اعتذار حول بوست حقيبة الفن

أشكر الأخوة المداخلين والمشاركين فى الصفحة الثانية من بوست الحقيبة ، والذين لم أتمكن من رؤية ما كتبوا منذ ثلاثة أيام مضت ، والسبب يرجع للنظام الداخلى الأمنى للشركة التى أعمل بها وأكتب منها ، ويوجد لديهم شبكة ضخمة محاطة بكمية من السيكيوريتى والفاير وول بروقرامز ، مما أدى الى فصل الانترنت كلما حاولت الدخول الى الصفحة الثانية من البوست ، ويبدو أن السبب وجود عدة أغنيات فى هذه الصفحة ، وحيث أن الجهاز الموجود معى فى المنزل معطل فسوف أضطر للرد مساء من احدى المقاهى العامة ، فعذرا على تأخير الردود عليكم وعدم المتابعة الغير مقصودة ، علما ان لدى الكثير المثير الخطر الذى أرغب فى اضافته وعلى وجه الخصوص المكالمة المطولة التى استمرت زهاء الساعة مع المبد العملاق عوض بابكر ، حامل راية حقيبة الفن ، والشكر موصول للعضوة النشطة الزميلة لنا مهدى لموافاتى برقم هاتف العملاق

والى أن نلتقى هنالك ، أتمنى لكم أفرى نايس ويك إند

يا زووول


الله بيسالك ...

حسع كلامك ده يستاهل ليهو بوست كااامل طويل وعريض ..؟؟؟

والله يازول انا كنت قايلاك بتعتذر عن عنوان بوست الحقيبة لانها ما بتستاهل

اخى الحبيب يا زول
والله الموضوع ما بحتاج شكر و ما بيناتنا و متاكدة ان عوض بابكر سيكون اضافة حقيقية لنا هنا و خاصة لعشاق الحقيبة واتمنى انو تكون قضيت ويك اند رائع جدا

هشومه ود الشيخ ازيك يالذيذ يارايق

هوشي منة آل الشيخ..

الشوق بحر يا مان

ؤكنت متمني شوفتك امس .. بس حبسني القوي

شنو ياخي يعني علا نشرك ليك بالشربوت تاني..؟

سلامات يا خال

يعنى يا خال إنت بتعتزر للناس لأنك ما قدرت ترد عليهم فى اليومين الفاتو ديل! طيب يعنى الناس ديل لو دقيتكم حتعمل ليهم شنو? تدفع ليهم دية? ياخى إنت راجل إجتماعى جدآ، تقبل أحر تحياتى

samo
ايوه بستاهل لأنى بكتب لى ناس محترمين جدا وحرام اخليهم خمسة يوم بدون رد وبدون حتى كلمة اعتذار لتوضيح الأسباب ، ولا انت شايف غير كده؟؟؟

Tumadir
من جد ما قادر ادخل على البوست بتاع الحقيبة حقى من خمسة يوم وما عارف الناس قالوا شنو هناك وعندى كلام كتير عايز اقولو ليهم ، اما عنوان البوست فأنا وضحت رأيى فيهو وفى الحقيبة داخل البوست نفسه وهو ما محتاج اعتذار لانهم زى ما قالوا (الحقيبة ليست فوق النقد) وبالمناسبة انتى مالك ما شاركتى هناك ، ولا مكجنة الحقيبة؟؟؟؟

lana Mahadi
تزيدى كل يوم عظمة زى ما قال الخليل ، تحياتى للأخ يعقوب وللأسرة الكريمة

فرح
يازول الجابك بى جاى شنو؟؟؟؟ اصلو ما معقول ، لا دى مفاجأة عدييييييل كده ، مرحب بيك فى سودانيز أون لاين

طيفور
حبيبنا وقريبنا الشوق ليك بحر عديل كده وحرستك للساعة واحدة صباحا وما جيت ، ما عارفك لذيذ زى شربوتك

Unabomber
هم ديل بتدقوا لى ياخ ، ديل مصارعين عديل كده ومن الوزن الثقيل ، يعنى لو شفت أساسى تقوم جارى براك

تسلم يا يونا بومبر ويديك العافية ، مشتاقين ، تلبد سنة وتظهر لحظات

يا زول راجينك والتكل عليك يا ود جبريل
هـــــاديه..

هادية ، ذكرتينى (جميع الأغانى تكالن عليك)

تسلمى يا هادية وفى مفاجآت كتيرة فى بوست الحقيبة ، بس شبلى الصبر