Post: #1
Title: دكتور نصر الدين أنا بعتذر
Author: يازولyazoalيازول
Date: 09-09-2003, 05:04 PM
كلما نظرت الى ردود الأخ نصر الدين أصاب بالدهشة من فرط ما ألاقى من جماليات وكلمات معتقة برائحة البلد ومعطرة من ريحة الدعاش تنساب فى وجداننا كما انسياب الماء فى سبلوقة ام درمانية كمنظومة أبدعها خليل فرح أو سرور وغناها كرومة حين عبوره النفاج
نصر الدين صار رمزا أمدرمانيا للجمال والكمال والمحبة والدلال
من فرط الدهشة تجدنا لا شعوريا نتأخر فى ردودنا عليه اذا كيف ترد على من أعطاك جرعة تخدر الوجدان والمشاعر وتجعلك فى ذهول سرمدى تحيل اللحظة الى أعوام سلفت عشتها فى أزقة أم درمان ولا تريد أن تستيقظ من تلكم اللحظات السرمدية كأنها مسروقة من حوارى أم درمان
يا دكتور نعتذر عن أى تأخير حدث نعلله بما أوردناه أعلاه
والله على ما نقول شهيد
ولك العتبى حتى ترضى يا أمدرمانى الأصل والفصل
|
Post: #2
Title: Re: دكتور نصر الدين أنا بعتذر
Author: يازولyazoalيازول
Date: 09-17-2003, 01:21 PM
Parent: #1
وهاك كمان أبيات منى زى بقشيش كده
المنبر فرح من طلتك يا الزين
حبيب الناس الإسمو نصرالدين
من يوم ما ظهر صبحنا فرحانين
بجبر خواطرنا وبيمحو دمع العين
هاك منى ابيات ترضيك سنين وسنين
فى حب وردى تاهوا معاك واحدين
لهلبت المشاعر وسكبت فيها معين
يا دكتور نشيلك جوه رمش العين
يا ود القبايل مابجينا منك شين
ما أصلك سمح ودناس كمان سمحين
يحفظك الله لينا يغتيكا من العين
يرد لى غربتك منصور وناصر الدين
ما انت البروف حبيبنا نصر الدين
|
Post: #3
Title: Re: دكتور نصر الدين أنا بعتذر
Author: يازولyazoalيازول
Date: 09-18-2003, 09:16 AM
Parent: #2
اعتذارك ما بفيدك
والعملتو كان بى ايدك
|
Post: #4
Title: Re: دكتور نصر الدين أنا بعتذر
Author: يازولyazoalيازول
Date: 10-07-2003, 12:33 PM
Parent: #3
يارب يا كريم تجيب نصر بى جاى
ويقبل اعتذارى ويسمع كمان لى حكاى
الزول الجميل فى الحب كمان بكاى
بيقبل اعتذارى ويعزف معاى الناى
|
Post: #5
Title: Re: دكتور نصر الدين أنا بعتذر
Author: SAMIR IBRAHIM
Date: 10-07-2003, 01:13 PM
Parent: #4
يا زول يازول .....الدكتور الملك الضمير...الليله بنرسلو ليك ان شاء الله....بعدين بتصل ليك ليهو مخصوص......وتسلم يا حبيبو....
|
Post: #7
Title: دكتور نصر الدين أنا بعتذر
Author: democracy
Date: 10-07-2003, 01:24 PM
Parent: #1
الاخ سامر ابراهيم ، بجد الفاصلة بتاعتك موقع سوداني رهيب لك الشكر فى ذلك
|
Post: #9
Title: Re: دكتور نصر الدين أنا بعتذر
Author: SAMIR IBRAHIM
Date: 10-07-2003, 10:19 PM
Parent: #7
تسلم يا حبيبو.........
|
Post: #8
Title: Re: دكتور نصر الدين أنا بعتذر
Author: Elmosley
Date: 10-07-2003, 02:09 PM
Parent: #1
معاك حق يازول د نصر الدين انسان عفيف
|
Post: #10
Title: هشام ود شيخ الدين الحنين زولا كلس بالحيل بيني وبينك والايام اهديها لي كوستا
Author: Dr. NassurEldeen
Date: 10-08-2003, 05:38 AM
Parent: #1
هشام يا حنين
يا زول كيفن كلام زي ده
عمرو ما بتقال
العين ما بتعلي علي الحاجب
ياخي والله اخجلت شعوري
وده ما غريب عليك يا اصلي
يا صايل يا ود الاصول
وهاك من قديمك الجديد المتجدد
انت ما عارف
هشام ود شيخ الدين الحنين زولا كلس بالحيل
بتقوم الهجعة تتنفل نصايص الليل
وتستغفر صباح ومساء فى ضو قنديل
تحرم تطوف وتسعى تخم براك فى الأجر بالكيل
تزور حرم الرسول سيدى الكريم ونبيل
بتقيف عند سيد الشهداء ويبكى عديل
وتتتصدق بكل ما عندك ماك هو بخيل
تصوم رمضان وعاشوراء وقيام الليل
وتصنقر توزع الزكاوات براك كمان بي الليل
وما بدخل فى بيتك حرام وعندو دليل
أبونا أقرى السلام مننا سيدناود جبريل
ده زولن مابجود متلو الزمن بالحيل
كريم سمح الخصال أجواد وماهو بخيل
اما حكاية الأنيشا وكلام بنهار محاه الليل
مع حبشية فنانة ووشيشا يضوى زى قنديل
دى كانت حاجة زى لوحة وشالها السيل
بترسم فيها بالوجدان وحاجة كده كفن تشكيل
أوعى تكلموا أبونا ويهيج فينا وتضوق الويل
راجلا كفو بيرمى أتخن زول شرب من نيل
ونهرتو ترعب الفرسان قفا ما تشيل
وحدرتو الله لا وراكا من نوع ديل
حليلو الفارس الأبلج حليل ناظرنا ود جبريل
كبير العائلة دخرينا الكلامو جميل
يمين ما شفت زى خلقو وماجاب فى زمانو مثيل
بلغوا منى السلام زفرات تجيه عديل
تلاقوهو فى أحسن حال وسط كتبو ولجام الخيل
اروى وفيحاء بالخدمة يساهروا الليل
عشان ارجل رجال ام در ولاد النيل
ابوى الفارس المغوار وماهو الديل
ابوى مقنع بنات ام در فى نص الليل
ابونا العاشق كلام الله ورسولو عديل
ابونا ما بجيب زمانو شبه وحتى بديل
ابونا ركازة للعاطل ابونا بيصلى طول الليل
ابونا بيربى فى الأيتام ابونا صنديد وجمل الشيل
ابونا الشاف رجال كررى وكواسر الليل
هشام ابونا يجف قلمى الكلامو هطيل
ومهما قلت فى وصفو بعجز فى ثناه عديل
نسيت القالو لينا زمان نسيت كلامو لينا قبيل
ربنا يحفظو يخليهو شيخ الدين ود جبريل
ويخليك يا هشام يا حنين دخر لينا وللحبان في ام در ديل
وببني وبينك والايام
اهديها ليك ولي كوستا
وود رملية وسمير الامير
ولي كل محبي الاستاذ
ودمت ودام بهاك
و
سلاااااااااااااااااام كتيررررررر
و
ارح ح ح ح ح ح
ح ح ح ح ح ح
|
Post: #11
Title: Re: هشام ود شيخ الدين الحنين زولا كلس بالحيل بيني وبينك والايام اهديها لي ك
Author: يازولyazoalيازول
Date: 10-08-2003, 08:35 AM
Parent: #10
ينصر دينك يا نصر الدين يا ام درمانى يا أصيل وأنا أحب كل الدكاترة عشانك وعشقت كل بوستاتك الشاربة من ريحانك
|
Post: #12
Title: يوسف يا حنين الصباح كان بيك دائما مندى وجيتك في دارنا تحلى
Author: Dr. NassurEldeen
Date: 10-10-2003, 05:44 PM
Parent: #1
يوسف يا حنين
يا كثيف الود
يا طيب الاعراق
يا سلام عليك انت ياخي
انا والله شوقي بفيض بحر
وكل يوم يزداد اعتزازي
بيك كانسان وفنان
مبدع ومتميز
وياخي
الصباح كان بيك دائما مندى وجيتك في دارنا تحلى
والغريب الطال غايبو عاد معاك بالفرحه طله
ياما غنت ليك بيوتنا وشالت اسمك حله حله
الغيوم ضحكت عشانك والفراشه جناحه ظله
الفرح فاتك معانا والحزن قال لينا يلا
دمت ودام صفاك
نصر
|
|