Quote: هيئة حلمنتيش العليا - دنيا وناس Sudania 24 TV Sudania 24 TV 869.000 Abonnenten
Abonnieren
80
Teilen
Speichern
7.734 Aufrufe 22.10.2022 #سودانية24 #s24 #بلد_في_شاشة هيئة حلمنتيش العليا - دنيا وناس 22-10-2022 تقديم: عماد البشرى الضيوف: د/ نجم الدين محمد الأمين - أمين عام هيئة حلمنتيش العليا محمد الجاك الصراف - رئيس هيئة حلمنتيش العليا م. منفل النور بخيت - عضو هئية حلمنتيش العليا
06-04-2026, 11:09 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 52785
القصيدة للشاعر الحلمنتيشي جاغوم بن بلاع ، وهو البروفيسور محمد أحمد اسماعيل عليه رحمة الله.
Quote: درر من الشعر السوداني [2014] من روائع الشعر الحلمنتيشي.. محمد الجاك الصراف الاستيكية الشاعر كان في مكتبة الاقتصاد بجامعة الخرطوم.. قعدت جنبو بت حلوة.. احتاجت استيكة.. قالت ليهو "تسمح؟" قبل ما يرد.. شالتها.. استعملتها و ختتها فوق منديلها و جاء الهواء كفى المنديل على الإستيكة.. لما جات تتطلع شالتها مع المنديل و دخلتهاجوة شنطتها و مشت الكافتيريا وجات راجعة.. فقام كتب ليها ....
قال تسمح؟ و كيف يا الحلوة ما بسمح؟ أصابعي العشرة تكتب ليك و قلبي أبقيه إستيكة عشان بس للغلط يمسح يذوب بين أصبعين حلوين يتوه وسط السطور يسرح و لمن تنتهي الكلمات يخش الشنطة في منديل و نمشي القهوة نتفسح ------- و صار عاشق يطيع سحرك يجيب الفانتا شان أمرك تختي الشنطة في حكرك وقلبي الدايش وسط منديلل يسكلب ساي يقول يا ليل و جوة الشنطة يتمرجح و ترجعي تاني يا الحلوة و أكون راجيك هناك مصلوب أشوف الناس طشاش في طشاش و أقرأ سطوري بالمقلوب ------- تقعدي و أعاين ليك.. تغمضي إنتي تعايني لي.. أغمض أنا و أعاين ليك.. تغمضي إنتي تعايني لي.. أغمض أنا نعيد الكرة من أول و أعاين ليك.. تغمضي إنتي تعايني لي.. أغمض أنا و أعاين ليك.. تفري البسمة تضوي سنة ------- أحك راسي و أبلع ريق و أتنحنح و أجر الكرسي لي قدام و أرجعو تاااني و أتزحزح و أقول للسمحة لو تسمح ممكن كلمة في زاوية؟ تقول بسمح
------- تقوم السمحة تتلمم و تتبسم و أنا أتراجف.. و أتخمخم و أقوم أفرح و أدق الجيرك و أطق روري و أرمي الكرسي.. أوبس سوري و أقع في الجنبي.. أوبس سوري و أدقش الماشي.. أوبس سوري و جنب السلم.. أوبس سوري
------- هناك في الزاوية نتقعد و أستغفر.. و أتشهد و أشيل أنفاسي.. و أتنهد و أقول ليكي والله و غايتو الزول و الحاصل و في الواقع و ما عارف هه ما قادر أقول ليكي
------- تقول لي هي يا دا و فيها شنو و معانا منو و يخسي عليك و قول يعني هه ما تخجل.. و تتعقد
------- أنا أتعقد؟؟؟ أجر الكرسي أزيد الخمسة تدليكة و أقول ليها وبي صوتا ندي و رايع يفيض رقة و موسيقى من فضلك و أترجاك ترجعي لي الإستيكة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Yasir Elsharif
فيس بوك
تويتر
انستقرام
يوتيوب
بنتيريست