حقيبة الفن ، فهلوه وغزل صريح وصعلكة

جمعتنا فى رمضان الفائت جلسة أدبية ضمت أعضاء سودانيز أون لاين وسودان نيت فى جدة ، وقضينا فى منزل الأخ عثمان الجعلى أحلى الأوقات زينها حضور الأخوة الكرام أعضاء الرابطة وتطرقنا فيها الى شتى المواضيع ، وما أنا بصدده الآن موضوع حيوى وحساس قام بفتحه الأخ أساسى وهو عن (حقيبة الفن) فقد كان للأديب والكاتب والشاعر الفذ الأخ الطيب البرير ، رأى عجيب ومختلف ، وقد سمعته لأول مرة ، ألا وهو أن حقيبة الفن تدعو للمجون والغزل الواضح الصريح ، وأن الناس دى تعتبر ماجنة بكل المقاييس ، وهم لا يستحيون من أن يخفوا هذه المشاعر ، وضرب لنا الأمثال فقال:

أعاين ليه وأضحك ، وأجرى وأجيه راجع (شوف الكبكبة)

دى ما بلقاها زولن ، غيرى أنا صيدو ناقع ( زير نساء)

أنا أنا فى التمنى ، ديمة هديلى ساجع (زول بكاى كمان)

يا عازة الفراق بى طال (صقرتة)

الرمان صديرا (فحش)

الطابق البوخة ( كمان جابت ليها حفرة دخان)

يا الغصن الرطيب عاجبنى فيك الإنهدال
اللادن قوامك من ملبن وذو اعتدال (ميوعة ودلع)

مالى والغزلان فى تلالن
ايه ينيل قناص من علالن
كيف أطيق وأتحمل ملالن
يعشق الغانيات فى ظلالن
بعشق التايهات فى دلالن
بعشق الهيباتن جلالن
بعشق الأخلاق والكمال (غزل عديييييييل كده)

رايق لطيف نعسان
انسان رقيق وجموح
ساحر العيون بجمال
فى سواك ما مملوح
ان كان تميس بنميس
وان كان تموح بنموح
عدل الطبيعة جعل
جور الحبيب مسموح (جرسة فاضحة)

يا الغالى موهوبك
يا الراقى أسلوبك
الناس يآنسوبك
يا العالى تعليمك
أنا من مظاليمك
ايه ذنبى ورينى؟ (زنبك على جنبك)

يا أم جمالاً يشفى السقيم
مريضك كيفن دواه (مرض مزمن)

هيفاء خصرك كاد ينقسم
عالى صدرك تابع هواه
والجسيم الجرحو النسيم
لى خلاصة الحسن احتوى ( جرسة)

أقول ليه تعال لى نجلس جلسة غزلية
أمتع فيك عيني أشوفك وأنسى ألامي (شوف ليك جنس فجور)

حديثى ودمعى اتسلسل
فصول فى رواية تتمثل
أبين فى مواقف استبسل
وعن رؤيا الحبيب حالا
أبين فى مواقف أتوسل (يازول سيب البكا)

يا صاحب الطرف المكسور
كسرت قلب شعاع وجسور
تتجاهلنى وأنا بيك مأسور
حسابى معاك بقى كلو كسور (عايز حقو)

نور من جمالك بان
لا نور شموس لا بدور
فقت المعاك فى الجيل
فقت المعاك فى الدور
يا الفى علاك بعيد
وسماك سابع دور
ذقت الهلاك يا ملاك
فى هواك هلاكى بدور (الزول انقرض)

وما الجندى والمكتول
و طالب الغفران
من أيده راح منتول
واتوهد النيران
فاقد الصواب مبتول
مما رأى حيران (ونحن كمان حيرتونا)

غصنك رطيب وعديل
شعرك ليل
جبينك يخجل القنديل
النور عليكى سديل
يا معنى الجمال
الما أتوجد له عديل
فى ناس ولا حور (سنه يا الحور)

الطريف السبا قلبى انسبالو
لو رآه الكان راهب صبالو
الأشعة تشوفن فى قبالو
وإن نظرت بتشيلك نبالو (أعمل حسابك)

وقلبي لي سواك ما شفتو مال
خذيني باليمين وانا راقد شمال (سواها ظاهرة)

قوموا خلو الضيق في الجناين
شوفوا عز الصيد في العساين
يله نقنص نطرد نعاين
النهار أن حر الكماين
كلبي يا جمجوم أصله خاين
شوفوا كيفن يبرأ الملاين
هب شال وكشح المراح (ده داشر عديل كده)

يا أم لسانا لسع معجن
كلمة كلمة وحروفه ضجن
ديل خدودك غير داعي وجن
ديل عيونك من غير سبه لجن
ديل دموعك من نظرة شجن
ده دلال ايه ده دلال معجن
محن الامات يا رداح (ونحن زاتنا اتمحنا معاك)


والأمثلة كثيرة ، فهل كان الطيب البرير محقا فيما أتى به ، أم هى صراع الأجيال؟؟؟؟

هاكم العينة دى ، أحى أنا

هواك وهواى بى جاروا وسبن أفكارى نظراتك
أحب تعطف تزيل وجدى واحب كل البحب ذاتك
بحب لونك بحب لونك بحب يا حبى نفحاتك
بحب فى خدك الزهرة وبخاف ترمينى لمحاتك
أخاف صدك بخاف جورك واحب تتهنى بحياتك
بحبك حبى للعافية وكمان يا سيدى وحياتك
بحب فيك الحيا الفطرى ويذوب من حالى صيحاتك
إذا فى حبكم ضعت واذا أُقبر فى ساحاتك
أكون للحظ دوام شاكر وأقبل أنت راحاتك
أحب أنظر جمال محياك وأخاف تسحرنى بسماتك
وأخاف لحظك يجرحنى واحب تسكرنى بسماتك
وأحب طيفك يأنسنى واحب تسمعنى نغماتك
وأخاف هجرك يطول بى و أخاف تحرمنى كلماتك
منعم يا فريد عصرك سعيد وسعيده ساعاتك
مكمل يا نزيه صافى وعفافك فطرى مافاتك
وديع وبديع مثال رقة حشيم والريم هوى صفاتك
أٍرت فؤادى يا ضامر ودمعى خضاب فى كفاتك
زيد يا دمعى فى سيلك وزيد يا صدرى زفراتك
حبيبك ودعك راحل زيد يا طرفى عبراتك
حمام الأيك حن مره تعال أسمعنى نبراتك
طربت أم در مقر أملى زمان كفاى عباراتك

ترى فيمن كتب كل هذا الغناء
والكلام الجميل
ترى فيمن كتبت كلمات مثل حبيبي حققت غاياتي ؟

Dr. Abbas Mustafa

سؤالك وجيه وجوابو ساهل ،

الحقيبة كتبت فى فترة الأربعينات والخمسينات والستينات فى (حبوبتنا) ناس حبوبة (بدور) القلعة وحبوبة(الفريع) ياسمين متكى فى رمالو وحبوبة (سيدة) وجمالها فريد ، وحبوبة لى فى المسالمة (غزال) ومن نحى نحوهن ، عندما كن فى عز الصبا وكن يتمتعن بجمال خلاب ورشاقة فاتنة يتخلله (ديس) (هضليم) وصدير (رمان) وعيون (الصيد) والى آخر تلكم المفاتن ، وطبعا كن غير مترجات ولا سافرات ولا كاشفات ولا عاريات ، بل (حجبوهم) عن عيون الشاعر ، الا من قلبو (لا) ما قدرو حجبوه ، ولا يلتقى الواحد بهن الا خلسة فى (سباتة) عرس أو (ترشقه) عيون احداهن فى لحظة عابرة دون موعد أو ترتيب

أزيدك ولا ياهو ده الجواب القاصدو انت؟؟؟؟؟

الاخ يازول

تحياتي

كما يظهر ان الاستاذ الطيب برير من حزب المفتري مدير التلفزيون السابق الطيب مصطفي.

وأحب طيفك يأنسنى واحب تسمعنى نغماتك
وأخاف هجرك يطول بى و أخاف تحرمنى كلماتك

يا للروعه.

Omer54

تحياتى

الناس ديك كانوا (بحبوا) بى (خوف) و (بخافوا) بى (حب) زى ما هو واضح من البيت الجبتو لينا

الله يديك العافية

غايتو أنا ما فتّان .. لاكين الشاعر زاتو قال :

نادت ، ومنادي قلوبنا صاح
اتبكمو الناس الفصاح
المجنون نصح ، جنو النصاح
والشافعة ما شافعة نصاح (مذاكرة)


وقال

داير أشوفو غافل داير أشوفو جازع
محنن ، دون قنلة وحدو وتوبو واقع
يلتجي بي مرافقو وأطراف المضاجع
يتلب فوق شفاهو لؤلؤة المدامع
يردد لي نغيما تشتاقلو المسامع
أعاين فيه واضحك ، أجري واجيهو راجع
متلاعب ليس إلا .. ما موضوع مطامع
برنامج انتخابي

وآخر قال

شفتو .. شفتو كان في توب حدادو
وكل - حواسي - عليه نادو

مبارزة

الأخ الحبيب أهل العوض

Quote: والشافعة ما شافعة نصاح

أنا غايتو من الحقيبة كلها يكفينى البيت الذكرتو ده ، دل كانوا بريدوا حبوباتنا من زمنن الشفع

وبعدين الحب فى (الحداد) ده عليك الله فى زول سمع بيه

تبري وجمروه

النار انطفتلو

جالس في الهجيرة الشمس اختفتلو

( دي الجرسه الصاح )

يا زول يازول تحياتي وألف سلام البوست دا أنا حسي قريته بهناك بضباته وكمان ماشاء الله عليهو ‏ماسك الجو بقادي ياحبيب وبرضو أهل العوض إبداع دائم .‏
وفعلاً المداخلات في المنبر الآخر ثرية بالجد وكذلك أتوقع إضافات أخرى لهذا البوست الممتع اللذيذ ‏

يازوووووول
رأيك شنو في البيقول
الحجارة تثنت لو قليبك لان
من قليبو الجافي
لي قليبي الحان
النسيم يتردد
عامل استمحان
؟
؟

فتحى الصديق

Quote: الحجارة تثـنت لو قليبك لان من قليبو الجافي لي قليبي الحان النسيم يتردد عامل استمحان

يا فتحى ده كلام خطر عديييييييل

ebrahim Ali
شكرا يا حبيب على الإطراء وللحقيبة سحر ونفوذ لا ينتهيان مدى الدهر

abas

( دي الجرسه الصاح )

مش كده بالله يا عباس؟؟؟

يازول انت مالك نحن راضين
حتي لو قالو
صدرها قيافه ونهيداتا برتكان يافا

ولا قالو في الرميه
من مدافع صدرو قلبي اصابو رايش
علي الذكري الجميله تراني عايش

عزيزي الاستاذ الموصلي
لك الود
هؤلاء القوم قوم مبدعون. ليس في استطاعتنا نكران ذلك.السؤال شنو:ليه نحن لسة بنردد في اشعارهم ونطرب لها؟؟؟؟؟

الصديق فتحي
والله الجماعه ديل كانو
اكثر صراحة من كثيرمن شعرائنا المحدثين
الفي قلبهم علي لسانهم

يا أستاذ موصلى

Quote: صدرها قيافه ونهيداتا برتكان يافا

مايهو ده المجننا

وقالوا
طالعة ما بتتقابل ذي لهيب النار
تحرق البتهابل والبعيد في النار

(إرهاب رسمي)

يظل سؤالي قائما ..
لمن وفي من كتب شعر الحقيبة ... ؟؟

الحبيب هشام ود شيخ الدين جبريل
تحية غليدة و ماكنة

بوست في منتهى ( الفن ) يستاهل ( حقيبة ) أكبر من مكتبة بكري.

( أحب أنظر جمال محياك وأخاف تسحرنى بسماتك )
أها شوف جنس دة لسان حالو يقول : دة حار و دة ما بننكوي بيهو

تسلم

الحبيب جلال داود (أبوجهينة)

Quote: أحب أنظر جمال محياك وأخاف تسحرنى بسماتك

تسلم على المشاركة يا حبيب ، وجنس الكلام الفوق ده هو الحب والخوف ممزوجين مع بعض ، والحقيبة معين لا ينضب

وتسلم يا ملك

بت قضيم

ده الارهاب ولا بلاش

هشو ..تانى جبت الحقيبة الرايحة...

شوف ده قال شنو...

يا جاهلة وطيبك عبق..
وسنك براقة يسوى بق..

اللخو يكون بتاع مطافى..!!

الحبيب سنتمنتال

شعراء الحقيبة كانوا عمالقة ، يعشقون فى صمت وأدب ، ونحن مازلنا ننهل منهم معانى الجمال ورشاقة القوام وعبق الطيب التاريخى (الخمرة) بضم الخاء ، ولا شنو؟؟؟؟؟

الاخ العزيز يازول

حكى لى الشاعر الفحل صديق مدثر قال لى كنا فى لجنة النصوص ومعى الشاعر محمد المهدى مجذوب ومحمد عمر فوراوى ولما ود الرضى جاب القصيدة بتاعت انا فى التمنى وفى الحته البقول فيها:
داير اشوفو غافل داير اشوفو جازع
محنن دون قنله وتوبو واقع
يتغطى بسواعدو يحنو كأنه واجع
يلتجى بى مرافقو واطراف المضاجع
وتلب فوق شفاهو لؤلؤة المدامع
ويرددلى نغيما تشتاقلو المسامع
اعاين فيهو واضحك واجرى واجيهو راجع
متلاعب ليس الا ما موضوع مطامع دى ما بلقاها زولا زى انا صيدو ناجع
قام فوراوى قال ليهو ياعم محمد ما ممكن تصلح بدون قنله وتخليها مجنن بالقنله وحدو وتوبو واقع
قام واحد من الجماعه فال ليه لكن المعنى بينفى مادام هو محنن بالقنيله لزوم التغطغط شنو؛قام ود الرضى قال ليهو كان قلنا بالقنله بتزيعوها لينا فام فوراوى قال ليه مافى شك.صديق مدثر
قال لى ود الرضى براحه فى اضانى قال لى انا بعتبرا قنلة نص
العزيز هشام لى عودة طويله فى هذا الموضوع لكن بينى وبينك ما بكون فيهاقلة ادب لما واحد يقول لى اجدادو كده؛وبعدين القال كده ده الطيب برير والا الطيب مصطفى

الاخ يا زول سانقل مداخلتي في المنبر الاخر والحمد لله ان شاعرنا الطيب البرير من اعضاء هذا المنبر ليدافع عن رايه ويشرحه بطريقته المحببة المقنعة

الشكر ليازول اولا لاتاحة هذا الحوار الذي بدأ اول ما بدأ في اجتماع لبورداب جدة كان في معيتهم الشاعر الطيب البرير قبل شهور ولحوارات سابقة لي مع شاعرنا المرهف الطيب البرير كان ان قمت بعرض وجهة نظره في شعر غناء الحقيبة وساحاول بايجاز ان اعرض مدخله الذي قدم به نقده العلمي والاكاديمي المتمكن لشعر الحقيبة واتمني ان تسعفني الزاكرة لطرح اجمالي ما قاله الاخ في شعر الحقيبة وليس كما عرضه الاخ يازول في طابق فكاهي محبب ليكون الحوار غير منقوص الجوانب او الفكرة الاخري
ولكن في البداية لا بد ان نتفق علي شئ هام ان غناء الحقيبة هو ركن هام في الفن السوداني ولكنه ليس كل الفن ..

احتكارية اغاني الحقيبة للساحة الغنائية السودانية لفترات طويلة حتي انها تعدت علي حقوق بعض النماذج الغنائية الاخري باعتبارها المرجعية القياسية الوحيدة للفن الغنائي السوداني مما يجعل لها قدسية مطلقة في تعاملنا معها حتي انها اصبحت فوق النقد نفسها ولم يكن النقاش مطلقا فقد تم تفنيد كثير من القصائد بواسطة الشاعر المرهف وتحليلها من الناحية اللحنية ومن باب المفردة المستخدمة وطريقة الاداء ووضوح الكلمات والتطريب والمنوال الواحد الذي جرت عليه والذي يشبه اناشيد المدارس منه كغناء تطريبي ذو بحور موسيقية متكاملة
والقدسية الواردة في مقدمة حديث اخونا الطيب البرير هي التي تشابها قدسيتنا مثلا التي نمنحها لمدينة ام درمان فعند حديثنا عن ام درمان كمدينة نتحدث عنها كمدينة مقدسة عن السودانين فيها اصل الفن ونشأته اي بدايات الفن السوداني وايضا بداية نشا كرة القدم والاذاعة وغيرها والكثير مما يجعلنا نغفل عن معاملة المدينة كمدينة فامدرمان كمدينة ليست الافضل علي الاطلاق بل تكاد تكون الاقل بين المدن الثلاثة التي تكون العاصمة من حيث انها مدينة وهذا لا ينكره الا مكابر من حيث بنياتها وطرقها وخدماتها الا ان نظرتنا القدسية لها تساهم في ترديها يوما اثر يوم حتي ان الفن بدأ يهجرها الي مدن اخري زات بنيات اساسية اقوي وافتي شبابا وهو ما اراده تشبيها اخونا الطيب والذي ارجو ان اكون قد وفقت في بعض من وجهة نظره ..

كلام من عندي حتي نظرتنا للثورة المهدية وكل ثوراتنا من اكتوبر وحتي ابريل ننظر لها بقدسيا ولا نعاملها بععين النقد الي القصور في بعض جوانبها مما قصورا من كرتون جميلي الشكل مليئة بالضعف سرعان ما تنهار .. ومن هذا الباب اعتاد السودانين علي الاحتفاء بحاجاتهم والمزايدة علي هذا الاحتفاء مما يعمي بصرهم من مكان القصور لذا دائما اشيائنا غير مكتملة وكثيرا ما تسقط في اول اختبار لها لانها لم تجد التوجيه الكافي والنقد البناء
الحقيبة هي تطور مرحلي منطقي للغناء في السودان ولكن هل يعقل ان تحتكر الساحة الغنائية السوداني طيلة كل هذه الفترة مع العلم انها تمثل لغة الوسط فقط وتهمل لهجات كثيرة اذا فهي اولا ليست قومية كفاية لنطلق عليها فن عموم السودان ووجدت ما لم يجده انواع الفنون الاخري من اعلام واحتفاء في قربها من الاذاعة والتلفزيون والمثقفين وهو ما ساهم في نشرها اذا لو وجد مثلا غناء الجراري او الحكامات ما وجدته الحقيبة من انتشار لنالت مثل ما ناله هذا من جانب ومن جانب اخر هو احتفائنا المبالغ به تجاهها مما يجعل دورات الزمان الطبيعي في نشؤ اجيال جديدة لها اشواقها وامانيها واحزانها لا يجده في الحقيبة ويجده في غناء او فن اخر فمثلا قد يتحدث عن اشواقي والامي غناء مصطفي سيد احمد اكثر من الحقيبة بل من النادر ان اجد ما يمثلني في غناء الحقيبة الا النادر ويشبع توقي الي الفن
والموضوع طويل وساحاول ان اواصل فيه حتي اصل الي النقطة التي انطلق منها اخونا يازول
هذه مدداخلتي في البوست في المنبر الاخر
واتمني من شاعرنا الطيب برير الدخول لتوضيح وجهة نظره في الحوار والذي غشي المنبر مما يجعلنا غير متاكدين من ان الشاعر كان يريد طرحه للنقاش المنبري او لا ..

الأخ صديق الموج

Quote: داير اشوفو غافل داير اشوفو جازع محنن دون قنله وتوبو واقع يتغطى بسواعدو يحنو كأنه واجع يلتجى بى مرافقو واطراف المضاجع وتلب فوق شفاهو لؤلؤة المدامع ويرددلى نغيما تشتاقلو المسامع اعاين فيهو واضحك واجرى واجيهو راجع متلاعب ليس الا ما موضوع مطامع دى ما بلقاها زولا زى انا صيدو ناجع

صديق بصراحة شغلك نضيف ، أرجو أن لا تحرمنا من مثل هذه الذكريات العطرة لنؤرخ معا للحقيبة ، وشكرا يا أمير

اساسى... بالغت..

البوست ده ضلو خفيييييف... عليك الله خليوه لينا ...ما تعقدو. وكان ما قدرت ، شوت فى بوست جديد سميه - الحقيبة الرهيبة ومعنى الحبيبة/ السبيبة. اى حاجة ياخى..

الأخوة الأحباب

وصلنى للتو الماسنجر الداخلى التالى من الأستاذ الشاعر الأديب الطيب برير يوسف ، أنقله لكم بحذافيره بعد أن استأذنته فى ذلك وأذن لى:

Quote: سيدي الحبيب هشام ألف ألف تحية واحترام أشتاقك جداً يا سيدي بعد غد الجمعة سأكون في أمدرمان إن شاء الله والدي يلزم سرير المستشفي منذ ثلاثة أسابيع حالته غير مطمئنة لذلك لزمني السفر سأغيب لمدة عشرة أيام أرجو أن يبقي النقاش مستمراً قل لأخونا عمر أن لا يتعجل التصنيف قتلنا الإستعجال وذبحنا سوء التقدير حزنت لما كتب إن أراد أيعرفني سأكون معه في السودان على الرقم 012451453 سلم على كل من دخل بيتك بالحرف ورد عليك على عجلة من أمرى فاقبل -عليك السلام- تحياتي إلى حين اللقاء تذكر جوالى هنا هو 058647240 دمت يا سيدي وفي أمان الله

نسأل الله أن يوالى والد أخونا الطيب بالعافية والصحة وأن يعيده لمنزله بكامل الشفاء ، ونرجو من الأخ الطيب أن يطمئننا عن صحة والده فهو على سفر يوم الجمعة القادم للإطمئنان على صحة السيد الوالد

الاخ سنتمنتال
وبما ان الحوار الطريف يحمل اسماء مثل اسم شاعرنا الطيب برير فوجهة النظر الناقصة تفعل ما فعل من قبل الاخوان بتشبيهه بالطيب مصطفي الذي منع الاغاني وشتان ما بينهما في فهم الفن والثقافة
لذا كانت المداخلة لتوضيح وجهة النظر

الأخ أساسى

تحدثت مطولا الى الحبيب الطيب برير ، وهو مشغول جدا هذه الأيام ، كما أنه يستعد للسفر غدا للإطمئنان الى صحة والده ، وسيغيب عنا حوالى الأسبوعين ثلاثة ، وقد حصلت منه على وعد قوى لمواصلة هذا الحوار هنا ونقاش الأخوة فى وجهة نظره ، فخلينا(نرعى) البوست الى حين حضوره

وتسلم يا عظيم

سينتيمينتال و الله يوم بتكتل ليك زول

Quote: اساسى... بالغت.. البوست ده ضلو خفيييييف... عليك الله خليوه لينا ...ما تعقدو. وكان ما قدرت ، شوت فى بوست جديد سميه - الحقيبة الرهيبة ومعنى الحبيبة/ السبيبة. اى حاجة ياخى..

و الله أضحك براي زي المجنون الحمد لله البيت فاضى لكن عملت لي كباية شاي علشان أقـرأ البوست بي مزاج و الله الشاي برد من الضحك

الأخ أبوحسين

وأنا كذلك فقد أضحكتنى مشاركات سنتمنتال وتعليقاته الساخرة ، كما أحب أن أشكرك على زيارتك الكريمة للبوست وأرجو لك اقامة طيبة هنا مع كباية الشاى والمزاج الرايق

..
.
حاول يخفي نفسو
وهل يخفي القمر فى سماهو
ابداً وطبعاً لا لا شفناهو شفناهو
حاول يخفي نفسو غير اتجاهو
سطع النور فى افقو
وكل انسان راهو
جذاب صوتو رايع
لادن خلقه مايع

اها يا زول3 شزف زى دا كحلها كدا بس
طوالي دخل ليك فيها تنظيم مرور وكهربجى وكلو

بوستك دسم زى دسامه حقيبة الفن

تحياتى

تبلدينا

لقد ازدان البوست بحضور التبلدى الشاهق ، الله يحفظك

يالفاطرك نور وفاهك عسالى
جننت الوف عشاق امثالى(ده يقولوا عليه شنو حسه)

ياوديع ليه فيك ضاعت امالى
كان مالو هواك يامدلل ومالى(جرسه )

Rawia

Quote: ياوديع ليه فيك ضاعت امالى كان مالو هواك يامدلل ومالى(جرسه )

أشكرك أختى الحبيبة راوية على تعليقاتك الجميلة هنا ، وهذه الجرسة خير مثال ، بعدين يا راوية ناس الحقيبة ديل لو شافوكم هسع ، انتو بنات الزمن النجاض ديل ، كان حمونا النوم

ولا شنو؟؟؟؟

Quote: يالفاطرك نور وفاهك عسالى جننت الوف عشاق امثالى

راوية... ده بس نقول الله يكون فى عونو لانو وصل مرحلة متقدمة خلاااااااااااس

عبدالله ازيك ليك وحشه



الزول دا فضيحه شكله

الاخ يازول لو سمحت اقرص لى جنبك فى بوستيك ده حبه
الاخ تبلدينا لك التحيه انت عارف حاول يخفى نفسه دى ابداع عديل كده
وطبعا هى كتبها سيد عبد العزيز بعد ان سألو عبيد عبد الرحمن وقال ليه حاول يخفى نفسه هل يخفى القمر فى سماه قام طوالى سيد قال ليه ابدا لا وظبعا لا شفناه شفناه
حاول يخفى نفسه وغير اتجاهو
سطع النور فى افقه كل انسان راهو
خلنا البدر اشرق كامل فى ضياهو
وخلنا الزهر فتح من انفاس شذاهو
جذاب حسنو رائع لادن خلقه مائع
رقص البان مشيهو تحب تنظر وشيهو
عيونك تختشيهو من قوة ضياهو ومن شدة حياهو
مره اذا نظرتو وطرفو اليك رناهو
قلبك ينشرحلو وترتاح لى لقاهو
دون تشعر تحبو وتلهج بى ثناهو
مره نقول كبدرى ومره تقول كزهرى
ومره نسمى شعرى ومره تسمى سحرى
وتغلب فيهو اسماء برضو تشوفو اسمى
كل وصف تراهو اقل من مستواه الخ......

قام الشاعر عتيق لما سمع بالقصيدة عمل قصيدة الاوصفوك
بالبدر او بالزهر هم ما انصفوك يازول الاوصفوك
كوكب منزه فى علوك يبرق سناك فى غيهب الليل الحلوك
واغرب شمائل زاملوك وهم اكملوك
ادبك هبه وفيك موهبه حسن الظباء وطبع الملوك
ولم تنتهى الحدوته .سمع ود الرضى بذلك قال:
اخالك مسرح والفكر غائب
فاذا نسبوك للزهر هاهى غلطة الناسب
اطوف متلمس الزهر ارى نادى الزهور شاحب
واذا قاسوك بالبدر فما بدرا فتن صاحب
لانت من البدور ازهى ولانت من الزهور راطب

تأمل يا رعاك الله على هذا الابداع
فنحن فى ايام مامسكت ما ولا انبتت عشب
________________________
ما للزمان يضن علينا برجال ينصحون الناس ويرفعون الالتباس
يفكرون بحزم ويعملون بعزم حتى ينالوا ما يقصدون
عبدالرحمن الكواكبى - من طبائع الاستبداد

صديق الموج

الله عليك يا صديق ، لله درك

ما تحرمنا من هذا الابداع يا أخى ، والبيت بيتك أعمل فيه زى ما داير لأنو شغلك نضيف وخطير عديل كده

فى الشاطى طاب لينا السمر
وحبيبنا
قال ضؤ القمر
بكشفنا اه ضؤ القمر(هم مستخبيين بيعملوا فى شنو)

راوية لا تسألوا عن اشياء ان تبد لكم .....



اترك الاحلام يا جميل واصحى...
قوم نقضى الليل فى ضفاف النيل ننشد الفسحة..( كضاب ..ولا فسحة ولا شتين...ده حاجة تانية)

لا لا والف لالا

بس سؤال بسيط
كان في رقصه القرد والا النبق وهلا الشيطان؟؟؟
هل كان هناك زواج عرفي؟؟

اي صعلكه يابرير؟؟؟

ود شندى

Quote: اي صعلكه يابرير؟؟؟

الحبيب ود شندى ، سؤالك حول الزواج العرفى ، أرجو انتظار الأخ البرير ليعطيك الجواب الشافى ، طبعا حسب وجهة نظره ، أما حكاية الصعلكة ، فأنا كما تعلم أختلف مع صديقى البرير فى ذلك وأتفق معك أن شعرهم كان قوى وصريح جرىء فى نفس الوقت ، تلكم الجراءة فى مخاطبة الحبيب بشكل غير موجود على أرض الواقع نتيجة التركيبة الإجتماعية فى ذاك الزمان الخالى

يا زول

التحايا للشاعرالفذالأخ الطيب البرير ومع احترامى الى رأيه الا ان الخلاف حول اغانى الحقيبة اصبح يأخذ مناالكثير فى مثل هذه الجلسات الادبية وحقيقة هذه ظاهرة حميدة نستطيع من خلالها توثيق فترة الحقيبة عبر اجيال متتالية فالشكر على اجتهادالشاعرالطيب البرير
وكما قال الراوى (يغنى المغنى وكل على هواها)
تحياتى

ياشباب في امثلة جبتوها ماواقعة في منطقة الحقيبة




البدر لو غااااااااااااااااب
يضوي في بدالو



لمبة 100 واط

KHIDER
I WASNT SURE , BUT IT SEEMS TO BE 7AGEBA

خضر اللذيذ

Quote: لمبة 100 واط

ده شنو ده يا خضر؟ ، انت عملتها ادارة مركزية عديل كده

بلدى يا حبوب

وأنا أشاركك الرأى ايضا فى شكر الأستاذ الطيب الذى منحنا هذه السانحة لنتعاطى الحقيبة بشكل نقدى ايجابى يزيد من رونقها باذن الله

اسمعو دي وبجيكم صادي ... بكي بالصوت

عمك تنقو

تسلم يا عمنا وفى انتظار (صدتك) وليس (صدودك) يا لذيذ

..
.
انا طبعاً عندى مقولة بؤمن بيها بتقول
الاغاني مواقف .. يعنى كل اغنية ارتبطت فى ذهن
الشاعر بمناسبة معينة وايضا فى ذهن المستمع يعنى
عندما تستمع الى اغنية معينة ببتذكر موقف معين ارتبط بهذه الاغنية
ومن الاغانى دى اغنية قائد الاسطول النظمها ابو السيد ( سيد عبد العزيز)
اثناء مرضه بامدرمان .. وانا شخصياً ارتبطت لى بايام الثانوية
يعنى كان فى كوم كدا من بنات الثانوى بجى ماشى وكنت انا والشلة دايما بنقابلهم فى اتجاه معاكس وكانت تقودهم تلك الانثي النخلة
ودما كنا نغنى عندما نراها .. بلحن منتظم

يا قائد الأسطول
تخضع لك الفرسان
يا ذو الفخار والطول أرحم بنى الإنسان
مين لسماك يطول
ما يطولك اللمسان
معناك شرحه يطول والله يا إنسان
أصدق كفانا مطول
يا ذو الحسن إحسان
أنا عقلي بيك مختول والناس عقول ولسان
ما بنكر المعقول
آمنت بالأيمان
بالطلسم المصقول بدل لخوفي أمان
بالنور سحرت عقول
كانت صميمة زمان

..
.
حليل زمان وايام زمان
انتهيت يا تبلدى ،،،

انتي قلبك ماكلك مالك اسة الجاب سيرتك منو ؟

الإخ هـشـام و الإخوة و الأخوات تحية طيبة



الـبـوسـت جـمـيـل جـمـال الحـقـيـبـة و أهـل الحـقـيـبـة و اصلوا ولو قدرت أشارك بي أي شـئ


ما حا نبخل إنشاءالله و الله إديكم العافية

يداعب في المراية خيالو
ما عارف البموتو حيالوchicks


حبيبي هواك دمعو حرقني
بفارق الروح لو يفارقني suicide

و شوف فضل الله محمد بقول شنو
و لو وشوش .. صوت الريح في الباب
يسبقنا الشوق قبل العينين
تقول لي حقيبة برضو ؟؟

عم خدر القال لو وشوش صوت الريح هو الحلنقي

يا الجميل هندامك
نكون سعاد لو تقبل
نبقى من خدامك
-----------------
شفتو جنس دا بالله؟ دا يسموهو شنو؟

Quote: يا الجميل هندامك نكون سعاد لو تقبل نبقى من خدامك ----------------- شفتو جنس دا بالله؟ دا يسموهو شنو؟

تــرزي أفـرنـجـي

فتحى الصديق

Quote: يا الجميل هندامك نكون سعاد لو تقبل نبقى من خدامك

ده نسميه الشاعر فى خدمة الناس القيافة ، وأظن اسمها (سعاد) لأن جماعتك ديل يحبون التورية

يــازوووول
هــــوي يــا جـــاهلـه وطيـبك عبق وســنــك
بــراقـه يســوي بــق تــلمــي تـشــبـهي نــور
الــصــبـاح ديـل اكتـــافـه صـديـــرة انــطـبـق
عـليـكم الـــلــه شــايـفـيـن كيــف الوصف ده والشعر الفيف بعـدين هـم مــا نـاكــرين انـهـم صــعــالــك مــاكــل شــعــــراء العــرب
صــعـالـيـك وانتجــو المــعلــقـات السـبع واحيـي هنـا شـاعـر الــعـرب الزيــر ســالم ابـوليــلى لمهلهل زير نساء وعربيد وفارس فنان .
هذه وجهــات جاء بهـا استازنــا بمعــهد الموسيقي والــمســرح د/ عـبـد الـلـه حـمـدنالــله هــو توجـه كــيـزاني غـيـر بـرئ لتــدميــر الـزوق والـمعتقدات وكــمان جمـاليـاتنا حتـي مايكون لينـا قديـم نـحـن بلـمرصــاد وسنحــافظ عـلـــي تراثنــا الفنـي .
يــــازووول انـــا وانــتــه والــنـيـل والــقـمـر.
هــــاديـــــه

Quote: فقد كان للأديب والكاتب والشاعر الفذ الأخ الطيب البرير ، رأى عجيب ومختلف ، وقد سمعته لأول مرة ، ألا وهو أن حقيبة الفن تدعو للمجون والغزل الواضح الصريح ، وأن الناس دى تعتبر ماجنة بكل المقاييس ، وهم لا يستحيون من أن يخفوا هذه المشاعر

تصدق يا زول يازول انى بوافقه هذا الرأى!! ... ولانى ما كوزة (أبصم بالعشرة) .. لكن يا ربى ده يكون من شنو؟؟؟ الظاهر على لدى اتجاهات Feminism خافية عنى .....

الرأى ده قلته لزوجى اللذى يعشق اغانى الحقيبه .. طبعا رمقنى بنظرة "شفقة" و قال لى .."انت الظاهر عليك ما سودانية" ....

و بالجد والله ..رغم اننى اطرب لسماعها (احب الحانها على وجه الخصوص) ولكن اراها لا تلامس شغاف قلبى (ليه يا ربى؟؟؟) .. أحتمال لانها مفرطة فى الحسية ,, وانا اميل أكثر للتجريد....
فى رأى الشخصى ,, أغانى الحقيبةoverrated ,, يعنى بالعربى كده .. الحجم اللذى تم اعطاءه لها اكثر مما تستحق .. و ارى ان الكاشف مثلا هو رائد الغناء السودانى بحق .. كلماته جميلة و معبرة عن كل الاجيال تقريبا ,, اما الحانه "ففذة" .. طبعا ده فى تقديرى المتواضع ...

أغانى الحقيبة جميلة فى زمانها و مرحلتها التاريخية .. لكنها لا تناسب مفاهيمنا الحديثة اللتى توق الى نوع أخر من التعبير فيه الكثير من التعقيد الحلو, تعافى المباشرة المتبسطة ... (أظن)...
(

الليلة اصلي ما بطلع من هنا ابدا..امشي وين يعني؟؟؟؟
شوفوا المقطع دا كمان:
ينسب نوحي الى البلابل
وانتي القمرة بتنسبيلا
يا جوهر صدر المحافل
روحـي معـاكي تلطفيلا
=====================

سؤال ...
هل اشارت اغاني الحقيبة ل "الشذوذ الجنسي"وشجعت الممارسة ؟؟؟؟؟ ..ماصحت هذا الامر ..
ولكم شكري ...

الاخ ودالشيخ


سلامى حقيبة مليانة فرح ملون... مفتاحها عندك
موضوع بوستك شيق وجميل .. لذيذ وعزبز على
نفوس محبى حقيبة الفن { انا وانت وهم } متعنا
الله بهذا الفن الرائع .

Quote: متلاعب ليس إلا .. ما موضوع مطامع

حكى الشاعر المبدع حدباى بأن الشاعر ود الرضى
{رحمهما الله } اضاف بيت متلاعب ليس إلا ......
بعد النقد الذى وجه له من قبل اصدقائه الشعراء
وحدباى واحدا منهم{حيث كانوا يعقدون جلسات لمناقشة ابداعهم }
على غزله الصارخ فختم ببيت { التلاعب الابداعى }
واظنها { متاوقة شاعر }

أما هذا البيت

Quote: يلتجي بي مرافقو وأطراف المضاجع

فهذا { رسم بالكلمات }

أخى ودالشيخ لك حقيبة اخرى احلى وأنضر

دور نقاس

التحية والتقدير لكم وأنتم تفردون لنا هذا الرد الممتلىء فهما ووعيا وادراكا ، ربنا يزيدك

وأنت أيضا أخى العزيز دور نقاس رسمت لنا بالكلمات ما أعجز شعراء الحقيبة عن رسمو

وختاما ، يوجد شبه اتفاق فى توقيعى وتوقيعك ، تكون أخوى وأنا ما عارفك

Muhib

جنس ده ياخوى ما سمعنا بيهو ، وأرجوك ما تقول كده تانى ، لأنو الكلام ده ما بيشيه الحقيبة

مع أكيد تحياتى وتقديرى

فتحى الصديق

Quote: الليلة اصلي ما بطلع من هنا ابدا..امشي وين يعني؟؟؟؟

ونحن زاتنا ما دايرنك تطلع من هنا يا فتحى ، هو نحن لاقينك وين؟؟؟؟

Outcast

Quote: تصدق يا زول يازول انى بوافقه هذا الرأى!! ... ولانى ما كوزة (أبصم بالعشرة) .. لكن يا ربى ده يكون من شنو؟؟؟ الظاهر على لدى اتجاهات Feminism خافية عنى .....

العزيزة آوتكاست

انتى ما كوزة والطيب برير زاتو ما كوز ، لكن هو رأى ، وأى زول من حقو يكون عندو رأى فى أى شىء ، ونحن رغم اختلاف رأينا الا أننا نحترم الرأى الآخر ، وهذا لا شك من أدب احترام الطرف الآخر والرأى الآخر والذى كما قال اخى وصديقى أساسى يمكن أن يكون خلافا ايجابيا يرقى بالحقيبة للعلالى ، وأنا أحب أؤكد ليك وأؤكد لى زوجك أنك سودانية تمام ، لأن السودانى واضح فى رأيو وما (مغتغت) الا اذا كان بيجامل (ساكت)

وأحلى ما فى كلامك هو حسن ظنك:

Quote: أغانى الحقيبة جميلة فى زمانها و مرحلتها التاريخية .. لكنها لا تناسب مفاهيمنا الحديثة اللتى توق الى نوع أخر من التعبير فيه الكثير من التعقيد الحلو, تعافى المباشرة المتبسطة ... (أظن)...

وشكرا جزيلا يا آوت كاست

الاخ العزيز يا زول يازول .. شكرا على الرد الرقيق ,, و انا بينى و بينك من أمبارح كنت مفكرة امسح ما كتبته حتى لا اقف فى طريق المظاهرة الجارفة المسيرة(بتشديد الياء) لاجل عيون اغانى الحقيبة ,, وحتى لا اكون نشاذا و (أقيف براى فى السهلة....

و أحب ان أؤكد مرة اخرى ان رأى فى أغانى الحقيبة بالقطع ليس هو برأى أخلاقى,, ولكن رأى جمالى بحت و خاص جدا ....

لك المودة مرة اخرى و شكرا على البوست الحلو ....

العزيز يا زول ازيك

انا شايف الشغلانية جاطت شوية يعنى البوست الخاص بأغناى الحقيبة دخل فيهو الحديث كمان...عشان كده انا ما حأسكت هـــــاك:

يعجبنى فيك يا السمحة لو قلتى انا ما دايرة مال (واحد عايز يعرس ملح)

اصلو العرس بالفاتحة يا ناس ما حلال؟ (حنيك)

ارجع خطوتين للحقيبة:

مداعب الغصن الرطيب ( جناينى)

دكاترة يا الستة
اكتبو لى روشته
من نفسوا المسك حته (سيد مستوصف مكسر فى دكتورة)


مع السلامة ..مع السلامة على اي ان شاء ما آخر وداع ـــــــــــــ

يا زووووووووووول الله يديك العافية
وحقيقة بوست جميل في محتواه ومعناه
معظم قصائد الحقيبة كتبت في عهد أمات الخدور
وما كانت هنالك فرص لإلتقاء الشباب والشابات إلا في المناسبات السعيدة وكل ما قيل نسج خيال يدل على مدى الحرمان
قصة طريفة حدثت معي وأنا في الايام الاولى لزواجي
كنت بسمع مع العروس في أغنية حقيبة
وجات عبارة
أهدي لي من فضلك نظرة من رمانك
قالت زوجتي بعفوية (أي العروس)
ديل كانوا ناس ما بيختشوا
أتذكرت كلامها وأنا بقرأ هذا البوست
ولكن الشعر الغنائي وخاصة شعر الحقيبة فيه كثير من الإحتشام والرمزية وعدم الافصاح المباشر باسم الحبيبة وفي الامثلة التي صغتها كثير منها رمزية ربما دلت على الوطن (أغاني عزة او عازة معظمها إن لم تكن كلها)

انا الحقيقة فى مقطع وااااااااااااااااااحد فى كل الغنا السوداني محيرنى ... واتمنى الاقى ليهو جواب . . . وهو فى اغنية بتقول :


توبى الشفون ناعم
وديتو للعالم
برسل سلامى كتير
لمحمود حسن سالم


ياااااااااااااخى نفسى اعرف محمود حسن سالم ده منو

والبيحير اكتر انو المقطع الورى ده طوالى بيقول :

الريد قِـسَــم يا عينية ؟؟

يعني شنو العلاقة ؟؟؟

Hadia Mohamed

Quote: بعـدين هـم مــا نـاكــرين انـهـم صــعــالــك مــاكــل شــعــــراء العــرب صــعـالـيـك وانتجــو المــعلــقـات السـبع

يا سلام عليك يا هادية على ردك البدل على (خبرة جيدة) حتى أننى ظننت أنك هادية طلسم فهل انت هى؟؟؟

Quote: هــو توجـه كــيـزاني غـيـر بـرئ لتــدميــر الـزوق والـمعتقدات وكــمان جمـاليـاتنا حتـي مايكون لينـا قديـم

بعدين ده كلام خطير جدا ، وأظنو حاصل لأن أى شىء غير مستغرب من هؤلاء (الأوباش) على قول أستاذنا عبدالعاطى

وياهادية أنا وانتى والنيل والقمر ، معا من أجل حقيبة خالدة

والله يا جماعة ناس الحقيبة ديل كانوا في امان الله
كدي اسمعوا/ ن ود القرشي والشفيع
والله ديل لو حيين
محاكم التفتيش الحايمة دي
كان صلبتهم في الشوارع

بجي صادة تاني

loooooooooool@الجندرية

الشفيع وود القرشى كانت ظاهرة صحية يا الجندرية ، وأنا عشقتو من نظرة وهو قلبو خالى ،

كدى هسع الكلام ده خليهو فى سرك يا جندرية ، عشان البوست ما ينحرف ويمشى الأبيض

لووووووووووووووولين على لوللك يا زول

تعرف انا ما قصدت اللي جاء في بالك وحيحرف مسار البوست
داك خليه حمده في بطنه
والنظرة والقلب الخالي سااااااهلة
شوف ليك حل مع ناس تشهد نجوم الليل .. تشهد زهور الخميل وما قبلها

وهل تخلى الشعراء الذين أعقبوا الحقيبة عن الغزل الحسي ، وهل تخلوا عن الصعلكة والجرسة والبكاء ؟
راجعوا الأغاني التي أعتبرت تالية لعصر الحقيبة ،أنا لا أحفظ كثيرا لكن :
شعرها ليل تموج

يا صوتها لما سرى عبر الأثير معطرا ( وهل هناك جرسة أكثر من هذه )
الحنينة السكرة
حلوة والله ومقدرة
جينا ليها نذكرا
السهرة لازم تحضرا
وبي شبابا تنورا
وهل هناك صعلكة أكثر من هذه

يا صبية الريح ورايا
خلي من حضنك ضرايا
أليست هذه جرسة ..
( أغنية وطنية مش ؟)
وأعصر لي الأعناب
وأملأ بها دني
ماذا نسمي هذا ؟

يا حليلو قال سايب البلد
في شفايفو
في جيدو
في شكلو
ماذا نسمي هذا؟
البعدو يجنن
القربو يحنن
الهين ولين
وديع وحنين
شغل بالي
ماذا نسمي هذا ؟
ضمتك يمناي
يا سعد دنياي
في الوكر ياسلمى
قمة الحب العذري ، مش ؟
يا جماعة أنا عندي سؤال تاني ،
مالو الغزل الحسي ؟ فيهو شنو ؟
وهل هناك حب لا يحسب حساب الجسد ؟
وقد قال قائل أن الحب اسم مهذب من أسماء الجنس .
مالنا نهرب ، ونحوم حول الأشياء ؟
لو عدتم لذكرياتكم ستجدونها سلسلة من الصعلكة ، ومن خلت ذكرياته من الصعلكة فهو بلا ذكريات ..
نحن وإناثنا نلطف حياة بعضا لنمنح الإنسانية زخمها الذي يضمن لها استمرارها ..

قريبى ود قاسم

كل ما ذكرته حقيقة وواقع ، وتشكر على الاضافة الجيدة يا حبيب ، والحقيبة لا يعلى عليها ، ده رأيى الشخصى

تحية لـ Hadia Mohamed

فرع البانة البرنع يقود
نظم أفكاري ولبسن عقود

فوقك عهود
براءة وطه وياسين وهود
لي شلاخك وقفن شهود
أثمر فرعك جوز النهود

طيبك عبق
وسنك براقا يسوي بق
ترنع تشبه مهر السبق
وفوق أردافا صديرا انطبق

تتجلي نار
قنديل وجهك يخفي الفنار
ساكنة فؤادي وما ليكي جار
سكني روحي معاك بالايجار

الخ .. الخ .. الخ

طبعا الأغنية للشاعر أبوصلاح .. وهي مسجلة بصوت التوم عبد الجليل

ياخوانا ياهشام ويا ود قاسم ويا الجندرية:

بين صب في حبه متلاش وحبيب مستغرق في عناق
طلت الغيد والقوارير صرعى .. والأباريق بتن في إطراق

و ..
جداول الموية كااااابة
ونسايم العذر هااااابة
وكل زول مشغول بزولو
عيون لعيون محاربة
شفاه لشفاه مقاربة

خليهم يقولو … شو بدنا نؤول

أهل العوض

بعد القلتو ده ، خليهم يقولوا زى ما الناس بيقولوا

تسلم يا غالى

انا لي زمن بنادي للخديدو نادي
ياناس محبوبي ساكت قصد عنادي
مع نزول دموعي اذا اشتعل زنادي
اصده عن سواه واوجه استنادي
متين بهل هلالي واسمع المنادي
ينادي عن حبيبي يقول ترك عنادي
اسامحه لو اذاني ولو خلف ميعادي
حبيبي لو هجرني احبه ما بعادي
ادور تملي قربو ويدور دوام بعادي
منعني عن وصالو وشمت الاعادي
اقول كيف ينجح مع الحدود جهادي
مادام سحر عيونك مضيع اجتهادي
من الجحيم شرابي ومن السموم مهادي
سهرت والكواكب تعلمت سهادي
جميل وصف جمالو محير الشوادي
غزال نفرت مني وعملت قلبي وادي
اراك اسرت قلبي وملكته في الايادي
اراك نفور وجافي بعيد عن ارتيادي
تجدني لو اقبل خدودك النوادي
اذوب من اللطافه وكمان معاي فؤادي
يزيد مع جمالك من الهوى ازديادي
جمال خلاف جمالك عندي شي اعتيادي

جيش غرامك زاح
هد حصن المهجة ولى دماى نزاح
عقلى كاد ينزاح
قول لى هجرك جد يا جافى ولا مزاح
[[وكمان جابت ليها حرب]]
الحبيب يا زول
العنوان يخض و المضمون يشرح ،،الحقيبة ليست حقيبة للاغنيات و اللحن انما حقيبة حفظت التراث السودانى و التاريخ و تقاليد امدرمان وحتى السياسة
لك منى المحبة

خدعـــــــــــــــــــــــوك وجرحو سمعتك
نور وجنتيك طفتين مسايل دمعتك...


القصة شنو هنا?

Quote: خدعـــــــــــــــــــــــوك وجرحو سمعتك نور وجنتيك طفتين مسايل دمعتك... القصة شنو هنا?

سنتمنتال القصة هنا: شمار حاقد

Muhib

جنس ده ياخوى ما سمعنا بيهو ، وأرجوك ما تقول كده تانى ، لأنو الكلام ده ما بيشيه الحقيبة

مع أكيد تحياتى وتقديرى


الاستاذ يازول ....
الحقيبة غير مكتوبة بواسطة"انبياء" وسؤالي لم يحضر من فراغ واذا لم تسمع بهذا الحديث من القبل ارجوا ان تنتظر الاجابة مثلي ..ارجوا ان ياتئ احدهم بالخبر اليقين ....ولي قدام واتمني ان الحقيبة لم تشجع "الممارسة القزرة" ..ولي قدام ..

..
.
يا زول شوف الكلام السمح الغناهو ابو داؤود
انا طبعا ما حافظ بس تم من عندك ..
1-
في الضي جبينو النادي
و البدر خلان
يجمع لطافة ورقة
ونفرة الغزلان

2-
عزه قومي
كفاك نومك
وكفانا دلال يومك
انتي يا الكبرتوك
البنات فاتوك
في القطار الطار

3-
علي النجيلة جلسنا
طربنا وتأنسنا
عن الهوي تحادثنا
قضينا ليلة لذيذة
نراها برهه وجيزة

4-
اينعت في الروضة زهرة
واكتست سحرا ونضرة
وبدت تزهو جمالا
فاح منه الطيب نشرا
فهي للنفس امان
وهي للالهام سحرا

5-
الجرحو نوسربي
غور في الضمير
فوق قلبي خلف الكي
ياناس الله لي

6-
شايقاني فيك بسمة
سمحة ومليحة لون
عجباني فيك قامة
ساحراني فيك عيون

7-
سكر السمار و الخمار في حان الغرام
وانا الصاحي اري في النور اشباح الظلام
وبدت كأسي علي راحي بقايا من حطام

8-
في سور وداخل سور
في روضة و زهور
غناء وقصور في قصور

9-
ألفني في البرهه القليلة
وفارقني مابين يوم وليلة
الصدفة العجيبة و الفرقة العجيلة
و القعدة اللذيذة في تلك النجيلة

10-
يازهرة طيبك جاني ليل
اقلق راحتي حار بي الدليل
زاد وجدي نوم عيني اصبح قليل

12-
زرعوك في قلبي
يامن كساني شجون
ورووك من دمي
يااللادن العرجون

13-
من جنان رضوان اصلك
لذ كل ربيع فصلك
اتنفس فوح
تتنفس ناس
ورياض وبحار

14-
الحياه و النضرة
و التيه و الجبره
هم مصدر شوقي ومصيبتي الكبري
في الحب ابلاني وكمان خلاني


بجيك تانى

شكرا يا زول يا رائع
الكنينة/ على ابراهيم


مداعب الغصن الرطيب/مبارك


محبوبي/ ابوداؤد

ياسيكو يا غـتـيـت لـم تـنـزل حـاجـة حـلـوة أدي المـسـاكين الزينا ديل

إمكانية ننزلها في الكانون بتاعنا دا






أهلنا قالوا ناس الحـقـيـبة إوصـفـوا بت الناس

الشـعـر

الـحـواجـب

الـرمـوش

الـعـيـون

الـخـدود

الـشـفـايـف

الأسـنان

الجـيـد


الـنـهـود
الصـديـر

الخـصـر

بـعـد كـــدا!!!!!!!!!!!!!!!!!!!!!!!!!!!!!!!!!!!!!!!!!!!!!


هـــوي يا لـيـلـى هــوووووووووووووووووووووووووى

الاخ زول التحية ليك
وعندى ليك سؤال كدة
فن زمان فن وفن اليومين دة فن
وبصراحة شديدة ومن غير زعل وقبال ما استنا اجابتك فن الايام دى
فن جطة ساى والكل جارى وراء القرش

الاخ هشام شيخ الدين

التحيه لك و انت تبتدر هذا الخيط الجميل.

الشكر للاستاد الطيب برير علي اقتراح التواصل و ان شاء الله الوالد يشفي و بالسلامه. بادرت بالاتصال بالرقم الذي ذكره و علمت ان والده سيخرج من المستشفي قريبا. في انتظار وصول الاستاذ الطيب برير و ان شاء الله تواصل دائم.


الاخ يازول عندي اقتراح ان تواصل مجهودك و ان تسعي الي ضم الاستاذ عوض بابكر لكي يضيف الي محبي الحقيبه البعد العلمي و التوثيقي و الذي نحتاجه بشده. يمكن ان يكون هذا التواصل علي الطريقه التي اجريت بها المقابلات مع الاستاذ الخاتم عدلان و الجنرال عبد العزيز خالد.

و التحيه للاخ عادل عبد العاطي الذي افتقده كثيرا.

الاخ يا زول طالما ما امنتنى البورد ده وقلت لى على كيفك فيه دحين خلينى النبطح فى حوش عمى شيخ الدين قبال ابوعبيده بى صوتو العالى يجى يكورك من بره ويقول اولاد الشنادقه يتباركو بى صوتو العالى داك؛ وعلى فكره انا بيتكم اتمددت فيه من زمان بى الباب الشرقى دخلت وبالغربى دخلت والصحه والعافيه لى عمى شيخ الدين والله يرحم اماتكم؛بالله تحياتى لابو الجراح ونوال

نجى للحقيبه شايف فى جماعه قالوا ده غناء حسى وصعلكة انا عارفهم ما بقصدوا صعلكة بمعناها الكريه داك والطيب برير راجل حبوب وانا لاقيته فى ليلة حميد فى الرياض وربنا يشفى والده ويرجع الطيب ليثرى النقاش الجميل.
عاوز اتكلم عن الاثر الدينى فى غناء الحقيبه.
ود الرضى فى اغنية احرمونى بقول:

ما تنفس صبح او ضحالى
الا غاب هدهد فكرى ووحالى
قالى قربك عين المحال
قلبى غير ذكراك ما صحالى
يكفى انو السهد اكتحالى
يكفى شاهد لى انتحالى
المدامع السن لحالى
شاكى شاكر شاخص دوام

وتخيل هذا الاقتباس الجميل من لغة القران(والصبح اذا تنفس الخ الاية)

ايضا(مالى لا ارى الهدهد ام كان من الغائبين الخ الايه)

وناتى ايضا لود الرضى فى اغنية البريق العاتم سماهو ام فويطر ام زين باسماه
بقول ود الرضى:
قتلو امتى حرمك ادخل حماه**قالى مذهب مالك حماه

اليس هذا انسان يريد القرب على سنة الله ورسوله

ابو صلاح وكما يروى ان الرجل كان مسيحيا فى بداية حياته؛فى اغنية
ياسمير بنظرتك اوفى الميعاد يقول:
طرفى ساهر يتلو ايات الوداد
الشجر اقلام جميع والنيل مداد
لو كتب اشواقى ليك ما عددا

وهذا ايضا اقتباس جميل من لغة القران (لوكان البحر مدادا لكلمات ربى الخ الايه الكريمة)

ايضا محمد بشير عتيق فى اغنية كلما تأملت حسنك يقول:

انت قاضى ولى حسنك سيفو ماضى اباح دمايا
حبك استعمر حواسى وللفؤاد اعلن حمايا
الف عام فى خمسمائه

(يوم مقداره خمسين الف سنه الايه ايضا هذا اقتباس من لغة القران وعتيق يقول 1000×500 خمسمائة الف

ايضا ابو صلاح فى اغنية اضيع فى هواك يا مهفهف حرام يقول:

وليلة لقاك خيرا من الف عام ولغة القران العظيم تقول (ليلة القدر خير من الف شهر)

ايضا ودالرضى يقول فى اغنية بدور لو مره نتقابل:
معسعس اسودا يرقش تسريحة البارع الصانع
اوجه نظرى لى محيك اجد من هيبتك مانع
ايضا (والليل اذا عسعس)

ايضا فى اغنية الغوانى البارع جمالا ×ام غصون الهبهب امالا
مالى ارى العالم ثماله
والبدور مزدهره فى كمالا
والملائكه اليوم فرحه مالا
يبقى بت السماء سدو مالا

شفنا فيهن ظبية تلالا
انجلت والكون انجلالا
قمره طلعت فى بيت حلالا
والخير موشح تاجه وهلالا

فقمره طلعت فى بيت حلالا هذا زواج علىسنة الله ورسوله


هشام الامثله كثيره وانا اكتب من الذاكرة الخربه فدع ما تبقى منها نستعين به على نحل المعاش والله يحفظكم وخلونا نتثاقف الى ان يأتى الطيب

حاشية:اعتذر لاخ الطيب برير ان انا قلت ده الطيب برير والا الطيب مصطفى فى مداخلتى الاولى لان اعرف ان الطيب برير رجل مليان فن ولكن من باب الدعابة فقط

الأخ صديق الموج ســــلام


مـداخلتك حـلـوة جـدا و فيها الكثير تسلم يا خـوي و فعلا أغاني الحقيبة فيها الكثير



تـسـلـم

الأخ هشام شكرا لفتح هذه النافذة الإبداعية والتي قل أن يجود الزمان بمثلها .
وهاك

ماقصدي فيك لمسان مقصودي بس شوفتك لاتضيعني ياإنسان ( دردقة


حليفة العفة الدايما ملازمة هوابا
مستورة القناع الخايفة من توابه
اصلــها من نشت مااجتازت البوابة
محال تنظر خدودها وتسمع استجوابها


ياريت لو وفاني قبل اندرج في اكفاني ( حن علي ياقاسي


الكتوف واقعة
والعيون ياناس مويتن ناقعة
الوجن قادحات في الظلام فاقعة
قصدي شبالها وراضي بالصاقعة ( بداية العمليات الانتحارية

ولي عودة

يا زول يا زول
كيفك
ما قلته وما كتب من مداخلات جدير بالاحترام
الحقيبة اغنيات ساهمت فى صياغتنا وفى فترة ما كانت تعبير لفترة ما
الحقيبة نتاج طبيعى لى لغة الدوبيت الذى سبقها فى التعبير الحر
وبحكم حدود الجغرافيا لى اسلوب الدوبيت صيغت فيه كثير من التعابير الحرة
فكان ميلاد الحقيبة فى الاسلوب الدوبيتى فى وصف الجسد وفى فترة من الفترات
كان لا يتجاوز الوصف جسد المرأه
اسفل عالى مرة
واعلى الكان سفل
ومن تقل المرجرج
لى المبدوع نتل
شى من هذا القبيل واصبح كل من يخرج من هذا الاسلوب لا يغنى
فكان تغير النص الحقيبى من الوصف الجسدى الى حب المراه فى كيانها وفى ذاتها
تغيير مرفوض من بعض الاراء انذاك فكيف يكون حب المراه
؟
لكن التغير فى الاسلوب صاحب الزهد فى الشخصية وكان اغلب التعابير منهزمة
اعتقد هذه الانهزامية كانت التعبير الاساسى فى التعبير الحقيبى فى حب المراه
ولك احتراماتى يا زول يا زول يا رايع

ما شاء الله كل ده أنكتب وانا نايمة؟؟!!
وأنا قلت اشارك بكل ما احفظ واقشر للجماعة أتاري كل ما أحفظ كتب هنا وعليه زيادة كمان.
كيف نقشر الآن بالله؟؟؟!!!
وهاكم دي

والشجر أقلام جميع والنيل مداد
لو كتب أشواقي ليك ما عددها

(شوق ده واللا قيامة راحلة)

الاخ يا زول البوست رااااااائع، تعرف كلمة المجون دي ذاتها مرات
بحس بيها ما كافية، وفى اشعار كدا تجدها تجرك الى عالم الشاعر ابو نواس
وهذا ما جعلني اقف عند سؤال الأخ محب، ولكن أصدقك القول يا صديقي
العزيز انك لم تكن موفق فى ردك بالنفي على تساؤل الأخ محب. فردك العنيف
وبشكل قاطع لن ينهي او يعدم التساؤل فى عقول الكثيرين، فالمجون يأخذ
أشكال وتفاصيل عده فى أشعار الحقيبة. ومع ذلك تبقى الحقيبة واحة ظليلة
نرخي فيها اجسادنا فى زمن السفر والتعب هذا

ولك التحية اخي يا زول
ليه وليه انا كلي جراح
لابد يجي يوم بلقاك ارتاح
احبو احب نوناتو
نوناتو الفي وجناتو
احبو واحب تقديرو
اموت ما بعشق غيرو
فقدنا الصواب يا خوانا
يا ابوعايده وين احبابنا
ظبية المسالمة فى الخمائل حالمة
يا ظالمة يا ظالمة
تجرحني ليه وليه وليه
وانا كلي جراح
لابد يجي يوم القاك وارتاح
اه اه من خدودو النايره
اه من ضفايرو
يتعبني تهب شديد شديد
*****
يا ادريس قوم انسلا
انا قلبي هاجر ولى
وده السبب لى العلة
الصديق يا ود دفع الله
يا الشفتو عفافو النادر
وده الجنن عبدالقادر




ــــــــــــــــــــــــــــــــــ
BE YOURSELF AND HAVE AN IRON WILL
AND DEFINTELY THERE IS NO AWAJA

ازيك يا زول

لا حول لا قوة حبيبي الليلة فى الكوة (واحد مكسر فى مشاريع الاعاشة)

دمتم

هشام
يهواك (الجنوب)واليك ينقاد(الشمال)
من حور الجنان ام انت انسان الكمال
---------------------------------
الزول دا قاصد شنو؟؟

يا زول ازيك


لا حول لا قوة حبيـــــــــبي الليلة فى الكوة (واحد مكسر فى مشاريع الاعاشة)

سلام

وليد طه
البوست المكرر ده يعني الكورال؟؟؟!!!
بهزر بهزر ما تحمر لي

ذكرت أغنية من أجمل الأغاني التي تغنت بما يشبه سكة القطر،، مروراً بمدن عديدة
والأسكلا هي في الأصل كلمة إيطالية (إسكالا) ،، حيث مرسى الرواكب على ما اعتقد،،، وقد كنت أظن أن هذه الأغنية لها علاقة بسكة حديد والقطر لكن الموضوع طلع كلو موية ونيل

من الأسكلا لو حلا وقام من البلد ولى دمعي لي التياب بله

الكي الصقر خوا وبي بدر الدويم ضوا
وقال لا حول لا قوة حبيبي الليلة في الكوة
وكب يا دمعي لا تكون جاف يا قلبي البقيت رجاف


مش حافظاها كلها للأسف لكنها جميلة جدا وليت أحدهم يكتبها لنا كاملة ويذكر لنا من هو هذا الشاعر المرهف.
سلمت

الأخت الحبيبة لنا مهدى

مشاركتك للبوست فى حد ذاتها اضافة ممتازة ولا شك

Quote: العنوان يخض و المضمون يشرح

وبعد تعليقك الفوق ده ما عندى زيادة يا أصيلة

العزيز جدا Muhib

Quote: الحقيبة غير مكتوبة بواسطة"انبياء"

معليش يا محب ، يمكن ردى ليك كان عنيف ، زى ما ذكر السنجك ، وده كلو يرجع لى غيرة الواحد على الحقيبة ، وهى (جرت) فى دمنا بالوراثة مع الكسرة بى ملاح الشرموط ، فلك العتبى حتى ترضى ، ولو فى واحد عندو اى اضافة فى موضوع (الحقيبة والشذوذ الجنسى) يمكن أن يأتينا بالدليل هنا ، ومعليش يا حبة ما تزعل ، لأن ردك جاء أيضا عنيفا بدليل الكوت الظاهر أعلاه

تبلدينا

جد جد والله شغلك نضيف ، تسلم يا تبلدى

yasiko
وانت كمان تسلم يا فنان

ABUHUSSEIN

Quote: بـعـد كـــدا!!!!!!!!!!!!!!!!!!!!!!!!!!!!!!!!!!!!!!!!!!!!! هـــوي يا لـيـلـى هــوووووووووووووووووووووووووى

أضحكتنى فأضحكتنى ثم أضحكتنى ، هو بعد كده فضل شنوغير عنوان البوست؟؟؟؟

Hisham Amin

Quote: فن زمان فن وفن اليومين دة فن

بالطبع لا ، ففن زمان أصيل وجميل وفن اليومين ديل أهو أى كلام والسلام

تسلم يا هشام على المشاركة

Omer54

Quote: و ان تسعي الي ضم الاستاذ عوض بابكر

يا ليت يا حبيبى عمر لو أحصل على عنوان الرجل المدرسة ، فعوض هو الشخص القادر فعلا على مدنا بالمزيد والمزيد من خبايا الحقيبة ، ويا ليت لو يساعدنا الزملاء فى ايجاد عنوانه أو رقم هاتفه ، يا ليت

صديق الموج

Quote: قبال ابوعبيده بى صوتو العالى يجى يكورك من بره ويقول اولاد الشنادقه يتباركو

الحبيب صديق ردك الشافى أثار فى نفسى شجون وذكريات ، ياخ طيب انت ما واحد مننا ، أنا ما عرفتك ليه؟؟؟؟

على العموم ، أرجوك يا صديق أن تتبنى البوست لحين عودة الأخ الطيب برير ، وكلو بى حقو

Ali Othman
وأنا أيضا أشكرك على الاضافة يا حبيب

Hamza Sulaiman

Quote: واعلى الكان سفل ومن تقل المرجرج لى المبدوع نتل

أستاذنا الغالى حمزة سليمان ، أشكر لك مشاركتك واضافتك الثرية فى هذا البوست

بت قضيم

عليك الله انحتى مخك شوية وطلعى لينا درر زى حكاية من الأسكلا وحلا ، وهى عبارة عن وصف رحلة قام بها الشاعر من منطقة (الأسكلا) جنوب الخرطوم ، وعبر النيل الأبيض حتى وصل الى جنوبنا الحبيب مرورا بالكوة والرجاف والدويم وكوستى والجبلين وصولا الى ملكال ، أو كما قال

Alsngaq

Quote: يا صديقي العزيز انك لم تكن موفق فى ردك بالنفي على تساؤل الأخ محب. فردك العنيف وبشكل قاطع لن ينهي او يعدم التساؤل فى عقول الكثيرين،

فعلا يا سنجك ردى لمحب لم يكن موفقا ، فقد (فجعنى) السؤال ، و (فحطت) بالتالى فى الاجابة عليه ، وقد اعتذرت له عن ذلك أرجو أن أكون من المقبولين والفائزين برضاه ، كما أرجو أن أشكرك على الاضافة الجيدة وما تحرمنا منك يا سنجك

Walid Taha

Quote: لا حول لا قوة حبيبي الليلة فى الكوة (واحد مكسر فى مشاريع الاعاشة)

تسلم يا وليد على الطرفة الخفيفة

فتحى الصديق

Quote: هشام يهواك (الجنوب)واليك ينقاد(الشمال)

يا فتحى باختصار يعنى البلد كلها (مكسرة) فيه

بت قضيم اختى ازيك

طبعا التكرار ده جا- بعد التحميرة- دلالة على الاصرار فى الاظهار

تصدقى يا قضومة انو انا ما حافظ غير البيت ده بس لانو سمعت قصة انو المكسر ده كان من قرايبنا زمان وكان جنو سفر وترحال لكن الوداهو هناك شنو الشقى ماعارف!! يستاهل بس

قلت لى (الاسكلا ) كلمة ايطاليه ؟! شفتى كيف نحن مثقفين وناس من زمان مؤسسين ..هسى بالله فى الغنا الايطالى ده كلو فى كلمة سودانية؟

بت قضيم ودعتك الله

اقترح على الأخ بكري أبوبكر إنشاء مكتبة لأغاني الحقيبة ،،
لتصبح مرجعا لهذا النوع من الغناء ، وواحة يستريح فيها زوار الموقع .

يازول معليش القال ليك سلفن البورد منو؟؟

بت قضيم ووليد طه المحترمين

القصيده للشاعر محمد ود الرضى وهى وصف الرحله من الاسكله (بالمناسبه الاسكله دى كانت فى المكان القائم فيه متحف السودان الان)

وهو ذكر كل المحطات التى يمر بها القطار، قاموا الجماعه قالوا ليه نسيت محطة ام جر قال ليهم ابدا ما نسيتا،

انا قلت:

حلا زى الصقر خوه

بالبدر الدويم ضوه

عاد لا حوله ولاقوه

حبيبى الليله فى الكوه


قال ليهم لا حوله ولا قوه دى شنو؟

ما اتعوزنا منها ام جر دى.

القصيده الله يذكرنى ليها


من الاسكله وحلا..قام من البلد ولى

دمعى اللى الثياب بله

______________________
جبل اولياء حبيبى غشى وحصل فى القطينه عشا


ياقلبى الطفش وفشا الما ليتو ينكفشا

____________________________
حلا زى الصقر خوه بالبدر الدويم ضوه

عاد لا حوله لاقوه حبيبى الليله فى الكوه

_________________________


صباح الخير على ام نفلين اهنى البيك محتفلين
سيد الحسن رب اللين شرف كوستى والجبلين

_________________________________

صب يا دمعى لاتكون جاف ويا قلبى البقيت رجاف
البدر الخفا الانجاف اليوم شرف الرجاف
_____________________________

زاد فى بعدك الانكال يا قلبى البى الهموم انكال
شرفى العاصمه ياملكال توفيقيه صبرى انا كال

________________________________

يا كاكا الحبيب طلاك بعدو الزاد نفوسنا هلاك
يا ملوط حليل نزلاك ياليت كنت فى الجلهاك
___________________________
شامبى اضحى بيك مسرور بعدو المجلا ياسرور
يا جوبا احى انا المضرور وبعدو النوم بقالى ضرور
______________

الاخوان اتمنى ان تلقوا الشطره الضائعة من البيت عن زول غيرى ودمتم،،،

أححححي انا
والله دة بوست الألفية حقوا تنزل فيه أغنية ود البجرد الالفية
الليلة طاري الجية... عارف انت لو ما جبتوا بيجاي انا كان
دمعي أتشتت غلبوا اللقاط...بس احمدك يا مالك روحي.......


انا غايتوا عاجبني ابو صلاح في بدور القلعة وجوهرةوكمان
في حتة كدة ماشة مع النص

النهيد باع فينا و أشتري وانا في الجزئية دي بتفق معاه
لانو أحل الله البيع وحرم الربا واللا ما كدة؟

معليش يا اخوان ما ثقاله انا مستأذن من سيد البوست ده،وهو راجل

طيب ما قايلنى بسوط واجوط فيه كده..وبعدين كان ما ادانى الاذن برضو

كنت حا اسوى سواتى دى. هسع ده بوست بنفات؟


اخونا ود حبيب قال عاجباهو بدور القلعه قصيدة ابو صلاح المشهورة

،وانا عايز اكتب عن بعض الصور الجماليه والاعجازية فى شعر ابوصلاح

ابوصلاح قال فى قصيدة الدلال والغرام عيونى يا هنده جافوا المنام

عيونى:

مره الحاظه قابلونى**ظلما اسهاما نبلونى

قالت لى ارداف تقال بلونى** والسنون تضوى قالبه لونى

تخيل فالبيت الاول كانت القافيه مكونه من خمسه حروف (ب ل ون ى)

وفى البيت الثانى كانت القافيه مكونه من ثمانيه حروف(ق ا ل ب ل و

ن ى).وهذا يسميه اهل الادب لزوم ما لا يلزم.

ثم ثانيا لاحظ الجناس الكامل فى قال بلونى وقالبه لونى
_______

ناتى الى الاعجاز الثانى فى قصيدة جوهر صدر المحافل

النص:

ياجوهر صدر المحافل روحى معاك اتلطفيله
______________________________________
ما النور الفى حليهو رافل فى حق نهدو قلوبنا قافل


كالظبى الفى مقيلو رافل تاره يميل والتانيه جافل

وجهو ينور والبدر افل فوق للبدر يزيد نفيله
_____________________
الفرع البتنى راتل طيرو ينوح فى غصونو حاتل

بهوى نسيم لى قكرى شاتل الاسد الفى القيد يناتل

بتأكد ماليهو قاتل غير مكحول ظبى النتيله
_______________________________
ليك جوز عين نعسان وكاحل خصرا يميل وصدرو راحل

ويل وجدى اللى جسمى ناحل بحر الشوق ماليه ساحل
بينى وبين النوم مراحل وين للطيف انا القى حيله
_____________________________________-

ضاوى سناك لى بريقو راسل لاح بين عنابتين
عواسل

صدرك يرجح وكتفو خاسل رنا طرفك للسيف يماسل

ليه ما يجندل كل باسل ساحبه دغس وخدود اسيله
________________
لى طيفك مالقيت وسائل غير بسط النسمات رسائل

اغرب شى واعجب مسائل حلم الصاحى ودمعو سايل

لو شكيت فى امرى سايل البدرين كونك مسيله
________________________

المرنوع لى كتفو هادل فى معاصمو لى ايدو جادل

انا ساهر والليل سادل شرط الحاكم يبقى عادل

لااقبل فى هواك مبادل كيف اعشق وارضى البديله
________________
تمنع طيفك لى يغازل داخل قلبى انا ليك منازل

يالائم لاتبقى هازل انا فى الحب لى روحى بازل

هل عاشق يسمح لعازل خلى نصيحتك عنى زيله
_____________________________

النور خدك لاح مقابل للشعر الطال ليلو سابل

سهم الحاظك لى نابل بى كل شى دون هجرى قابل

ينسب نوحى على البلابل وانت القمره بتنسبيله
_____________________


زايد شوقى ودمعى باهل كيف نارو تشعلل مناهل

ضاق بى الكون مع انو ماهل نومى تصعب ووجدى ساهل

لو بى حالة سهرى جاهل دى الانجم فاسأل سهيله
_________________________

زايد شوقى ودمعى هامل جمر الحب لى جسمى شامل

حتى الطيف لى لا يجامل مع كل ما كنت امل

دمى تحننى بى الانامل هل يرضبك كده يا جميله
____________________

يلاحظ ان ابو صلاح يأخذ الحرفين الاخيرين فى كل قافيه ويضع حرف (ى)

بينهم ثم حرف (هـ) فى الاخر ليقفل القافيه او بيت القفله

مثال :

المحا(فل) اتلط( فيله)......عوا(سل) ا(سيله)منا(هل) س (هيله)

الى النهايه تسير القصيده على هذا المنوال،فهل هنالك تمكن اكثر

من هذا.

هذا قليل من كثير من ما يزخر به هذا الفن ولنا عودات.

صديق الموج يا حبيب
ياخي اديك العافية وتسلم
وجوط البوست أريتة دي جوطة
السرور وماك محتاج أذن عشان
تدينا جنس النضمي السمح دة
ولو سيد البيت اقصد البوست
قال حاجة بنقلعوا منو والله
الحقيبة دي قالوا بس ملك خاص
لي اولاد شيخ الدين ما كلنا
اولاد شيوخ ولوح ودواية وراية

حبيب نوره انا من قبيل خجلان واحسو من هذا البوست كما يحسو الطائر

لكن مادام الحكاية جابت ليها معجبين حقو نقشر شوية قبال سيد

البوست ده يجى وكان سامحنا كتر خيرو كان ما سامحنا خليهو يشيل

بوستى(MY POST NOT MY KISS)البى غادى داك.

نجى لى صورة جماليه اخرى والمره دى من العبادى

العبادى فى قصيدة :


من فروع الحنه وزهرة التفاح هاج بلابل فكرى النسيم الفاح

فىبيت من الابيات يقول:

كل معصم جدله والكفيفات غوف

والكتيف الهادل بالكفل مشغوف

نائمه اوكان صاحيه حال جلوس ووقوف

فيهو لاحم ديمه منو مالو براح

وهو يصف تلك الملهمة بان اياديها كجدلات الحرير وان كفيها مثل


القطيفه الناعمه واكتافها مهدوله حتى تلامس اردافها وهذا كناية عن

شدة اللين وهى على هذه الحاله نائمه وقائمة وجالسه وواقفه وهى

متنيه النص والكتف ملحوم مع الكفل ...قادر الله ...

اذكران المرحوم ابراهيم احمد عبد الكريم ،قال لى بصوته الضخم

الجميل داك انا اصلوا لم يصادفنى فى كل الشعر العربىقاطبة وصف

بهذه الطريقه

يعنى انسان نائم متنى,قائم متنى،جالس متنى،واقف متنى،

((احى يا كلـــــــــــــــــــــوى))


بعدين كدى النقول ليك منها بيت قبال الشقى ده يجى.

خلى امعن شوفو قولى ايه النور

هل رائتلك دميه ام ده من الحور

جل من انشأها وصاغا شعلة نور

هل ده جيد وقلاده ام نجوم وصباح

فهل هنالك اجمل من هذا...دمتم،،،،

لووووووووووووووول لكن ما بالغت يا صديق
انت الكلام دة بتجيب فيه من وين ياخي؟
انت عارف الشقي دة لو جاء وخرب علينا الونسةدي
يكون بالغ والله شكيتك علي الله قلت لي بوستك
اها انت عارف انا علي المساح بعزبني عزاب
خصوصاً في اغنية الشاغلين فؤادي والله كل ما اقول
اكب لي موية في جسمي دة تلقاني بغني فيها
ومن المقاطع العاجباني شديد

البلابل ناحت في الليل الهجيع
سهرانات ينوحن مابيات الضجيع
من الحالة ديك اخير لي النجيع
وا حسرة شبابي الما لقيت لي وجيع


اها كان الشقي دة وصل والله اخير ليك
النجيع لانو لسانو نجاضة وانا بعرفوا

والله دى ما اخليها تفوت ساكت

انت عارف المساح ده اتحدى الشعراء وقال ليهم انا بقدر ادخل

اسمى صريح واسم ملهمتى فى قصيده واحده قام كتب قصيدة نغيم فاهك

يا ام زين دواى..وهى كان اسمها ام زين وقام فى اخر القصيده كتب:

انا الكاتم السر ما حكى

انا الحاضن البلاء ما اشتكى

انا الحجه بحل مشبكه

انا المساح دمع البكاء

يلا قال ليهم اتحداكم ..تصدق يا حبيب ما قدر على كده الا ابو صلاح

فى اغنية شىء عجيب فى غرامك يا فريع ياسمين

طبعا ملهمته كان اسمها الفريع ...قام هو فى اخر القصيده بقول

يالفريد فى ظرفك زى لطافتك وين

زى دى لاكان لابدعت قبلى فى التكوين

على صحيفة قلبى تدونت تدوين

ولولاها مالى صالح فى الزلال والتين

وطبعا هو اسمه صالح عبد السيد ابو صلاح

يلا قوم اجراك من البوست ده،،،،،،

ههههههههههههههه انت عارف يا صديق الزول دة بعد دة بفتح فينا بلاغ
سرقة ...ياخي ما أستلمنا البوست علي حسابنا عديل كدة
وبعدين تعال هنا انا مشيت علي البروفايل حقك وكنت متوقع الاقيك عوض
صديق الموج واللا المرحوم اللواء وايام نسائم الليل...يا زول بالميت
كدة قلت يكون دة بادي محمد الطيب معقولة بس عملت لي البوست دار فلاح

لكن زولك المساح دة ببالغ والله وانا برضو ما حافظ الاغنية بتاعت الشاغلين
فؤادي لانوا في اخرها زي البلمح او بصرح بي اسمو ( المساح علي) ودي
نخلي اخونا هشام يطلعنا لينا بي شطارتوا
لكن بصراحة كدة تتجازي والله يا صديق وهشام كمان البوست بتاعوا متفرد

اخى الحبيب يازول ساحضر لك رقم هاتف عوض و عنوانه من الوالد و اظنه سيكون سعيدا بهذا التلاقى مع القديم الجميل و مداخلات الاحباب هناوهذا البوست الجميل ال [غير تقليدى]،،عوض اذا اشتم رائحة الحقيبة فى اى مكان يترك [الورا و القدامو]ويلبى بكل الحب
امهلنى سويعات ريثما يحضر الوالد

تحية لكل عشاق الحقيبة.....

ويا قائد الاسطول..
تخضع لك الفرسان..
يا ذو الفخار والطول
ارحم بنى الانسان...

يكون عقبة بن نافع

حبيب نورة
صديق الموج

Quote: قبال سيد البوست ده يجى وكان سامحنا كتر خيرو كان ما سامحنا خليهو يشيل بوستى(MY POST NOT MY KISS)البى غادى داك.

ياخ والله مسامحكم وعافى ليكم لله والرسول ، جنس السويتوه ده شغل نضيف وسرقة حلال وحب مباح وكملام ناس حلوين ومشبعين بحب الحقيبة ، وبوستك البى غادى داك عافيه ليك لله والرسول ، وانت اقعد هنا سيد بيت وعاشق متيم شعر الحقيبة ، وانت يا حبيب نورة ولع النيران بس حبه حبه عشان ما تحرق روحك ، وجزاكم الله خير

لنا مهدى
سأكون فى انتظار رقم أخونا عوض بفارغ الصبر ، وشكرا على الاهتمام الكبير يا ست الذوق والفهم

سنتمنتال
قلت عقبة بن نافع ، ده قائد أسطول بتاع كورجة حلوين جايين للشاعر زيارة فى المستشفى ، دى عقبة الخير النافع

عليكم الله شوفوا الكلام ده واريتو شعراء اليوم بنص صعلكتهم
القصيدة دي لود الرضي

ينوحن لي حماماتن همن عيني غماماتن
بريدن شوقي للماتن
هياب رعاب جمال فـاتن ولا شئي في الأدب فاتن
تتوق الروح لشوفــاتن وارجف حين موافــاتن
سكينـة تجلـى فصــادن قلوب الأدبا مرصــادن
قنـابل ترمي قصـــادن فهن صادنه ماصـــادن
وجن توب الحيا لباسـن نزل نور القمر باسـن
اهين وارضى حباســــن يفر قلبي ويخاف باسن
عسف نيدن خفـــا جلادن وضيبـا هــدهد اللادن
عفافــن عـف تيـــلادن بسوق القوق على بلادن
مابين الشادي والشادن تحير فكـره نشــــادن
خــدودن جــــل ورادن جميع الشـــاهدن رادن
نديم قول لي هـن ياتن مهـــاة رامـه وظباتن
نسيم شيـل لي تحيـاتن وخصص بيهــــا نباتن

العزيز على عثمان...احبك يا اخى..

استميحك عذرا فى ان اصلح ليك البيت الرابع شويه

بقول ودالرضى:

عسف نيدن خفا جلادن وضيبا هدد اللادن

بمعنى عبقت تلكم الروائح الجميلة حتى لكأنها تخفى رائحة

الجلاد،وذلك الشعر الغجرى لشدة ما هو غزير حتى صار يشكل تهديدا

صارخا للخصر .... بالله جدك ود الرضى ده ما ببالغ،،،،

ياجماعه لا الطيب برير رجع من السودان لا سيد البوست ده

جاء راجع لى خدارو ده.

اها انا اقعد لا متين حارس كوم الفواكه ده.

ألأعزاء

اغنية من الأسكلة للشاعر محمد ود الرضى كتب مطلعها الحاج محمد احمد سرور ..و قصتها راى سرور فتاة حسناء وقد سافرت على متن الباخرة المتوجه للجنوب .. و اعجب بها وكتب البيتين الأوائل و بعدها اخبر صديقه الشاعر ود الرضى الدى اكمل باقى القصيدة بعد ان علم مسار الرحلة من هحد اصدقائه ...

من الأسكلة و حلا
قام من البلد ولى
دمعى اللثياب بلى

صفر ودع البابور
حاجزين قمرة ا ثنين دور
البابور مر بالمجرور
شال ظبيا سكونوخدور

جبل ا ولياء حبيبى غشى
حصل فى القطينة عشا
يا قلبى الطفش وفشا
والما ليتو ينكشفا

حل زى الصقر خوى
كالبدر الدويم ضوى
عاد لا حول لا قوة
حبيبى حليلو فى الكوة

صباح الخير على ام نفلين
احيى البيها محتفلين
سيد الحسن رب اللين
شرف كوستى والجبلين

بقدومك كدوك اضحى من الكساد ارباح
وانا من نياحى صرت ابح كانى فى مبرك المزباح

سلام متوالى ما غبا
ما مر النسيم هبا
قلبى ال لى العفاف ربا
يخجل كامل الرهبا

صب يا دمعى لا تكون جاف
يا قلبى البقيت رجاف
البدر الخفا الأنجاف
اليوم شرف الرجاف

و الى من يهاجمون الحقيبة...
كا الغناء قبل فترة الحقيبة يعرف بغناء الطمبارة وهو غبارة عن

تصفيق تصاحبه اصوات متباينة من الحلق دون اى كلمات ..

وبعدها اتت الحقيبة و اوجدت لنا الغناء بشكله الحالى الجميل و تركت

لناالحقيبة ارث فنى عظيم و لكن مهمل نوعا ما للأسف ..

اليست الحقيبة ومن اوجدها لنا جديرين بالأحترام و التقدير بدل

السخرية منهم ....اليس الأجدر ان ننقب فى ما اوجدوه لتاو نوثق لهم جميعا ...

ولكم كل الود

الأخ هـشـام ســـلام

فاتح لـيـك بــوســت طــويــل عــريــض و الناس ما قـصـرت مـعـاك شاركوا و طلعوا ليك مداعي كمان و إنت جاري لي وراء أساسي تفتش ليك في مشاكل مع أساسي عليك الله أساسي دا بتقدر عليه كمان فاتح ليك بوست يا خوي أساسي دا أبعد منو و تعال لي بوستك دا أحسن ليك من مشاكل أساسي دا و لا شوف ليك واحد و أعمل ليهو توكيل شرعي علشان ما إجي واحد إنط لينا إقول أنا إشتريت البوست دا


و بعدين كـدا أنا طالبك عشرة ريال علشان رفعت ليك البوست دا و أنقذتو ليك من الغـرق

الاعزاء حبيب والموج ويازول

اتكيفت جدا من البوست , خاصة قفشات الموج , وربما اتفق معكم فى كثير من القلتوه فى مثل هذا الشعر , ولكن بعض شعراء ذلك الزمان السمح كانت لهم( تخريمات) برضو من ذلك الشعر الذى لايمكن ان يجاهروا به علنا ! .. عندى زى مابقولوا شمار تقيل عن شاعرنا الفذ محمد سعيد العباسى , وطبعا ما حا اقولو هنا .. لو عايزين تعرفوا فزورونى فى المسنجر ! مع تحياتى للمتداخلين فى هذا البوست الظريف .

هشام العزيز تحياتى

زمان الشاعر اسماعيل حسن انتقد الحقيبه وقال ده كلام حسى ساكت

ومبتذل قام الشاعر محمد ودالرضى رد ليه وقال ليه:



شعرك يا اسماعين زى ماعون مغطى ويابس

ودميم الخلقه ما بسترن معايبو ملابس

ما تصل الحقيبة بجيك بوجهى العابس

الحقيبه كالظل والظل ما بندفن ما تبقى مخك كابس

سوف اتذكر ليك بقية الابيات

يا شباب يسلم عليكم سيد البوست وقال ينزلوا ليكم دى


ضامر قوامك لان الشاعر ابوصلاح
___________________________________

ضامر قوامك لان قلبك قسى وجافيت ليه يا جدى الغزلان
____________________________________

اسهرت جفنى ملان يزرف دمع نازل كالمزن فى الهملان

مابصح عليك يا فلان طرفك دوام ناعس وانا طرفى ما غفلان
_______________________

اظهرت شكلك بان كوكب منير اشرق من فوق لغصن البان
كم ليك محب تعبان درب العشق ساهل ودرب الوصال صعبان
_______________________________

كالظبيه فى اللفتان اما الخديد ناعم زى زهرةالبستان
تجد الطباع امتن وحسن بديع رائع منظر جميل فتان
_________________________

لا يحصى وصفو لسان وجهك بدر كامل ومن البدر احسان
ما قصدى فيك لمسان ومقصودى بس شوفتك لا تضيعنى يا انسان
__________________________

القمرى فى الاغصان ذكرنى الفاظك وقلبى انطرب فرحان
يتوارى لى لمحان بروق درر فاهك والراح والريحان
________________________

ليه كفك يتحنن وليه قلبك القاسى ما فيهو لى حنان
يا الراقص الفنان حبك ملك قلبى وجننت عقلى جنان

اعتذر لجميع الأخوة المشاركين هنا عن عدم تمكنى من الدخول لهذه الصفحة الا بشق الأنفس ، وانا غير متأكد الآن ان كنت سأتمكن من وضع هذا الرد ، على كل لنا عودة ، وساعدونا يا جماعة بى دفرة لحدى ما نذهب الى صفحة ثالثة ولكم حبى وتقديرى

ذات مزاج رايق كتبت تعليق طويل ، لكن هبشت مفتاح غلط الموضوع كلو طار تاني ما بقدر أكتبو لكن بقول ليكم زبدتو.

لا ينكر إلا مكابر ان الحقيبة تحتشد بالقول الحسي
، وإذا قلنا ان الأغنية شعر ولحن والشعر حسي يبقلى لازم يكون اللحن معبر عن هذا
لو تأملتو اللحن حا تلقوهو حسي تمامآ ، وإنتبهوا لي هوي ياليلة الله هوي ياليل هووووي والتسارع والحماس الذي يحدث قريب النهاية ثم النهاية حينما يخمد كل شيء وتنتهي الحكاية بنقرة على الرق { كو }

يا ناس هوىىىىىىىىى
سلام عليكم
دى اول مشاركة لى
دخلت طوالى توووووووش
موضوعكم جد حيوى
صدقونى حأجيكم راجعة تاني
وكويس أني بعرف الطيب برير جدا جــــــــــــــــــــــــــــــــــدا

تم فتح هذه الصفحة بأعجوبة ، وما زلت آمل أن تفتح صفحة ثالثة لزوم المواصلة ، على كل هاكم دى تصبيرة :

الناحر فؤادى مولع جوفى حر
أضرم نار وجدى نسام السحر
الكتف المهدل والجسم انبتر
والغيم المزمزم والصاد والتبر
والضهر المتنى والتيه يا الابر
دا الخلانى ساهر ماء عينى تبر
لاحم كتفه كفله ماج جيده الوفر
عمعم ديسه درعه فى بعضه انضفر
حاكى الغيم تعرجن يا غالى النفر
قول للوزة غورى فى عينك ضفر
ما أطراك حبيبى الا وقلبى فر
اتلظى واكظم الغيظ الوفر
ينعش روحى طيبك لو بدرك سفر
زى ما بى تفعل ذنبك مغتفر
شاغل غير شواغل بى سوحك مرر
على أسمعن من فاهك درر
من فولاذ قليبك وكبدك من حجر
ما أحلاك عندى إن زر أو هجر

ود الرضى