أساسى نشيط نشاط التقول ود أبرق

الشى شنو يازول ، والله يا جماعة نشيط نشاط التقول ود ابرق ، كان رفعت حجر تلقى بوست لى أساسى ، وكان فتحت أى منبر تلقى بوست لى اساسى أو رد فى بوست كاتبو ، الشى شنو يازول؟؟؟؟ الشى ود ابرق

لا حولالالالالالالا ، الزول اصلو ما بيتلحق ، كان جيت ترد عليهو تلقى عشرة بوستات اتفتحت ، والعجب راسو كبير ومليان ملى ، ورغم الظلامية الظاهرة على آخره ، لكنك بتستمتع بى سخريتو ولماضتو ومشاغبتو الفظيعة ،

غايتو نشاط زى ده أصلو ما سمعنا بيهو ، بس التقول صاقعة ، فجأة تلقاهو ناطى ورادى عليك ، شى فظيع فظيع ، جنس ده لا حكوا لينا بيهو لا سمعنا

الشى ود أبرق

ملحوظة : عينى باردة

اها لحقني الرقدو هاهاهاهاها
الاخ يازول
انت حتأر فيها علي قول المصرين
صديقي اليوم خميس لذا يكاد لا يكون هناك عمل في الشركة وهو اليوم الذي اسميه يوم البوردات العالمي
اما عينك باردة دي فعينك فانا عارفها كويس
قبل اسبوع قلت لي انت ناسكم ديل ما عندهم ليك شغل
والل نفس اليوم جابوا لي ثلاثمائة وثمانية عشر قيد محاسبي في السابق كنت اقيدها هذه القيدة علي ثلاثة او اربعة اشهر
وتقول لي عينك باردة باردة وساقطة مندية هاهاهاهااههاها
لكن المرة دي ما اتوفقت فيها بالتشبيه بود ابرق لانه مافي علاقة بين حجم ود ابرق وحجم الترسانة الاساسية هاهاهاهاهاها
كان تقول لي الشي ابو رجيلة تلقاهو في كل محطة ولا الشئ امجاد هاهاهاهاهاها

من ناحية تانية
الشئ رادار
ما مخليني في بورد هاهاهاهاها

الغزالة

والله يا زول بقيت لي في خطراتي
هههههههههههههههه
اعمد تصادم تانيولا شنو
تصادم القدام الكبوت
ما تصادم بنية
هاهاهاهاها

بس الشي الأنا عارفو ...
إن أساسي ما متزوج!!!!

المتزوجين عندهم حد إتماني في الكتابة ولا شنو يا اهل العوض

لا حد ائتمانى فى نط الضهر

هو يا أهل العوض جنو ينطط فى الضهر ليه؟؟؟؟؟

ما بفتر؟

يا زول شكله الليله الخميس خميسك

اوع حدك الاتماني كمل

هاهاهاهاهاها

عشان كدا قمت تأُر علي اولاد ابرق

قال قول ابو رجيله......قول امجاد....يا اساسى



تمها وقول هوستن مركب (كــــــــــوز)