الاحباب و الاصدقاء من حولي................لكم مني احلي وداع سقيتو من دمعي الحنين

الاحباب و الاصدقاء من حولي................لكم مني احلي وداع سقيتو من دمعي الحنين


03-11-2002, 04:54 AM


  » http://sudaneseonline.com/cgi-bin/sdb/2bb.cgi?seq=msg&board=52&msg=1134001321&rn=0

Post: #1
Title: الاحباب و الاصدقاء من حولي................لكم مني احلي وداع سقيتو من دمعي الحنين
Author: eyes of liberty
Date: 03-11-2002, 04:54 AM

اكره ان اقول وداعا ....ولكن تراني اليوم مرغم علي ذلك
اودع احلي ناس......اغلي اصدقاء امتعوني بظلهم الوافر و
كلماتهم الرقيقة الحلوة التي اراحت صدري و انا هنا في مخزني هذا وحدي

لقد ذكرتكم عند اهلي و تحدثت و تآنست بكم معهم, فو الله قد صرتم
كلكم جميعا عنوان للكلم الطيب و التقابل الشريف و قد اثريتم حياتي
بوجودكم معي و انا قابع خلف هذه الشاشة بين جدران من الاسمنت تفسد
كل حريه و لكن عيون الحرية بكم انطلق و تحرر من قيود الزمان و المكان
تماما كل الشيخ العارف الذي كمل بالله نوره .......
.لكم الف تحية
و ابقوا عشرة علي العقاب و لا تتركوا للشيطان ان يدخل بين ثنايا اصابعكم
ضموا اليكم بعضكم لبعض و اطلقوا الابتسامة و لا تدعوي للباطنية ان تتغلب علي الموضوعية الغناء , فعهدي بكم كما عاهدتكم منذ اول فجر لهذا البورد ...يوم تغنينا بالكابلي و هي لعمري احلي ذكري من ذكريات هذا البورد العطرة
وانه جد يحزنني فراقكم و بالاخص عصافير هذا البورد المغردة علي اعشاش الغربة
تنتظر فصل الخريف لتعود الي وكر الاوطان لتبني عش الزمان مع القماري

ابقوا جد عشرة علي البورد يا احباب فسأعود ان بقي لي عمرا انشاء الله الكريم
واوصيكم خيرا بالصغيرة سماااااااااا7 خلو بالكم منها ودي وصية من موصي اعلقها علي رقابكم يا اهل المروة من الرجال و اهل الصدق من النساء
سماااااا7 هي سمااااا7 بنت حلتنا بل بنت جيراني في السودان , وصوها و ادعوا لهابالخير حين تستنجد بكم يا سدادين الفجج

سأعود ان كتب لي عمرا انشاء الله , فما ذهابي الا نداء للحياة و متطلبات ضرورية
شوقي لكم جميعا و العفو و العافية لله و رسوله يا اغلي من عرفت

سلام
Post: #2
Title: Re: الاحباب و الاصدقاء من حولي................لكم مني احلي وداع سقيتو من دمعي الحنين
Author: ودحبيب
Date: 03-11-2002, 05:01 AM
Parent: #1

تصحبك السلامة ورحلة سعيدة
Post: #3
Title: Re: الاحباب و الاصدقاء من حولي................لكم مني احلي وداع سقيتو من دمعي الحنين
Author: Abulbasha
Date: 03-11-2002, 05:32 AM
Parent: #1

يامسافر... وناسي هواك
أرواحنا..وقلوبنا معك

لا أدري لماذا عندما جلست إلي مكتبي في هذا الصباح بالدوحة الوارفة .. ومن نافذة المكتب مددت البصر طويلاً في إتجاه البحر .. حيث شاطي الخليج بمياهه الزرقاء والخضراء أحياناً . والتركوازية مرة أخري ... نظرت متأملاً في عظمة الخالق .. ورزاز مطر شتوي خفيف يبلل زجاج النافذة.. فجأة أتاني إحساس وقد كان يشدني بعنف أن أترك العمل .. وألج إلي سودانييز أون لاين لأري شيئاً خفيفاً علي الدم من مداعبات أولادنا وبناتنا في مهاجرهم البعيدة كإستهلالية ليوم عمل طويل .. لكنني فوجئت برحيل مؤقت لحبيبنا - عيون الحرية - ميمماً شطر البلد .. الوطن .. الحدادي مدادي .. لا أدري إن كان ذاهباً له أم إلي هجرة متجددة .. فالترحال من منفي لمنفي _ كما كتبها التجاني سعيد - أصبح صفة لازمة يدمغ بها أهل السودان منذ أن غطت سماء البلد سحابة داكنة .. لم تنزاح . ولم تتحول إلي سحابة خير وبركة فتهبط مطراً ..
لك مني يا عزيزنا سفراً طيباً واسع الفوائد .. ومتعدد النجاحات .. وسنكون في إنتظارك في رحلة العودة ..

.. مع شهقة جروف النيل مع الموجه الصباحية.. لكي نرتشف من إطلالة حروفك التي .. يخطها بنانك المنمق.. بنانك المموسق .. أكاد لا أصدق .. دعواتنا لك
صحبتك السلامة أينما وحيثما حللت
أخوك صلاح الباشا
Post: #4
Title: Re: الاحباب و الاصدقاء من حولي................لكم مني احلي وداع سقيتو من دمعي الحنين
Author: zico
Date: 03-11-2002, 05:56 AM
Parent: #3

ربنا يوفقك ويهديك لي صراطو المستقيم ويبعد عنك اولاد وبنات الحرام
ويرجعك لينا سالم غانم
دي دعوة سمعتها من احدي جداتي احببت ان اشارك بها في وداعك وحقيقة اتمني رجوعك سالم غانم كما اتمناها لنفسي
Post: #5
Title: Re: الاحباب و الاصدقاء من حولي................لكم مني احلي وداع سقيتو من دمعي الحنين
Author: suna
Date: 03-11-2002, 06:19 AM
Parent: #4

دوما يصر هذا البورد دوماً على أن يزيقنا مرارة الالم الواحد جايي من الصباح ونفسوا مفتوحة 1000 يجي يلقي صاحب العيون الساحرة عيون الحرية يطلب الاذن بالرحيل ماذا فعلنا لكم لكي تفعلوا كل هذا بنا تزرعوا الحب في قلوبنا نحبكم حتي الثمالة وبسرعة البرق تنزعوا أنفسكم من دنيانا بالله خبروناماذا فعلنا لكم
ولكن هكذا الحياة كما خبرونا تجمع لتفرق وتفرق لتجمع وعلينا نحن بمعاناة مرارة فقدكم
أينما حل بك الترحال أزكرنا
واي حرف نخطه انت في زاكرتنا
فليكن سفرا موفقا سالما غانما ولغانما هذه صدي عند كل من تغرب عن بلده فأتمناها لك من كل قلبي أينما كانت وجهتك
Post: #6
Title: Re: الاحباب و الاصدقاء من حولي................لكم مني احلي وداع سقيتو من دمعي الحنين
Author: suna
Date: 03-11-2002, 06:19 AM
Parent: #4
Post: #7
Title: Re: الاحباب و الاصدقاء من حولي................لكم مني احلي وداع سقيتو من دمعي الحنين
Author: تغريـــد
Date: 03-11-2002, 07:02 AM
Parent: #6

I’m not able to express my words,
But you know what!!! I feel like crying Wallahi(.
All The best InshaAllah, Wo Take Care Plz.
And Try to be back speedyyy coz still we have this much of Al Kabli’s Songs we didn’t enjoy it together yet.
Post: #8
Title: Re: الاحباب و الاصدقاء من حولي................لكم مني احلي وداع سقيتو من دمعي الحنين
Author: رومانسي
Date: 03-11-2002, 07:09 AM
Parent: #7

كان تعب منك جناح في السرعة زيد
<BGSOUND src="http://www.kabaros.com/downloads/songs/wardy/altair_almohagir.wma" style="color:black;background-color:white">
Post: #9
Title: اوع تطول الغياب
Author: يازولyazoalيازول
Date: 03-11-2002, 07:39 AM
Parent: #1

ود لبرتى

ماشى وين مخلينا؟؟؟؟؟

أوع تطول الغياب
وانت عارف شوقى كم

الله يحفظك وسماح فى حدقات العيون
Post: #10
Title: Re: اوع تطول الغياب
Author: قرشـــو
Date: 03-11-2002, 07:55 AM
Parent: #9


الأخ الحبيب عيون الحرية
رغم عدم معرفتنا بأسباب غيابك عنا ولكن الحمد لله انك لم تكن غاضبا عنا وعموما انت ركن ههام فى هذا البورد وعلم من اعلامه وبصماتك ابهر من ان يشار اليها وبكل صدق سيكون البورد هو الخاسر وسنكون نحن الخاسرين بغيابك..
ولكن نرجو ان يكون غيابك لخير لك ولنا ايضا ونرجو ان يوفقك الله وتحقق كل ام######## الجميلة وربنا معاك وثق ان سماااااااح هى منا بمثابة البنت الغالية وهى فى حدقات العيون وهى التى حفرت بصماتها منذ مقدمها فى قلوبنا ومثل هذه ستبقى فينا نحتويها بكل الود والاحترام ..
تمشى وتجى بالسلامة
عيوننا مع السلامة
Post: #11
Title: Re: اوع تطول الغياب
Author: raheel
Date: 03-11-2002, 08:32 AM
Parent: #10

هوى يا عيون الحرية انت ماشى وين ورينا فى الاول بعدين
امشى هو فوضى ولا شنو يعنى بعدين الرسول كان تفوت تخلينا
كدة ما عارفين راسنا من رجلينا ورينا ماشى وين وبتكون وين
ولشنو يعنى بصراحة كدة شغل نسوان عديل كدة
Post: #12
Title: Re: اوع تطول الغياب
Author: yasiko
Date: 03-11-2002, 09:19 AM
Parent: #11

انت قول الراعي واعي حبيبي سمي اسم الله واتوكل
تبراك السلامة ان شاء الله ليك القاسي يتسهل
كان بيدي يا ست ريدي ما كان السفر بحصل
الا الباقي باقي حبيبي كان نرضابو كان نزعل



تصحبك السلامة
بالله لما تجي ما تنسى تجيب المنديل البينسجو فيهو دا لعمك حسبو
وتغشى سوق العماري تجيب معاك تنباك كارب للالفة قرشو
وحزمة احدث الشرائط لرومانسي والصادق شريطة ان يرسلوها لنا بالطريقة التي نتمكمن من حفظها
وتجيب ليك مركوب ليازول شايفو حفيان
وحاجات حلوة للجنس الاخر
Post: #13
Title: Re: اوع تطول الغياب
Author: rummana
Date: 03-11-2002, 11:16 AM
Parent: #12

أخي الحبيب الى قلبي..عيونا
لو شوقنا ليك مطر وانت معانا كيف يكون الحال وانت بعيد؟؟

تصحبك السلامة أخي في حلك وترحالك، وأتمنى لك وقتا طيبا بين أهلك وأحبابك وما تنسانا في السودان..وما تنسى ترسل لينا الجوابات..وبرضو ما تنسى ترسل البشارة وما عليك من التذكرة..بشتريها براي..بس انت تسمعنا كلمة خير..وسماااا7 جوووووة عيونا لحد ما تجي
واوع تطول الغياب زي ما وصوك

رومانسي
شكرا على اللحن الجميل
رمانة
Post: #14
Title: Re: اوع تطول الغياب
Author: 3bdo
Date: 03-11-2002, 05:02 PM
Parent: #13

الاخ الحبيب ود ليبرتي
حفظك الله ورعاك ..ونتمني ليك رحلة موفقة بين الاحباب ونشوفك مرة مرة من هناك كده اذا قدرت ...انت معزتك عندنا كبيرة ..فما تتقل(بفتح القاف) علينا
3bdo
Post: #15
Title: Re: اوع تطول الغياب
Author: Elsadiq
Date: 03-11-2002, 08:05 PM
Parent: #14

ود لبرتى

تصحبك السلامة ورحلة سعيدة انشاء الله ..... وسنفقدك في فترة غيابك ما تطول الغياب
Post: #16
Title: Re: اوع تطول الغياب
Author: eyes of liberty
Date: 03-11-2002, 09:29 PM
Parent: #15

الاخوات تغريد البلبل
رومانه الحنونه
رحيل الاصالة

كلكم ود و حنيه , هذا هو عهدي بالمراءة السودانية
فعلا تستحقون ذلك الكم من الذهب و الشيله
و معاناة الرجل للرحيل بالترحال المتواصل
فأنتن و الله لدرر من النفيس تتوج علي الصدر
القومة ليكن يا بنات اهلي الكرام


الاخوان
بكري
ود الباشا
الصديق
يازوول يازوول
زيكو
سونا
قرشو
ياسيكو
رومانسي
عبدو
تحياتي و تقديري لتمنياتكم الطيبة لي
, ظني فيكم لا يخيب ابدا ابدا
فبكم اكون و بدونكم اخشي المواجع
نعم ..استاذي ود الباشا
انها كما ذكر الاستاذ التجاني سعيد
غربة المنفي الي منفي جديد
ولعل موعدي قريبا جدا مع السودان
انشاء الله فما مناي هذا الا حركة نحوه

الي الكل مرات و مرات, بدون فرز او تدريج
لكم كل حبي و امتناني و اوعدكم بالعودة
الفورية عقب استقراري و اطمئناني
فبكم سعدت و عنكم لا استطيع البعاد

و لسيداتي مرة اخري
لكن كل الجمال
و المحنة و المودة
و القومة ليكن يا فتاة بلدي


للكل الف سلام من المولي الكريم
Post: #17
Title: Re: اوع تطول الغياب
Author: sama7
Date: 03-11-2002, 10:34 PM
Parent: #16

عيون الحرية يا عيوننا
والله بكيتنى عدييييييل كدا
دا شنو بعدين مافى حاجة بتستدعى الفراق

**
ودعته وبودى لو يودعنى
صفو الحياة وانى لا اودعه

وبعد دا مافى وداع
لانك دوما معنا وستظل
يا سيدى ربنا يوفقك ويحفظك
بس ما تحرمنا من ابداعاتك

**
ابعدا نرجى ام نرجى تلاقيا
كلا البعد والقربى يهيج ما بيا

يلا ودعواتنا وقلوبنا معاك
حقيقة غالبنى الاقولو

شكرى الجزيل للغالين رمانة ويازول يا زول وقرشو
ويا رومانسى شكرا برضو على الغنية

وسلام للكل من سموحة
Post: #18
Title: Re: اوع تطول الغياب
Author: bunbun
Date: 03-11-2002, 11:24 PM
Parent: #17

العزيز عيون الحرية

صحبتك السلامة حلا وترحالا
Post: #19
Title: Re: اوع تطول الغياب
Author: alsara
Date: 03-12-2002, 00:26 AM
Parent: #17



أخي العزيز عيون الحرية
نتمنى لك من المولى عز و جل سفرا موفقا ..و عودا حميدا
بإذن الله ...إذهب و ستبقى ذكراك دوما بيننا تلك التي نحتها في قلوبنا منذ بسم الله إبتدينا ,و إصرارك الجميل بأن يستمر العطاء حتى عودة صاحبة العطاء.. فجلسنا نستمع و نتعلم على يديك دون ملل ...و ليس غريبا على روحكم الطيبة نفح الطيب

أما سموحة تلك التي ولجت قلوبنا دون اسئذان بل تفتحت أمامها كل أشرعة الحب منذ أن التقيتها أول مرة قبل دخولها البورد ستبقى في الأعين و الفؤاد
Post: #20
Title: Re: اوع تطول الغياب
Author: Alfarwq
Date: 03-13-2002, 12:18 PM
Parent: #19

الاخ العزيز عيون الحرية
السلام عليكم
بالرغم اتخاذي قرار مقاطعة البوردات السودانية، ا سطر هذه الاحرف متمنيا لك رحلة سعيدة و سائلا الله ان يوفقك في حلك و ترحالك صحبتك السلامة و استودعك الله اللذي لا تضيع ودائعه و السلام عليكم و رحمة الله و بركاته