الأمير / عبدالمحمود أبو

Post: #1
Title: الأمير / عبدالمحمود أبو
Author: يازولyazoalيازول
Date: 06-15-2005, 02:48 AM

اسماعين اخوى جاييك ود أبو
الفارس الهمام كل الخلوق حبو
أديه الكلام وخليهو هو يكبو
وسجلوا انتو ساكت وللنداء لبو
حزب الأمة يفخر ورجالوا تفخر بو
طول ما بيقودو ناس أميرنا ود أبو
يحفظو لينا الله ربى وكمان ربو
يطول لينا عمرو وخزاينو يتعبو
ويعلى مراتب الصادق رفيق دربو
ويفرحو ناس رباح والأمة تفخر بو
ود شيخ الدين هداها تمشى لى عبو (بكسر العين)
وصلوا على رسولنا يا الماسكين دربو

Post: #2
Title: Re: الأمير / عبدالمحمود أبو
Author: محمد حسن العمدة
Date: 06-15-2005, 02:58 AM
Parent: #1

اللهم صلي وسلم على حبيبنا وسيدنا محمد صلى الله عليه وسلم

هشام اخوي كيف حالك
نجم الحبيب ظهر بي فريقكم ولا شنو
اها النوصيك امسكو فيهو قوي وخلوهو يعمل ليكم ندوة
الامير دا كلامو درر وعلمو بحر
شال سعينات الرجال وكباها في سقاهو

Post: #3
Title: Re: الأمير / عبدالمحمود أبو
Author: يازولyazoalيازول
Date: 06-15-2005, 03:22 AM
Parent: #2

الحبيب ود العمده

هذا رجل تشد اليه الرحال ، وتعشقه العيون قبل القلوب

والعين تعشق قبل القلب أحيانا

Post: #4
Title: Re: الأمير / عبدالمحمود أبو
Author: Abdelrahman Elegeil
Date: 06-15-2005, 07:08 AM
Parent: #3

الأذن تعشق قبل العين أحيانا

ودي الواقعة علينا نحن يا أحباب ولا شك من رأي ليس كمن سمع

ونقول معاكم يحفظه الله ومحوط بذكر الله

Post: #5
Title: Re: الأمير / عبدالمحمود أبو
Author: يازولyazoalيازول
Date: 06-15-2005, 09:17 AM
Parent: #4

آمين يارب