|
|
|
 Re: حرام والله البيحصل للمواطنين ديل (Re: حيدر حسن ميرغني)
|
شئ عجيب غريب بشطب الرأس!!
هل ده وكت عفن كهذا لوماملعوب؟
وهل صدفة وبمثل هكذا بجاحة وقاحة، قوة عين ذات ضحايا محارق الإبادة هم تاني العايشين الجحيم ده المنمطين في الإعلام ك"نقرذ"؟
لو كانو ديل جعل أو شوايقة، كانو بسوو فيهم كده؟؟
خلو موضوع كهذا يتولاه نظام ديمقراطي قومي، في ساعة سلم من خلال نظام قضائي مستقل الحق مكفول ليهو للمتهم يدافع عن نفسو، بالقانون يدوهو وكت كافي يدبر حالو أو الحكومة تتولي مساعدتو عشان يرحل سلميا بي احترام ليهو او لي حقوقو كمواطن كبشر!!
هذا ملعوب!
| |
  
|
|
|
|
|
|
|
|
Re: حرام والله البيحصل للمواطنين ديل (Re: Bashasha)
|
عجيب جدا قوة عين كهذا، لي ذات المرذولين ملفوظين معذبين كفروخ" مملوكين في أقصى الشمال دعكم من الفاشر، لأمثال البرخان بالوراثة!!
ساكين يرجعو من أجبروا علي الرحيل من الخرطوم، عشان يستعملوهم كدروع بشرية في الحرب العبثية دي ضد ثورتنا، واللي رجعو شوف بسوو فيهم شنو!!
| |
|
|
|
|
|
|
|
|
|
Re: حرام والله البيحصل للمواطنين ديل (Re: Bashasha)
|
الاخوان حيدر وكمال ، سلام
هل في دولة في الغالم بتسمح بوجود سكن عشوائي ؟ هل في دولة بتوفر لي شخص مسكن لانو لقوهو
عاملين سكن عشوائي ؟ كان كدة يا كمال ، امشي اعمل قطية كدة في لوس انجلوس واسكن فيها ، بالتأكيد
حيحنوا عليك ويشوفو ليك قطعة أرض فورا عشان تسكن فيها، وإلا انت رأيك شنو؟
| |
|
|
|
|
|
|
|
|
|
Re: حرام والله البيحصل للمواطنين ديل (Re: ترهاقا)
|
| Quote: هل في دولة في الغالم بتسمح بوجود سكن عشوائي |
سلام ترهاقا
المساكن دي ما بقت عشوائية إلا اليوم؟
موجودة من زمان.. ليه يتم إزالتها الآن ؟
قبل ايام عملت بوست عن عسكري جاء يعيد على اهل منزله في العيد
لقاه تمت إزالته. قال عندهم اوراق تثبت ملكيتهم للارض وان السلطات لم تخطرهم مسبقا بقرارات الإزالة.
| |
|
|
|
|
|
|
|
|
|
Re: حرام والله البيحصل للمواطنين ديل (Re: Bashasha)
|
والابشع هو مايدور في هذا الفضاء الجلابي!!
أعلاه لايحرك شعرة في الجلابي خالص خالص!
بيكتفو بالفرجة!
ليه؟
دي نظرتم لي ضحايا قهرهم وبالتالي No Big Deal بالنسبة لأصحاب الحظوة بالميلاد!!
نعم لو قدر للنخاس كركساوي أن يبعث حي، ياتري كان حيقول شنو لو أنا حفيدو بشاشا سالتو؟
قطعا كان حبسخر من سؤالي، وما بعيد طاخ يلصق لي كف، باعتباري قليل ادب لما احتج علي هكذا معاملة لل"فروخ" الما بسوو صرمة قديمة في نظرو الكان هو ببيعم بالاقة لكسب العيش!
نعم حبكون غريب جدا في نظرو موقف أمثالي!!
لهذا الجلابة في هذا الفضاء وكما جد وعيهم كركساوي ولا الزبير ما يحدث لايعنيهم في شيء لدرجة بعضهم علنا بيايد تعذيب كهذا!!
ليه؟
مادايرم في الخرطوم!
لبه؟
حرامية!
مجرمين!
وهو من فرض عليهم هكذا أسلوب حياة!
رحمتك يارب!
| |
|
|
|
|
|
|
|
|
|
Re: حرام والله البيحصل للمواطنين ديل (Re: Bashasha)
|
سلام ياترهاقا:
اثبتا كل شولة من كلامنا!
ولهذا ماشفتك تحتج علي خطاب اهلنا في المظاهرة ديك في دلقو!!
من الاساس هل ده وكت موضوع كهذا والأطفال بيقتلو في المستشفيات بالطائرات؟
لو جرو بيهم من المستشفيات للسكن العشوائي ده من باب النجاة، هل هذه جريمة؟
حياة بشر ابرياء اولوية، ام البناء؟
معقولة؟
للدرجة دي حياة بشر لايعنوك في شي مقارنة بالسمة القانونية للسكن؟
هل ده صدفة، مثل هكذا تبلد احساس ياترهاقا؟
ده ماوكت ترف كهذا اطلاقا!
غير انو هؤلاء الفسدة الفسقة المجرمين كايسين يعملو فكة من بعد الفتنة من الأراضي دي!!
حولا ولاقوة!!
| |
|
|
|
|
|
|
|
|
|
Re: حرام والله البيحصل للمواطنين ديل (Re: Bashasha)
|
بلدينا حيدر
Quote: قبل ايام عملت بوست عن عسكري جاء يعيد على اهل منزله في العيد
لقاه تمت إزالته. قال عندهم اوراق تثبت ملكيتهم للارض وان السلطات لم تخطرهم مسبقا بقرارات الإزالة. |
بالنسبة للعسكري ده ده وضعه قانوني وعنده ما يثبت وليس لاحد حق في إزالة بيته وممكن ياخد حقه ، ولكن أنا بتكلم بصفة خاصة
عن السكن العشوائي الما قانوني والي انتشر انتشار الهشيم في معظم ضواحي العاصمة، والسكن العشوائي ليس محصور في فئة معينة،
مرة سافرت بالعربية من الخرطوم للشمالية ومن طلعت من امدرمان شفت العجب ناس عاملين سياج لمساحات تقارب الفدان وضع يد كدة
،
| |
|
|
|
|
|
|
|
|
|
Re: حرام والله البيحصل للمواطنين ديل (Re: حيدر حسن ميرغني)
|
Quote: من الاساس هل ده وكت موضوع كهذا والأطفال بيقتلو في المستشفيات بالطائرات؟
لو جرو بيهم من المستشفيات للسكن العشوائي ده من باب النجاة، هل هذه جريمة؟
حياة بشر ابرياء اولوية، ام البناء؟
معقولة؟ |
ما عرفت علاقة المداخلة دي بالموضوع ، وما في سكان عشان الناس تجري للسكن العشوائي؟
ام المشتشفى برضو مستشفى عشوائي؟
كلام هردبيس
| |
|
|
|
|
|
|
احدث المقالات بسودانيزاونلاين اليوم
| |
حيدر حسن ميرغني
Bashasha
ترهاقا
فيس بوك
تويتر
انستقرام
يوتيوب
بنتيريست