|
|
 Re: هل يستخدم ترامب النووي (Re: Biraima M Adam)
|
الدب الروسى أدار ضهره للخلف ..
#روسيا تسحب خبراءها... رسالة من 3 كلمات تهز الخليج... اهربوا الآن...فيه أخبار بتعدي علينا مرور الكرام، وأخبار تانية المفروض توقف حياتنا كلها ونفهم كل كلمة فيها.
الخبر ده من شركة "روساتوم" الروسية ببساطة بيقول: "إحنا جاهزين نخلي خبرائنا من محطة بوشهر النووية في إيران فورا".
الجملة تبدو عادية... لكنها في الحقيقة أخطر جملة اتقالت عن الشرق الأوسط من سنين.
دا مش مجرد إجراء احترازي....دي "شيفرة" ومعناها إن الكارثة مبقتش احتمال... بقت مسألة وقت.
تعالوا أفك لكم الشيفرة دي عشان تعرفوا ليه المفروض الكل يفوق دلوقتي .... واضح أن الروس شافوا اللي إحنا مش شايفينه...
روسيا مش دولة صغيرة ولما أكبر شركة نووية عندها و اللي قامت ببناء المحطة بنفسها ...تقول إنها هتسحب خبرائها وموظفيها
ده معناه إن مخابراتهم بلغتهم بحاجة واحدة: "احتمالية ضرب المحطة لم تعد صفر".
دي مش رسالة لإيران أو أمريكا... دي رسالة لمواطنيهم بتقولهم "اجهزوا للأسوأ".
(تشيرنوبل) ل بوشهر مجرد بروفة والناس اللي بتقارن أي كارثة نووية بـ "تشيرنوبل". المقارنة دي هنا غلط.
لأن كارثة بوشهر هتبقى أسوأ بمليون مرة.... ليه
لأن الخليج العربي عامل زي "حوض السمك المقفول". بحر شبه مغلق، الماية فيه بتتحرك ببطء شديد.
ولذلك أي تسرب إشعاعي مش هيتشتت في المحيط... ده هيتركز في مياه الخليج. هيفضل هناك. هيتحول لسم قاتل بيجري في عروق المنطقة كلها لعشرات السنين.
تخيل معايا ما بعد الضربة (الله لا يقدر )
أول ساعة سحابة إشعاعية غير مرئية بتتحرك مع الهوا وبتغطي سماء الكويت والبحرين وقطر والإمارات والمنطقة الشرقية في السعودية.
أول يوم: كل محطات تحلية المياه اللي بتشرب منها دول الخليج بتقفل فوراً....و الماية اللي في البيت عندك بقت سم.
أول أسبوع: السمك في الخليج بيموت بالملايين. أي سمكة بتطلع بتبقى حاملة للسرطان. الأمن الغذائي ينهار.
وبعد أول شهر: موانئ دبي والدمام والدوحة بتتقفل. حركة التجارة العالمية بتتصاب بالشلل. سعر برميل النفط يوصل ل 500 دولار. والعالم كله قد يدخل في أزمة اقتصادية خانقة.
أول سنة: بتظهر آلاف حالات السرطان وأمراض الغدة الدرقية بين سكان الخليج. الأطفال بيتولدوا بتشوهات. مدن كاملة زي الكويت أو الدوحة بتتحول لـ "مدن أشباح" غير صالحة للسكن.الخلاصة اللي محدش هيقولهالك ضرب محطة بوشهر مش مجرد "ضربة عسكرية" لإيران.
دي(( طلـ.قة انـت.ـ حار)) هتضربها إسرائيل أو أمريكا في راس منطقة الخليج كلها.
ولو حصلت تبقي بتمحي تاريخ وحاضر ومستقبل ملايين البشر اللي عايشين هناك بدون ذنب ... وهتحول أغنى منطقة في العالم لمقبرة إشعاعية .
تصريح روسيا مش تحذير... ده جرس إنذار أخير.
بيقول لدول الخليج اللي بتستضيف قواعد أمريكية (الصاروخ اللي هيطلع من عندكم عشان يضرب إيران... هيرجع لكم في شكل سحابة سرطان هتدمركم للأبد.
اللعبة دلوقتي مبقتش سياسة.
بقت بقاء... أو فناء.
واللي بيحصل دا لازم يتوقف فوراً .أرواح الملايين مش لعبة .
والحل في ايد الشعب الأمريكي والإسرائـ.يلي
..
..
منقول.
| |
 
|
|
|
|
عمر التاج
Biraima M Adam
فيس بوك
تويتر
انستقرام
يوتيوب
بنتيريست