يوميات عائد من الغربة- فتة فول، كهرباء قاطعة، وبحث عبثي عن الجميلات #

︎ على الرحب و السعة زيزو
ي زول يا ظريف وأكل كان رغيف و ضارب تكييف
▪️︎ كان منى العبن لوخلوك يومها توصلنا تكسر معانا كرونة هناك
أهو الحال من بعضه شهبنا تلاقينا نعديها بي بليلة مباشر ولا
ضبيحة مكاشر؛ و أهلنا قالو <<زاد الحبامدن ليو بكان>>
عمومن تعاك وكتين الله جابك يجيب حبيبو ود اللمير عقابك:
ليه غبتي يا القمرا نركب جياد الليل
ينشرَّا بينا صباح سفـتـــر العتامير ليلْ
نرجاك في المطرة ارجع تعال يا شليلْ
درع الأميرة سرق سووهو حدوة خيل
بحر العطاشة نشف نشرب بواقي السيل~
صد لي ملامحك يا حراز ريح العوارض غربتْ
فرتق ضفايرك في الرزاز جية العصافير قربتْ.
*ود الح ي ش ان التلاتة

بصراحة يا زيزو جاييك بي نفس فاتحة
كانت قافةل طرشة ليها خرتمية سنة، جيتك دي
ليها سخر عجيب يسل الكشمة بي زردية بمنقاش متل
عينة سمكة دانكسيت مدفنشة في كراع تربال. ظلاع نخل.
<> بي الموناصبة ال VXR تخيل لم يكون راكباً واحد من إياهم
رفقة ذوي حظوته يا دوب مارقين من سيدة صنهوري تبابدولن
القفشات و مسوح دهن العود و العنبر من عبد الصمد القرشي
و بتيختان صيفيتان حلا و حمار تتوسدان المقعد الخلفي
و تشدان حزام اللمان ارم قدن يا جنا ورا مأمن.
<> يلا بعد البشكتنة الحصلت في منشية البكري
و بي فلاش باك هوليودي ، نرجع بيك ليوميات أخينا داك
[} في موقف ميدان جاكسون
{1,2,3،،، { ستوب! يلا ، أكشن}:-
[} هناك حيثُ إنو (الرجال مواغف) تستفحل
حالة الاندهاش لدى صاحيبنا الراوي المرطب وسط
حلقة ركن نقاش بيظنطي د و مثير للكوامن ، حتى كاد ينسيه بين
جوقة صوفي ة مستكنحين من جهة و شيخنا التفتفاف أبي بكر آداب جهة
مشهد يندى له الجبين ، جدير الواحد تُلغي له كافة مشاويره الگانت مهمة ؛ حيث بدأ
دوران سجال عفوي آخر ساخناً بين شلة خريجين عواطلية كل من نسرين/ ست الشاي من
جهةو هي تشكو مر الشكية من هبَّود النيران يتطاير من منقد نار نيفين/ ست الكسرة بجواره:-
- تتنحنح نيفين و هي تدير ظهرها لنسرين ، و كأنها تطلب المدد من أخينا النقلتي / لؤي:
- تحين ماك سامع يا باشمهندس لماضة الشويفعة مقصوفة الرقبة الما قامت من قنيطة الواطة
دي، اسمعيني هييي أنتي يا بتاعة الجغاريف المهببة يا بايرگس في سوق العمل لا شغل لا مسغلة.
- هنا تنبري لها نسرين بنبرة متصاعدة الحدة : و مالن كمان الجغاريف يا زولة ،ما أخير من
ماستر انثربولوجيك الفشنك شايلاه وحايمة بيهو ليكسنين و دنين، لمان استقر بيك المطاف
معانا هنا بين تلاتة لدايات ضبان جلدك مابيكي و كناتيش ملحاتك المساخ ديل.
<> ثم يأتي دور وصلة الصرماتي / لؤي ليقول ليهن أي حاجة متظاهراً بنيته
لفض اشتباك روتيني، لكنه بي تحت تحت شايوف شيق و مسلي جداً لدرجة يتمني
في قرارة نفسه أن لو لا ينفض سامره أبداً ؛كفاية يطرد خلوف الصيام
عن الكلام المستباح فقعد يسويلن في شغل المديدة حرقتني) :
- يا نيفين ياختي كولنا هنا في الهوى سوا سوا و ما ف زولن و لا زولة أحسن
من التاني ؛ لكن حاجة نسرين دي بس سرها باتع و سلمه حامي لسانا متبري
منها ، و مافي زولاً كدي سلم منو, برضو شايفاً أمس تهابش في أخونا دكتور
نزار كرهتو العيشة،( و من هناك يطل نزار العتالي) ، ثم يسترسل لؤي :

- أهو طرينا القط جانا ينط ، يا دكتور ياخ شن جابرك على الشلهتة دي ،
ما قلنا خليك منطقي شوية ، و شوف ليك شغلانة تكون مقاربة ساي، متششربك ليك
اللختصاسات ، ياخ إن شاء الله جزار، ولا حتى بتاع أقشي ،المهم أي حاجة في أي
حتة يكون ليها علاقة بالبيطرة بس ولا نوع من ممارسة علوم التشريح تقضي فيها
بقية عمرك الشقي . (يشم نزار ريحة التشفي في نبرة صوته:-

<> يعني عاجبني و الله أنت يا سعادتك المتخرج لي مهندس رزاعي قد الدنيا؛
و يا أرض اتهدّي ماعليگي قدي؛ و كمان متخسس ري متنزهات و حدائق
عامة ، Landscaping ، يعني؛ و برضك ما لقيت علا بس شغلانة النقلتية
والورنيش المهببة ؟! نهارك كلو تصارع في النعلات فيا سبحان الله ياخ!

- ياخي و الله نصيحتي ليك لوجه الله و قالوك متخرج قبلك بشهر أعرف
منك بي دهر , بعدين تعال هنا مالا كمان الصرمطة ، ماك سامع بدلعوني يقولو:
مهنس "جزم". يعني برضو العرجاء قالو مصيرا تعوقب على مراحها ؛ متلما
يرجع گلب مسعورٌ في قيئه، و كما يعاود محترف إجرام و مرتاد سجون
الگرة گرتين إلى أول مسرح لاقترافه أولى جرائمه المنظمة!!