خليني أقول أو أحكي عديل وأفضفض عن قصة "إِنْ عاشْ" أنا كنت بحب النَّخَلَة عَفاف السمحة الساحرة عيون الكون البِتْ الساكنة حروف الشوق بجنون السايقه نجوم الريد بِجَمال البِتْ الرايقه بُحَيْرات ذوق النادرة ضِفاف وانا كنت وحيد مجنون بالحيل في الجزء الغائِم بين الحِلَّة النايرة والشارع الفاصل والدُّكَّان كنت بحب صَفْوَةْ إنسان ما همَّانِي عِشِقْتَها كيف ومتين فالقلب العاشق ما بِنْحاش وغِرِقْتَ بعيد في سَفَر مليان ظُلْمَه وتشريد محطَّات ما فيها أمان كانت غيبوبة حب سَرَّاقه خَلاص مَرَّتْ أعوام عَدَّتْ أجيال في مسلسل حافِي فُصُولو سراب دِي حِكايةْ قلبي طريد الشوق دي حكاية زول مكتوبه عليهو مسارح حب بخطوط الصدفة في غُرَف معزولة بصوت نَوَّاي وقِليب فاقِد مُسْتَّنِي نشيد فَجر الإِنعاشْ
عبدالماجد موسى/ لندن
07-27-2026, 05:53 AM
عبدالماجد موسى عبدالماجد موسى
تاريخ التسجيل: 10-10-2005
مجموع المشاركات: 690
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالماجد موسى
فيس بوك
تويتر
انستقرام
يوتيوب
بنتيريست