يا سجيمان ده شنو ده البتسوى فيه ده؟؟؟؟

أخوى الحبيب سجيمان (دكتور عادل)

أمبارح فرحت فرح شديد لمن شفت الموقع الجديد بتاعك فقمت على طول دخلت وسجلت بى اسمى المعروف للناس يازولyazoalيازول فجاتنى رسالة بتقول أن اليوزر نيم ده مستخدم ولا يمكن التسجيل به مرة أخرى ، فاتخلعت أول مرة وبعدين قلت يمكن امكانيات موقعك لا تسمح بوضع اليوزر نيم بالطريقة بتاعتى دى (عربى وانجليزى) فسجلت تانى لكن المرة دى بالانجليزى بس فاخترت yazoal yazoal مرتين على التوالى فقبل موقعك هذه المرة ودخلت على طول ونزلت بوست أبارك ليك الموقع وشرحت ليك فيه الحصل

أها يا شقى تعال شوف الحصل معاى الليلة الصباح ، قلت أدخل عادى كعضو وأشوف الموقع وأطالع الردود ، فكتبت اليوزر نيم حقى ودخلت الباسوورد صاح ، جاتنى رسالة على طول تقول لى الباسوورد غلط ، فقلت الغلط مردود واتأكدت من وضعية الكابيتال وحاولت مرارا وتكرارا وكل مرة تجينى نفس الرسالة

أها يا خوى دحين واحد من أمرين يا اما تبقى راجل وتصلح لى الوضع ده وتشطب كل الزيلان العندك أو ياخ شوف لى طريقة من عندك ، وفى الوقت نفسه فأنا من الآن غير مسئول عن أى حرف يكتب فى موقعك بهذه الأسماء وأرجوك أن تعلن هذا للملأ حتى تبرىء ساحتى من أى تلاعب قد ينجم عن ذلك

وبرضو بقول ليك مبروك الموقع الجديد يا منقه

أخوك هشام
أو
يازولyazoalيازول
أو
yazoal yazoal

يا هشام

المشكلة مو مني.... المشكلة من المقاول.....انا زاتي امبارح.... شايل مفاتيحي و...كشلو كشلو...ماشي ادخل السايت حقي....قدر ما دخلت مفتاح ابى يفتح.....في النهاية نطيت بالحيطة...ودخلت ...لقيت السايت جايط....ولقيت لي ناس قاعدين في الضل ويلفو...ويلفو ...ويدورو......دا حين اصبر معاي لمن يجينا اخونا انور كينق....ويورنا الحل شنو....وعليكم الله الناس المسوين لنا عمل ديل... يفكوهو... وخصوصا بكري.....

مكرر

نفش السي
بس أنا مسعلتي بسيطة شوية ...
يعني رضو يسجلوني
لي بعدين ما قدرت أدخل ..
قلت إمكن عندهن كلام سر ..
أن نمشي وأجي مرة تانية ..
بس ما مشيت مرة تانية

برضو مبروك يا دكتور .. بقيتو تخوفو يا الدكاترة .. منكم جفلة

هشام
هو سجيمان سوّا ليهو موقع ، والله الدنيا هاملة ،، واللغة المستعملة في الموقع شنو ؟
برضها لغة الرباطاب ؟
سجيمان
سجلني في موقعك ، ونط بي فوق بدلا مني ، أنا كبرت ما بقدر أنط ..

إن شاء الله بركة سيدي الحسن ما يفتح كلو كلو .. إلا لمن يجوه ناس دايرين يدخلوا. شنو يا عادل .. ورينا موقعك ده عنوانو شنو .. وجنسو شنو؟ الشنينة الـ تخليك إت وأم الخير تعركوا في جلدك ليل ونهار. شوف الجنَى المطرطش ده خلّى محاحاة القٌراد ومشى يساكِك في الانترنييييييت. يسكك الكلب الـ يقطّع عراقيبك .. راجيلك الله. وبالمرة كدي .. يقطع عراقيب يازول يازول وأهل العوض كمان .. زيادة خير.
أنا ماشي أشوف لي شاي لبن أعدل بيه راسي ده. أها مالك؟ مستكتر علي اللبن؟ تلِب إيدك سعران.

Shinteer

Quote: أها مالك؟ مستكتر علي اللبن؟ تلِب إيدك سعران.

سلامتي.... ان شاء الله الما بيشترك في البورد حقي

ود قاسم

Quote: برضها لغة الرباطاب ؟

ايوا بي لغة الرباطاب.....مالا؟...قاعدة تعضي

... عشان خلينا الانكليزي وقلنا نتفاهم معاكم؟

Quote: المشكلة مو مني.... المشكلة من المقاول.....انا زاتي امبارح.... شايل مفاتيحي و...كشلو كشلو...ماشي ادخل السايت حقي....قدر ما دخلت مفتاح ابى يفتح.....في النهاية نطيت بالحيطة...ودخلت ...لقيت السايت جايط....ولقيت لي ناس قاعدين في الضل ويلفو...ويلفو ...ويدورو

يا سجيمان ضحكتنى لمن دموعى جرت
انت بتجيب الكلام ده كيف؟
اها دايرنى اعملها تانى و اديهم اسم الموقع؟

مبروك وبخيت ياسجيمان ..
بيت مال وعيال ..وان شاء الدار
ترحب بيك ..لامن بجي عليك بخروفنا..



هي ياهشام دحين البوست ده هولك..
لكن مافي عوجة الحالة واحدة ..يعني
لو الواحد بارك لي سجيمان من بوست
ود خالتو وكدة...
التحية لكما...

ياحباني من شابه اباه فما ظلم بورد سجيمان اليوم اصبح متسجم

حاجة دومة

Quote: بورد سجيمان اليوم اصبح متسجم

ابدا يا حاجة.... اول ما بدا .... بدا زي العجب... لكن عين سودا ولمت فيهو

مريم الطيب

Quote: ترحب بيك ..لامن بجي عليك بخروفنا..

شنو؟ لا انتي لا الخروف مافيكم زول ظهر

النصري

Quote: اها دايرنى اعملها تانى و اديهم اسم الموقع؟

اديهم يا النصري......اصلها البقت ..بقت

سجيمان
كده قبال ما تدينا عنوان الكافتيريا السياحي بتاعت دا
قول لي الدخول بالبطاقة ولا بالجنسيه ولا بالواسطة
اصلو انا ماعندي ولا واحد فيهم
اه اتذكرت
عندي ورقة نصم فيهو العمدة بتاعنا ينفع

بلير

Quote: اصلو انا ماعندي ولا واحد فيهم

الدخول بي سااااااااااكت...وعندك كمان كباية شربات اكرامية

والله يا سجيمان أخوى ما دام اصلو الحكاية سجمانة ورمدانة من كبارا فمافى مشكلة بس قعدت أضحك لمن قعدت أقرقر وعيونى رقرقت خصوصا من مشاركات الأحبة أهل العوض وشانتير وبت خالتى السمحة مريم وحاجة دومة وبقية العقد الفريد ، علا حارسك تدينى آخر كلام

موقع عاملو سجيمان ؟

وبيكتب فيهو اهل العوض

وشنتير يحاحى داير يشترك فيهو ؟؟؟


آ ناس والله دى سماحة ما بعدها سماحة


ورونا دربو بى وين . ما حا اشترك لكن داير استمتع بس

اصلى فتشتو تبنى لبنى ما لميت فيهو

اسمعنى يا سجيمان ما بلقى فيهو غنا ود السافل وخلف الله حمد ؟

Quote: لقيت السايت جايط

زى ده طوالى "تقطع راسو" وتسميهو السايط...


مبروك امانة زنقة السايط ما حاره..انا ضايقاها فى سايطى البسوى لى فيهو ابو امنه..ها دى.. سنه للحول..

عجبنى وسرا بالى يا دكتور وعقبال تسوى ليك دفار كمان وترجع اهلك

طبعا انت بوم ساكت واخوك ابوم منك مرتين دحين اركب ياتو باص عشان

اصل موقعك ده وابارك ليك وكان بوامتى فكتنى شوية ووصلتك تبقى

الصداقة قرابة ونكسب الودين وكان ضهبت ماتنسانى من صالح البوستات

ونتقابل فى البكان القديم ده وفى الحالتين سلمت،،،،،

يا تماضر الناس كلها عندها (سايت) الا أكان سجيمان عندو (سايط)

هى يا سجيمان هو انت رباطابى ؟؟؟؟؟؟؟؟؟ اتارينى اقول الفصاحة و (الظرافة) دى انا شايفاها وين !!!!!!

المهم امبارح و لا اول امبارح ما بتزكر اديتو طلاية كدة لكنى اسى ح امشى اديهو واحدة تانية عشان خاطر طلعت ود عمى و كدة

Al7abeeb, يازولyazoalيازول
I cant find Your username there???
can You please register again...
Thanks
AnwarKing