Post: #1
Title: نحن العبيد ديل أصلو ريحتنا كده
Author: يازولyazoalيازول
Date: 05-20-2004, 10:46 AM
Parent: #0
أبو اسكندر أشطر كهربائى فى جدة يرجع أصله لجبال النوبة ويمتلك ورشة كهرباء كبيرة وله زبائن كثيرون ، بعد صلاة العشاء ينتهى العمل فى الورشة ويمارس بعدها أبو اسكندر نشاطه الاجتماعى المتميز ، فهو اخو اخوان وداره عامرة بالأصدقاء والأهل والحبان ، أبو اسكندر طويل وعاتى وله صوت جهورى ويحب معاقرة (العرقى) لحد الجنون ، كان فى سهرة يوما ما مع أحد أقربائه ولما اكتملت السهرة وبلغت النشوة حدها خرج الى الشارع العام بعد منتصف ليلة جداوية ليوصل صديقه الى الشارع العام ليؤجر له تاكسى ، وعند بلوغهم الشارع العام استوقفتهم سيارة شرطة ، كانت قد شكت فى سحناتهم السوداء وطريقة ترنح خطواتهم ، فاقترب الشرطى من أبو اسكندر كثيرا ليشم رائحته وعرف أنه سكران ، فقال الشرطى لأبو اسكندر ، وكمان سكرانين؟ ، فما كان من أبو اسكندر الا أن رد على الشرطى وبسرعة بديهة فائقة ، وقال له ، لا يا جنابو نحن ما سكرانين لكننا نحن العبيد ديل أصلو ريحتنا كده ، ولو ما مصدقنى شم أخوى ده؟؟؟؟؟ فانفجر الشرطى ضاحكا وسمح لهم بالانصرف.
|
Post: #2
Title: Re: نحن العبيد ديل أصلو ريحتنا كده
Author: ابو جهينة
Date: 05-20-2004, 11:01 AM
Parent: #1
هشام
ضحكت هذا الصباح رغم الجو الخانق .. ذكرتني بواحد قريبنا كان عايش طول عمرو في مصر و رجع السودان ، و في ليلة أسقوه ( العرقي ) و ختموا القعدة بصحن ماكن من التركين المترع بالشطة ، فذهب زولنا و فتح المروحة و رقد و الغازات تداعب بطنه ، و لم يتوانى عن إطلاق زخات متواصلة منها فعبقت الغرفة بمزيج من تفاعل التركين و العرقي و الشطة ،، فدخل عليه أحد برابرتنا و قال له : إنت طلعت غازات ؟ فقال له و هو يتلوى : آآآآآآآه ، يعني ريحتي كدة ؟ تسلم
|
Post: #3
Title: Re: نحن العبيد ديل أصلو ريحتنا كده
Author: Ibrahim Algrefwi
Date: 05-20-2004, 12:43 PM
Parent: #1
عمو هشومي اذيك
لكن القصه ما كده اقيف اوريك بتنتهي كيف
فانفجر الشرطى ضاحكا واعطاهم صرتان من الدراهم والذهب وعقالان
ثم سمح لهم بالانصراف وعقي عنهم
صاخ ولا لا ؟
|
Post: #4
Title: Re: نحن العبيد ديل أصلو ريحتنا كده
Author: يازولyazoalيازول
Date: 05-22-2004, 11:28 AM
Parent: #3
أبوجهينة شكرا على الاضافة
أبراهيم الجريفاوى يا لذيذ يا رايق ، انت قايل دى حكاية من حكايات ألف ليلة وليلة ولا شنو؟؟؟
|
Post: #5
Title: Re: نحن العبيد ديل أصلو ريحتنا كده
Author: شرير والبرتقاله
Date: 05-22-2004, 11:40 AM
Parent: #4
صباحاتكم بنكهة قشر البندق
اتاريني اقول الليلة البوست اقصد البورد دا مالو ريحتو كده .. ترمي الصقر
وبقصد العرقي وما بقصد حاجة تانية ياشرير
|
Post: #6
Title: Re: نحن العبيد ديل أصلو ريحتنا كده
Author: omar_ragab
Date: 05-22-2004, 04:42 PM
Parent: #1
loooooooooooooooooooooooooooooooooooooooooooooooooooooooooooooooooooooooooool hhhhhhhhhhhhhhhhhhhhhhhhhhhhhhhhhhhhhhhh very funny tsalm hbiby hbiby ustaz hisham hhhh wlalhi d7ktni hhhhhhhhhhhhhhh slami lai almdam pls love uuuuuuuuuuuuuuuuuuuuuuuuuuuuuuuuuuuuuuu
|
Post: #7
Title: Re: نحن العبيد ديل أصلو ريحتنا كده
Author: ABUHUSSEIN
Date: 05-22-2004, 11:08 PM
Parent: #1
الأخ هـشـام كـيـف الحـال
سمعت بي قصة أخونا من أهل الجنوب في مكة ؟؟؟؟
واحـد من أهلنا الجنوبيين في مكة بجي لي أصحابوا بلعب معاهم الكوتشينة و السهرة قد تمتد لغاية الساعات الأولى من الصباح المهم الجماعة بلعبوا في الكوتشينة و الساعة إتنين و نص تلاته بدوا إتخارجوا المهم يا زول أخونا الجنوبي طلع من البيت لقى ليك واحد من الجماعة اللي كانوا موجودين واقفين معاه بتاعين الشرطة و ضاربين معاه الغلبة الراجل مقيم في الرياض و ما معاه خطاب تنقل أيام خطابات التنقل أخونا الجنوبي شاف المنظر و عرف الراجل جاء لقى العسكري ماسك إقامة الراجل و بنهر فيه و أخونا الجنوبي ماشاء الله طول في عرض قام مسك ليك يد العسكري و قال ليه
فـي سـنـو ؟؟؟؟
الراجل قال ليه و الله يا خي الناس قالوا لي ليه ما شايل معاك خطاب تنقل
أخونا مسك الإقامة من العسكري و مداها لي الراجل و قال ليه أمشى و عاين للعسكري بي تحميرة قوووووووووية و قال ليه
دا وقت تفتيس ؟؟؟ يالا أمشى
أخونا ما قال و لا كلمة دور عربيتوا و مشى
|
Post: #8
Title: Re: نحن العبيد ديل أصلو ريحتنا كده
Author: يازولyazoalيازول
Date: 05-23-2004, 08:53 AM
Parent: #7
شرير والبرتقالة عمر رجب أبو حسين
تسلموا يا أحبة على الاضافة ، وتحية لأبوحسين على اضافة خطاب التنقل والجنوبى الذى قهر الدورية
|
|