عضو مجلس حكماء سابق يفخخ نفسه

ما شفت يا ابقوته الحاصل علينا؟
كنا ملمومين حارسين الجنينه
قالو مجلس حكماء بيقود السفينه
وجانا بكرى بى موسو السنينه
قطع أوصالنا وللصقر اترمينا
وكان جزاء سنمار من فعل ايدينا
هو افترى ، وقايلنا افترينا
فى لحظه باعنا ، وقايلنا اشترينا
ياريتو لو شاف التعب الشقينا
ولا شاف النبز اللقينا
مافى زول ساى كان قبّل علينا
بقينا شماعة للاساءات والضغينه
وكل زول حاقد تف فى وشينا
وينها يا ابقوته الناس الحنينه
وكل صديق كل زول مشتهينا
صاحب امبارح ، الليلة معادينا
وكلو شان السلطة فى يدينا
نحن نستاهل ، جينا بكرعينا
لما شاتونا اليوم كر علينا
هل جزاء الاحسان يصبح ضغينه
يقطع البوردات ويقطع سنينه
البهدلت عادل وخربت علينا
قرشو زعلان قال مافاضى لينا
حتى نصار كان قائد السفينه
معاه انور والبت الحزينه
ايه لقوا؟ غير نبزة شينه
لا فى زول جانا يواسينا
لا لقينا شكرنا ومشينا
لا قعدنا معاكم بكينا
اصلو يا ابقوته الناس ملطشونا
الا حالف ارد الضغينه
عندى سيف موروث سيف سنينه
كنت داخرو لى تور عفينه
هادا وقتو ، يا ابقوتا جينا
حمسوا الدلوكه ، وغنوا الكنينه
وقول لأعدانا نحن ابتدينا
الحقوق ناخدها بى ايدينا
زى زمان ما اهلنا ادوها لينا
ما بنفرط ، وكل واحد اضينا
يقعد يعرض فى دار ابونا
البدور العدا تبقالو شينا
نحن فى يوم ابدن ما افترينا
ارجو يوم باكر يا العفينه
يوم نقطع كل كرشن سمينه
والبدورنا اليجى يقعد معانا
ما بيسمع ابدن كلمه شينه
وفى ختام القصة الحزينه
ليك سلامى يا ابقوته زينه
يبقى فى بابك مستكينه
يحرسك من كل شر وشينه
ونحن نعرض ، بس غنوا الكنينه

يازول يازول يادوبنا جينا
جاهزين نرقص على نغمة كنينه
بس ياريت تنسى الضغينه
وتغنى كمان عنب الجنينه

ربت ربت ....ياهشام
حقو تمشى ام دكت..ياهشام
رشحناك زمان.....ياهشام
بدون ضمان......ياهشام
ما اديتنى غنماية..ياهشام
ولا حق الدعاية...ياهشام
بركة الشالكومك... ياهشام
والمنصب قلعوكم...ياهشام
اخيرلك ركن قرشو...ياهشام
دا زول ظريف فى هرشو....ياهشام

والله كفارة...ومن الضحك ما قادر ارد
عليكم ولا اكتب..

اجمل تعليق هو ما كتبه فى هذا الموضع
الاخ ايهاب السنى فى رد على سؤالى
قلت ليه ناس مجلس الحكماء ديل بجمعو وين

قال لى فى وانورى...ووانورى دا حى من احياء بونا يسكنه السودانين بكثرة
زى بنى مالك..تحية لكم
وبعد ضحكى يكمل بجيكم راجع

انت يا ابقوته ما نصيح؟
اهدى ليك كل شعرى الفصيح
وامشى وانورى اكورك واصيح
وانت فى الغنمايه تقول ميغ تصيح

عايز اقول ليك يا محسن حكايه
الضغائن ، ما بتنفع معايا
لما جانا القرآن آيه آيه
ما نفرنا وما كفرنا ورفعنا رايه


أصلو كل القصه العجيبه
كنا بننظم صفحتنا الحبيبه
فجأه بكرى قال لينا سيبه
وكل جهدنا قلبوه مصيبه

كر عليك ياشومى
والله اجبرتني على الرد بعد ما قلته حرم
البهجه انت سيده والقياده سيد سيدها كمان
يالشفيف يالجميل وياحليل الايام الخوالى
وكت كنت تجددع فى النضم البيطلع منك درر
والمايعرف الصقر يشويه

عندى كلمه انا عايز اقولا
ناس تشوف فى نفسك قبولا
تستريح فى الظل الظليلا
أصلى بهوى للبيبسى كولا

الاخ هشام
حين تنبري الحقيقة ، وتخرج القصيدة نحو فراديس الضوء ، ويسبقها القمر على نيته نحو هوة المحال ، سنجدكم هناك أنت وكل اللجان ، تمتدون قطفاً للعمر ، تركضون سندباداً ، تعزفون جزراً لتلويحة قمر ، تحتشدون دماً يثور في جدران العين ، ترسمون ملامحاً لوطن وتهطلون كالمن والسلوى علينا ،،،
لاتبتئس يا صاحبي فالقادمون اليوم أكثرون
تحياتي لك ولكل المتحذلقون عن الفوضي والساقطون في الترفع عن الصغائر.

شوفو صديق جاب الكلام
زول مثقف وعالى العلام
من كلامو بقول يا سلام
يحفظك مولاى تبلغ مرام

يازول


انا مندهش بس والله

كل الشكر والتقدير

الشكر والتقدير لاعضاء اللجنتين

تندهش ليه والقصة واضحة
هم عايزين الشغله فاضحة
تور هايج والقرن ناطحه
جيل مغفل وعقليه ساطحة

مافى زول غير ايهاب شكرنا
زول بيستر حالو وسترنا
اصلو فد يوم ما عكرنا
ربى يجعل احوالو مرنه

هاك يا قرشو القول الصحيح
نحن فى زمن الدجال المسيح
وكل نايحة بى غادى بتصيح
ديل بجننو للزول النصيح

الريس هشام

قيل جزى الله المحن كل خير

حقيقة سعدت كثيرا بموهبتك الشاعرية التى كانت مخفية عنا ولم نستمتع بها قبلا..

اذن سيدى واصل فى هذا المنوال ولنترقب اكثر واكثر..

لك الود كله ...

حاول فخّ نفسه
وهل يخفي الخفر في ثناه
ابدل وطبعل لع

كسناهو كسناهووووووو

حاول فكّ نفسه وغيّر اتجاهو
شاف شارعا مضلّم وبالقاطوع وراهو

من كترة جرينا...الواطة بتزدرينا
بي بساط مصطرينا...

والناس المعاهو يكوركو وفي رجاهو

ابدل وطبعل لع...كسناه كسناه


المجلس دا طاير كم فرتق زراير
وربّات الحراير...ناكشات المساير
والهاكر مجقلب
عامل فينا مقلب

من شدة حياه...روحنا مكجناهو

ابدل وطبعل لا

يا زول خلاص اعقل نميمك لمو
الزول النساك ان هرسك قطر مابهمُو
الدَابي الكمن في جنابي زارق سمُو
دوب للتحرق حشاك وتقول رمادك خمُو

قلنا يازول انت مالك
انت قايل البورد حلالك
ولا بس البورد, حٍٍِِْلالك
بي عظمتك وب جلالك
جايي تعرض عرضحالك
لو مرة بس البورد ده يحكي
كان مشالك واشتكالك
ميه تاخد غيرة تاني
واصلو ما تاخد فيبالك

يا نيوبي والله باي...عجبتني جدا التفخيخه بتاعتك دي....العلي وزن كيف لا اعشق جمالك ...اها بنجر ليك فيها كم عود وانت واصل...


عرضحــــــال آخر الثوانــــــــــــي
فيه آيـــــــــات من معاني

بي وراك شايلين صواني
وكيف معاك مقطوع لساني

وبكري فارش...

شوفتو زي زهر الخميره
تبتسم لي روح فطيره

عاليه اخلاقو ومثيره
يلعب الحبلين عقالك

هشام ؟

انت الزول ده شكلو كان بيقبضكم ماهية كبيرة

لانو رفدكم رفدة زول دافع ليكم حقكم وزيادة

دحين اخوي

انسى القافية دي

واديني رد اقدر افهمو براسي الكعب ده

حاشا عليكم يا هشام يا زول من كل الكلام الشين ده.
لك وللأعضاء والعضوات ممن تطوعوا لمهمة الإدارة التحية والاحترام.

إيمان

الليلة الليلة يازول الليلة الليلة
بجيب فيك اشعاري
وبعزف ليك اوتاري
خماكم تمساح العشاري
من وسط النباري
الليلة الليلة يازول الليلة الليلة