفتوات الحايمات في البورد دة
يا زول نحن دايرين نكمل شوية القراية البديناها دي !!!
ما بكرة يدقوا علينا بابنا ويبوّظوا أعصابنا ويضيع شبابنا
ولما يسعلوهم يقولوا الهوي جابنا !!!


يامان مافى مشكله انا بكون الوزير بتاعك.. فقط اذكرك وبى صراحه انا بكون وزير فقط ما اكتر ولا ازيد
وثانيا ده زاتو المخوفنا نخت صورتنا..واحده شافت صوره مصطفى سيداحمد دى ساى جات طايره سالتنى اسمع دى صورتك لكن ما مبالغه ياشرط انت
اها ياخواى نحن نقعد لى زى ده خطف من الصور وكده عشان كده انت خش وانا وزيرك وزيرك فقط
وبرضو منتظرين صورتك الخايف عليها..وانت ماخايف علينا
احبك دسته وقطعتين
نعم وقطعتين
وقطعه زياده عشان انت زبون
بس..
ماتتعود

أولا انا اسف علي الخطأ الفني الغير مقصود
ويا جماعة كمبيوتري تعبان شديد ومنتهي من
زمان بس نسوي شنو الحالة صعبة والعيشة كعبة

Quote: يامان مافى مشكله انا بكون الوزير بتاعك.. فقط اذكرك وبى صراحه انا بكون وزير فقط ما اكتر ولا ازيد وثانيا ده زاتو المخوفنا نخت صورتنا..واحده شافت صوره مصطفى سيداحمد دى ساى جات طايره سالتنى اسمع دى صورتك لكن ما مبالغه ياشرط انت

سمح يا معتذ
بس انا أمي قالت لي أوعي تعرس من وراي
عارفاني ( لومونجـي!!) وبسويّها ..اها
بالنسبة لي وزارة الرعاية الاجتماعية دي
أبشر انا بخليها عليك بس ما تعملها لي
كلها لجان منبثقة عن لجان وتلجّن لي العرس

خالص التحايا
حبيبو
ازيك
زى ما قلته الشغله ما شغلتنا بس الظروف جبرتنا..


طيب انت وكت عينك زايغه فى العرس ساحب صورتك ليه يا حبه ادلل وخت صورتك واعرف قدرك ما ترمى سمعتنا ساى نحن بقينا عمله غاليه ..وكلو بحقو وهونحن بنتعب فى الفاضى ساى ..
غسيل عده وشيل اطفال وطبخ ..يامان ماقلت ليك كلو بى حقو خت صورتك وانا اصبر على شهر كده انزل ليك صورتى بس اسه مقفول للعرس عشان الصوره تطلع حلوه
اما حكاية الحاجه دى الله يخليها لينا انا قايتو بتاع شمارات وبكلم الليليه وبكلم..
بنجى راجعين مره تانيه لموضوع اللجان المنبثقه دى..

الأستاذ عادل عبدالعاطى:

شكرا للطلة البهية

حبيب نورة:
اتصل يا فقرى مش لقيت العفش
راجى شنو؟؟؟؟

أوكي يا هشام
انشاء الله يا حبيب

رصيتها لي كلها يا المعتذ؟
اها رأيك شنو كدة؟؟

خالص التحايا
الحبيب ونوره
انت برضو عندك واحدات مابتظهر كنت قايل الشغلانه دى عنى براى لووووووووووول
اها انابرصهم ليك كلهم وبجيب ليك وحدات من بره كمان

لووووول عارف يا المعتذ شكلنا كدة بقينا
أصحاب .. أول ما أخش طوالي بشوف اول حاجة
انت كاتب شنو,, فيك الخير والله..بس العفش
حقك دة انا ما عندي طريقة أجيب زيوأ يا حبيب




أها كلنا بنرص في شنو ؟ ما كلوا زي دة

خالص التحايا
الحبيب ونوره
*لوول ساى ...تصدق نفس الشعور ياحبيب بس انا مرات مابقدر ارد عليك لانو الكلام بغلبنى ياهو بوظف كل طاقت الكلاميه هنا او فى بوست واحد عشان نقدر نعمل شى او نجدعك (المابتلحقو جدعو) قايتو تانى تجى خاشى المنبر الا تجى لابس خوذه خوفا على حياتك من الجدييع
*اسمع بيقنا اصحاب من اليوم ولا الليله ما نحن اصجاب من زمان وجد الفكى بتاعك قوى ربطنتى ربطه خليها ساى بس الله يكون فى عونى..لكن خلاصة ده وداك بقول ليك اطلع من حياتى حفاظ على روحك انت ماسمعته من الحب ماقتل ( وانا جادى).. واحسن ليك اطلع من حياتى
*بعدين فى نقطتين يا مسلط انت ركز لينا على صوره واحده ماتزغلل عيونا برانا بى نضارات وكده
توضيح (النضارات بتاعت وجاهه )
*وتانى انت العرس طار ليك فى راسك ياحبه شابكنا عفش عفش نحن لسه بنقراها هى انت الظاهر عليك من جماعةالزواج بالغصب تشيل وتنشر فى الفكره من خلال مدلولات معينه دى شنو الدكتاتوريه الفكريه دى ليه ياحبه كده ..
ومشتاقييين (اخيره دى من عمايل الفكى وكده ولووووووووووووول)..

Quote: بعدين فى نقطتين يا مسلط انت ركز لينا على صوره واحده ماتزغلل عيونا برانا بى نضارات وكده توضيح (النضارات بتاعت وجاهه

ياخي لا
الكلام دة قولوا لي زول تاني

خالص التحايا
شنو ما مصدقنى مش برشو بقول ليك نضارات وجاهات
ياحبه
اوفر عليك التعب ده كلو
انت ماتجينى عديل
مشتاق ليك ياكعب لووووووووووووووول
وتانى جاييك بس دى تصبيره

هي لكن يجوك كيف يا حبيبو؟
انت في سابع واطة واناما
معروفة لي خرايط ولا بلدان
لكن نضّارات الوجاهات دي هسة
ممكن تكون بي أستشارة الطبيب
واللا بتاع التجميل؟؟

اتحايا النواضر حبيبو
وسلامات الى نوره

هي لكن يجوك كيف يا حبيبو؟
انت في سابع

ليه كده ماياهو انا جنبك انت بس شد حيلك وبطل كسل وتعال حنقضى احلى ايام العمر والزول يسعد بى رؤيالك ياحبيبو

الاخ العزيز ..يازول

انت ذاتك فقري شديد..وانت تكتب لينا عن حبيبنا وحبيب نوره..فهو يستحق هذا البوست عن جداره.

ليك وللاحبه في ملتقاك ..وللمحتفى به كل اشواقي وعاطر تقديري
وصادق احترامي.

.....اخوكم..Shatat

يديك العافية يا شتات
وفيك الخير والله دة من
أصالتك يا حبيب
اشوفك حلم عشم ممدود
قدح كسررررررررررة
حلم بنوتنا بالسترة
كلام ناساً حنان بالحيل
ولي قدام ولي قدام

اوكي يا معتذ
بس انا البروفايل حقي موجود
وفيه الفلاني يعني لو عايزني
سكتي ساهلة وماهلة يا حبيب
علي كل حال والله عمرك ما قصرت
معاي يديك العافية والله ممنون
ممنون ليك للغاية تسلم تسلم

خالص التحايا
انت جيت ناطى من وين؟؟
ياهو بكتب لى فى موضوع وقلت اجى ارفع الموضوع لى فوق انشاء الله اكتب up
ماعارف اقول ليك بس
وكنت برضو مفكر اكتب واسال منك ..انت ظروفك زى ولا شنو انا احتمال فتره كده اغيب زى شهر قايتو الله يستر عليك فى الفتره ديك ما اجن من دورتك..

غيب وتعااااااااااال تلقانا نحن يانا نحن
لا الزمن بقدر يغيّر ملامحنا... لكن بنقص سمحنا
وقمحنا...وبتجينا محنة....
معقولة بس في شوق كدة!!!!
والله أنا خايف تمشي وتجي يقولو ليك وين!!
الناس ديل خلاس بقوا في خبر كان
أصلوا الشوق صعيب ودرب الريد لهيب عليك الله ما تغيب

خالص التحايا
حبيبو ونورا
بس دى يفهموها كيف

لا الزمن بقدر يغيّر ملامحنا... لكن بنقص سمحنا

فقري
وممسوخ ودي ما عرفهوها

جاييك

Quote: وممسوخ ودي ما عرفهوها

أخيراً؟؟؟!!!!

شتات وتبلدى

شكرا لكما


حبيب نورة
ياخ اتصل يا فقرى ، فى شمار حار

أنشاء الله يا هشام
حيحصل بكرة وحتي
انا كنت محتاج للحتة دي

قديما قالوا إن غدا لناظره قريب

باكــر ضـوّاي يا هشام
بـاكر فيه غناوي الناي
باكر بمسح دمعة زول بكـّاي
باكر بي سناك ممزوج بي أساي
زي لمّة فرح الناس وغناي

التحايا النواضر
انت عارف هشام يازول
انا لقيتك افقر منو
بقيت انا ضايع وسطكم لاشمار بجينى لاتلفون ..
خلينها الزياره..والسؤال
عزاى
ياقلبى السرارى
يالكاتم اسرارى
حبيبتك ابعدوها
سكنوها البرارى.

يا معتز
انت ورينا درب الوصول شان نجيك
تثمر معاك كل الفصول
ما أنت شمساً ما عرفت دروباً للأفول

لا ما آخيراً ولا شتين !!!
وقبل اي شي كلهن وهجّن وإرتضن البعاد , ولا حتى قالن سلام , كلهن .


يا زول هشام أخينا فقري فعل وقول , أحكيلك عن زوليتو اللابساعرّاقي وحالف ما يخلعها من جتّتو , وابدالك قولي من طرف الحوش الهنا , حوش البكري ...
هناك في الراكوبة إتلموا آل الغربة , شايلنا شوق لي نيلنا وناسو وايام مضن سكنّن جوانا عشق ماضي ما فتئ يعلو فنشهق من شدتو , يدنو فيبثنا بعض الوجود شجن الغناوي , يتسامى نشهق من تاني رزاز ودعاش ونزفرو نفس الشوق الاول ويستمر الموّال .
جاناحبيبا في نص ليل من الليالي إياها
جانا زي السيل , ما لينا عليهو قدرة , شال الشالو في سكّتو , ومن الحين داك , ومن الحن داك , فجّالو فينا مجرى بين القلب والشوق يشيل من الاول ويسقي أطراف التاني , يؤكسدو ويعيد دورتو من تاني ونحنا ما لينا قدرة حتى علي ترس الفيّاض عاشق نورة .
أجدت معاهو دور عمّو الكبير , ألفّ العمّة , كل يوم جودية , تحانيس ويا سمرة ده الفيهو أكبر من إحتمالك ليهو براك , يوعدها الفقري بالكلام الفقري شبه الجبتو فوق في توضيحك لي فقريتو , بس كان يزيدها السمرة من نهل ابوزيد والنوّاب , بجيب كلام بتاع ولاد شيوعية عن الحب وآلام الحالم , يملاني ضحك ويزيدا شجون , وتقعد عشمانة راجية التطبيق وما عرفت إنو العين بصيرة والإيد لاوياها هموم الغربة السبعة .
كاتبني زهجان من حد قدرتو علي تغيير مآل حرن الظروف المالن بي تقل حرنهن , قال راجع هناك جمبها الحاجة زاكية , ملاها عشم الرجا وإنتظارو ضي عينيها ومصدر الشوق لي ملتقاهو وملتقاهم , وما رجع , قعد حرس علّ آل بطحاء نجد يقرروا إقتسام الثروة في بروتوكولات الإشتراكية , مش قلت ليك الأفكار البلقاها في الكتب ما حيخليها , قال مش ممكن يعقلوا ويقرروا يدّوا كل واحد فينا نصيبو من الخام الأسود ؟ مجنون مجنون مجنون , أثبت لي إنو بضع الكنز الأسود منحدر أصلاً من جيش بعانخي لمّا طلعوا يزودوا عن حمى حصان , قال تركتنا للجايين حتكون بنزين يكمل مع أول دوسة علي البنزين , شبعانين هم وعدس , وضحكنا .
يكتب هنا , وهناك , حتى علي أطراف مجلات غطت نصف صفحاتها بي صور نانسي عجرم وباقي الصفحات ملتو أخبارا , وقلمو يتيم شريد ما عارف إنتساب , بس لو أدوهو فرصة , إنشاء الله محرر في صفحة وفيات وشوف حيخليها مهرجان حروف كيف , قلت ليهو جيب كلامك هنا عند ناس هشام وبقية من أزوال بقدّروا ما تكتب , قال ما عندي شي لاميهو كلو كتبتو في ضهر رملة غشتها أعاصير ما راعت البي من لوعة شوق , شالت كل شي وأهدتني صفحة صحرا جديدة , لكن قال بوعد يجي شايل الشجن الفيهو ويحيل باندويدث بكري لي روعة حكي ويلحق ركب مبدعين أقل مافيهم تشجيعهم ليهو , وأهو فيهم ومنهم يازول يا زول يا زول
ليك وليهو كل الأماني الطيبة


أبنوسي

جيتك من وين؟
غشيتك خايف موتور من درب الهم همين
لقيتك في نص الرأس صداع ريّح فكرين وامل
انا كنت بدّعي الجنون
وانت كمان مجنون عقلاني
ما قايلك حبيت تديني مراية أشوفك فيها
و أبقاك !!!
البنت نمرة واحد!
كانت قصة في حصة و.... لسة
انا فترت من ترميم اللغات شان هي
و انت حسيتك موجوع من هم العمّة الفي راس صلحك
كل يوم سايكس بيكو وكل يوم كامب ديفيد
لكن جواك عشقين لي نيل و تراب
أستنيتك تاني!!!
بلقاك جواة الفرحة لهـاة الفال
فرحك
فرح الاطفال
دنيا منية و آمال....
وجمال...

Quote: لكن قال بوعد يجي شايل الشجن الفيهو ويحيل باندويدث بكري لي روعة حكي ويلحق ركب مبدعين أقل مافيهم تشجيعهم ليهو , وأهو فيهم ومنهم يازول يا زول يا زول

حليلك لي يا سيدي
تعال ننتقم سويا من الباندويث دة
خليهم يطردونا..
بس في الوقت داك
بكون بردنا حشـا الغنوات
ولحقنا الفات الفات
في دينوا سبعة ولفات

كل الأمانى الطيبة ليك يا تبلدى يا كتّاب شديد ، سلمت وسلم قلمك من نضب الحبر

حبيب نوره:

ما زلت فى انتظار الاتصال (بكره) وبعد بكره وبعد بعد بكره ، ووعود مطوله وزوغان من مجرد اتصال ،

(الكضب) لزومو شنو؟؟؟؟

بالجد انا زعلان

والله انا في غاية الاسف يا هشام
وجاييك عديل كدة
تسلم انت يا أبو نبراس
يا سيد الناس

خالص التحايا
نورا اولا
ثم حبيبها اولا
كنت اعلم فعلا بان الروتين قاتل والبروقراطيه لاتقدم وكذلك من الحب من ماقتل الاشياء الثلاته اتجنها والغريب انت تحملها وانا مجبر على ذلك
هل تود ان تقتلنى اولا لكنك روتين
هل انت تصيب الناس بالتاخر وذلك لكى يتفرغوا الى بوستاتك فاذا انت البروقراطيه
هل انت الحب القاتل اذا كنت ذلك افضل ان نبقى خلف الشاشات البلوريه لاداير منك شمار لاجيه
صديقى ورفيق الدرب حبييها
وسلامى الى نورا
[email protected]

قريبا سارحل وسيقل عطائى لان الظروف انت اتدرى بها فى الغربه ماسمحت لى به تلك الايام فقط ..
لذا لااقل اننى سانقطع ولكن سيبدا انتاجى فى النقصان وهكذا ..

Quote: هل انت تصيب الناس بالتاخر وذلك لكى يتفرغوا الى بوستاتك فاذا انت البروقراطيه هل انت الحب القاتل اذا كنت ذلك افضل ان نبقى خلف الشاشات البلوريه لاداير منك شمار لاجيه صديقى ورفيق الدرب حبييها وسلامى الى نورا

صديقي الغائب الحاضر
فعلاً أفتقدتك في كل شئ
يا حليل طلّتك
يا حليل جيتك
وخشّتك علي بي حنينك اليمين!!
أريتني أنت...
ياخي بنحبك يا معتز
وربنا يسهل أمورك وترجع لينا
وقبل دة
رجع لينا فرحنا السافر ليك

اقيف واضرب سلام مربع للرائعين وياريت المزيد المزيد من الروائع ودمتم احبتي

تقيف ليك الدروب عشمانة فيك
كايسات خطاويك الماني الطيبة
تلقاك هناك جوة المدن
حس ناس حنينة قريّبة!!
تسلم يا وليم يا سيد الناس

هشام كتب

Quote: حبيب نورة كاتب ساخر ممتلىء بالروعة والابداع ، فهو يطوع قلمه أينما شاء وكيفما شاء

أنت السماء بدت لنا و أستعصمت بالبعد عنا!!!

تولوس الحبيب

Quote: يازوول...سلام يا حبيب .. وسلام يا حبيب نورة العاجبني فيكم يا ناس جدة حبكم الشديد لي بعض..

في حب يا أخواننا أكتر من كدة؟؟!!

صادوح الرائع

Quote: حبيبنا وحبيب نوره نتسلل خلسه بين ازقه كلماتك دون ان ترانا فارفع قبعتى احتراما ليراعك الساحر والغريبه الساعه بين احرف يراعك تبدو اقصر من دقيقه

الغايب الحاضر بدر الدين شنا

Quote: هشام يازول كيف حالك قبل كم يوم أنا نبهت الناس القريبين مني كلهم قلت ليهم أعملوا حسابك حبيب نورة دا بفلِّق بالحروف الكبار إنت كنت مافي اليوم دا هسع البركة الجيت وشفت بي عينك وحذرتنا منو

الجاني منك ومن تباريح الهوي
وصفو بصعب يا جميل
بعدت عنك ولما فاض بي الأسي
بقي لي أسيبك مستحيل

ود قاسم الشاهق

Quote: وحبيب نورة ( وهو حبيبي أيضا ) شاب غاية في الجمال ، ورائع حد الروعة ، ولكأني يا هشام قد اكتشفت هذا من قبلك ، لكنني لم أصرح به في بوست منفصل كما فعلت أنت ،، لذا تجدني أقرأ ما يكتبه حبيب نورة وأحيانا أعيد قراءته وأتأمل ما يكتب ، وفي كثير من الأحيان أسرق منه بعض لغته

وقلنا نبيعك يا نسرق
أخترنا النار الضلّها بحرق
يا مجلوبة في قافلة رق

أبو قوتة قنبلة الود الموقوتة

Quote: طبعا حبيب نورة اصلا نجم لا يتاج الى تلميع لكن لما تجى اشادة به من قامة كهشام اكيد دا رصيد ليه

وعتبت عليك
وما بقدر تاني أخليك
يا وهج النور الوضح لي
كل الاشياء المن حواليك

كتب صديق الموج

Quote: يازول يازول فقرى شنو ده الفقاره بعضا منه وتذكر لما مرة اخر الليل انا وهو سرقنا البوست بتاع الحقيبة بتاعك يا زول ده جن راسو عديل

افكارنا الحيارة ضاعت بي أختيارا

أخو الاخوان وباب الضيفان معتز تروتسكي

Quote: انت عارف يازول انو حبيب نوره ده دخل قلبى وحبيتو يظهر عليهو زول حبوب والذ جاجه انو فقرى وطلع (د......)ربنا يدهو العافيه الصديق العزيز حبيب نورا .. واتخيل كل البعمل فيهو ده قال حبة قرايه طيب لو كانت نص قرايه كان عمل فينا شنو كان ما خله فينا زول فى المنبر ده رينا يكون فى عونا منو

وتبقي يا حلم الاماسي
شمعة ضاوية في كل دار
وزهرة في كل المواسم
كل يوم بتزيد نضار
وغنوة لي بنوت بلدنا
وفرحة في عيون الصغار
ومدحة في المولد بتحكي
فيها هزّة
وفيها نقزة
وفيها نوبة وفيها طار
تهفو ليك الامنيات
وتزهو بيك الامسيات

حميدة كتب

Quote: يا هشام .. يعني الواحد لو داير يتصل بيك .. يضرب الانتربول ولا كيف ..

لو وشوش صوت الريح في الباب
يسبقنا الشوووق قبل العينين

أستاذنا عبد العاطي

Quote: فقري وبيقوم بدري. فقري.. ياخي دي خطير؛ ومثير؛ وفات الكبار والقدرو؛ ولسا ما اداكم اخرو..

سمحة عينيك زي صحابي

شتات الحبيب

Quote: الاخ العزيز ..يازول انت ذاتك فقري شديد..وانت تكتب لينا عن حبيبنا وحبيب نوره..فهو يستحق هذا البوست عن جداره.

وكتين يضيع عرق الجباه الشم شمار في مرقة
يا نورة آه من دربك التوّر نفس خيل الصبر

الجني الأبنوسي تبلدي

Quote: يا زول هشام أخينا فقري فعل وقول , أحكيلك عن زوليتو اللابساعرّاقي وحالف ما يخلعها من جتّتو , وابدالك قولي من طرف الحوش الهنا , حوش البكري ... هناك في الراكوبة إتلموا آل الغربة , شايلنا شوق لي نيلنا وناسو وايام مضن سكنّن جوانا عشق ماضي ما فتئ يعلو فنشهق من شدتو , يدنو فيبثنا بعض الوجود شجن الغناوي , يتسامى نشهق من تاني رزاز ودعاش ونزفرو نفس الشوق الاول ويستمر الموّال .

وآآآآآآآآحشني
يا الرّسيت مراسيك جوة ذاتي

وليم أندرية الحبيب

Quote: اقيف واضرب سلام مربع للرائعين وياريت المزيد المزيد من الروائع ودمتم احبتي

القومة ليك يا وطني
بحبك يا وطني
برررريدك يا وطني