يا ربى ما تحرم بيت من الأطفال

أطفالنا فلذات أكبادنا تمشى على الأرض ولكن هل يا ترى ظلمناهم فى زمن الشتات الخرب هذا ، كتب علينا التشتت والترحال هايمين فى بلاد الله الواسعة وكبرت همومنا وأحزاننا وكبرت بالتالى أسرنا وعوائلنا فمنا من تربى فى أوروبا ومنا فى الأرجنتين واليمن والخليج وسيبيريا وكما قال لى أحد الأصدقاء لو رفعت حجرا فى أى مكان فى الدنيا لخرج لك منه سودانى ، فهل يا ترى هذا السودانى الجديد هو نفس ذاك السودانى الذى تربى بين الخيزران وسط الكتاحة والمطر الغزير وتقذت عيناه من الهبباى وشبع من السونكيت والمريسة والحمل المدوعل والرقاق

هل من شرب ماء النيل كمن شرب من الفرات؟؟ أم هل ياترى تربية سندوتشات الهمبرجر مثل العصيدة بالتقلية ؟؟؟؟ وهل تضيع الهوية السودانية لو بذرتها فى الصين أو فى الأمريكتين؟؟؟؟ هل ما زال خال فاطمة موجودا فيهم كما الخيل معقود الخير فى نواصيها الى يوم القيامة؟؟؟


أسئلة يا مام تحيرنى وأشفق من الإجابة

فهل من معين؟؟؟؟؟

اديبنا السمح ما ظنيت

اولادنا اطفالنا يا خوي لازم اكونوا اولاد التقليه واولاد الويكه والله كان اتربوا وين ما كانوا حيكونو هم ذاتهم زيهم وزي اخوانهم فى السودان وبل بالعكس انا بشوف هم المظلومين
الاطفال التربو خارج السودان هم الما عندهم حظ لانو ما شربوا مويتنا الحلوه وما حكوليهم حبوباتهم الكلام الحلو ومساكين الماعرفوا العادات الجميله ومساكين الما قعدوا فى الشوارع اشمو ا الهواء العليل من غير مكيفات ومساكين لانهم اتربوا فى شقق لا تسع ليهم باللعب ومهما كانت الشقه ومساكين الما اتعلموا حتى المحنا والترابط البينا
ولكن طال ما كله طفل سوداني اتربي بعيد عن وطنه مسؤولة كل ام واب لغرس قيمنا وتقاليدنا السمحه
وما تقولي حكاية الحاجات القلتها
والتحيه ليك
يعيش السودان بما فيه ومن خارجه
ام حسون

والله يازول أنا بقترح يكون فى مشروع اسمه
سودنة أطفال المغتربين السودانيين..
وتتضافر فى هذا المشروع جهود الجاليات ..باقامة معارض وأشرطة كاسيت وفيديو ومنتديات تثقيفية تنويرية...لعرض تراث وفلكلور وتاريخ أمتنا السودانية على أطفال قيض الله لهم أن يلعبوا فى شتات خارج ملاعب طفولتهم وصباهم..وغير كده بالنسبة لمثل هذا المشروع يبدو دور الأسرة هو الأهم وفقا للتالى :-
- ربط الأطفال بوطنهم من خلال المتاح من برامج تلفزيونية واذاعية وكتب وأشرطة
-الذهاب مع الأطفال فى اجازات أو زيارات للسودان بين حين وآخر رغم صعوبة ذلك للكثيرين
وفعلا ده موضوع جدير بالمناقشة..تحياتى
ودعزة

الأخ الزول لك التحية يا أخي , والموضوع حقا جدير بالنقاش وأرجو أن نسمع فيه أراء الجميع وخصوصا من هم بالمهجر كحالنا..عن نفسي أجد صعوبة كبيرة في الأمر كأم لطفلين والموازنة أكثر من صعبة فسير الحياة اليومية هنا في بلاد الشمال الباردة جد مختلف غنه هناك في سوداننا الدافئ بمشاعر أهله قبل دفء شمسه هموم الانسان هنا مختلفة بل وحتي تفاعله مع الحدث أيضا مختلف....نجتهد كثيرا في محاولة تنشئتنا لأطفالنا لنشربهم بسودانيتنا الأصيلة ولكن المهمة تعترضها الكثير من الصعاب ويبقي أن ما تحكيه وتصوره لهم هو الصورة الجميلة المرسومة التي يحملونها في أفئدتهم الصغيرة والتي سرعان ما تتحطم في أول احتكاك حقيقي لهم بالحياة في أرض الوطن الحبيب

يازول يارايع سلامات
موضوعك جميل جدا ولمس الوتر الحساس لاننا تعبانين جدا فى التربيه اذ ان دول الخليج تختلف عن باقى الدول نفتقد فيها الكثير حتى دفء المشاعر والتواصل بين السودانيين معظم الاطفال هنا يعانو من الوحده وحتى المنصهرين فى الجنسيات الاخرى اهلهم بعانو من العادات والتقاليد المختلفهوالمنغلقين على نفسهم بعانو من الوحده كلا الامرين مر وحارقولا نحتمله لان الخاسر الوحيد هو الطفل وربنا يحميهم ويردنا سالمين0

لك كل التحية يا زول يا رائع على كلماتك الطيبة
وطبعا الاطفال هم فاكهة هذه الحياة ببرائتهم المعهودة وكم كنا نريد ان يعود بنا الزمن للوراء لنعيد شريط الطفولة التي مرت بسرعة ولكن تبقا ذكراها في قلوبنا دائما والغريب في الامر ان ايام الطفولة لا يمكن ان تنسى بسرعة مهما كبر الانسان تظل ايام الطفولة في الخاطر
وربي ما تحرم بيت نمن الاطفال

Mawdoo3ak akeed be yhmnii imken mn aktar al nas hena, because i never got a chance to live in our Sudan
Al ostaza Nahid itklmt mara fi al mowdoo3 da, oo nas kateera intagdtny oo rasloo li be emails oo kida y3ni..ma daira akrer al katbtoo 3shan kan 6aweel oo kida y3ni, fa i think inoo i7na fe3lan mazloomeen oo begeena mn gair hawya, ma ben7s be al 7aneen kida le al balad zikom mathlan y3ni, m3 enoo fi al nhaya ben7mel al jensya al sudania,, oo 7ata lma konta sageera lama kona naktob 3n al wa6an konta ba7tar bagool ana wain mn da kolo..leah i7na ma 3aisheen fi al sudan???oo leah oo leah oo leah???...bardoo awlad al mogtarbeen tagreeban ma 3arfeen ay 7aja 3n tareekh al sudan le al asaf al shadeed ( oo ana wa7da menhom) fakrta aktar mn mara ini a6lob kotob mn al safara oo kida..
imken 3shan itrabit 3la al agal fi balad 3arbi oo katrat al ahal sa3dtni kateeeer, laken fi USA shofa3 al sudanese jad jad day3eeen, 3aiz takrhom tagool lihom namshi al sudan, wala nakol kisra..oo kalam mn da oo hena betbda2 mo3anat al osra laken bekoon ba3d ma fat al awan y3ni..oo bardoo hom akeed be7soo inhom ma gadreen y7dido le nafsahom hawya 3shan betlgahom mowloodeen hena oo ma shafoo al sudan oo the sudanese community require from them to be as anyone who lived in sudan..sa3ba al 7kaya 3lihom showia....
Allah yrod gorbtna ya rab,, laken ba3d kam sana??oo hal kida sawdantna hat3ood lina??!!