رومانسية الزمن الغابر

ابن عمتى رومانسى لأبعد الحدود ، ورغم أنه رائد فى الشرطة الا ان حياته تحفل بالرومانسية حتى أتحفته رومانسيته بشاكوش معتبر من خطيبته ، وفسخت الخطوبة دون رجعة عنها ،

خطيبته شابة صغيرة حلوة تتطلع الى الحياة العصرية وتطمح الى أن يكون عش الزوجية ممزوجا بكثير من الحضارة ، فهى تحب الأناقة وتتابع أخر أخبار الموضة ، وتحلم بالفيلا والسيارة الفارهة والمكيف الاسبليت وفساتين السهرة وأن يعمل كل شىء فى بيتها بالكمبيوتر

هى حرة فيما تحلم به ، ومؤهلة لهذا النوع من الأحلام

تعالوا شوفو ابن عمتى الأمدرمانى ماذا يفعل ، كان اذا رأى بقايا بيت جالوص آيل للسقوط يقول لها ، هذا هو نوع البيت الذى أحلم به ، أريد بيتا من جالوص ، وتكون ريحة الزبالة ضاربة ، وتكون غرفتى الخاصة من تراب (كلكم لآدم وآدم من تراب) وأن يمر عبر الغرفة جدولا صغيرا ينفذ الى حوش البيت (الزبالة) ، وهى ترمقه بنظرة شفقة وتقول فى سرها (ياليته كان يمزح) فقد كان كثير الرومانسية مؤخرا بمثل هذه الأحلام (المهببة) ، وكان فى يوم من الأيام يتمشى معها (كدارى) وفجأة وفى نص شارع الظلط ، مرت سيارة متهالكة أكل عليها الدهر وشرب ، فصاح ابن عمتى فى خطيبته ( وجدتها وجدتها) كما فيثاغورث ، وسألته (المخلوعة) وجدت شنو؟؟؟ فقال لها سيارة المستقبل التى أحلم بها ، الم ترين تلك الهيلمان ستين التى مرت من هنا قبل قليل ، فقالت له تقصد الكركعوبة الجات بى هنا دى؟؟؟ فنهرها وقال لها كركعوبة شنو يا عبيطة ، دى هيلمان ستين (التى لم يخلق مثلها فى العباد) دى العربية الكايس ليها زمنى ده كلو

كان ابن عمتى عبيطا حتى الثمالة ، ورومانسيته لم ينزل الله بها من سلطان أدت الى فرقعة الخطوبة بشكل فظيع وهربت بت الناس منه دون رجعة وجعلته سارحا فى رومانسية الزمن الغابر

جميله ا.لرومانسيه بس هو كمان كتر منها ما يعاين كمان للحيط

صديقي المجافي

هشام

حليل زمن الرسايل المعطرة

والمرسوم عليها ورود بكل الالوان

حليل زمن الشرة بالساعات

وحليل اغاني ليلة السبت التي وثقت للشرات المدنكلة

وكيف ان المحبين كانوا يحملون باقات الورود

اخوي مضى عهدكم وولى

ولن يعود

اليوم الجكس بالموبايل يكلم زولو الى ان يتم اللقاء ولا زال الحديث رطبا والموبايل مولع نار من الحب الساخن

المحبين يجب ان يقوموا كل صباح لتقبيل تمثال من اخترع الموبايل

الله يرحم الفنان الكبير / سيد خليفه نمن قال "أبني عشك يا قماري قشه قشه".
صراحه ود عمك ده الله يعينه.

هادية:
دى يا هادية رومانسية الحيط

قرجة:
تتذكر تلفون علب الصلصة ، قال موبايل قال

نضال:
آمين يا نضال

ولكم جميعا أعتذر عن تأخير الرد لظروف قاهرة

.
.

[qb]
يا زول

يا حليل القجه وعجلة الرالى والقومه سداري
والاركان المميته في المناسبات السعيده كنا
رومانسيين بالجبنه والزيت
[/qb]

يازوول وود الشيخ والحضور الجميل....اولا سلام وشوق
حقيقة الرومانسية حلوة لكن ما بتنفع مع جو السودان الكلو حر وكتاحة.....

ود الشيخ
والله صدقت ، ويا حليل الشارلستون والآفرو والدور التانى سينما البلو نايل

زمن

يا زول يا زول انت وين ماشي

انا ماشي الديش ابقي دياشي

يا زول والله ود عمتك ده حقو يقفلوه في فتاشه سنتين

عشان اتعلم الرومانسيه جد جد وما تقول انو ضابط شرطه ده الا اتخر ما انجلترا

ده زمن رومانسيه يا زول

تولوس
عباس

شكرا للحضور الجميل يا شباب ، دى فى حد زاتها تعتبر رومانسية

سلام و مشتاقين يا خال

غايتو يا خال الحمد لله خطيبتى ما كانت معاى لمن كنت داير أبدل حمارتى و الكارو بتاعها الموديل تسعين برقشة و أدفع الفرق خمسين لفة برسيم، على الطلاق كان لحسى تكون جارية

بالمناسبة دى يا خال عندى نكتة طالما جبتو موضوع فسخ الخطوبات ده

قالوا فى واحد أحوص خاطب ليهو واحدة حوصة، و لمن إزورها فى بيتهم عشان يتونسوا كلو واحد فيهم بيقعد فى ركن براهو، المهم قاموا الجماعة فركشوا الخطوبة و لمن سألوهم ليه? قالوا و الله بس إختلاف فى وجهات النظر

ازيك يا هشام

يا حبيب نحنا في رومانسية الزمن الطاحن ود عمتك دا بي يذكرني ايام الجامعة ويا لها من ايام كان الواحد بيقول للجكسوية بتمنى راكوبة وسط حواشتنا بالباوقة ووراقد تحتا على عنقريب هبابة وتحتي جدول موية جاري وطبعا في باقي امنيات ااااااي ما ح اقدر اقولا هنا

لكن تصدق ما عادت تفرق عندهم كتير مسالة الشكليات دي ود عمتك دا اكيد داير يكب الزوغة عشان كدا كترا

اليونابومبر:
فينك يا راجل؟؟؟ مشتاقين ، والنكتة بجد حلوة

محمد حسن العمدة:
الظاهر فعلا عايز يكب الزوغة ونجح فيها

الاخ هشام

شقى الحال تعتر ليهو رومانسيتو

دور نقاس:

أضحكتنى كثيرا

وفعلا هذا هو حال صاحبى

الحبيب الغالي يازول يازول تحياتي وتحياتي لقريبك الرومانسي المكسر المحتحت

بما أنو زمنك الرومانسي الغابر إلا أننا زمننا هذا رومانسي حاضر ومميز بدرجة امتياز بس ذي ما قال تولس جو السودان ما مساعد على كب النقة والقراية الصاح بس برضو زمنكم اعتقد احلى من زمنا ولا انا غلطان صاح ياصلاح ولا خطاء ياعطاء

صاح يا صلاح

هشام ازيك


لى صديق من نفس فصيلة قريبك الشرطى دا ....وشابكا لينا حقيبة واسمع دى من المساح وهااك دى من

أبو صلاح ..طبعا دى ايام الخطوبة ..... بعد إتزوج المرا طلعت لى وش تانى وانقلبت حياتو

جحيم

بعد الزواج بكم شهر ...أغترب سنة.... ورجع السودان ...عندو طفل صغير


مشيت سلمت على وإجترينا ذكرة العزوبية وأيام الغنى والحفلات والبارتيات

و سالتو قلت له ممازحا ...عليك الله تذوقك للغناأيام الخطوبة الحلوة ديك وبعد الزواج واحد

؟

قالى واحد شنو ... ياراجل والله انا لقيتلك النسوان ديل ما بستاهلن الرمية البقولوها قبل

الاغنية....... خلى الاغنية

وقبل ما يجينى هجوم بعتذر لكل الاخوات ....بس صاحبى دا حالته صعبة

يا عمر

صاحبك ده أديه (صنه) شوية ، وبعد داك براهو بيرجع للرميات

بالمناسبة:
والله عندنا (رميات) كده ، (ترمى) فيل