الصلح بين (آمنة مختار) و (أيمن هارون) بمبادرة كريمة من (إبراهيم بقال)

وصلنى صباح اليوم الإيميل التالى من الإبن محمد عادل بالقاهرة ، أحد خيرة أبناءنا الطلاب الناشطين فى المجال السياسى الطلابى لحزب الأمه ، الإصلاح والتجديد ، والساعين بقوة نحو وحدة صف الحزب والصلح بين السيدين (الصادق ومبارك) ونصها يحمل بشرى العنوان أنقلها لكم بحذافيرها:

Quote: العم الحبيب هشام كيف حالك الرجاء التكرم بإنزال بوست غدا فى المنبر بعنوان: بمبادرة من الأخ إبراهيم بقال تم الصلح بين (أمنة مختار) و(أيمن هارون) بالقاهرة. الحمدلله تم بالأمس إزالة الشوائب والخلافات بين الأخوين الحبيبين العزيزين (آمنة مختار) و (أيمن هارون) فى مدينة القاهرة بوسط البلد وكان ذلك فى شارع صبرى أبوعلم وفى قهوة البستان بالتحديد ، قهوة الادباء والفنانين ، وقد كانت لفتة رائعة من الأخ (إبراهيم بقال) بان يصلح بين (آمنة) و(أيمن) وقد كنا والله فى غاية الانبساط والسرور ، وقد تم ذلك بحضور كل من الإخوة (قاسم مهداوى) و (هنادى) و (محمد عادل) و(عبدو ابوبكر) ، وبالمناسبة الأخ بقال كان فنان فى الصلح نفسه لانه (آمنة) لاتعرف (أيمن) ولم تره من قبل ، فإتصلت بنا الأخت (آمنة) حتى تلتقى وتسلم علينا وعلى الأخ (بقال) ، فذهب إليها (محمد عادل) و(إبراهيم بقال) لإحضارها ، وكانت لاتدرى أن هنالك شخص آخر كان فى إنتظارها ، ألا وهو الأخ (ايمن هارون) ، فذهبت معنا وسلمت علية بكل أدب ، فأخبرناها بان هذا (محمد ربيع) ودار الحديث فتحدثت (آمنة) قائلة أن (أيمن هارون) أصلا ماممكن يكون ثورى بالصورة دى ، كيف يتكلم عنى بالشكل ده و(آمنة) لاتعلم بأن (أيمن) موجود بيننا ، ولم يحرك (أيمن) ساكنا ، ولم يلتفت اليها أصلا ، فكان ينظر إلىّ ويضحك ، وعند ووصول الاخت (هنادى) اللذيذة الرائعة قام الاخ (بقال) بمشورتى فقلت له يجب ان ندخل (هنادى) واسطة خير ، فذهبت (هنادى) و(بقال) وتحدثا سويا ، وبعد قليل أتى (بقال) وتحدث مع (آمنة) ثم عرفت (آمنة) بان ذلك الشخص الموجود ليس (محمد ربيع) إنما هو (أيمن هارون) بلحمه وشحمه ، فلم تصدق (آمنة) أن يكون هذا الشخص البرىء طيب القلب هو (أيمن هارون) ولم تصدق ابداً بانه (أيمن) وبعد قليل بدأ العتاب بينهما وتم ازالة سُحب الخلاف تماما ، ًنحمد الله على ذلك فوجود (بقال) فى القاهرة ووساطة (هنادى) مسح أحزان البودراب جميعهم ، وبعد قليل إتصلت بالعم الحبيب هشام شيخ الدين فى جدة وحدثته بذلك ففرح فرحاً شديداً للغاية ، ثم تحدث العم (هشام) مع الأخ (بقال) ومع الأخت (آمنة) وجرى حوار معه حول بوست مدينة بورتسودان ، وقد وتفهمت (آمنة) البورتسودانية مقصد العم (هشام) عن مدينة بورتسودان ، ودعتة (آمنه) لزيارة مدينة بورسودان فى الشتاء حتى يتعرف على بورتسودان عن كثب ، وبعد قليل تكرمت (آمنة مختار) بدعوتنا جميعاً لحضور فيلم (عمارة يعقوبيان) لعادل امام فكانت مشكورة على ذلك وقد ذهبنا جميعا لحضور الفيلم فجلست (هنادى) ثم (عبده أبوبكر) ثم (أيمن هارون) ثم (آمنة مختار) ثم (بقال) ثم (محمد عادل) ، الأخ (بقال) كان متابعاً للفلم بإهتمام خالص ، خاصة فى لقطة المظاهرات وضرب الأمن المركزى للطلاب وكانت الأخت (آمنة مختار) مشكورة على هذة الدعوة الكريمة ‘ خليكم ياجماعة ذى (بقال) وعم (هشام) و(آمنة مختار) و(هنادى) مابحقدو على زول قلبهم ابيض طوالى ، إبنك محمد عادل

إزيك يا هشام

ما بفتح خشمى لامن أشوف آمنة بي عينى

ما بقدر على شاكوش تراجيدى

لوووووووووووول يا رأفت

خليك معانا وحاتشوف بى نفسك

فالصلح خير

مكرر

شكرا أخى وإبنى أبراهيم بقال على المبادرة الكريمة وعلى التفاصيل التى أدت للصلح ، وياهو ده السودان ، الناس فيه دائماً أخوان وأحباب وكتر خيرك كتير وإن شاء الله فى موازين حسناتكم كلكم (فالصلح خير) ، وهذا كلام الرب عزّ وجلّ

ألف ألف تحية يا إبراهيم

Quote: إزيك يا هشام ما بفتح خشمى لامن أشوف آمنة بي عينى ما بقدر على شاكوش تراجيدى

الليلة كنت مع اولادى فى الله...فى كايرو

يازولyazoalيازول

شكرا على هذه الاخبار الجميلة , وعبرك ارسل تحياي للاخ / ابراهيم على هذه المبادرة

الطيبة لازال ما علق بالنفوس بين ايمن وامنة

ودمتم فى رعاية الله اخوانا واحبابا

شرف الدين آدم إسماعيل

شكراً جزيلاً على كلامك الجميل ، وتحياتك واصلة لأبراهيم

ودمت فى حفظ الله يا شرف

Quote: وبعد قليل تكرمت (آمنة مختار) بدعوتنا جميعاً لحضور فيلم (عمارة يعقوبيان) لعادل امام فكانت مشكورة على ذلك وقد ذهبنا جميعا لحضور الفيلم فجلست (هنادى) ثم (عبده أبوبكر) ثم (أيمن هارون) ثم (آمنة مختار) ثم (بقال) ثم (محمد عادل)

اهوده الفالحين فيهو ..
ناس بتاعين افلام ..
يعملو سيناريوهات في القهاوي لي صراعات وهمية وبقال يعمل فيها كوفي انان ويمشوا يحضرو الافلام ويجو يفكوها فينا نحنا المساكين ديل..

لووووووووووووووووول يا دكين

إستهدى بالله ، عازمك فلم عشان تروق

Quote: ودعتة (آمنه) لزيارة مدينة بورسودان فى الشتاء حتى يتعرف على بورتسودان عن كثب

نود لو تم توجيه دعوة لنا ايضا من وزيرة خارجية بورسودان ..

شكرا يا دكين منحك لقب (وزيرة خارجية بورتسودان) لآمنة

عقبال لقب وزيرة خارجية السودان

ما كتير على الله

الاخ/ يازول يازول

لك التحية والتقدير والشكر علي انزال هذا البوست


مجرد ما وصلت القاهرة كان في استقبالي بمطار القاهرة الدولي الرفيق ايمن هارون فهو شاب
خلوق ومهذب جداً تبادلنا الونسات والقفشات حول ما يكتب في البورد واول سؤال وجهته له
قلت ليهو يا ايمن انت مالك مع الخالة امنة مختار فأجابني والله ما عندي معاها اي حاجة
قلت ليهو طيب مادام ماعندك معاها اي حاجة رايك شنو نتصل غداً علي امنة مختار وتسلم
عليها فهي موجودة الان بالقاهرة فأجابني والله انا ما عندي اي مشكلة ممكن اسلم عليها
ونتقابل كمان .
في صباح اليوم التالي اتصلت علي امنة مختار وقلت لها انا ابراهيم بقال من القاهرة
فرحبت بي في القاهرة وقالت لي البلد بلدك يا ابراهيم بقال قلت ليها اها ممكن نتلاقي
بتين قالت اديني رقم جوالك وانا بتصل بيك ونتلاقي قلت ليها انا لسع ما عملت لي جوال
لكن ممكن تتصلي علي في جوال ايمن هارون قالت لي لا لا لا انا اصلاً لا يمكن ان اتصل بيك
في جوال ايمن مهما كان لكن طالما انت عندك رقم جوالي اتصل علي انت ونتقابل وسط البلد .
اتصلت بيها للمرة الثانية وتوعدنا سوياً في شارع التحرير قهوة البستان ومعي ايمن هارون
جينا مكان اللقاء وكان معنا الاخوة قاسم مهدواي ومحمد عادل وايمن هارون وانا رابعهم
بعد عشرة دقائق جاءت امنة مختار رحبنا بيها وجلست ولم تكن تعرف ايمن هارون من قبل
وبعدها بدأنا في التعارف فعرف كل منا اسمه وعندما جاء دور ايمن هارون وقبل ان يعرف
نفسه تدخلت انا وقلت لامنه طبعاً هذا الشاب صديقي وهو من القاهره اسمه (( محمدالربيع ))
وبعد ذلك بدأنا في النقاش عن ما يكتب في المنتدي واول سؤال وجهته لامنة مختار انت مالك
مع ايمن هارون ؟؟ فأجابت والله يابقال الزول الاسمو ايمن هارون ده زول تافه وقليل ادب
وسافل واشكاله ده اصلاً ما ممكن يكن في البورد فالزول ده انا عملت ليهو شنو ؟؟ دايماً يسئني
في البورد وينبذني ؟؟ قلت ليها يا امنة انسي الفات كلو ايمن ده زول صاحبي وانا بعرفوا
كويس لمن يكتب عنك ما بيكون قاصدك هل من الامكان تلاقي ايمن وتتصالحي معاهو ؟؟ قالت لا لا لا
لا داير اشوفوا ولا داير اتصالح معاهو ,,, فجأة جاءت الاخت هنادي وقبل ان تجلس قلت ليها يا
هنادي انا عايزك لحظة مشينا بعيد شوية منهم فحكيت ليها الحاصل وقلت ليها ايمن الان موجود
وامنة موجودة وفي توترة شديد بينهم ولا يمكن ان يستمروا بهذا الشكل نعمل شنو ؟؟؟ هنادي
قالت لي انا برجع بقعد وانت نادي امنة مختار واتكلم معاها ,, ناديت امنة مختار وقلت ليها
يا امنة انا جيت اللقاء مخصوص علشان الصلح بينك وبين ايمن هارون ما تصري علي رايك
فكلنا نخطأ والشاب القاعد معانا ده هو ايمن هارون زاتوا اها رايك شنو ؟؟ لم تتردد
علي الاطلاق وذهبنا سوياً وتصافحا وتعانقا مع بعضهم البعض وبدأ في تبادل الضحكات
وكل منهم يظصر الي جه اخيه وهو متحصر عن الذي جري بينهما وبذا تم الصلح وتوعدا
الاثنين معاً بأن كل واحد منهم يسحب كل ما كتبه عن الاخر
وهذا البوست للخالة امنة مختار بعد الصلح وهي تهظر مع ايمن هاون بأنه ابنها

الليلة كنت مع اولادى فى الله...فى كايرو

Quote: الأخ (بقال) كان متابعاً للفلم بإهتمام خالص ، خاصة فى لقطة المظاهرات وضرب الأمن المركزى للطلاب

يخوانا

اما آن لهذه المغصة ان تنتهي ؟؟

كلام كميوتارات

الحمد لله على السلامة

ألف مبروك

زوروا المعرض التشكيلى للفنان رأفت ميلاد أعلا هذا الرد

العزيز هشام يازول

لك البحر ولى حمى الوطن

Quote: الصلح بين (آمنة مختار) و (أيمن هارون) بمبادرة كريمة من (إبراهيم بقال)

اماقبل :

اخى حقا كان هنالك سؤ تفاهم بينى وبين امنة ولكن انا كنت سعيد جدا امس بلقياها حتى تعرفنى عن قرب وتعرف كيف افكر وكيف اتعامل مع الاشياء حقيقة وجدتها انسانة راقية ورائعة فى غاية الروعة , قد نختلف ولكن اخى ليس الاختلاف هو الذى يحكم سلوكنا وتعاملاتنا مع الاخرين ...
حقيقة السعادة بوجود الاعزاء قاسم مهدواى وهنادى وبقال ومحمد عادل وعبده ابوبكر وبتلفونك الجميل اخى هشام وانا على حسب تقديرى انت احد الحضور فى تلك الرائعة ,,, واتمنى ان تدوم المودة بيننا جميعا نختلف ولكن تكون هنالك خطوط حمراء لايمكن تجاوزها ,,,


مودتى
لك منى تلويحة من صدر يثور من اجل دارفور
ايمن هارون

الإبن الحبيب الثائر

أيمن هارون

لك كل التحايا ولك التقدير والتجله على هذا الموقف الإنسانى الجميل الذى وقفته مع أختك (آمنة مختار) ، وقد فرحنا بإزالة الشوائب من على النفوس ، وكم يسرنى لو حالفنى الحظ والتقيتك وأمثالك على الطبيعة وأهلنا بيقولوا (مصير الحى يلاقى)

تحياتى

Quote: فرحبت بي في القاهرة وقالت لي البلد بلدك يا ابراهيم بقال

آمنة مختار بقت الفيرست ليدي في مصر ونحنا ماعارفين؟؟

الاخ يا زول ..

لك التحية علي هذه الاخبار الطيبة

التي تسر ..

و تحية الي أيمن هارون ..آمنة مختار ..ابراهيم بقال ..

ولكل سعاة الخير بين الاخوة ..

الأخ الحبيب محمدين محمد إسحق

ولك ايضا تحياتى وتقديرى يا محمدين على هذه الأريحية وحضورك والمشاركة فى فرحتنا بالصلح الجميل ، ويارب تصفى نفوس جميع السودانيين ليعمروا بلدهم ويعيشوا فى سلام ووئام ومودة وخيرات كثيرة لا مقطوعة ولا ممنوعة

تحياتى يا همام ، فأنت أيضاً أحد الثائرين الأشاوس

أخونا الفاضل هشام يا زول ..

ألف شكر على هذا البوست اللطيف

وعقبال ما نقابلك انت كمان .

حقيقى ولدنا بقال عمل فينى مقلب لذيذ جدا

انا شخص حاد الطبع( برج الجوزاء نعمل شنو ) ،

وبطريقة عادية لا أوافق أبدا أن اقابل شخص لى معه

اشكال ما (طباع جاهلية )..وبقال فطن الى هذا وتصرف بخبث لطيف .

المهم انا سعيدة بهذا المقلب ..لأننى وجدت ان الأخ ايمن

مازال شابا يافعا وله قسمات بريئة ..مع انو أحيانا

بركب فى المنبر وش كديس .


كذلك سعدت بالتعرف اليكم عبر الهاتف

والمكالمة ازالت ماكان فى القلب ( بعد بوست بورسودان اياه )

لك كل تقديرى ..

شكرا لكل من مر بهذا البوست على مشاعرهم الطيبة .

Quote: اهوده الفالحين فيهو .. ناس بتاعين افلام .. يعملو سيناريوهات في القهاوي لي صراعات وهمية وبقال يعمل فيها كوفي انان ويمشوا يحضرو الافلام ويجو يفكوها فينا نحنا المساكين ديل..

دكونى..

انت حاسد ولا بقران !!

























دكونى ده اسم كديس أختى الصغيرة ميادة

أختى الحبيبة (الثائرة أيضاً) (آمنة مختار)

الحمد لله رب العالمين ان عادت النفوس صافية وراضية ومرضية ، وذهبت الأحقاد والغضب ، وعدتم لنا آمنة التى نعرف وأيمن الجميل وشكرا جزيلا لقبول الواسطة والأجاويد ، فهذا هو السودان يا آمنة ، نختلف كثيرا ، ونجلس نأكل (ملاح الويكة) سوياً ، ونؤثر بعضنا البعض فى (لحمة الملاح)

سعادتى كانت كبيرة بالتحدث إليك ، وأرجو أن نلتقى ذات (شتاء) فى (بورتسودان) ثغر السودان الجميل وبلده الرائع فى البوابة الشرقية ، نعود لبورتسودان وقد زالت الملوحة من المياه ، وكف الذباب عن الطنين ، وماتت جميع العقارب

تحياتى يا (أمونة)

وألف ألف سلام

الصلح خير ( فأصلحوا بين اخويكم )

شكراً لامنة ومختار وايمن هارون

للاستجابة وتحكيم صوت العقل

وتحايا عاطرة للاستاذ ابراهيم

بقال سراج صاحب المبادرة

ولك التحيات الزاكيات الطيبات المباركات يا حقار

والله اسكتو بس كان حلات صلح غايتو خلوها ساكت
تانى يا امنة امشى شاكلها ايمن تانى مابتقدرى لانو ولدك
لو ايمن ود امنة زبقال ود تراجى
انا ود هشام شيخ الدين ههههههههههههههه

Quote: حقيقى ولدنا بقال عمل فينى مقلب لذيذ جدا

ولدنا باقال... قرقر انت متاثرة بي شديد يا ام اربعة واربعين\ولو بتلدي باقال تبقي
انا شخص حاد الطبع( برج الجوزاء نعمل شنو )
B]بقيتي تفتي خبيرة في النضال منو مناضل ومنو لع
نكرر آما آن الاوان لهذه المغصة ان تنتهي

Quote: انا شخص حاد الطبع( برج الجوزاء نعمل شنو ) ،

يا بعيدة انا برضو جوزاء يعني نفس السنة والشهر...لا حولة
[

يا آمنة ويا بيان أنا برضو (برج الجوزاء) مولود فى 17/6



شكرا للحضور الزاهى يا دكتورة بيان ، وشكرا لإبنى محمد عادل الذى كان له الدور الأكبر مع بقال والآخرين فى الصلح

تحياتى

يعنى ياعم هشام نبعد منك بعيد بسرعة ماتكون ذى امنة متعصب برضو
امنة كانت صعبة جدا جدا
غايتو انا بكره برج العقرب وناسو لانهم عقارب والعقرب لو لدغك السم بدخل الجسم طوالى
غايتو ناس الجوزاء متعصبين كدى
لكن ماظن عم هشام ذى امنة
لكن بيان شكلها كدى اصعب من امنة عشان جبهجية هههههههه

Quote: لكن بيان شكلها كدى اصعب من امنة عشان جبهجية هههههههه

عادل يا ولدي وصلتك الاشاعة


بس خلي بالك من برج العقرب

Quote: (برج الجوزاء) مولود فى 17/6

لووووووووووووووووول

بس ما تكون نفس السنة
لانه ذي بتنا آمنة دي عندها مشكلة عمر وكدا..

والله يا دكتورة أنا (عجوز) لكن (بتجوهل) ساى ، وشكلى (مساعدنى) ، اصلو ناس الجوزاء ديل عندهم (منح) إلهية

تحياتى يا دكتورة ، حضورك أسعدنى ، ويا محمد عادل (خلى بالك) من الدكتورة دى فهى (أكاديميات) متحركة يمكن أن يستفيد منها الشباب فى سنك ،

تسلموا كلكم

الخالة بيان انا حخلى بالى من برج العقرب عشان مايعضنى
لكن انتى الليلة عندك اتنين من اشرس الناس فى البورد فى البرج الجوزاء العم هشام والخالة امنة
لكن اقول ليك كلمة انا حعمل بوصية عم هشام حستفيد منك من اكاديمياتك وبعدين لما اتخرج اجيكى عشان تشغلينى فى شركة من شركات الجبهجية فى ماليزيا

Quote: الجبهجية فى ماليزيا

تاااااااااااااااااني
جيهجية تااااااااااااااااني

عايز تزعلني مالك

خلاص ماتزعلى ياخالتو اسلامية رايك شنو

كدا حلو
جدا..
يلا خلاص حاعملك من اصحابي الله يمرقك ام اربعة واربعين
ما تطلعك من صبياني المزعومين

يلا قول معاي
كلبا كالب نزل راسك ارفع ضنبك..


مودتي

كضبا كاضب لن نصادق غير الصادق
اية اية

الاستاذ هاشم

تحياتي واحترامي

والتحية لكل المتداخلين

علمت من بقال انو امنة لا تدري بان الموجود معهم هو ايمن هارون فقلت للاخ بقال هذا اجحاف في حق امنة - مفترض امنة تعرف انو الموجود دة ايمن وهي بعدها تحدد التعامل معه او رفضالتعامل معه إخترح على ان نصالح بينهم - فقلت له اخبر امنة بوجوده وطرح عليه مسألة الصلح بعدها سنحاول انا ومحمد عادل وقاسم ان نصب الماء على النار ان كانت هناك نار. بعد نقاش موضوعي وجاد وصراحة تصالحوا .

ففي اعتقادي ان الاختلاف في الرأي لا يفسد في الود قضية. ولكن تجد البعض انو اختلفوا في الرأي يشخصنون الصراع ونتطلع لسودان يحترم افراده بعضهم البعض مهما كانت حدة الاختلاف في الرأي او المنهج.

يا سلام عليك يا هنادى ، فقد أخبرنى إبنى محمد عادل بموقفك هذا عبر الهاتف فى وقته ، وقد إستحسنت ، وإستحسن الجميع هذا الموقف منك والذى أدى فعلا إلى هذا الصلح ، وإن شاء الله سيكون فى ميزان حسناتك

تحياتى

هشام

Quote: يا آمنة ويا بيان أنا برضو (برج الجوزاء) مولود فى 17/6

أخونا يا زول ..!!

أتارى عشان كده انت مكاواتى

Quote: بس ما تكون نفس السنة لانه ذي بتنا آمنة دي عندها مشكلة عمر وكدا

يعنى يا دكترة فى عقلك الباطن انتى عارفة انى زى بتك







العزيزة هنادى..

شكرا على كلماتك الطيبة .

الخالة امونة ناس بيان ديل كبرو خلاص

قرقرقرقرقرقرقرقرقرقرقررقرقرققررقررقر
والله يا ام اربعة واربعين جد
داخلة في شخشية انك بنوتة صغيرة..
الله يكبر العقول
حلاتو محمد عادل دا
اها كبرنا الحصل شنو والقصة شنو؟

جد بكري دا بيبالغ مرات...
على البورد معسكر الالزامية

بيان

انتي ما لك عاملة فوضي في البوست دا ومحولة مسار البوست لاتجاه اخر ؟؟؟
بالله شوفي الكيذان وين واتلمي فيهم ده شنو الكلام الفارغ دا بالله
عمره اربعين وعمره عشرين ده شنو دا ,,,
انا شوفتك في الخرطوم وعمرك لا يقل عن الخمسون عاماً بالله فكنا يا عجوزة
انتي

Quote: انا شوفتك في الخرطوم وعمرك لا يقل عن الخمسون عاماً بالله فكنا يا عجوزة انتي

بالله الكبر عيب؟

الا تذكر الامهات والخالات والعمات والحبوبات
يا جنى
في اي دور من الادوار دي بكون سعيدة جدا....

وما عيب الا العيب...

يا مناضل يا عظيم

قرقرقرقرقرقرقرقرقرقرقررقرقرققررقررقر
والله يا ام اربعة واربعين جد
داخلة في شخشية انك بنوتة صغيرة..
الله يكبر العقول
حلاتو محمد عادل دا
اها كبرنا الحصل شنو والقصة شنو؟

جد بكري دا بيبالغ مرات...
على البورد معسكر الالزامية
كبرتى وخرفتى
خرفتى ياحبوبة ياحبوبة بيان خرفتى والله
مالها معسكرات اللالزامية دى برضو من عمائل الجبهة ولا شنو
حبوبة بيونة ممكن تحكى لى قصة
حبوبة ابعدى منى والله لوفكيت ليك امى الهنا
بطير ليك حفرة الدخان والحنة من راسك
والله امى ساكتة بس
اكها ليك

قرقرقرقرقرقرقرقرقرقرقررقرقرققررقررقر
والله يا ام اربعة واربعين جد
داخلة في شخشية انك بنوتة صغيرة..
الله يكبر العقول
حلاتو محمد عادل دا
اها كبرنا الحصل شنو والقصة شنو؟

جد بكري دا بيبالغ مرات...
على البورد معسكر الالزامية
كبرتى وخرفتى
خرفتى ياحبوبة ياحبوبة بيان خرفتى والله
مالها معسكرات اللالزامية دى برضو من عمائل الجبهة ولا شنو
حبوبة بيونة ممكن تحكى لى قصة
حبوبة ابعدى منى والله لوفكيت ليك امى الهنا
بطير ليك حفرة الدخان والحنة من راسك
والله امى ساكتة بس
اكها ليك