أساسى الكوز طلع ما كوز

فى عصرية جميلة حضرنا فيها غروب شمس يوم جميل فى إحدى ميادين جدة وفسحاتها الملئية بالنسيم العليل جمعتنى بأساسى وكولا وفالكون وقرجة وبعض الأصدقاء حضرنا فيها مباراة كرة قدم ودية لفريق قرجة وفريق كولا فاز فيها فريق قرجة بخمسة أهداف نظيفة تم تبييضها جميعا من قبل حارس المرمى البنقلاديشى الذى لحق بنا بعد المباراة ليشحد سيجارة من علبة كولا التى تركها خارج الملعب وهى نفس العلبة التى عاث فيها أساسى فسادا كمايفعل تماما فى البورد ولم يترك لصاحب العلبة ولا سيجارة واحدة

والتقينا بعد المباراة فى دردشة طريفة تعرضنا فيها لأساسى ومشاكله التى لا تنتنهى فى البورد فالرجل يحب الجو العكر ويدافع عن الإسلاميين والكيزان دفاعا مستميتا فتمت مواجهته من قبل الجميع بأنه كوز ضليع فى الكوزنة إلا أنه أنكر ذلك بشدة وذكر لنا أنه انسان سودانى بسيط لا يحب السياسة ولا يتعامل فيها ويأكل الطعام ويمشى فى الأسواق ويحضر حفلات الحبش فى جدة كما فعل ذلك يوم الخميس الماضى وسهر مع الأمهرية والتقراى خميسا حافلا بهيجا حضرته كل غوانى الحبشيات فى جدة وأقسم أغلظ الإيمان بأنه ليس بكوز

فصدقناه

العزيز الريس

وين الغيبة يارجل

والله ليكم وحشة

التحية ليك ولأساسي وبقية العقد الفريد

إلى أن نلتقي

كل عام وأنتم بخير

الجعلي

اديبنا فتيته
والله انا قايل اساسى ده دقنى جاره للواطـــــــــة
اشهد الله الكوزنة فى نمولى واساسى فى السكوت
لووووول

اساسي

طلعت كوز


هههههههه يكا


مسنجرك فيهو تلاتة شنبات بس

والباقي خمسة وتسعين............ه

يا اولاد شيخ الدين
يا مطوع يا شماشي
والنص دا القاعد فيهو منو
يا زول ما بالغت لكن اقول ليك كنا معزومين زواج سودانين ولخبطنا اسم قصر الافراح لقيناهم حبش تقول مساهر مع الغواني الحبشيات
يازول كلها خمسة دقايق بس ومشينا عرسنا عملتها لي سهرة صباحي
تعرف علي كدا كان قلت ليك معزومين كان قلت عرسي عديل كدا لووووووووووووول
وبعدين زكرتني حارس ناس كولا الغربال
هههههههههههههههههه
والله زي الراكوبة كان فكيت فيهو عنقريب يدخل قون
الجعلي
تسلم يا غالي
يا كولا
ابعد من الفتة
ولسع ما سك خشمي من الصورة
لكن الصورة دي في الاجندة
بس زكر اسامة الخاتم
يا قرجة
ماسنجر ولا رقيص عروس ياخي
لوووووووووووووول

العزيز اساسى
تعرف كل ما اقرا بوستاتك اتذكر احد اصدقائى العزيزين ونحن فى الجامعة، حيث كان يذهب لركن الجبهة الديمقراطية ويناقشهم فيعتقدون انه كوز، ثم يذهب لنقاش الكيزان ويناقشهم فيعتقدون انه شيوعى والى ان تخرج كان موضع حيرة لكلا الطرفين. وعلى كل حال البورد فى غيابك لا طعم له
ولك وللاستاذ يا زول التحية

الاخ طارق تحية واشتياق
وين الحي بيك
طولنا من شوفتك
بالنسبة لتبني راي اطلق عليه محايدا انا اختلف مع الكثيرين في تسمية الحياد فانا لست محايدا ولكني انظر للامر بوجهة مختلفة جدا
لا اخز الامور باطلاقها ولا اؤمن بالمطلق
انظر مثلا للبديل بعد الجبهة من هو الجدير بورثتنا حاكما في السودان بعد ذهابهم يقول الجميع الديمقراطية
ولكن يتبادر الي ذهني مباشرة السؤال
هل نحن مؤهلون للدمقراطية وهذا واقعنا الان ام سنعيش ديمقراطية اسوأ من الاخيرة اذا كان هذا واقعنا
انظر للسودان دوما في ظل الحكومات العسكرية والديمقراطية واحصي الانجازات الحقيقية التي استفاد منها السودان؟؟ في ظل اي حكم
وهناك الرد الثاني ان الديمقراطية لم تعطي فرصتها الكاملة لتقول كلمتها؟؟؟ ولكن ...من كان يهيئ للعسكر استلام الحكم او يهديه لهم في طبق من ذهب كما حدث مع عبود وتهيئته لنميري والكيزان اليست الديمقراطية نفسها
المشكلة الاساسية في الديمقراطية اننا كسودانين لا نعرف كيف نختلف
هذا لا يعني اني مع الحكومات الشمولية والعسكرية ولكن ايضا انا ضد التجريب فينا كشعب لكل مهوس بالسلطة كما هو الحال الان او في من يريد الحكم فقط ولا شئ غير الحكم كالاحزاب
اذا في راي اننا نريد ان نستبدل الماء بالماء وان كان الماء الاخير في هذا الوضع المشاهد للاحزاب سيكون آسن
فعدو الامس صديق اليوم وزعيم معارضة الامس مساعد رئيس نفس الحكومة التي يعارضها اليس هذا مدعاة للتفكر قليلا
ظللت اردد دوما ان المطروح في الساحة السياسية السودانية لا يمثلني كمواطن يطمح لسودان قوي وديمقراطي