كان نضمت معاهم بالدارجى

أكان قلت ليهم ، يا جماعة صلوا على النبى ، يخوانا ناس بكرى بغروكم السلام وبسعل عنكم ضُمة بالواحد ، وبقول لكم المرحوم الخاتم ود عدلان ، فات يا ناس راح فى حق الله ، اترحموا عليه واذكرو فى دعاكم ، وخلى شيتن كتير فى الأرشيف ، أها الجماعة فكرو قالوا الشىء الكتير ده ما أخير يلمو ، يسوو فى كتاب ، ويطبعو ويحددو لى سعر ، يعنى المعنى عشرين دولار ، وجماعتنا جت يشترو ان شا الله بالغصب ، الزول مو اخوكم؟ ويلمو القريشات ديل كلها ويدوها لى اولادو عملن فيشان الله شان يساعدهم من غدر الزمان ويطمنهم ويوريهم الدنيا بخير واخوان الخاتم قاعدين ما راحو لسع وواقفين مع اخوهم المرحوم يجعل الجنه مثوا ووحات الله المرحوم ما محتاجلكم بس امر الواجب بقول كده

دحين يا جنيات سوو لكم كشف كلكم سجلو اساميكم والعندو اصحاب بعرفو لى نضم الخاتم وبفهمو جيبوهم خلوهم يشترو حت كان بالغصب ، انتو مو اخوان؟؟؟؟ ووحات الله ورسول الله تلقوه جت فى ميزان حسناتكم شيتن لامن تقيل ، واتذكرو الموت البقى يلفح لفح ، واحد فيكم ضامن يومو؟؟؟ ساونّها لى كلها سجار وصعود

الله قال فى محكم التنزيل يضاعف لى من يشا ، يعنى المعنى انكربوا والباخد واحد ياخد عشرة ، كتير؟؟؟ المعصور اليجيب الوحيد ده إعطا القليل أخير من مافى كلو كلو دى شينة تب

انتو آناس ود الفاضل ده ما قال جاى ، خبارو الزول؟؟؟؟

نسيت اقولاّ كُم ، ود الفاضل البقولولو بشرى ، الجنا الدكتور ده ، كلفوه كمان الجماعة ووراه شيتن كتير ، امانا الجنا مو محبوب ، خلق الله لامين فى زى الجراد ، يناضم ديل يسالم ديل يقدم ديل ، والعجب الموبايض ساعا واااااااااااحدة ما بهجُد ، اها الجماعة اللييييييل امريكا قالو يدرعوها فوقو تب ، الجنا مو فصيح النضمى ده سيدو وحبانو كتار ، اها قال جايينا فى بكانّا ده ، علا كان ضِهب من فجتكم دى يمكن يجى بعد شويه لسا بدرى ظنيت معا الرفاعى

انت يا الزين العصيده دى سوتا حبوبتك؟؟؟؟

أمانا حبوبتك ما نجيضه

يا زول هوى امسك الجنا ده ما يجرى على الشارع الناس دى طايره طير

إدريس ، قالوا لى عيالك جو؟ عشان كده سويت لك كضيمات

صدّيق ، قوم آزول ، شيل الورقة دى لفّبا على خيانك ديل والغائب يكلم الحاضر ، وضرورى من تكتبو لى تلفوناتكم والعندو موبايض برضو اليكتبو وما تتاخرو من اول الشهر ، بشوف الجماعة ديل مستعجلين بالحيل وخير البر عاجلو

هيا يخوانا سمو ، العشا

دايرين دى ، ولاّ أستغفر الله لى ولكم؟؟؟؟؟

هشام يا جنا
كويس أن خليت النضمي المافيهو فائدة والحردان وصديت بالكلام السمح

جيدن جيت وقنبوا طولا ، وأتمهل بي هنوك يا جنى شيخ الدين

هيع ، عفيت منك آصديق ، أتاريك زول همباتى تب

صدّيق اخوى ، النضمى الكتير ما بحلك ، يوم الخميس عليك امان الله شيل معاك سوط عنج

اي والله ياود الشيخ
دا الكلام
السلام عليكم صديق الجميع

تاني
عشان قالوا التكرار بعلم الشطار

Quote: نقطة نظام .. اتمني ان يستوعبها الجميع .. السيد هشام شيخ الدين .. يبدو انه تشابه عليه البقر .. ملتقي يوم الخميس .. بالمطار القديم .. عند ساعة المكتبة .. اجتماع خاص جدا برابطة اعضاء موقع SUDAN.net بمدينة جدة وليس له علاقة لا من بعيد ولا من قريب بما يطرح في Sudaneseonline بعض اعضاء سودانيزاون لديهم علاقات بهؤلاء وشرفونا بزيارتهم وربما اصبحوا من الركائز الاساسية للملتقي ولكن تحت ما ارتضيناه لانفسنا منذ البداية .. وهو رابطة SUDAN.net وبعض اعضاء هذه الرابطة مثل الاستاذ عبدالرحيم فواد (طيفور) والمهندس ابراهيم عمر والاستاذ السماني ( اساسي ) والاستاذ علي عثمان والاستاذ صديق ضرار والاستاذ مأمون وآخرين اضافة الي شخصي .. نكتب في سودانيز اون لاين .. لكن بدون ان نخلط ذلك بذلك .. ونخجل كثيرا من المواقف الارتجالية من البعض .. فللرابطة آلية معينة تعمل بها وتتبني فقط الامور التي تستطيع فعلها وبدون ضجة اعلامية .. وهو ما تتكرر منك كثيرا عزيزي هشام شيخ الدين مع ان مرتبتك لدينا لمن تتجاوز مرحلة الضيف لكن كما يبدو لي اصابتك بداء الشلاقة الكتل اشراقة .. دكتور بشري .. شخصية لهاوزنها .. والاستاذ عبد الرحيم من اصدقائه المقربين .. وكفيل بدعوته بشكل يليق بالجميع .. وكفاية كدا .. ما تخليني ارجع للموضوع دا تاني عشان ما اقول كلام .. فارغ كويس

عليك الله .. وفي ذمتك
انت لو ما زول فعلا شليق ومامحترم سنك
يوم خميس والناس طالعة ترفه عن نفسها
تجي تتكلم ليهم لغة عربية فصحي
علاقتك شنو انت بالعربية الفصحي
مسلسل ديني ولا دروس تقوية
ثم تانيا انت منو الوكلك تمشي وتتفاصح عن الموضوع دا
علاقتك شنو انت بالكتب والثقافة.. ولا شلاقة آخر العمر

علي العموم .. بعد ما أعلنت توبتك
ما في داعي نجيب الغسيل الوسخ .. مش كدا
بس روق في علبك ..
انا والله في ناس بحترمهم مثبتني منك ..

لا خلاص نحذف الحتة .. خليها لبعدين
انا والله دايرك تجي تتفاصح تاني

مكرر من بوست آخر

Quote: لا تنقاد لهذه الاساءة فمثل هذه النغمة معروفة فى المنابر والقصد منها واضح... ويا جبل ما تهزك ريح... ارجو الا ترد حتى على انا.... وحاة البيناتنا... ولك كل ولائى واحترامى...وشكرا

B]الاخ حميدة
لماذا هذه الردود العنيفة تجاه هشام حبريل يبدو أنك لا تعرفه جيدا . هب انه جاء الى ملتقى سودان نيت عن طريق حسن النيةأو بالخطا وهب انه تحدث باللغة العربية فهل هذا مبرر لكل هذه السياط التي الهبتها بظهره؟كان يمكنك طرده من ملتقاكم ذلك أهون عليه من هذه السياط الاسفيرية. ومن ناحية أخرى عبر عدد من جماعة سودان نيت عن مبادرتهم هنا وهذا هو عين ما جاء ليدعو له هشام. يا حميدة رجاء اطرح النقاط التي تعترض عليها هنا فيما جرى وسأرد عليهاان كانت منطقية لكنني هنا ارد معترضاً على كلامك العنيف من نوع نقعدو في الارض ومن نوع علاقتك ايه بالكتب والثقافة يا هشام. لا لا لا يبدو انك لاتعرف هشام.

معليش يا دكتور
انتو برضو ما تكترو علي
انا مستعد اثبت اي كلمة قلتها
وعلي لسان هشام شيخ الدين نفسو
لكن قلت ليكم خلوني ساكت ..

وبرضو اظن هشام لو استشرتوهو
حيقول ليكم احسن الزول دا يكون ساكت ..

ولا ما كدا يا .. هيشو .. !!

وعذرا للجميع ..
ما أطن يا دكتور بترضى لينا الاهانة ..
وتجي تطلعنا قليلين ادب ..

كبيرة في حقك والله .. !

الاخ هشام

سلامات.... و مشتاقين حد الثمالة / حاولت مخابرتك على الهاتف كثيرآ لم اوفق و على النقال خاصتك اتضح انه خارج الخدمة مؤقتآ . عمومآ لك السلام و للاسرة.

الاخ حميدة

لك السلام ايضآ ، و حاولت كثيرآ الوصول اليك و فشلت و اتمنى ان نلتقى قريبآ فى رحاب بلادكم " جدة غير " .

الاعزاء : هشام و حميدة:

لمعرفتى اللصيقة بكما تجدونى شديد الحزن لهذا الذى يحدث .... و اشد ما يؤلمنى هو ان ذلك يتم عبر هذا الاثير المفتوح للكل .
تمنيت لو ان هذا الاختلاف قد تم احتوائه فى نطاق ضيق و " مغلق " يعنى الصحفيون يمتنعون

اعرف الاخ هشام جيدآ و هو رجل شهامة و كرم و " قلب كبير ناصع البياض " و حبوب لابعد الحدود و اخو اخوان بمعنى الكلمة و يحب الخير للجميع .

و اعرف جيدآ الاخ حميده منذ ان كنا اعضاء فى رابطة الشرقية قبل انتقاله و انتقالى الى جدة ، و هو شاب مفعم بالحيوية و النشاط و الذكاء المتقد و طيب المعشر و يتسم بالوضوح و الموضوعية .

لذلك لم استسغ ما آل اليه الحال بين هذين النجمين و مع احترامى لكل الاسباب المذكورة على النت و المنتشرة على اكثر من بوست فى هذا البورد ، الا اننى لم اجدها ترقى " و لو درجآ واحدآ او حتى عتبة"لمستوى هذا النزاع الذى لا يشبه هشام و لايشبه حميدة.

الخلاصة لا نريد لهذا الذى يحدث ان يمتد اكثر من ذلك وارجو ان يتوقف فورآ .

و اقترح الآتى :

1/ ان يتم وقف " اطلاق النار " بين الطرفين و فورآ .
2/ان يتم لقاء مكاشفة و مصارحة " و لنقل معاتبة اخوية " بين الطرفين فى لقاء مكاشفة يترأسه الدكتور بشرى الفاضل بعد موافقته طبعآ باعتباره الشخصى و لمكانته الادبية الراقية و الرفيعة.
3/ان يتم تنظيم لقاء مفتوح بين رابطتى البورد فى سودانيزاونلاين و سودانت بجدة و فيه يتم تصفية سوء الفهم الحادث ما بين الاخ هشام و اعضاء رابطة سودانت اغلاقآ لهذا الباب .

و لاننا فى النهاية اخوة و الذى يجمع بيننا اكثر مما يفرقنا ، اتمنى ان تجد هذه المبادرة عند الاخوين هشام و حميدة القبول و الترحيب لما اعفه عنهما من رحابة صدر و سعة افق ، و تسامى فوق الخلافات و الاحن.

حميدة :
ارجو مهاتفتى على : 0504432877 و للاهمية القصوى .


و لكما ودى


‍

الأخ كوستا
هذه مبادرة رائعة منك لإزالة ما علق بنفسي هشام وحميدة وتجدني أفرح بها وسأتصل عليك مساء اليوم في الرقم الذي أوردته كما أرجو من هشام وحميدة الإتصال على رقمي
0506031694 مع الشكر .